ARYNews.tv | Urdu – Har Lamha Bakhabar

Tag: ARY Films

  • ماہرہ خان اور ہمایوں سعید کی فلم ’لو گُرو‘ کے گانے نے دھوم مچادی

    ماہرہ خان اور ہمایوں سعید کی فلم ’لو گُرو‘ کے گانے نے دھوم مچادی

    پاکستانی فلمز اور ڈرامہ انڈسٹری کے معروف اداکار ہمایوں سعید اور ماہرہ خان کی نئی فلم ’لو گرو‘ کا گانا ریلیز کردیا گیا ہے۔

    اے آر وائی فلمز کی پیشکش لو گرو کو سلمان اقبال فلمز، اے آر وائی فلمز اور سکس سگما پلس کے بینر تلے اس عید الاضحیٰ پر ریلیز کیا جائے گا، فلم میں رومانس کے ساتھ ساتھ پشتون اور پنجابی تڑکے والی مزاح بھی دیکھنے اور سننے کو ملے گی۔

    اس فلم میں ہمایوں سعید اور ماہرہ خان ایک دہائی کے بعد ایک ساتھ مرکزی کردار نبھائیں گے، فلم کی پروموشن کے سلسلے میں دونوں اداکار مصروف ہیں۔

     

    View this post on Instagram

     

    A post shared by Love Guru (@loveguruthemovie)

    گزشتہ روز ہمایوں اور ماہرہ خان کو فلم کی تشہیر کے سلسلے میں امریکا کے مختلف شہروں میں دیکھا گیا جبکہ وہ فلم کی عالمی پروموشن کے دوران ہیوسٹن، ڈیلاس، نیویارک کے علاوہ لندن میں بھی پروموشن کرتے نظر آئیں گے۔

    تاہم اب اس فلم کا رومانٹک گانا بھی ریلیز کردیا گیا ہے، فلم کا گانا یوٹیوب پر جاری کردیا گیا جس نے سوشل میڈیا پر دھوم مچا دی ہے۔

    فلم ’لوو گرو‘ کا پروموشنل گانا ’’آ تینوں‘‘ عارف لوہار نے گایا ہے جبکہ ویڈیو میں ماہرہ اور ہمایوں کو گانے پر شاندار رقص کرتے دیکھا جاسکتا ہے اور دونوں کی کیمسٹری کو مداحوں نے خوب پسند کیا ہے۔

    اس سے قبل فلم کا ٹریلر جاری کیا گیا تھا جس میں ہمایوں سعید ایک دل پھینک عاشق کے کردار میں نظر آئے جو بعد میں ماہرہ خان کے والد (جاوید شیخ) کی طرف سے ایک ذمہ داری ملنے کے بعد سچی محبت میں گرفتار ہو جاتے ہیں۔

    فلم کی شوٹنگ لندن میں کی گئی ہے، جہاں ماہرہ خان کو ایک خوبصورت، بولڈ کے طور پر پیش کیا گیا ہے، اس فلم کی کہانی واسع چوہدری نے لکھی ہے، ہدایات ندیم بیگ نے دی ہیں جبکہ ہمایوں سعید سمیت دیگر پروڈیوسرز نے پروڈیوس کیا ہے۔

  • اے آر وائی فلمز کی پیشکش ’ٹچ بٹن‘ ریلیز، لاہور میں تاریخی پریمیئر

    اے آر وائی فلمز کی پیشکش ’ٹچ بٹن‘ ریلیز، لاہور میں تاریخی پریمیئر

    اے آر وائی فلمز، سلمان اقبال فلمز اور شوٹنگ اسٹار اسٹوڈیو کی مشترکہ پیشکش فلم ٹچ بٹن ریلیز کردی گئی۔

    فلم ٹچ بٹن میں اداکار فرحان سعید ایمان علی، فیروز خان، سونیا حسین، سہیل احمد، عروہ حسین، مرینہ خان، گل رعنا ودیگرنے اداکاری کے جوہر دکھائے ہیں۔

    لاہور میں پاکستان فلم انڈسٹری کی تاریخ کا سب سے بڑا پریمیئر منعقد کیا گیا جس میں اسٹار کاسٹ سمیت شوبز نے نامور ستاروں نے شرکت کی، مداحوں کی جانب سے فرحان سعید، عروہ حسین، سہیل احمد، ایمان علی ودیگر اداکاروں کا پرجوش استقبال کیا گیا۔

