ARYNews.tv | Urdu – Har Lamha Bakhabar

Tag: ARY ENTERTAINMENT

  • راحت فتح علی خاں چالیس برس کے ہوگئے

    راحت فتح علی خاں چالیس برس کے ہوگئے

    کراچی: کنگ آف میلوڈی استاد راحت فتح علی خاں چالیس برس کے ہوگئے،رواں سال بھی سالگرہ کے موقع پراے آروائی اور پرستاروں کیلئے سروں کا جادو جگائیں گے۔

    لازوال گیتوں کے خالق استاد راحت فتح علی خاں زندگی کی چالیسویں بہار میں داخل ہوگئے ماضی کی طرح رواں سال بھی وہ اپنی سالگرہ ملک کے سب سے مقبول چینل اے آروائی نیوز اور پروستاروں کے ہمراہ منارہے ہیں۔

    اپنی رواں سالگرہ پر راحت فتح علی خاں نے عزم ظاہر کیا ہے کہ وہ اپنے ہر سر کے ذریعے دنیا بھر میں وطن عزیز کی مٹی کی خوشبو پھیلانا چاہتے ہیں اور وہ دن دور نہیں جب ثقافت کے میدان میں پاکستان کا کوئی ثانی نہیں ہوگا۔

    راحت فتح علی خان ایک روز بعد اوسلو میں ہونیوالے دنیا کے سب سے بڑے نوبل پیس ایوارڈزمیں ہیڈ لائن پرفارمنس دیں گے اور یہ ایوارڈ ملالہ یوسفزئی کو دیا جائے گا۔

  • راحت فتح علی خاں نوبل پیس ایوارڈ کی تقریب میں پرفارم کریں گے

    راحت فتح علی خاں نوبل پیس ایوارڈ کی تقریب میں پرفارم کریں گے

    کراچی: امن کی فاختہ ملالہ یوسفزئی نے جیتا نوبل پیس ایوارڈ اور اب کنگ آف میلوڈی راحت فتح علی خاں آئندہ ماہ ہونیوالی نوبل ایوارڈ تقریب میں پرفارم کرنیوالے پہلے پاکستانی ہونگے۔

    نوبل پیس ایوارڈ کی تاریخ میں یہ پہلا موقع ہوگا جب اس ایوارڈ تقریب میں کوئی پاکستانی فنکاراپنی پرفارمنس کے ذریعے ملکی ثقافت و فن کی تصویر کشی کرے گا اور آئیفا ایوارڈزکے بعد یہ سہرا بھی سج رہا ہے۔

    راحت فتح علی خاں کے سر  گولیوں کی بوچھاڑاور بارود کے گہرے بادلوں میں علم کی شمع روشن کرنے پر ملالہ یوسفزئی کو امن کے نوبل ایوارڈ کا حقدار قراد یا گیا جبکہ دس دسمبر کو اوسلومیں ہونیوالی نوبل ایوارڈ تقریب میں راحت فتح علی خاں ہیڈ لائن پرفارمنس دیں گے  نوبل پیس ایوارڈ جیتنے کے بعد جیوری کی طرف سے کسی پاکستانی فنکارکا پرفارمنس کیلئے بھی انتخاب میوزک انڈسٹری اور وطن عزیز کیلئے کسی بڑی کامیابی سے کم نہیں۔

  • سائنس فکشن فلم دی میزرنر نے ریلیز ہوتے ہی دھوم مچا دی

    سائنس فکشن فلم دی میزرنر نے ریلیز ہوتے ہی دھوم مچا دی

    باکس آفس پرایڈونچرسےبھرپورفلم دی میزرنر نے ریلیز ہوتے ہی دھوم مچا دی،سائنس فکشن  فلم نے تین دن میں بتیس ملین ڈالر کما کر سب کو پیچھے چھوڑ دیا۔

    ہالی ووڈ باکس آفس پرسائنس فکشن فلم دی میزرنر نے کامیابی کےجھنڈے گاڑ دیئے ہیں، فلم نے تین دنوں میں مداحوں کواپنےسحرمیں جکڑ کربتیس ملین ڈالرکمالئے ہیں، فلم نے امریکی سینما گھروں میں ریلیز ہوتے ہی باکس آفس پرپہلی پوزیشن حاصل کرلی ہے،فلم ”اے واک امنگ دی ٹومب اسٹون” اس ہفتے دوسرے نمبر پر رہی، جس نے تیرہ ملین ڈالر کا بزنس کیاجبکہ باکس آفس پر گیارہ ملین ڈالر کما کر تیسرے نمبر پرآنے والی کامیڈی سے بھرپورفلم”دس از دی ویئرآئی لیویو” ہے۔

