Tag: ARY BREAKING
-
الزامات لگا کر اصل مجرموں کو بچانے کی کوشش کی جارہی ہے،الطاف حسین
کرچی:ایم کیوایم کےقائد الطاف حسین نےکہا ہےکہ سرکاری ایجنسیوں اور رینجرز کے چند افسران ایم کیو ایم کےخلاف پروپیگنڈا کررہے ہیں کسی کارکن یا رہنماء کے خلاف ایجنسیوں کے پاس ثبوت ہیں تو وہ ایم کیو ایم کے فرد کوسرعام پھانسی پرلٹکا دیں۔
متحدہ قومی مومنٹ کے قائد الطاف حسین نےاپنے ایک بیان میں کہا ہےکہ پروپیگنڈا کیا جارہا ہےکے ایم کیو ایم کے کچھ لوگ فرقہ ورانہ قتل غارت گری میں ملوث ہیں،آئی ایس آئی،ایم آئی،آئی بی یاکسی بھی ایجنسی کےپاس ثبوت ہیں توسامنےلائے اور ثابت ہونے پر ایم کیو ایم کےملوث افراد کو سرعام پھانسی دے دیں،الطاف حسین کا کہنا تھا کہ اگر الزامات لگانے والےالزامات ثابت نہ کرسکے تو الزامات لگانے والوں کو لٹکایا جائے۔
ایم کیو ایم کے قائد نے کہا ہے کہ فوج اورعسکری اداروں نےجو جہادی گروپ بنائے وہی آج شہریوں کو مار رہے ہیں وقت کا تقاضہ ہے کہ مسلح افواج کےاندرموجود انتہا پسند عناصر کے خلاف کاروائی کی جائے۔
ایم کیو ایم کے قائد نے کہا کہ ایسے تمام مدرسے جہاں نوجوانوں کی برین واشنگ کرکے انہیں دہشت گردی کی ترغیب دی جاتی ہے، ان سے آہنی ہاتھوں سے نمٹاجائے۔
الطاف حسین کا کہنا تھا کہ الزامات لگا کراصل مجرموں کو بچانے کی کوشش کی جارہی ہے،انہوں نے ہمیشہ شعیہ سنی بھائی چارے اور اتحاد بین المسلین کی بات کی ہے۔
-
صدرکادورہ پاکستان شیڈول ہی نہیں تومنسوخی کیسی،چینی وزارت خارجہ
کراچی:چینی صدرکےدورے کی تاریخ طےنہیں تھیں،چینی وزارت خارجہ کا کہنا ہے باضابطہ طورپر چین کےصدر کےدورے کی تفصیلات جاری ہی نہیں کیں۔
اے آروائی نیوز کے پروگرام کھرا سچ میں حکومت کےجھوٹ کاپردہ چاک ہوا،حکومت نے واویلامچارکھا تھا کہ دھرنوں کی وجہ سے چین کےصدرنےدورہ پاکستان منسوخ کردیا اورپاکستان اربوں ڈالرکی سرمایہ کاری سےمحروم ہوگیا۔لیکن چینی دفترخارجہ کے مطابق چینی صدرکے دورے سے متعلق تفصیلات جاری نہیں کی گئیں،چین اورپاکستان گہرے دوست ہیں چینی صدر کا دورہ پاکستان ملتوی یامنسوخ ہونےکاسوال ہی پیدا نہیں ہوتا،
عمران خان کہتے ہیں حکمرانوں نےچینی صدرکے دورےکےحوالےسے ڈرامارچایا، انہونے کہا وزیراعظم اوران کے وزرا اسمبلی میں بھی جھوٹ بولتے ہیں۔
-
لاہورمیں واقع اےآروائی کےدفترمیں نامعلوم افراد کی ٹیلی فون پردھمکیاں
لاہور:اےآروائی نیوزپرمارچ کے شرکا پر پولیس کے مظالم دکھائے جانےکےبعد لاہورمیں واقع دفترمیں نامعلوم افراد نے ٹیلی فون کرکے کارکنوں کو جان سے مارنے کی دھمکیاں دینا شروع کردیں۔