    فلم کے ہدایت کار قاسم علی مرید ہیں جبکہ ٹچ بٹن کے پروڈیوسرز جرجیس سیجا، عروہ حسین اور فرحان سعید ہیں، صدر اور سی ای او اے آروائی ڈیجیٹل نیٹ ورک سلمان اقبال ‘ٹچ بٹن’ کے ایگزیکٹو پروڈیوسر ہیں۔

    ٹچ بٹن میں فرحان سعید پنجاب کے گاؤں سے تعلق رکھتے ہیں جبکہ فیروز خان ترکیہ میں ریسٹورنٹ میں کام کرتے ہیں، ترکی سے پنجاب تک یہ دلچسپ کہانی شائقین کے دل موہ لے گی۔

    اس سے قبل فلم کا ٹریلر اور گانا ’احسان ہے تمہارا تم ملے، ریلیز کیا گیا تھا جسے ناظرین کی جانب سے پسند کیا گیا تھا۔

    گزشتہ ماہ آرٹس کونسل میں فلم کی تعارفی تقریب میں ایمان علی کا کہنا تھا کہ مجھے ابتدا میں ماڈلنگ سے شہرت ملی، بعد ازاں میں نے فلموں اور ڈراموں میں کام شروع کیا۔

    اداکارہ کا کہنا تھا کہ میں نے کراچی اور لاہور میں زیادہ وقت گزارا ہے۔ دونوں ہی شہر مجھے اچھے لگتے ہیں۔

    فرحان سعید نے ایمان علی کی تعریف کرتے ہوئے کہا تھا کہ ’ان کی کئی سال بعد شوبز میں واپسی ہوئی ہے وہ بیمار تھیں لیکن انہوں نے فلم میں کام کرکے میرا مان رکھ لیا۔

  • ایکشن، سسپنس اور رومانس سے بھرپور فلم ” ٹچ بٹن ” کا ٹیزر ریلیز

    ایکشن، سسپنس اور رومانس سے بھرپور فلم ” ٹچ بٹن ” کا ٹیزر ریلیز

    کراچی : اے آر وائی فلمز، سلمان اقبال فلمز اور شوٹنگ اسٹار اسٹوڈیو کی مشترکہ پیشکش فلم ٹچ بٹن کا ٹیزر ریلیز کردیا گیا، یہ فلم عیدالفطر پر سنیما گھروں میں پیش کی جائےگی۔

     اے آر وائی فلمز کی کامیابیوں کا سلسلہ جاری ہے، اس سلسلے میں اے آر وائی فلمز، شوٹنگ اسٹار اسٹوڈیو اور سلمان اقبال فلمز کی مشترکہ پیشکش فلم ٹِچ بٹن کا ٹیزر ریلیز کردیا گیا ہے۔


    مذکورہ فلم کی کاسٹ میں فرحان سعید، فیروز خان ،ایمان علی اور سونیا حسین سمیت دیگر نامور اداکار شامل ہیں۔ فلم کے ایگزیکٹو پروڈیوسر سلمان اقبال ہیں۔

    ایکشن، سسپنس اور  رومانس سے بھرپور فلم ” ٹچ بٹن ” اے آر  وائی فلمز کے بینر تلے عیدالفطر کے موقع  پر سنیما گھروں میں تہلکہ مچائے گی۔

    واضح رہے کہ  اے آر وائی فلمز پاکستان اے آر وائی ڈیجیٹل نیٹ ورک کا ہی حصہ ہے، اس کی بنائی ہوئی اب تک کی فلموں کو پاکستان میں بے حد پزیرائی ملی ہے۔

    اے آر وائی فلمز نے اب تک بہت سے کامیاب فلمیں بنائی ہیں جن میں3بہادر، رونگ نمبر، جوانی پھر نہیں آنی، پنجاب نہیں جاؤں گی شامل ہیں۔

  • فلم شیر دل کا پہلا گانا ’ کڑی دا جھمکا ‘ ریلیز

    فلم شیر دل کا پہلا گانا ’ کڑی دا جھمکا ‘ ریلیز

    کراچی: اے آر وائی فلمز کے بینر ز تلے بنائی جانے والی فلم ’شیر دل‘ کا پہلا گانا ’کڑی دا جھمکا’ کی ویڈیو ریلیز کردی گئی۔

