Tag: ARY Films

  • جوانی پھر نہیں آنی ٹو کا نیا گانا ’’ آیا لاڑیے ‘‘ جاری کردیا گیا

    جوانی پھر نہیں آنی ٹو کا نیا گانا ’’ آیا لاڑیے ‘‘ جاری کردیا گیا

    کراچی : اے آر وائی فلمز اور سلمان اقبال فلمز نے شادی کے گیتوں میں زبردست اضافہ کردیا ہے، جوانی پھر نہیں آنی ٹو کا نیا گانا۔۔ آیا لاڑیے ۔ ریلیز کے ساتھ ہی چھاگیا۔

    تفصیلات کے مطابق اے آر وائی فلمز کی ایکشن، ڈراما اور مزاح سے بھرپور فلم ’جوانی پھر نہیں آنی 2‘ کا سانگ ۔۔ آیا لاڑیے ۔ ریلیز کر دیا گیا ہے، جس نے آتے ہی ناظرین کے دل جیت لیے۔

    سال2015میں ریلیز ہونے والی کامیاب پاکستانی فلم’’جوانی پھر نہیں آنی‘‘کے سیکوئل ’’جوانی پھرنہیں آنی ٹو‘‘کا نیا گانا جاری کردیا گیا۔

    ’’جوانی پھر نہیں آنی‘‘ کامیڈی سے بھرپور نہایت خوبصورت فلم تھی جس میں اداکار ہمایوں سعید ، حمزہ علی عباسی، واسع چوہدری، احمد علی بٹ، عائشہ خان، مہوش حیات اورسوہائے علی ابڑو نے اپنی بہترین اداکاری کرکے جان ڈال دی تھی۔

    یہی وجہ ہے کہ پاکستانی شائقین فلم کے سیکوئل کا بے چینی سے انتظار کررہے تھے, پہلی فلم کی کامیابی کے بعد دوسری فلم سے امیدیں بھی زیادہ وابستہ ہیں, تاہم گزشتہ روز ریلیز ہونے والے گانے نے واضح کردیا کہ ایکشن، کامیڈی اور سسپنس سے بھرپور فلم’’جوانی پھر نہیں آنی ٹو‘‘ عیدالضحیٰ پر پاکستانی شائقین کے لیے زبردست تحفہ ثابت ہوگی۔

    مزید پڑھیں: ’ٹلے والی جوتی‘ ، جوانی پھر نہیں آنی 2 کے ٹائٹل سانگ کی دھوم ، ویڈیو دیکھیں

    اس گانے  ’’ آیا لاڑیے ‘‘ میں فہد مصطفیٰ اور ماورا حسین کی زبردست ڈانس پرفارمنس نے پرستاروں کے دل موہ لیے۔

  • برطانیہ میں‌ ’جوانی پھر نہیں آنی 2‘ کی زبردست تشہیر

    برطانیہ میں‌ ’جوانی پھر نہیں آنی 2‘ کی زبردست تشہیر

    لندن: اے آر وائی فلمز کی ایکشن اور ڈراما سے بھرپور فلم ’جوانی پھر نہیں آنی 2‘ کو رواں سال عید الضحیٰ پر برطانیہ میں بھی ریلیز کیا جائے گا، جس کی تشہیر زور و شور سے جاری ہے۔

    تفصیلات کے مطابق اے آر وائی فلمز، سلمان اقبال فلمز، 6 سگما پلس فلمز کے بینر تلے بنائی جانے والی کامیڈی اور رومانس سے بھرپور فلم ’جوانی پھر نہیں آنی‘ پارٹ کے سیکوئل کو ریلیز کرنے کی تیاریاں حتمی مراحل میں داخل ہوگئی۔

    جوانی پھر نہیں آنی کی تشہیر کے لیے کاسٹ لندن میں موجود ہے جہاں وہ مختلف پروگراموں اور عوامی مقامات پر لوگوں کو  فلم دیکھنے کے لیے راغب کرے گی۔

    فلم کی کاسٹ مانچسٹر میں موجود مارکیٹ میں پہنچی تو وہاں لوگ خریداری چھوڑ کر  ’جوانی پھر نہیں آنی‘ کی کاسٹ کو دیکھنے کے لیے پہنچ گئی اور اُن کے ساتھ خوب تصاویر اور سیلفیاں بھی بنوائیں۔

    قبل ازیں اے آر وائی فلمز کی جانب سے فلم کا ٹائٹل سانگ ’ٹلے والی جوتی‘ کے نام سے فوک اور ریپ کے منفرد امتزاج پر بنایا جانے والا گانا ریلیز کیا گیا تھا جس نے مداحوں کے دل موہ لیے تھے۔