  • معروف گلوکارہ ٹیلر سوئفٹ دنیا کی بہترین خوش لباس شخصیت قرار

    معروف گلوکارہ ٹیلر سوئفٹ دنیا کی بہترین خوش لباس شخصیت قرار

    ہالی ووڈ کی معروف گلوکارہ ٹیلرسوئفٹ کو دنیا کی سب سے خوش لباس شخصیت قرار دے دیا گیا۔

    امریکی جریدے پیپلزمیگزین نے چوبیس سالہ گلوکارہ ٹیلر سوئفٹ کو2014 کےلئے اس اعزاز کا حقدارٹھہرایا ہے،جریدےنے گیارہ اسٹائلش خواتین کے ملبوسات کا گزشتہ ایک سال کے دوران جائزہ لیا اوراس کے بعد ٹیلرسوئفٹ کو نمبر ون پوزیشن کا حقدار قرار دیا،ستائیس سالہ اداکارہ بلیک لائیولی کو دنیا کی دوسری خوش لباس شخصیت قراردیا گیا جبکہ ہالی ووڈ اداکارہ ڈائنے کریوگر تیسرے نمبر پررہی۔

  • ہانگ کانگ میں سینڈینس فلم فیسٹیول کا آغاز

    ہانگ کانگ میں سینڈینس فلم فیسٹیول کا آغاز

    ہالی وڈ کے مشہور سنڈینس فلم فیسٹیول کا چین کےشہر ہانگ کانگ میں آغاز ہوگیا ہے۔

    ہالی وڈ کا مشہور سنڈینس فلم فیسٹیول لندن کے بعد اب چین کے شہر ہانگ کانگ پہنچ گیا ہے، فیسٹیول کا افتتاح معروف اداکارہ مایا فوربز نےاپنی فلم انفنٹی پولر بیئر،سےکیا،اس موقع پران کا کہنا تھا کہ ہالی وڈ فلموں کی ایشیائی ملکوں میں نمائش ایک اچھا اقدام ہے اس سے مغربی اورمشرقی ممالک سے تعلق رکھنےوالےعوام کو قریب آنےکا موقع ملے گا، فیسٹیول اٹھائیس ستمبرتک جاری رہےگا۔

  • لیونارڈوڈی کپیریو ماحولیاتی سفیرمقرر

    لیونارڈوڈی کپیریو ماحولیاتی سفیرمقرر

    اقوام متحدہ نے ہالی وڈ کےمشہور اداکار لیونارڈو ڈی کیپریو کوعالمی ماحولیاتی تحفظ کا سفیر مقرر کردیا ہے۔

    ہالی وڈ بلاک بسٹرفلم ٹائی ٹینک سے شہرت کی بلندیوں پر پہنچنے والےمعروف اداکار لیونارڈو ڈی کیپریو اب دنیا بھرمیں فضائی آلودگی کے باعث ہونے والی تباہ کاریوں اوران کے بچاؤ سے متعلق شعور و آگہی کو بھی فروغ دیں گے، اس سلسلے میں انہیں عالمی ادارے کے شعبہ ماحولیات کی جانب سے ماحولیاتی تحفظ کا سفیرمقررکیا گیاہے۔

  • گارجین آف دی گیلکسی تیسرے ہفتے بھی پہلےنمبرپر

    گارجین آف دی گیلکسی تیسرے ہفتے بھی پہلےنمبرپر

    ہالی وڈ فلم گارجین آف دا گلیکسی کواس ہفتے بھی تیسری سب سے زیادہ بزنس کرنےوالی فلم قرار دیا جارہا ہے جبکہ ڈولفن ٹیل ٹواورنو گڈ ڈیڈ،پہلے اور دوسرے نمبر پر رہنے کی توقع ہے۔

    ہالی وڈ فلم ڈولفن ٹیل ٹو،ڈولفن ٹیل نامی فلم کا سیکوئیل ہےجس میں شکارکانشانہ بننے ڈولفن اوراس کی دیکھ بھال کرنےوالےشخص کے درمیان تعلق کو فلمایا گیا ہے، فلمی ماہرین کی جانب سے اس فلم کو ہفتے میں سب سے زیادہ بزنس کرنےوالی فلم قراردیا جارہاہے،اسی طرح ہالی وڈ فلم نو گڈ ڈیڈ کو ہفتے میں دوسرے اور گارجین آف دی گلیکسی کو تیسرے نمبر پر شائقین کی توجہ حاصل کرنے میں کامیابی حاصل کریں گی جس کے بعد گارجین آ ف دی گلیکسی کی کل آمدنی پانچ سو اٹھاون ملین ڈالرسے بھی تجاوز کرجائے گی۔