    تفصیلات کے مطابق اے آر وائی فلمز کی کامیابیوں کا سلسلہ جاری ہے، نئی آنے والی فلم شیر دل کا ٹیزر گزشتہ دنوں ریلیز کیا گیا تھا جسے شائقین نے بہت پسند کیا تھا۔

    فلم کی کاسٹ میں میکال ذوالفقار، ارمینا رانا خان اور سبیکا امام شامل ہیں۔ جبکہ ‘شیر دل‘ کی کہانی اور اس کی پروڈکشن کے فرائض نعمان خان نے انجام دئیے اور اس کی ہدایت کاری اظفر علی کررہے ہیں۔

    شیر دل کا نیا گانا کڑی دا جھمکا کی ویڈیو ریلیز کردی گئی، دو منٹ کی اس ویڈیو میں ارمینا رانا خان اپنی ساتھی فنکاراؤں کے ساتھ مل کر زبردست ڈانس کررہی ہٰں۔

    قبل ازیں ریلیز ہونے والے ٹیزر میں دیکھا جاسکتا ہے کہ انڈین لڑاکا طیارے جب پاکستان میں داخل ہوئے تو پاک فضائیہ کے جوانوں نے انہیں تباہ کردیا جس سے اندازہ ہوتا ہے کہ فلم میں 1965 کی جنگ پر بنائی جارہی ہے۔

    فلم شیر دل 22 مارچ کو ملک بھر کے سنیماؤں گھروں میں ریلیز کی جائے گی۔

  • اے آر وائی کی فلم ’’شیردل‘‘ کا ٹریلر جاری کردیا گیا

    اے آر وائی کی فلم ’’شیردل‘‘ کا ٹریلر جاری کردیا گیا

    کراچی : شائقین فلم کے لئے ایک اور خوشخبری آگئی، اے آر وائی کی فلم ’’شیردل‘‘ کا ٹریلر جاری کردیا گیا، پاک فضائیہ کی وطن کی خدمات کو خراج تحسین پیش کرتی فلم شیر دل بائیس مارچ کو سینما گھروں کی زینت بنے گی۔

    تفصیلات کے مطابق وطن کے دفاع کرتے پاک فضایہ کی جوانوں، ان کی خدمات، جذبے اور قربانیوں پر مشتمل اے آر وائی کی فلم شیردل ریلیز ہونے کو تیار ہے۔

    کراچی کے نجی ہوٹل میں شیر دل کے ٹریلر ریلیز ہونے کی تقریب منعقد کی گئی، اس موقع پر فلم شیردل کے پروڈیوسر اور رائٹر نعمان خان کا کہنا تھا کہ اس فلم کو بنانے میں بہت محنت کی ہے، یقیناً شیر دل شائقین کو بہت پسند آئے گی۔

    فلم شیر دل کے ڈائِریکٹر اظفر جعفری اور کو پروڈیوسرنوشیں خان ہیں جبکہ مرکزی کردار میکال ذوالفقار نے ادا کیا ہے،  دیگر فنکاروں میں ارمینہ رانا خان، حسن نیازی اور سبیکا امام اور دیگر شامل ہیں۔

    تقریباً تین سال کے عرصے میں بننے والی اے آر وائی کی فلم شیر دل کے ٹریلر نے حاضرین کو بہت متاثر کیا۔ ان کا مزید کہنا تھا کہ بائیس مارچ کے دن کا بے چینی سے انتظار ہے جب شائقین شیردل کو سینما گھروں میں جا کر دیکھ سکیں گے۔

  • بلاؤں سے نبرآزما ’تین بہادر‘ دوستوں کی کہانی، نیا ٹریلر جاری

    بلاؤں سے نبرآزما ’تین بہادر‘ دوستوں کی کہانی، نیا ٹریلر جاری

    کراچی: اے آر وائی فلمز اور وادی اینیمیشن کی مشترکہ پیش کش فلم ’تین بہادر رائز آف دی واریئرز‘ کا ٹریلر جاری کردیا گیا۔

