Tag: ARY ENTERTAINMENT

وینس فلمی ستاروں کی روشنی سے جگمگا اٹھا

دنیا کےسب سےقدیم وینس فلم فیسٹول کی تیاریاں مکمل کرلی گئیں، فیسٹیول میں شرکت کیلئے شوبز انڈسٹری سے تعلق رکھنے والی معروف شخصیات اٹلی پہنچ گئیں۔

دنیا کا قدیم ترین اٹلی کا شہر وینس ایک بار پھردنیا بھرکے فلمی ستاروں کی چکاچوند سے چمک اٹھا،اکہترویں وینس فلم فیسٹویل کا رنگ رنگا آغاز آج ہوا،جس میں شرکت کرنے کیلئے دنیا کے مختلف حصوں سے فنکار اور ہنر مند ستارے اٹلی پہنچ گئے۔

فلمی میلے کی شروعات میکسيکن ڈائریکٹر کی فلم برڈ کے پرئمیر سے ہوئی،فلم فیسٹول میں پچپن فلمیں دکھائی جائیں گی،جب کہ اعلیٰ گولڈن لائن ایوارڈ کیلئے بیس فلموں میں مقابلہ ہوگا۔

فلم فیسٹیول میں متعدد غیرملکی زبانوں کی فلمیں بھی پیش کی جائینگی،فلمی میلے کی رونقیں چھ ستمبر تک جاری رہیں گی۔

اگست 28, 2014
ہالی ووڈ کی ہاررفلم اینابیل تین اکتوبرکو ریلیزکی جائےگی

گڑیا دیکھنے میں کس کو اچھی نہیں لگتی لیکن اگراس میں آجائے شیطانی روح تو وہ سب کے لئے بن جاتی خطرناک ۔

اب ہوجائے ڈرنے کے لئے تیارکیونکہ آرہی اینا بیل ہالی وڈ کی خوفناک فلم،فلم کی کہانی ایک ایسی گڑیا کے گرد گھومتی ہے جس کے اندر سما جاتی ہے خاتون کی شیطانی روح اور گڑیا لے جاتے ہیں ایک میاں بیوی،جن کا ایک بچہ ہوتا ہے۔

کیا ڈر اورخوف کے گرد گھومتی اس فلم میں میاں بیوی اس گڑیا سے جان چھڑا پائیں گے،کیا جنتر منتر کام آئیں گے،یہ سب جاننے کے لئے کرنا پڑے گا انتظار،اینابیل تین اکتوبرکو دنیا بھر میں ریلیز کی جائےگی۔

اگست 27, 2014
امریکی باکس آفس پر ہالی وڈ فلم سِن سٹی کا راج

ہالی وڈ میں نئی آنے والوں فلموں میں سِن سٹی شائقین میں پزیرائی حاصل کرتے ہوئے سر فہرست ہے۔

امریکا کے نامور مصنف فرینک ملرکے مشہورناول سیریز پرمبنی ہورر فلم "سِن سٹی۳” نے سکرین کے پردے پر آتے ہی شائقین کے دل موہ لیے،نئی ریلیز ہونے والی فلموں میں "سِن سٹی۳” ایک کروڑاسی لاکھ ڈالر کا بزنس کرتے ہوئے باکس آفس پر پہلی پوزیشن سنبھالے ہوئے ہے،جبکہ اس کے مدمقابل فلم "اِف آئی سٹیے "ایک کروڑساٹھ ڈالرکا بزنس کرتے ہوئے دوسرے نمبر پر ہے۔

اس سے قبل فلم گارجین آف دی گلیکسی کو فلم بینوں میں بے پناہ پسند کیا جارہاہے جبکہ فلم ننجا ٹرٹل بھی کامیابی سے حاصل کرتے ہوئےسینماؤں کی زینت بنی ہوئی ہے ننجا ٹرٹل نےدنیا بھرمیں انیس کروڑ ڈالرسے زائد کا بزنس کیا ہے۔

اگست 22, 2014
جیکی چن کا بیٹےکےمنشیات استعمال کرنے پراظہارندامت

مارشل آرٹس اسٹارجیکی چن نے منشیات استعمال کرنےکے الزام میں بیٹےکی گرفتاری پر شرمندگی ظاہر کرتےہوئےعوام سےمعذرت کی ہے۔