    فوک اور ریپ کےمنفرد امتزاج پر ترتیب دیے جانے والے گانے میں معروف گلوکار عارف لوہار اور احمد بٹ نے اپنی آواز کا جادو جگایا۔

    ایکشن اور ڈراما سے بھرپور فلم رواں سال عید الضحیٰ پر اے آر وائی فلمز کے بینر تلے ریلیز کی جائے گی جس میں نامور اداکار ہمایوں سعید، فہد مصطفی، احمد علی بٹ، واسع چوہدری، ثروت گیلانی، ماورا حسین سمیت دیگر ستارے اداکاری کے جوہر دکھائیں گے۔

    ویڈیو دیکھیں: ٹلے والی جوتی‘ ، جوانی پھر نہیں آنی 2 کے ٹائٹل سانگ کی دھوم ، ویڈیو دیکھیں

    واضح رہے کہ جوانی پھر نہیں آنی 2015 میں ریلیز کی گئی تھی جس نے باکس آفس پر کامیابی کے جھنڈے گاڑے، ناظرین کی دلچسپی کو مدنظر رکھتے ہوئے اس کا سیکوئل بنانے کا فیصلہ کیا گیا۔

    خیال رہے کہ ایکشن، ڈراما، افراتفری، مذاق مستی اور رومانس سے بھرپور فلم جوانی پھر نہیں آنی کے پہلے پارٹ کی کہانی اُن چار دوستوں کے گرد گھومتی تھی جو اپنی شادی شدہ زندگی سے پریشان تھے اور اپنی ذمہ داریوں سے نالاں ہوکر دباؤ کا شکار تھے۔

    قبل ازیں بالی ووڈ کے ابھرتے ہوئے معروف اداکار ورن دھون نے فلم کی کامیابی اور کاسٹ کے لیے نیک تمناؤں کا اظہار کیا تھا، انہوں نے ایک ویڈیو ریکارڈ کی جس میں اُن کا کہنا تھا کہ ’جوانی پھر نہیں آنی پارٹ 2 کی شوٹنگ دبئی میں جاری ہے، اس فلم کی کامیابی کے لیے نیک تمناؤں کا اظہار کرتا ہوں‘۔

  • ’ٹلے والی جوتی‘ ، جوانی پھر نہیں آنی 2 کے ٹائٹل سانگ کی دھوم ، ویڈیو دیکھیں

    ’ٹلے والی جوتی‘ ، جوانی پھر نہیں آنی 2 کے ٹائٹل سانگ کی دھوم ، ویڈیو دیکھیں

    کراچی: اے آر وائی فلمز کی ایکشن اور ڈراما سے بھرپور فلم ’جوانی پھر نہیں آنی 2‘ کا ٹائٹل سانگ اور ویڈیو ریلیز کر دی گئی جس نے آتے ہی ناظرین کے دل جیت لیے۔

    تفصیلات کے مطابق اے آر وائی فلمز، سلمان اقبال فلمز، 6 سگما پلس فلمز کے بینر تلے بنائی جانے والی کامیڈی اور رومانس سے بھرپور فلم ’جوانی پھر نہیں آنی‘ پارٹ کے سیکوئل کا ٹائٹل سانگ اور ویڈیو ریلیز کردی گئی۔

    ٹائٹل سانگ ’ٹلے والی جوتی‘ کے نام سے بنایا گیا، فوک اور ریپ کےمنفرد امتزاج پر گانے کی دھن کو ترتیب دیا گیا جس میں معروف گلوکار عارف لوہار اور احمد بٹ نے اپنی آواز کا جادو جگایا۔

    ایکشن اور ڈراما سے بھرپور فلم رواں سال عید الضحیٰ پر اے آر وائی فلمز کے بینر تلے ریلیز کی جائے گی جس میں نامور اداکار ہمایوں سعید، فہد مصطفی، احمد علی بٹ، واسع چودہری، ثروت گیلانی، ماورا حسین سمیت دیگر ستارے اداکاری کے جوہر دکھائیں گے۔

    یہ بھی دیکھیں: جوانی پھر نہیں آنی کے سیکوئل کا ٹائٹل سانگ ریلیز– ویڈیو دیکھیں

    واضح رہے کہ جوانی پھر نہیں آنی 2015 میں ریلیز کی گئی تھی جس نے باکس آفس پر کامیابی کے جھنڈے گاڑے، ناظرین کی دلچسپی کو مدنظر رکھتے ہوئے اس کا سیکوئل بنانے کا فیصلہ کیا گیا۔