    تفصیلات کے مطابق اے آر وائی فلمز اور وادی اینیمیشن کے بینر تلے بنائی جانے والی فلم تین بہادر رائز آف دی واریئرز میں ہدایت کاری کے انجام آسکر ایوارڈ یافتہ شرمین عبید چنائے اور ایگزیکٹو ڈائریکٹر کے فرائض اے آر وائی سی ای او سلمان اقبال نے انجام دے رہے ہیں۔

    رائز آف واریئرز میں اداکار فہد مصطفیٰ اور نامور پاکستانی اداکارہ مہوش حیات نے اپنے صلاحیتوں کے جوہر دکھائے جبکہ دیگر کاسٹ میں بہروز سبزواری، ثروت گیلانی، نمرہ بُچہ اور خالد ملک شامل ہیں۔

    تین بہادر کا نیا پارٹ 14 دسمبر سے ملک بھر کے سینیما گھروں میں نمائش کے لیے پیش کی جائے گی۔

    مزید پڑھیں: فہد مصطفیٰ ’تین بہادر‘کے سیکوئل میں صداکاری کریں گے

    تین بہادر ایسے باہمت تین بچوں کی کہانی ہے جو ناقابل یقین طاقت کی مدد سے اپنے معاشرے کو جرائم کے شر سے نجات دلانے کی کوشش کرتے ہیں۔

    ٹریلر کے آغاز میں دیکھا جاسکتا ہے کہ بچے آپس میں کرکٹ کھیل رہے ہوتے ہیں تو اسی دوران بیٹسمین اونچا شارٹ کھیلتا ہے جس پر فیلڈر اپنی پوشیدہ طاقت استعمال کرتے ہوئے فضا میں بلند ہوکر گیند کو پکڑ لیتا ہے اور پھر سب آؤٹ ہونے کا جشن مناتے ہیں، اسی دوران کھیلنے والی ٹیم کا ایک کھلاڑی اعتراض اٹھاتا ہے کہ ’اس (فیلڈر) نے اپنی پاور استعمال کی ہے‘۔

    جس کے بعد وہ گھر واپس آتاہے تو دیگر دو دوست اُسے سمجھاتے ہیں کہ ’اپنی طاقت کا غلط استعمال نہیں کرو‘۔ اس پر ننھا اداکار شکوہ کرتا ہے کہ ’اب پاور کا کیا کریں، نہ باہر بچے اپنے ساتھ کرکٹ کھیلاتے ہیں اور نہ ہی لڑنے کے لیے غنڈے باقی ہیں‘۔

    یہ بھی پڑھیں: فلم تین بہادر باکس آفس پر سپرہٹ

    قبل ازیں کراچی کے مقامی سینیما میں ٹریلر لانچ کی تقریب کا انعقاد کیا گیا جس میں اے آر وائی ڈیجیٹل کے چیف ایگزیکٹو آفیسر جرجیس سیجا، ہدایت کارہ شرمین عبید چنائے، اداکار فہد مصطفیٰ سمیت فلم کی پوری کاسٹ نے شرکت کی۔

    واضح رہے کہ شرمین عبید چنائے کی ہدایت کاری میں بننے والی فلم ’تین بہادر‘ پاکستان کی پہلی اینیمیٹد فلم تھی جسے ملک بھر میں نہ صرف بچوں بلکہ بڑوں میں بھی بھرپور پذیرائی ملی تھی۔

  • جوانی پھر نہیں آنی 2، سب سے زیادہ کمانے اور صدر پاکستان کا دل جیتنے والی فلم

    جوانی پھر نہیں آنی 2، سب سے زیادہ کمانے اور صدر پاکستان کا دل جیتنے والی فلم

    کراچی: سلمان اقبال فلمز ، اے آر وائی فلمز اور سکس سگما پلس کی مشترکہ پیش کش سے ریلیز ہونے والی ’جوانی پھر نہیں آنی 2‘ نے صدر پاکستان ڈاکٹر عارف علوی کا دل جیت لیا۔

    تفصیلات کے مطابق صدر پاکستان ڈاکٹر عارف علوی نے گزشتہ سماجی رابطے کی ویب سائٹ پر ٹویٹ کرتے ہوئے مطلع کیا کہ انہوں نے ’جوانی پھر نہیں آنی 2‘ فلم دیکھی۔