  • امریکی پہلوان جان سینا ریٹائرمنٹ لینے پرمجبور

    امریکی پہلوان جان سینا ریٹائرمنٹ لینے پرمجبور

    ریلسنگ کےشائقین کی اولین پسندجان سیناکو کُشتی کےمقابلوں میں لگنےوالے زخموں نے ریٹائرمنٹ پرمجبورکردیا،ا ب وہ سنیمائوں کے پردے پرجلوہ گرہوں گے۔

    امریکی ریسلر جان سینا کشتی کےمقابلوں میں لگنے والے زخموں سے ہارگئے،جان سینا کو مختلف مقابلوں کےدوران کندھےاورگردن پرلگنےوالی چوٹوں کی تکلیف کاسامنا ہےجبکہ گزشتہ سال ان کے ہاتھ کی سرجری بھی کی گئی تھی،جان سینا کی ریلسنگ سے ریٹارمنٹ کےبعد ڈبلیو ڈبلیو ای انہیں سنیما کے پردےلانےکی منصوبہ بندی کررہا ہے، اس سے قبل بھی جان سینامتعددہالی ووڈفلموں میں کام کرچکے ہیں جن میں مشہوردی میرین، 12رائونڈز،لیجنڈری ودیگرشامل ہیں۔

    جان سینا کی دو مشہور فلمیں،دی میرین اور 12رائونڈز
    جان سینا کی دو مشہور فلمیں،دی میرین اور 12رائونڈز
  • ڈیرہ غازی خان: خود سوزی کرنے والی خاتون دم توڑگئی

    ڈیرہ غازی خان: خود سوزی کرنے والی خاتون دم توڑگئی

    ڈیرہ غازی خان:انصاف نہ ملنے پرخودسوزی کرنے والی خاتون اسپتال میں دم توڑ گئی،صائمہ اقبال نےملزمان کو تھانےسےرہاکرنے پرخود کوآگ لگالی تھی۔

    ڈی جی خان میں مبینہ زیادتی کےبعد انصاف نہ ملنےپرخود سوزی کرنے والی خاتون صائمہ اقبال نشتراسپتال میں دم توڑ گئی،پولیس نے واقعے میں ملوث قرار دیئے جانے والے تینوں ملزمان کو بےگناہ قرار دے کررہا کردیا تھا،جس پر پانچ روز قبل صائمہ نے خود پر پیٹرول چھڑک کرآگ لگالی تھی۔

    ڈیرہ غازی خان کی کےعلاقے شاکرٹاون کی رہائشی صائمہ اقبال کو چارافراد دو ماہ تک زیادتی کا نشانہ بناتے رہےتھے،متعلقہ تھانےداد رسی کیلئے پہنچنے پر سب انسپکڑ غلام اکبر نے رپورٹ درج کرنے کے بجائےاسے اس کی ماں سمیت تھانے میں بند کردیا ، جہاں سے متاثرہ لڑکی کے بھائی محمد بلال نے اپنی بہن اور والدہ کو عدالتی بیلف کے ذریعے رہا کرایا تھا۔

  • راحت فتح علی خان کاالبم بیک ٹو لو دنیا بھرمیں بےحد مقبول

    راحت فتح علی خان کاالبم بیک ٹو لو دنیا بھرمیں بےحد مقبول

    معروف گلوکارراحت فتح علی خان کا کہنا ہےکہ حال ہی میں ریلیز کیا جانے والا البم بیک ٹو لو دنیا بھرمیں بے حد مقبول ہورہا ہے،ماہ نومبرمیں قوالی پر مشتمل نیا البم ریلیز کیاجائےگا جس پرکام جاری ہے

    کراچی میں تقریب کے دوران میڈیا سے گفتگو کرتے ہوئےراحت فتح علی خان کا کہنا تھا کہ آئندہ آنے والا البم قوالی پرمشتمل ہوگیا جس میں ہالی ووڈ اسکیل پرکام ہورہا ہے ،ان کا کہنا تھا کہ پاکستانی فلم اورمیوزک انڈسٹری تیزی سےترقی کررہی ہیں،فلم(وار )اور کئی نئی فلموں نے بےحد مقبولیت حاصل کی ہے،تقریب میں راحت فتح علی خان نے کئی گیت بھی گنگنائےجس سےشائقین رات گئےتک لطف اندوز ہوتے رہے۔