    خیال رہے کہ ایکشن، ڈراما، افراتفری، مذاق مستی اور رومانس سے بھرپور فلم جوانی پھر نہیں آنی کے پہلے پارٹ کی کہانی ان چار دوستوں کے گرد گھومتی تھی جو اپنی شادی شدہ زندگی سے پریشان ہیں اور اپنی ذمہ داریوں سے نالاں ہوکر دباؤ کا شکار ہیں’۔

    قبل ازیں بالی ووڈ کے ابھرتے ہوئے معروف اداکار ورن دھون نے فلم کی کامیابی اور کاسٹ کے لیے نیک تمناؤں کا اظہار کیا تھا، انہوں نے ایک ویڈیو ریکارڈ کی جس میں اُن کا کہنا تھا کہ ’جوانی پھر نہیں آنی پارٹ 2 کی شوٹنگ دبئی میں جاری ہے، اس فلم کی کامیابی کے لیے نیک تمناؤں کا اظہار کرتا ہوں‘۔

  • جوانی پھر نہیں آنی کے سیکوئل کا ٹائٹل سانگ ریلیز– ویڈیو دیکھیں

    جوانی پھر نہیں آنی کے سیکوئل کا ٹائٹل سانگ ریلیز– ویڈیو دیکھیں

    کراچی: اے آر وائی فلمز کی ایکشن اور ڈرامہ سے بھرپور فلم ’جوانی پھر نہیں آنی ٹو‘ کے ٹائٹل سانگ کا ٹیزر ریلیز کردیا گیا جس نے آتے ہی ناظرین کے دل جیت لیے۔

    تفصیلات کے مطابق اے آر وائی فلمز، سلمان اقبال فلمز، 6 سگما پلس فلمز کے بینر تلے بنائی جانے والی فلم جوانی پھر نہیں آنی پارٹ کے سیکوئل کا ٹائٹل سانگ ریلیز کردیا گیا جس نے آتے ہی ناظرین کے دل موہ لیے۔

    ٹائٹل سانگ ’ٹلے والی جوتی‘ کے نام سے بنایا گیا جس میں پنجابی بھنگڑے اور ریپ میوزک شامل کیا گیا، اٹھارہ سیکنڈ پر مشتمل ویڈیو میں ہمایوں سعید، فہد مصطفیٰ اور احمد علی بٹ نظر آرہے ہیں۔

    ایکشن اور ڈرامہ سے بھرپور فلم رواں سال عید الضحیٰ پر اے آر وائی فلمز کے بینر تلے ریلیز کی جائے گی جس میں نامور اداکار ہمایوں سعید، فہد مصطفی، احمد علی بٹ، واسع چودہری، ثروت گیلانی، ماورا حسین سمیت دیگر ستارے اداکاری کے جوہر دکھائیں گے۔

    یہ بھی پڑھیں: فلم ’جوانی پھر نہیں آنی 2‘ کے ٹریلر لانچ کی تقریب، شوبز اسٹارز کی شرکت

    واضح رہے کہ جوانی پھر نہیں آنی 2015 میں ریلیز کی گئی تھی جس نے باکس آفس پر کامیابی کے جھنڈے گاڑے، ناظرین کی دلچسپی کو مدنظر رکھتے ہوئے اس کا سیکوئل بنانے کا فیصلہ کیا گیا۔

    خیال رہے کہ ایکشن، ڈراما، افراتفری، مذاق مستی اور رومانس سے بھرپور فلم جوانی پھر نہیں آنی کے پہلے پارٹ کی کہانی ان چار دوستوں کے گرد گھومتی تھی جو اپنی شادی شدہ زندگی سے پریشان ہیں اور اپنی ذمہ داریوں سے نالاں ہوکر دباؤ کا شکار ہیں’۔

    مزید پڑھیں: جوانی پھر نہیں آنی پارٹ 2 کے لیے معروف بالی ووڈ اداکار کی نیک تمنائیں

    قبل ازیں بالی ووڈ کے ابھرتے ہوئے معروف اداکار ورن دھون نے فلم کی کامیابی اور کاسٹ کے لیے نیک تمناؤں کا اظہار کیا تھا، انہوں نے ایک ویڈیو ریکارڈ کی جس میں اُن کا کہنا تھا کہ ’جوانی پھر نہیں آنی پارٹ 2 کی شوٹنگ دبئی میں جاری ہے، اس فلم کی کامیابی کے لیے نیک تمناؤں کا اظہار کرتا ہوں‘۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اے آر وائی فلم ’پنجاب نہیں جاؤں گی‘ نے عالمی ایوارڈ جیت لیا