    صدر پاکستان کا فلم کی تعریف کرتے ہوئے کہنا تھا کہ پاکستان کی انڈسٹری میں بھی اچھی فلمیں بن رہی ہیں اور سینیما تیزی سے ترقی کی منازل طے کررہا ہے جو اچھی بات ہے۔

    اے آر وائی کے سی ای اور اور سلمان اقبال فلمز کے مالک سلمان اقبال نے صدر مملکت کا شکریہ ادا کرتے ہوئے کہا کہ ’آپ کا یہ اقدام ہمارے لیے فخر کی بات ہے، اس سے دیگر پروڈیوسر کی حوصلہ افزائی ہوگی‘۔

    اے آر وائی کے پروگرام سرعام کے اینکر اور صحافی اقرار الحسن نے عارف علوی کو جواب دیتے ہوئے لکھا کہ ’صدر پاکستان کی جانب سے کی جانے والی ایسی ٹویٹ کو دیکھ کر بہت خوشی ہوئی‘۔

    واضح رہے کہ عیدالضحیٰ پر سلمان اقبال فلمز ، اے آر وائی فلمز اور سکس سگما پلس کی مشترکہ کاوش فلم جوانی پھر نہیں آنی 2 ریلیز کی گئی تھی جس نے ملکی تاریخ میں نہ صرف انقلاب برپا کیا بلکہ باکس آفس پر سب سے زیادہ کمانے والی فلم کا اعزاز اپنے نام کیا۔

    مزید پڑھیں: جوانی پھر نہیں آنی 2 کامیاب ترین فلم بن گئی، 53 کروڑ کا ریکارڈ بزنس

    سلمان اقبال فلمز، اے آر وائی فلمز اور سکس سگما پلس کی مشترکہ پیش کش سے ریلیز ہونے والی ایکشن اور رومانس سے بھرپور فلم نے 53 کروڑ سے زائد کا کاروبار کر کے باکس آفس پر سب سے زیادہ کمانے والی پاکستانی فلم بن چکی ہے۔

    واضح رہے کہ جوانی پھر نہیں آنی 2015 میں ریلیز کی گئی تھی جس نے باکس آفس پر کامیابی کے جھنڈے گاڑے، ناظرین کی دلچسپی کو مدنظر رکھتے ہوئے اس کا سیکوئل بنانے کا فیصلہ کیا گیا تھا۔

    خیال رہے کہ ایکشن، ڈراما، افراتفری، مذاق مستی اور رومانس سے بھرپور فلم جوانی پھر نہیں آنی کے پہلے پارٹ کی کہانی اُن چار دوستوں کے گرد گھومتی تھی جو اپنی شادی شدہ زندگی سے پریشان تھے اور اپنی ذمہ داریوں سے نالاں ہوکر دباؤ کا شکار تھے۔

    فلم کے سیکوئل میں ہمایوں سعید، فہد مصطفیٰ، واسع چوہدری، احمد علی بٹ، کبریٰ خان، ماورا حسین، عظمیٰ خان اور ثروت گیلانی نے اہم کردار ادا کیا جبکہ ندیم بیگ نے ہدایت کاری سے امور سرانجام دیے۔

  • جوانی پھر نہیں آنی 2 کامیاب ترین فلم بن گئی، 53 کروڑ کا ریکارڈ بزنس

    جوانی پھر نہیں آنی 2 کامیاب ترین فلم بن گئی، 53 کروڑ کا ریکارڈ بزنس

    کراچی: عیدالضحیٰ پر سلمان اقبال فلمز ، اے آر وائی فلمز اور سکس سگما پلس کی مشترکہ کاوش سے ریلیز ہونے والی فلم جوانی پھر نہیں آنی 2 نے باکس آفس پر تہلکہ مچاتے ہوئے سب سے زیادہ کمانے والی فلم کا اعزاز اپنے نام کرلیا۔

    تفصیلات کے مطابق عید الاضحی پر ریلیز ہونے والی فلم جوانی پھر نہیں آنی 2 کا سحر ختم نہیں ہوسکا اور صرف 18 دن میں شائقین کی بڑی تعداد فلم کو دیکھنے کے لیے سینیما گھروں کوپہنچی۔

    سلمان اقبال فلمز، اے آر وائی فلمز اور سکس سگما پلس کی مشترکہ پیش کش سے ریلیز ہونے والی ایکشن اور رومانس سے بھرپور فلم نے 53 کروڑ کا کاروبار کر کے باکس آفس پر سب سے زیادہ کمانے والی پاکستانی فلم کا اعزاز اپنے نام کیا۔