اداکار اور گلوکاراکتیس سالہ چین کو تائیوان کےایک فلم اسٹارکائیکو کےساتھ منشیات استعمال کرنے پرگرفتارکیا گیا۔

پولیس کا کہنا ہےکہ دونوں اداکاروں کے ٹیسٹ مثبت آئے ہیں اورانہوں نے حشیش استعمال کرنے کا اعتراف بھی کیا ہے،پولیس نے یہ بھی بتایا کہ چین کے گھر سے سو گرام حشیش برآمد ہوئی ہے،یاد رہےکہ چین نےدوہزار نو میں جیکی چن کو انسداد منشیات کا سفیرمقررکیا تھا۔

اگست 21, 2014
اب اپنےآئی فون سے ڈرون کو کنٹرول کریں۔

ڈرون کو کنٹرول کرنے کے لئےاب ریموٹ کی ضرورت نہیں اپنےآئی فون سے ڈرون کو کنٹرول کریں۔

ڈرون کا نام سنتے ہی ذہن میں ڈورن حملےکا خیال آتا ہے لیکن ایسا بالکل نہیں ڈرون کو اب آپ اپنے آئی فون سے کنٹرول کرسکتے ہیں، فرانسیسی کمپنی نے تیار کرلیا ایسا ڈرون جسے آئی فون سےکنٹرول کیا جاسکتا ہے۔

اڑان طشتری سےمشابہہ ننھےڈرون کوکنٹرول کرنےکےلئےآئی فون میں ایک خاص بٹن لگایا گیا ہےجوڈرون کےلئےریموٹ کا کام کرے گا۔

اس چھوٹے سے ڈرون میں ویڈیو کیمرہ بھی نصب ہے،یہ ڈرون گیارہ میل فی گھٹہ کی رفتارسے اڑاتا ہےاورپندرہ منٹ تک مسلسل ہوا میں پرواز کرسکتا ہے۔

اگست 18, 2014
گارڈینز آف دی گلیکسی۔۔نے نمبر ون پوزیشن حاصل کرلی

ہالی ووڈ باکس آفس پرسپرپاورزچھاگئے،فلم گارڈینزآف دی گیلیکسی نےنمبر ون پوزیشن حاصل کرلی۔

دنیا پرقبضہ کرنےکا جنون سرچڑھ کربول رہاہے،طاقت ورسپرپاورز نےکرلی ہے تیاری ایک کےبعد ایک حملہ کرنےکی،ایسے میںامریکی پائلٹ پیٹرکا جہازغلطی سےسپر پاورز کی سرزمین پر پہنچ کرتباہ ہوجاتاہے اور یہیں سے شروع ہوجاتی ہےانسانوں اورسپرپاورزکی جنگ۔

غیرمعمولی طاقتوں سے بھرپورمخلوق نے دنیا پرتوقبضہ نہ کیا مگر امریکی باکس آفس پر قبضہ جمالیا،فلم گارڈینزآف دی گلیکسی نےاکہترملین ڈالرزکا کھڑکی توڑبزنس کرلیا ہے۔

باکس آفس پردوسری پوزیشن ہے گلوکارجیمزبراون پربنی فلم گیٹ آن اپ مگر اس فلم نے صرف سترہ اعشاریہ پانچ ملین ڈالرزکا معمولی بزنس کیا،جبکہ جرائم پر بننے والی ایکشن فلم لوسی نے بھی سترہ ملین ڈالرزکا بزنس کرکے تیسری پوزیشن حاصل کرلی ہے ۔

اگست 2, 2014
لاس اینجلس:رابرٹ ڈاؤنی جونئیرسب سے مہنگے اداکار

ہالی وڈ کے معروف اداکاررابرٹ ڈاؤنی جونیئ سب سے زیادہ معاوضہ لینے والے اداکاروں کی فہرست میں رواں سال بھی پہلےنمبر پر رہے ہیں ۔۔