    اے آر وائی فلم ’پنجاب نہیں جاؤں گی‘ نے عالمی ایوارڈ جیت لیا

    بیجنگ: چین میں منعقد ہونے والے شنگھائی فلم فیسٹیول میں اے آر وائی فلمز کے بینر تلے بننے والی فلم ’پنجاب نہیں جاؤں گی‘ نے بہترین فلم کا ایوارڈ جیت لیا۔

    تفصیلات کے مطابق چین کے صوبے شانڈونگ میں واقع شہر چنگڈاؤ میں پہلا شنگھائی تعاون تنظیم فلم فیسٹیول منعقد کیا گیا جس میں بھارت سمیت 12 ممالک کی فلموں کو اسکریننگ کے لیے منتخب کیا گیا۔

    شنگھائی آرگنائزشن کوآپریشن میں اسپیشل جیوری ایوارڈ کیٹگری میں تمام فلموں کو دیکھنے کے بعد ججز نے اے آر وائی کی فلم پنجاب نہیں جاؤں گی کو بہترین فلم کا ایوارڈ دیا۔

    مزید پڑھیں: باکس آفس پر’’پنجاب نہیں جاؤں گی‘‘ سال2017کی کامیاب ترین فلم قرار

    فیسٹیول میں ہزاروں چینی شہریوں نے شرکت کی، ناظرین کو تمام ممالک بشمول پاکستان میں ریلیز ہونے والی فلمیں دکھائی گئیں، فلم کی کہانی، ہدایت کاری اور اداکاری کو مدنظر رکھتے ہوئے فلم پنجاب نہیں جاؤں گی کو بیسٹ فلم اسپیشل جیوری کا ایوارڈ دیا گیا۔

    اداکارہ ہمایوں سعید اور مہوش حیات نے تقریب میں شرکت کی اور ایوارڈ وصول کیا، سماجی رابطے کی ویب سائٹ پر ہمایوں سعید نے عید کے موقع پر پاکستانیوں کو بڑی خوش خبری سنائی۔

    سماجی رابطے کی ویب سائٹ پر اُن کا کہنا تھا کہ ’یہ ایوارڈ فلم کی ٹیم اور پاکستانیوں کے لیے عید کا تحفہ ہے‘۔

    دوسری جانب اداکارہ مہوش حیات نےبھی خوشی کا اظہارکرتےہوئے لکھا کہ پاکستانیوں کے لئے عالمی ایوارڈ ملنا بہت بڑے فخرکاموقع ہے، پاکستانی فلمیں دنیا میں  سب کا مقابلہ کرسکتی ہیں۔

    تقریب میں ہمایوں سعید نے روایتی شیروانی اور مہوش حیات نے خوبصورت شلوارقمیص زیب تن کرکے شرکت کی اور ایوارڈ وصول کیا۔

    یہ بھی پڑھیں: بھارتی فلم ساز نے ’پنجاب نہیں جاؤں گی‘ کو ونر قرار دے دیا

    واضح رہے کہ  سال میں فلم پنجاب نہیں جاؤں گی سال 2017 میں ریلیز کی گئی تھی جس نے باکس آفس پر شاندار بزنس کرتے ہوئے تمام پاکستانی فلموں کا ریکارڈ توڑ دیا تھا،  سلمان اقبال فلمز، اےآروائی فلمز اور سکس سگما پلس کی مشترکہ پیشکش اور ندیم بیگ کی ہدایات میں بننے والی رومانوی اور کامیڈی فلم ’’پنجاب نہیں جاؤں گی‘‘ نے 50 کروڑ روپے کمائی کی تھی۔

    پاکستان میں بھرپور پذیرائی حاصل کرنے کے ساتھ ساتھ فلم نے عالمی سطح پر بھی باکس آفس کے نئے ریکارڈ قائم کیے تھے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • آزادی کشمیر پر بنائی جانے والی فلم ’آزادی‘ کا ٹریلر جاری

    آزادی کشمیر پر بنائی جانے والی فلم ’آزادی‘ کا ٹریلر جاری

    کراچی: اے آر وائی فلمز کے بینر تلے آزادی کشمیر پر بنائی جانے والی فلم ’آزادی‘ کا سنسنی خیز ٹریلر جاری کردیا گیا۔

    تفصیلات کے مطابق فلم ’آزادی‘ کی کہانی ایک ایسے شخص کے گرد گھومتی ہے جو اپنا سب کچھ آزادی کشمیر کے لیے قربان کردیتا ہے اور اس کے نظریے سے متاثر نوجوان اس کے مشن کو آگے لے کر بڑھتے ہیں۔