پاکستان میں حق اورسچ کی آواز کو دبانےکی ریت پرانی ہے اور ہربارکی طرح اس مرتبہ بھی آزادی صحافت کے علمبردار اور سچائی کے پاسبان اے آروائی نیوز کو نامعلوم افراد کی جانب سے زیرعتاب لایا جارہا ہے۔
حق اور سچ منظرعام پر لانے اورعوام کوریاستی دہشت گردی کے مناظر دکھائے جانے پر لاہورکینٹ کےدفتر میں نامعلوم افراد کی جانب سےدھمکی آمیزکالوں کا تانتا بندھ گیا، نامعلوم افراد نےاے آر وائی نیوزلاہورکے بیوروچیف سمیت تمام عملےکوجلد موت کی نیند سلانے کی دھمکیاں دیں۔
ٹیلی فون پرنامعلوم افراد کا کہنا تھا کہ اے آر وائی نیوز کو لاہورشہر میں تو بند کروا دیا ہےاب دفتر بھی توڑنے آرہے ہیں۔
-
لاہور:مظاہرین کے گو نواز گو کے نعرے، پولیس کی بھاری نفری طلب
لاہور:ملک بھرکی طرح لاہور میں بھی پاکستان تحریک انصاف اورسنی اتحاد کونسل کے کارکنان نےاسلام آباد میں جاری حکومتی ظلم وستم کے خلاف احتجاج کیاہے۔
اسلام آباد میں آزادی اورانقلاب مارچ پرپولیس کی یلغارکےخلاف لاہورکےعلاقے لالک چوک اور لبرٹی چوک میں پاکستان تحریک انصاف کے کارکنان جمع ہوگئےاورحکومت کےخلاف احتجاجی مظاہرہ کیا،مشتعل مظاہرین نےگلبرگ اورڈیفینس میں سڑکیں بلاک کردیں جس سے ٹریفک جام ہوگیا،کارکنان حکومتی مظالم کے خلاف نعرے لگارہے تھے۔
پولیس نےمظاہرین کو منتشرکرنےکےلئےآنسو گیس کے شیل فائر کئےاورشدیدلاٹھی چارج کیا جس کے بعد مظاہرین منتشر ہوگئے،صدر پی ٹی آئی پنجاب اعجاز چودھری نے کہا ہے کہ کل لاہور سمیت پورے پنجاب میں اسلام آباد واقعے کےخلاف احتجاج کیا جائے گا،اسلام آباد کی صورتحال پر پنجاب اسمبلی کےسامنے چئیرنگ کراس پرسنی اتحاد کونسل کی جانب سے بھی مظاہرہ کیاگیا۔
-
اسلام آباد میں شیلنگ کےخلاف کراچی کےتین مقامات پراحتجاج
کراچی:اسلام آباد میں پرامن مظاہرین پرپولیس کی شیلنگ کےخلاف کراچی میں تین مقامات پراحتجاجی مظاہرے کیےگئے۔
انقلاب اورآزادی مارچ کےشرکاپرشیلنگ کےخلاف کراچی کےمختلف علاقوں میں احتجاجی مظاہرےکیے گئے،نمائش چورنگی پرمجلس وحدت مسلمین کےکارکنوں نے دھرنادیااورمظاہرین پرشیلنگ کی مذمت کی،مظاہرین میں خواتین کی بڑی تعداد بھی شریک تھی،شاہراہ فیصل پرنرسری اسٹاپ پرپی ٹی آئی کے کارکن احتجاج کرتے ہوئے روڈ پرنکل آئےاورنعرےبازی کی۔
کلفٹن کےعلاقے بوٹ بیسن میں بھی تحریک انصاف کےمشتعل کارکنوں نےاحتجاجی مظاہرہ کیا اوردھرنادیا،مظاہرین نےعمران خان کےحق میں اورحکومت کے خلاف نعرے لگائے۔
