کراچی: اے آر وائی فلمز اور ایس او سی فلمز نے ‘ وادی اینی میشن’ کے نام سے مشترکہ کمپنی کا اعلان کر دیا، اب پاکستانی فلم انڈسٹری میں اینی میشن پروڈکشن کی دنیا انقلاب آ جائے گا۔
اے آر وائی فلمز اور ایس او سی فلمز کے جوائنٹ ونیچر ‘وادی اینی میشن’ کے تحت فیچر فلمیں، شارٹ فلمز، اینی میٹیڈ ٹی وی سیریز اور کمرشل وغیرہ کی پروڈکشن ہو گی۔
وادی اینی میشن کے تحت پہلی فلم تین بہادر تکمیل کے مراحل میں ہے، اینی میٹیڈ فلم تین بہادر دوہزار پندرہ میں ریلیزہو گی، اے آر وائی ڈیجیٹل نیٹ ورک کے بانی اور صدر سلمان اقبال، اے آر وائی فلم ایوارڈز میں ایس او سی فلمز کی سی ای او شرمین عبید چنائے کا ہمراہ، تین بہادر کی پروڈکشن کا پہلے ہی اعلان کر چکے ہیں۔
اینی میٹیڈ فلم تین بہادر بچوں کیلئے تفریح کی دنیا میں ایک انقلاب کا سامان ہو گی، تھری ڈی اینی میشن اور تجسس سے بھرپور کہانی، جس میں بچوں کو سب کچھ اپنے جیسا لگے گا، پاکستان میں کل آبادی کا بیالیس فیص چودہ سال سے کم عمر بچوں پر مشتمل ہے۔