    فلم ’آزادی‘ میں معمر رانا اور ندیم بیگ کو کشمیر کی آزادی کے لیے جدوجہد کرتے ہوئے دکھایا گیا ہے جبکہ سونیا حسین پاکستانی نژاد برطانوی صحافی کا کردار ادا کررہی ہیں جو معمر رانا (آزاد) کا انٹرویو کرنے کے لیے آتی ہیں۔

    فلم کی ہدایت کاری کے فرائض عمران ملک نے انجام دئیے ہیں جبکہ فلم میں معمر رانا، سونیا حسین نے مرکزی کردار ادا کیے ہیں، دیگر اداکاروں میں ندیم بیگ، جاوید شیخ، مریم انصاری، علی فتح، ارم اور بلال شامل ہیں۔

    فلم کا میوزک ساحر علی بھگا نے ترتیب دیا ہے جبکہ فلم میں راحت فتح علی خان، شفقت امانت علی، قرۃ العین بلوچ نے اپنی آواز کا جادو جگایا ہے، فلم کی شوٹنگ آزاد کشمیر اور وزیرستان کے مختلف علاقوں میں کی گئی ہے۔

    ہدایت کار عمران ملک کا کہنا ہے کہ فلم میں حب الوطنی، ایک طاقتور محبت کی کہانی اور ایکشن مناظر شامل ہیں، یہ ایک ایسی فلم ہے جو اس سے قبل کبھی پاکستانی سنیما کی زینت نہیں بنی۔

    اداکارہ سونیا حسین نے کہا ہے کہ فلم میں خواتین کے حوالے سے بھی مضبوط پیغام دیا گیا ہے اور میرا فلمی نام ’زارا‘ ہے، جو ایک خود مختار صحافی ہے، فلم رواں سال بڑے پردے کی زینت بنے گی۔

    واضح رہے کہ اداکارہ سونیا حسین حال ہی میں اے آر وائی ڈیجیٹیل پر نشر ہونے والے ڈرامے ’ایسی ہے تنہائی‘ میں اداکار سمیع خان کے ہمراہ مرکزی کردار ادا کیا تھا۔

    ٹریلر دیکھیں


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • گلوکو الہ یاراینڈ دی لیجنڈ آف مارخور: بچے تو بچے‘ بڑے بھی بارباردیکھنا چاہیں گے

    گلوکو الہ یاراینڈ دی لیجنڈ آف مارخور: بچے تو بچے‘ بڑے بھی بارباردیکھنا چاہیں گے

    حسین فطری مناظر، جیسے بلند و بالا پہاڑوں، سمندروں اور طوفانوں کو بڑے پردے پر پیش کرنے میں ٹیکنالوجی کلیدی کردارادا کرتی ہے، جس کا خوب صورت اور عملی مظاہرہ ہمیں گلوکو الہ یاراینڈ دی لیجنڈ آف مارخورمیں نظر آتا ہے۔

    بات اگر اینیمیٹڈ فلم کی ہو، تو پیش کش کا پورا انحصار ہی جدید ٹیکنالوجی پر ہوتا ہے۔ یعنی معاملہ مزید نازک ہوجاتا ہے، کسی غلطی کا امکان نہیں رہتا، تقاضے مزید بڑھ جاتے ہیں۔

    تھرڈ ورلڈ اسٹوڈیوز اور اے آر وائی فلمز کے اشتراک سے بننے والی اینیمینٹڈ فلم گلوکو” الہ یار اینڈ دی لیجنڈ آف مارخور“ اس کٹھن تقاضے کو نبھانے میں کامیاب نظر آتی ہے، جو شمالی علاقہ جات، وہاں کے موسموں ، پہاڑوں، برف سے ڈھکے ٹیلوں، برستے بادلوں اور سبزے کو اتنی مہارت سے پیش کرتی ہے کہ پاکستانی فلم بین کو حقیقت کا گمان ہونے لگتا ہے۔

    ٭رنگ رنگا پریمیئر

    یہ فلم کاوش ہے مصنف اور ہدایت کار،عذیر ظہیر خان کی۔ اسے پرڈویوس کیا ہےعثمان اقبال نے۔ اس فلم کا رنگا رنگ پریمیئر31 جنوری کو کراچی کے نیوپلیکس سنیما میں ہوا، جہاں فلم کی کاسٹ کے ساتھ ساتھ شوبز کی معروف ہستیاں بھی اپنے اہل خانہ کے ساتھ موجود تھیں۔ فلم بینوں کی بڑی تعداد بھی موجود تھی۔ یہ فلم اے آروائی کے بینرتلے 2 فروری 2018 کو پاکستان بھر کے سنیما گھروں کی زینت بنے گی ۔

