Tag: ARY digital Network

کراچی: اےآروائی ڈیجیٹل نیٹ ورک پاکستان کی ٹی وی انڈسٹری کا سب سے مقبول ترین نیٹ ورک ہے اور آج یہ اپنے قیام کے 15 سال مکمل ہونے کی کا سالگرہ منارہا ہے۔

انٹرٹینمنٹ، موسیقی، خبریں، اسلامی معلومات اور بچوں کے پروگرامات پرمبنی خصوصی چینلزنیٹ ورک کا حصہ ہیں۔

دنیابھرمیں موجود کروڑوں ناظرین کے ہردلعزیزچینلزکےنیٹ ورک ’اے آروائی ڈیجٹیل‘ کی پندرویں سالگرہ آج منائی جارہی ہے، دبئی سے اپنی ٹرانس میشن کا آغاز کرنے والے اس نیٹ ورک نے پندرہ سالہ جہدِ مسلسل میں پیشہ وارانہ صحافتی اقدار اور معاشرتی روایات کو ہمیشہ مقدم رکھا۔

اے آروائی ڈیجیٹل نیٹ ورک میں اے آروائی ڈیجیٹل، اے آروائی نیوز، اے آروائی زندگی، اے آروائی کیو ٹی وی، اے آروائی میوزک، ایچ بی اور نک شامل ہیں۔

یہ ایک اعزاز ہے کہ اے آروائی نیٹ ورک اس وقت پاکستان میں انفارمیشن اورانٹرٹینمنٹ فراہم کرنے والا نمبر ون اور بہترین ذریعہ ہے، اے آروائی ڈیجٹل پر پیش کیے جانے والے ڈرامے ہرعمرکے افراد میں یکساں مقبول ہیں۔

اے آروائی کیوٹی وی پردعوت وتبلیغ کاعظیم کام ہمہ وقت جاری وساری رہتاہے اوردنیا بھرمیں موجود لوگوں تک اسلام کی دعوت کے عظیم فریضے کی تکمیل کی جاتی ہے۔

اے آر وائی نیوز نے بروقت اورمعتبر خبروں کی ترسیل میں ہمیشہ صحافت کے اعلیٰ پیرائے کو مدِ نظررکھا ہے اور اس چینل پر نشر ہونے والے ٹاک شوز پاکستان کے عوام کی خصوصی توجہ کا مرکز ہیں۔

اس کے علاوہ اے آروائی فلمز ایسی فلمیں پیش کرچکا ہے جو باکس آفس پر سپر ہٹ رہی ہیں،جن میں وار، رانگ نمبر، یہ جوانی ہے دیوانی اور جلیبی شامل ہیں۔ اے آروائی فلمز کو اعزاز حاصل ہے کہ پاکستان کی پہلی انیمیٹڈ فلم تین بہادر بھی اسی بینر تلے ریلیز کی گئی ہیں۔

اے آروائی گروپ کے بانی مرحوم حاجی عبدالرزاق تھے، اے آروائی ڈیجٹیل نیٹ ورک کے بانی اور چیئرمین حاجی اقبال اور اے آروائی ڈیجیٹل نیٹ ورک کے صدراور سی ای او سلمان اقبال ہیں۔

اے آر وائی ڈیجیٹل نیٹ ورک کی شاندار روایات کا سہرا اس گروپ کے روح رواں حاجی عبدالرزاق یعقوب مرحوم کے سر بندھتا ہے جنہوں نے مارکیٹ کی مطابقت کا حصہ بننے کے بجائے روایت ساز ادارے کے قیام پر زور دیا اور اے آر وائی ڈیجیٹل نیٹ ورک کے زیراہتمام’’عام آدمی کا پاکستان‘‘ نامی مہم زورو شورسے جاری ہے جس کا مقصد مضبوط اور مستحکم پاکستان کی تعمیرہے۔

اے آر وائی ڈیجیٹل نیٹ ورک کے صدر اورسی ای او سلمان اقبال کا کہنا ہے کہ والدین سمیت پوری فیملی کے مشکور ہیں،اے آر وائی جوآج  ہے وہ پوری ٹیم کی محنت کا ثمر ہے،سلمان اقبال کا کہنا ہے کہ جب سچ کہیں گے تو تکلیفیں برداشت کرنا پڑیں گی۔ سلمان اقبال اپنی ٹیم کی ہمت افزائی میں ہر لمحہ سرگرم عمل رہتے ہیں اور ان کا ماننا ہےکہ اے آر وائی ایک ادارہ نہیں بلکہ ایک خاندان ہے اور اس خاندان کا ہر فرد انکی ذمہ داری ہے۔

اے آروائی ڈیجیٹل نیٹ ورک اپنے تمام ناظرین اورایڈورٹائزرز کا شکرگزار ہے جن کی محبتوں اور حمایت سے ہم حق اور سچ کی اس مشکل رای گزر پر آج پندرہ سال بعد بھی نا صرف ثابت قدم ہیں بلکہ ترقی کی منازل طے کرتے جارہے ہیں اور انشااللہ کرتے رہیں گے۔