    مزید پڑھیں: جوانی پھر نہیں آنی 2 کا باکس آفس پر راج، مختصر وقت میں 10 کروڑ کا کاروبار

    فلم نے  20 دنوں میں باکس آفس پر مزید 53 کروڑ 45 لاکھ کا بزنس کیا اور ملکی تاریخ کی پہلی سب سے زیادہ دیکھی جانے والی فلم بن گئی۔

    پاکستان ہی نہیں بلکہ بیرونِ ممالک میں بھی جوانی پھر نہیں آنی 2 نے کامیابی کے جھنڈے گاڑھے اور 15 کروڑ کا بزنس کیا جبکہ ملکی سطح پر فلم نے اب تک 38 کروڑ 35 لاکھ کا کاروبار کرنے میں کامیاب رہی۔

    Image may contain: 4 people, people smiling, text

    جوانی پھر نہیں آنی 2 نے ریلیز کے ابتدائی 2 روز میں 10 کروڑ سے زائد جبکہ 18 روز میں 50 کروڑ کا بزنس کر کے مختصر عرصے میں سب سے زیادہ کمانے والی فلم کا اعزاز بھی اپنے نام کرلیا، یہ ریکارڈ اب تک کسی فلم کے پاس نہیں تھا۔

    ویڈیو دیکھیں: ’ٹلے والی جوتی‘ ، جوانی پھر نہیں آنی 2 کے ٹائٹل سانگ کی دھوم ، ویڈیو دیکھیں

    واضح رہے کہ جوانی پھر نہیں آنی 2015 میں ریلیز کی گئی تھی جس نے باکس آفس پر کامیابی کے جھنڈے گاڑے، ناظرین کی دلچسپی کو مدنظر رکھتے ہوئے اس کا سیکوئل بنانے کا فیصلہ کیا گیا تھا۔

    خیال رہے کہ ایکشن، ڈراما، افراتفری، مذاق مستی اور رومانس سے بھرپور فلم جوانی پھر نہیں آنی کے پہلے پارٹ کی کہانی اُن چار دوستوں کے گرد گھومتی تھی جو اپنی شادی شدہ زندگی سے پریشان تھے اور اپنی ذمہ داریوں سے نالاں ہوکر دباؤ کا شکار تھے۔

  • جوانی پھر نہیں آنی 2 کا باکس آفس پر راج، مختصر وقت میں 10 کروڑ کا کاروبار

    جوانی پھر نہیں آنی 2 کا باکس آفس پر راج، مختصر وقت میں 10 کروڑ کا کاروبار

    کراچی: سلمان اقبال فلمز، اے آر وائی فلمز اور سکس سگما پلس کی مشترکہ کاوش سے ریلیز ہونے والی فلم جوانی پھر نہیں آنی 2 نے باکس آفس پر تہلکہ مچاتے ہوئے تمام ریکارڈ توڑ  دیے۔

    تفصیلات کے مطابق عید الاضحی پر ریلیز ہونے والی فلم جوانی پھر نہیں آنی 2 کا سینیما گھروں پر دوسرے روز بھی راج جاری ہے اور شائقین کی بڑی تعداد فلم دیکھنے کے لیے سینیما گھروں کو پہنچ رہی ہے۔

    سلمان اقبال فلمز، اے آر وائی فلمز اور سکس سگما پلس کی مشترکہ پیش کش سے ریلیز ہونے والی ایکشن اور رومانس سے بھرپور فلم کی بکنگ کے لیے سینما گھروں میں بے تحاشہ رش ہے اور شائقین اس بات کے خواہش مند ہیں کہ وہ اپنے پسندیدہ اداکاروں کو جلد سے جلد پردے پر دیکھ لیں۔

    باکس آفس پر نیا ریکارڈ قائم

    جوانی پھر نہیں آنی ٹو نے باکس آفس پر تہلکہ مچایا ہوا ہے اور  تاریخی ریکارڈ قائم کرلیا، اب تک آنے والی پاکستانی فلموں میں سے اس فلم نے کم ترین وقت میں دس کروڑ  72 لاکھ روپے کا بزنس کر کے اہم سنگ میل عبور کیا۔