    آئیں، اب اس فلم پر نظر ڈالتے ہیں۔

    ٭ کہانی کیا ہے، صداکارکون ہیں؟

    فلم ننھے ہیرو الہ یار (آواز:انعم زیدی)، اس کی مارخور دوست مہرو (آواز:نتاشہ حمیرا اعجاز) پرندے ہیرو (آواز:اظفر جعفری) اورننھے برفانی چیتے چکو (آواز:عبدالنبی جمالی) کے گرد گھومتی ہے، جو ایک شاطر شکاری مانی (آواز:علی نور) کے مذموم مقاصد کو ناکام بنانے کے لیے ایک دشوار سفر پر نکلتے ہیں۔ اس دوران ناظرین کو قربانی، دوستی اور عزم و ہمت جیسے جذبات کے مختلف رنگ دکھائی دیتے ہیں۔

    جن دیگرفنکاروں کی آواز فلم میں شامل ہے، ان میں علی رحمان خان، حریم فاروق، ارشد محمود، نادیہ جمیل، امجد چوہدری، اریب اظہر اور احمد علی نمایاں ہیں۔

    تمام صداکاروں نے اپنے کرداروں کو احسن طور پر نبھایا ہے اور کہانی کے تقاضوں سے انصاف کیا ہے۔ فلم کی موسیقی سماعتوں کو بھلی معلوم ہوتی ہے۔ علی نور کی آواز میں ریکارڈ کردہ ٹائٹل ٹریک پہلے ہی مقبول ہوچکا ہے۔

    ٭فلم کیا پیغام دیتی ہے؟

    بچوں کے لیے بنائی جانے والی یہ خوبصورت فلم دوستی کے اٹوٹ رشتے کے گرد گھومتی ہے۔ دوستی کا رشتہ، جو انسان کو قربانی کا حوصلہ دیتا ہے، اور مشکل حالات میں اپنے دوستوں کے ساتھ کھڑے ہونے اور حالات کا مقابلہ کرنے کی تحریک دیتا ہے۔ ساتھ ہی یہ سکھاتی ہے کہ ہمیں رنگ، نسل، قومیت کی بنیاد پر لوگوں میں فرق نہیں کرنا چاہیے اور سب سے یکساں برتاﺅ کرنا چاہیے۔ فلم جنگلی حیات کی حفاظت اور جانوروں سے محبت کرنے کے احساس کو بھی کامیابی سے اجاگر کرتی ہے۔

    ٭فلم والدین کو بھی متوجہ کرتی ہے

    بظاہرگلوکو”الہ یار اینڈ دی لیجنڈ آف مارخور“ بچوں کی فلم ہے، مگر یہ ایک ایسا مکمل پیکیج ہے، جو ہرفلم بین کو متوجہ کرتا ہے۔ جہاں یہ بچوں کی تربیت کا اہتمام کرتی ہے، وہیں اس میں تفریح کے تمام تر عناصر موجود ہیں۔ یہ والدین کومتوجہ کرتی ہے کہ نہ صرف اپنے بچوں، بلکہ پوری فیملی کے ساتھ سنیما گھروں کا رخ کریں، اور اس خوب صورت فلم سے محظوظ ہوں۔

    ٭حرف آخر

    گلوکو”الہ یار اینڈ دی لیجنڈ آف مارخور“ ایک ایسی فلم ہے، جوزندگی کے ہر طبقے سے تعلق رکھنے والے، ہر عمر کے فلم بین کو متوجہ کرتی ہے، اور اسے بہترین تفریح فراہم کرنے کے ساتھ یہ احساس دلاتی ہے کہ پاکستانی سنیما اب بین الاقوامی سنیما سے خود کو آہم آہنگ کرنے کا سفر شروع کرچکا ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • انتظار ختم،  فلم ’پرچی‘ کا ٹریلر جاری

    انتظار ختم، فلم ’پرچی‘ کا ٹریلر جاری

    کراچی: اے آر وائی فلمز کے بینرز تلے بننے والی نئی فلم ’پرچی‘ کا ٹریلر ریلیز کردیا گیا، فلم کی کہانی پاکستان میں موجود غنڈہ عناصر کے پرچی سسٹم کے گرد گھومتی ہے جس میں وہ کاروباری شخصیات اور تاجروں سے بھتے کا مطالبہ کرتے ہیں۔