امریکی مالیاتی جریدے فوربزنے رواں سال زیادہ معاوضہ لینےوالوں اداکاروں کی فہرست جاری کردی ہے،جس کےمطابق انچاس سالہ امریکی اداکاررابرٹ ڈاؤنی بدستور پہلےنمبر پرہیں ۔

ان کی آمدنی کا تخمینہ اس سال بھی پچھترملین ڈالرسےزائد رہا ہے، انہوں نےدی اوینجرز اور آئرن مین میں مرکزی کردارادا کیا ہے اوران فلموں نے باکس آفس پرسن دوہزارتیرہ اورچودہ میں ایک ارب ڈالرسے زیادہ کا کاروبارکیا۔

سابق ریسلراوراداکار راک جونسن باون ملین ڈالر کےساتھ دوسرے نمبر پر جبکہ بریڈلی کوپرچھیالیس ملین ڈالرکےساتھ فوربزمیگزین کی فہرست میں تیسرےنمبرپرہیں۔

جولائی 22, 2014
اٹلی فلم فیسٹیول میں ہالی ووڈ اسٹارز کی شرکت

ہالی ووڈ اسٹارزجیسیکا چیسٹین اورسیلینا گومزنےشرکت کرکےاٹلی میں ہونے والے فلم فیسٹیول کی رونق بڑھا دی۔

اٹلی میں بارہواں گلوبل فلم اینڈ میوزک فیسٹیول جاری ہے، دنیا بھر سے فلمی صنعت سے جڑے ستارے اس فیسٹیول میں شریک ہیں۔

فلم فیسٹیول میں شرکت کے لئے ہالی ووڈ کے ستارے بھی پہنچے ہیں جن میں جیسیکا چیسٹین، سیلینا گومز اور چیوٹل اجیوفر شامل ہیں،جیسیکا اور چیوٹل کوبہترین اداکارہ اور اداکار کے لئے نامزد کیا گیا ہے۔

جیسیکا کی فلم دی ڈس اپیئر آف الینور ریگبائے بھی فیسٹیول میں نمائش کے لئے پیش کی جا رہی ہے۔

جولائی 21, 2014
نیویارک,ووڈی ایلن کی فلم پریمیئرمیں شرکت

نیویارک:ہالی ووڈ کےممتازہدایت کارووڈی ایلن نےنیویارک میں اپنی نئی فلم میجک ان دی مون لائٹ کے پریمیئر کے موقع پر ریڈ کارپٹ کو زینت بخشی۔۔

ہالی ووڈ کےممتازہدایت کارووڈی ایلن عام طورپربھیڑبھاڑسےدوررہتے ہیں تاہم نیو یارک میں اپنی نئی فلم میجک ان دی مون لائٹ کے پریمیئر کے موقع پروہ خود بھی موجود تھے۔

ووڈی ایلن نے نہ صرف یہ کہ تقریب میں شرکت کی بلکہ انہوں نے ریڈ کارپٹ پرپوزبھی دیئے۔

یہ رومانٹک کامیڈی انیس سو بیس کی دھائی کی کہانی پر مبنی ہے،امریکہ میں میجک ان دی مون لائٹ اس ماہ کی پچیس تاریخ کو ریلیز کی جا رہی ہے۔

جولائی 19, 2014
ہالی ووڈ:تین اداکارائیں نئے میوزک ویڈیو میں مردانہ گیٹ اپ میں

ان لڑکوں کی شکلوں سے دھوکہ نہ کھائیں یہ لڑکے نہیں یہ تو لڑکیاں ہیں، این ہیتھوے،کرسٹین اسٹیورٹ اور بری لارسن، یہ تینوں ہالی ووڈ کی اداکارائیں ہیں۔

ان تینوں نے جینی لوئس کے گانے جسٹ ون آف دی گائز کی ویڈیو میں لڑکوں کا گیٹ اپ کیا ہے، تینوں اداکاراؤں نے اس تجربے کو منفرد قرار دیتے ہوئے کہا کہ موقع ملا تو مستقبل میں بھی اس طرح کے کردار ادا کریں گی۔

ویسے یہ میوزک ویڈیو لارسن کے البم دی وائجر میں شامل ہے، جو اس ماہ کے آخر میں ریلیز کیا جائے گا۔

جولائی 16, 2014