    مزید پڑھیں: جوانی پھر نہیں آنی 2، آتے ہی چھا گئی، باکس آفس پر نیا ریکارڈ قائم

    ریلیز کے پہلے روز فلم نے دنیا بھر میں 5کروڑ 40لاکھ کا کاروبار کیا تھا جس میں سے صرف پاکستان سے 3کروڑ22 لاکھ روپے اور بیرونِ مملک میں 2 کروڑ 17 لاکھ روپے کا بزنس ریکارڈ کیا گیا تھا۔

    اے آر وائی فلمز، سلمان اقبال فلمز اورسکس سگماپلس کی کامیابی سے نمائش جاری ہے، عیدالاضحی کے دوسرے روز بھی باکس آفس پر ریکارڈ توڑ بزنس ہوا۔شہریوں کی دلچسپی سے لگتا ہے سلمان اقبال فلمز،اے آر وائی فلمز اور سکس سگما پلس کی مشترکہ پیش کش نئے ریکارڈ بنانے میں کامیاب ہوگی۔

    واضح رہے کہ جوانی پھر نہیں آنی 2015 میں ریلیز کی گئی تھی جس نے باکس آفس پر کامیابی کے جھنڈے گاڑے، ناظرین کی دلچسپی کو مدنظر رکھتے ہوئے اس کا سیکوئل بنانے کا فیصلہ کیا گیا تھا۔

    یہ بھی پڑھیں: فلم ’جوانی پھر نہیں آنی 2‘ پاکستان سمیت دنیا بھر میں ریلیز 

    خیال رہے کہ ایکشن، ڈراما، افراتفری، مذاق مستی اور رومانس سے بھرپور فلم جوانی پھر نہیں آنی کے پہلے پارٹ کی کہانی اُن چار دوستوں کے گرد گھومتی تھی جو اپنی شادی شدہ زندگی سے پریشان تھے اور اپنی ذمہ داریوں سے نالاں ہوکر دباؤ کا شکار تھے۔

  • مومنہ مستحسن کی آواز میں جادو جگاتا ’عشق ہوا جو طاری‘

    مومنہ مستحسن کی آواز میں جادو جگاتا ’عشق ہوا جو طاری‘

    اے آر وائی فلمز کے زیر اہتمام بنائی جانے والی فلم ’جوانی پھر نہیں آنی 2‘ کا نیا گانا ’عشق ہوا جو طاری‘ جاری کردیا گیا۔ گانے کی گلوکارہ کوئی اور نہیں بلکہ مقبول ترین گلوکارہ مومنہ مستحسن ہیں۔

    اے آر وائی فلمز، سلمان اقبال فلمز اور سکس سگما پلس پروڈکشن کی مشترکہ پیشکش جوانی پھر نہیں آنی 2 کے ایک اور گانے نے مقبولیت کے ریکارڈ قائم کردیے۔

    گانا ’عشق ہوا جو طاری‘ معروف اداکارہ سارہ لورین پر فلمایا گیا ہے۔

    گانے کو مومنہ مستحسن نے اپنی خوبصورت آواز میں گایا ہے۔ اس کی شاعری شکیل سہیل جبکہ موسیقی ساحر علی بگا نے ترتیب دی ہے۔

    خیال رہے کہ یہ سنہ 2015 کی مقبول ترین فلم جوانی پھر نہیں آنی کا سیکوئل ہے جس کے ٹریلر اور گانے فلم کی ریلیز سے پہلے ہی مقبولیت کے ریکارڈ قائم کر رہے ہیں۔

    چند روز قبل ہی ایک اور گانا ’آیا لاڑیے‘ ریلیز کیا گیا تھا جس نے آتے ہی ناظرین کے دل جیت لیے تھے۔

    جوانی پھر نہیں آنی 2 کی کہانی واسع چوہدری نے لکھی ہے جبکہ اس کی ہدایات ندیم بیگ دے رہے ہیں۔

    فلم کی کاسٹ میں ہمایوں سعید، فہد مصطفیٰ، کبریٰ خان، ماورا ہوکین، احمد علی بٹ، واسع چوہدری، ثروت گیلانی اور عظمیٰ خان شامل ہیں۔

    فلم عید الاضحیٰ کے موقع پر ملک بھر میں ریلیز کردی جائے گی۔