    تفصیلات کے مطابق آئی آر، اے آر وائی فلمز اور عارف لاکھانی فلمز کی مشترکہ کاوشوں سے بننے والی فلم ایکشن ، تھرل، اور مزاح سے بھرپور ہے جس کا ناظرین کو شدت سے انتظار تھا۔

    ٹریلر کا دورانیہ 2 منٹ 57 سیکنڈ پر مبنی ہے، فلم کے اداکاروں میں حریم فاروق، علی رحمان خان، احمد علی اکبر، عثمان مختار، شفقت چیمہ ہیں جب کہ اس کے مصنف شفقت خان ہیں۔

    ٹریلر دیکھیں

    فلم کی کہانی پاکستان میں موجود بھتہ خوروں کی جانب سے تقسیم کی جانے والی پرچیوں کے گرد گھومتی ہے، ٹریلر میں دکھایا گیا ہے کہ غنڈہ عناصر کاروباری لوگوں اور تاجروں سے کس طرح رقم طلب کرتے ہیں۔

    حساس موضوع کو مزاح اور ایکشن کے ساتھ پیش کیا گیا ہے تا کہ شائقین فلم کو دیکھتے ہوئے اس معاملے کو آسانی کے ساتھ سمجھ سکیں۔

     اداکارہ حریم ٹریلر کے تقریباً تمام ہی مناظر میں موجود ہیں اور وہ اس فلم میں ’میڈم صاحب‘ کا کردار ادا کررہی ہیں، فلم کے دیگر اداکاروں میں علی رحمان خان، عثمان مختار، احمد علی اکبر اور شفقت خان اور شفقت چیمہ اداکاری کے جوہر دکھائیں گے، مذکورہ فلم پانچ جنوری کو نمائش کیلئے پیش کی جائے گی۔

    اٖظفر جعفری کی ہدایت کاری میں بننے والی تھرل، ڈرامہ، ایکشن سے بھرپور فلم آئندہ برس سینیما گھروں میں نمائش کے لیے پیش کی جائے گی جو ایک اچھا سنگِ میل ثابت ہوسکتی ہے۔

    پروڈیوسر عمران رضا کاظمی کا کہنا ہے کہ فلم میں مزاح، ایکشن موسیقی اور ہلکا سا رومانوی رنگ بھی موجود ہے،جس کی وجہ سے اسے ایک مکمل فلم کہا جاسکتا ہے۔

    اس موقع پر اداکارہ حریم فاروق کا کہنا تھا کہ ’ٹریلر ریلیز کے بعد بہت اچھا رسپونس ملا جس کو دیکھتے ہوئے معلوم ہوتا ہے کہ ناظرین کو اس فلم کا شدت سے انتظار ہے‘۔

    اے آر وائی ڈیجیٹل کے سی ای او جرجیس سیجا کا کہنا تھا کہ ’اے آر وائی فلمز کے بینرز تلے بنائی جانے والی فلم کی کہانی ، کاسٹ،  اور ہدایت کاری بہترین ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • فلم ’’جوانی پھر نہیں آنی ٹو‘‘ آئندہ سال ریلیز کی جائے گی

    فلم ’’جوانی پھر نہیں آنی ٹو‘‘ آئندہ سال ریلیز کی جائے گی

    کراچی : پاکستان کی مشہور کامیڈی اور ڈرامہ فلم ’’جوانی پھر نہیں آنی‘‘ کی شاندار کامیابی کے بعد پیش کی جانے والی اے آر وائی فلمز اور سکس سگما کی مشترکہ پیشکش فلم ’’جوانی پھر نہیں آنی ٹو‘‘ آئندہ سال عید الاضحیٰ کے موقع پر نمائش کیلئے پیش کی جائے گی۔

    فلم کے سیکوئل میں اداکارحمزہ علی عباسی کی جگہ معروف میزبان اور اداکار فہد مصطفی اداکاری کے جوہر دکھائیں گے، دیگر اداکاروں میں ہمایوں سعید، احمد بٹ، واسع چوہدری، عظمیٰ خان اور ثروت گیلانی اور دیگر شامل ہیں، پہلی فلم میں بہترین اداکاری کرنے والی سوہائے علی ابڑو بھی سیکوئل کا حصہ نہیں ہوں گی۔

    اس کے علاوہ فلم میں ماورا حسین اورکبریٰ خان بھی اپنے فن کا مظاہرہ کریں گی، اے آر وائی فلمز اور سکس سگما کی مشترکہ پیشکش فلم ’’جوانی پھر نہیں آنی ٹو‘‘ آئندہ سال عیدالاضحیٰ پر نمائش کیلئے پیش کی جائے گی۔

