کراچی : ٹی وی چینلزکےمقبول ترین نیٹ ورک اےآروائی ڈیجیٹل نیٹ ورک کی آج چودہویں سالگرہ ہے، انٹرٹینمنٹ، موسیقی، خبریں، اسلامی معلومات کے لیےخصوصی چینلز نیٹ ورک کا حصہ ہیں۔
دنیابھرمیں موجود کروڑوں لوگوں کے ہردلعزیز چینلز کےنیٹ ورک اے آروائی ڈیجٹیل کی چودہویں سالگرہ آج منائی جارہی ہے،دبئی سے اپنی ٹرانس میشن کا آغاز کرنے والے اس نیٹ ورک نے اپنی چودہ سالہ جہدِ مسلسل میں پیشہ وارانہ صحافتی اقدار کو مقدم رکھا۔
اے آروائی ڈیجیٹل نیٹ ورک میں اے آروائی ڈیجیٹل، اے آروائی نیوز، اے آروائی زندگی، اے آروائی کیو ٹی وی اور اے آروائی میوزک شامل ہیں۔
یہ ایک اعزاز ہے کہ اے آر وائی نیٹ ورک اس وقت پاکستان میں انفارمیشن اور انٹرٹینمنٹ فراہم کرنے والا نمبر ون اور بہترین ذریعہ ہے، اے آروائی ڈیجٹل پر پیش کیے جانے والے ڈرامے ہرعمر کے افراد میں یکساں مقبول ہیں۔
اے آروائی کیوٹی وی پردعوت وتبلیغ کاعظیم کام ہمہ وقت جاری وساری رہتاہے اور دنیابھرمیں موجود لوگوں تک اسلام کی دعوت کے عظیم فریضے کی تکمیل کی جاتی ہے۔
اس کے علاوہ اے آروائی فلمز ایسی فلمیں پیش کرچکا ہے جو باکس آفس پر سپر ہٹ رہی ہیں، ایچ بی او بھی اے آروائی ڈیجیٹل نیٹ ورک کا حصہ ہے۔
اے آروائی ڈیجیٹل نیٹ ورک اپنے ناظرین اور ایڈورٹائزرز کے سپورٹ اور محبتوں کا شکریہ ادا کرتا ہے، اے آروائی گروپ کے بانی مرحوم حاجی عبدالرزاق تھے، اے آروائی ڈیجٹیل نیٹ ورک کے بانی اور چیئرمین حاجی اقبال اور اے آروائی ڈیجیٹل نیٹ ورک کے صدراور سی ای او سلمان اقبال ہیں۔
اے آر وائی ڈیجیٹل نیٹ ورک کے صدر اور سی ای او سلمان اقبال کا کہنا ہے کہ والدین سمیت پوری فیملی کے مشکور ہیں،اے آر وائی جو آج ہے وہ پوری ٹیم کی محنت کا ثمر ہے،سلمان اقبال کا کہنا ہے کہ جب سچ کہیں گے تو تکلیفیں برداشت کرنا پڑیں گی۔