    فلم کے پروڈیوسرسلمان اقبال، مصنف واسع چوہدری اور ڈائریکٹر ندیم بیگ ہیں۔

    ایکشن، ڈرامہ، افراتفری، مذاق مستی اور رومانس سے بھرپوراس  فلم ’’جوانی پھر نہیں آنی ٹو‘‘ میں انڈسٹری کی ایک اور شخصیت حصہ بننے جارہی ہے وہ کوئی اور نہیں باصلاحیت اور جاذب نظر اداکار عمر شہزاد ہیں۔

    عمر شہزاد نے حال ہی میں انسٹاگرام پر ایک تصویر پوسٹ کی ہے جس میں ان کو ترکی کی گلیوں میں گھومتے دیکھا جاسکتا ہے جہاں جوانی پھر نہیں آنی ٹو کی شوٹنگ بھی جاری ہے۔

    گو کہ عمر شہزاد اپنے مداحوں کو سرپرائز دینے کیلئے فلم میں اپنے کردار کو پوشیدہ رکھنا چاہتے ہیں تاہم وہ گفتگو کے دوران اس بات پر راضی ہوگئے کہ جلد ہی فلم میں اپنے کردار سے متعلق دلچسپ حقائق سے اپنے مداحوں کو آگاہ کریں گے۔

    یونانی شباہت کے حامل عمر شہزاد ایک شاندار اور ہمہ جہت شخصیت کے مالک ہیں وہ اس فلم میں اپنی صلاحیتوں کے جوہر دکھا کر اپنے مداحوں کو مزید خوشگوارحیرت میں مبتلا کردیں گے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ .مضمون پسند آیا ہے تو اسے اپنی فیس بک وال پر شیئر کریں

  • بھتے کی ’پرچی‘ بھیجتی حریم فاروق

    بھتے کی ’پرچی‘ بھیجتی حریم فاروق

    اے آر وائی فلمز کے زیر اہتمام پیش کی جانے والی ایک اور فلم ’پرچی‘ کی پہلی شاندار جھلک جاری کردی گئی جس میں حریم فاروق غنڈہ گردی کرتی ہوئی کافی خوبصورت اور منفرد نظر آرہی ہیں۔

    اے آر وائی فلمز، آئی آر کے فلمز اور عارف لاکھانی فلمز کی مشترکہ پیشکش اور اظفر جعفری کی ہدایت کاری میں بننے والی فلم پرچی کے مرکزی کرداروں میں حریم فاروق اور علی رحمٰن خان شامل ہیں۔

    حریم فاروق اس سے پہلے اے آر وائی فلمز کے زیر اہتمام بننے والی ایک اور فلم دوبارہ پھر سے میں بھی شاندار اداکاری کا مظاہرہ کر چکی ہیں۔

    پرچی کے حال ہی میں جاری کیے جانے والے ٹیزر میں حریم فاروق کافی منفرد نظر آرہی ہیں جس میں وہ غنڈہ گردی، مار دھاڑ کرتی اور بھتے وصول کرتی دکھائی دے رہی ہیں اور یہ کہنا غلط نہ ہوگا کہ بلاشبہ اس کردار میں وہ بہترین دکھائی دے رہی ہیں۔

    ٹیزر کا آغاز ان کے غصیلے تاثرات سے ہوتا ہے جس میں وہ ایک سہمے ہوئے شخص سے سوال کرتی نظر آتی ہیں، ’کس نے مخبری کی‘؟

    فلم بظاہر بھتہ خوری کے موضوع پر مبنی نظر آتی ہے جس میں فلم کے مختلف کرداروں کو ایک پرچی میں گولی وصول ہوتی ہے اور پرچی پر مطلوبہ رقم اور اسے ادا کرنے کی مدت لکھی ہوتی ہے۔

    ٹیزر میں سسپنس کا عنصر بھی برقرار رکھا گیا جس نے فلم بینوں کے تجسس میں مزید اضافہ کردیا ہے۔

    فلم کے دیگر کرداروں میں احمد علی اکبر، شفقت خان، عثمان مختار اور شفقت چیمہ بھی شامل ہیں۔

    ٹیزر میں حریم فاروق کو غنڈہ گردی کے ساتھ ساتھ رقص کرتے ہوئے بھی دکھایا گیا ہے۔

    مذکورہ ٹیزر کو دیکھتے ہوئے یہ بات نہایت واضح معلوم ہوتی ہے کہ اے آر وائی فلمز کی کاوش پرچی پاکستانی فلم انڈسٹری کے لیے ایک اور سنگ میل ثابت ہوگی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