Tag: ARY KARACHI

کراچی:موت کا رقص،پروفیسرشکیل سمیت9افراد جاں بحق

کراچی:شہر قائد کےمختلف علاقوں میں فائرنگ اور پرتشدد واقعات کےدوران جامعہ کراچی کے پروفیسر ڈاکٹرشکیل اوج سمیت نو افراد جاں بحق ہوگئے۔

کراچی کے علاقے گلشن اقبال میں بیت المکرم مسجد کےقریب کارمیں سوار ڈاکٹر شکیل اوج کو نامعلوم افراد نے فائرنگ کرکے قتل کردیا،ڈاکرشکیل اوج کی کنپٹی پرلگنے والی گولی جان لیوا ثابت ہوئی۔

سرجانی ٹاؤن میں نامعلوم افراد کی فائرنگ سے تین افراد نشانہ بنے جس سے ایک شخص موقعے پردم توڑ گیا جبکہ دوافراد اسپتال میں دوران علاج جاں بحق ہوگئے ،پولیس کے مطابق جاں بحق افراد کاتعلق سیاسی جماعت سے ہے شفیق موڑ کے قریب نامعلوم افراد نے فائرنگ کرکے محمد معراج نامی شخص کو قتل کردیا، گبول ٹاون میں نامعلوم افراد کی فائرنگ سے ندیم احمد جان کی بازی ہار گیا،جس کا تعلق ایک سیاسی جماعت سے تھا،اورنگی ٹاون میں نامعلوم افراد نے فائرنگ کرکے محمد ریاض کو قتل کردیا،لیاری سے ایک شخص کی لاش ملی۔

گزشتہ روز سہراب گوٹھ میں فائرنگ سے زخمی ہونے والے ایک شخص نے اسپتال میں دوران علاج دم توڑ دیا،۔گلستان جوہر میں پولیس نےکاروائی کرتے ہوئے چالیس سے زائد وارداتوں میں مطلوب ملزم کو گرفتا کرلیا۔

ستمبر 19, 2014
کراچی پولیس کی کارروائی 7دہشت گرد ہلاک

کراچی: شہرقائد کےعلاقے سہراب گوٹھ میں پولیس مقابلےکے دوران سات دہشت گردہلاک ہوگئے۔

کراچی میں دہشت گردوں کےخلاف کامیاب ایکشن، پولیس سہراب گوٹھ کےعلاقےمچھرکالونی میں چھپے دہشت گردوں کوپکڑنے گئی توملزمان بوکھلاہٹ کاشکارہوگئےاورپولیس پرفائرنگ کردی، تین ملزمان توفرارہوگئے لیکن سات پولیس سے ہونےمقابلے کے دوران مارے گئے۔

ایس ایس پی ملیرراؤانوارنے بتایا کہ ملزمان کے قبضے سے بھاری تعداد میں اسلحہ دستی بم اورگولہ بارود برآمد ہواہے، ملزمان بال بم سےحملے کرتے تھے۔

پولیس کے مطابق کارروائی کے دوران بارودی مواد پھٹنے ایک کمرے میں آگ بھی لگ گئی، ملزمان کی شناخت تو نہیں ہوسکی لیکن پولیس کاکہناہے ہلاک ملزمان کاتعلق دہشت گرد تنظیم سے ہے۔

ستمبر 17, 2014
کراچی:پولیس اہلکاروں کی ٹارگٹ کلنگ میں پھر تیزی

کراچی:شہر قائد میں شہریوں کےساتھ ساتھ پولیس پرحملوں کاسلسلہ جاری ہے،اےآئی جی کراچی کے دعوے دھرے کے دھرے رہ گئے،جہاں دو پولیس اہلکاروں سمیت بارہ افراد کو موت کی نیند سلادیا گیا۔

کراچی میں بدامنی کی لہر برقرارپولیس اہلکاروں کی ٹارگٹ کلنگ میں پھرتیزی آگئی ہے۔ سخی حسن کے چورنگی کے نزدیک نامعلوم ملزمان نے فائرنگ کرکے سب انسپکٹر رانا سرور کو موت کے گھاٹ اتاردیا،فورکے چورنگی کےقریب بھی پولیس اہلکار کو نشانہ بنایا گیا،حیدری تھانے پرنامعلوم ملزمان نےکریکرسےحملہ کیا جس دو پولیس اہلکارزخمی ہوئے،نارتھ ناظم آباد میں سیفی کالج کےقریب فائرنگ کرکے ریٹائرڈ پروفیسرانیس انور کو قتل کردیا گیا،جنجال گوٹھ میں فائرنگ سےعمران نامی شخص لقمہ اجل بنا۔

پرانا گولیمارمیں ندی سے ایک لاش ملی ناردرن بائی پاس میں ہاتھ پاؤں بندھی ایک شخص کی لاش ملی،مقتول کی شناخت جاوید کے نام سے ہوئی، اورنگی ٹاوٴن سیکٹر گیارہ میں صابری چوک کے قریب نامعلوم دہشت گردوں نے ہوٹل پرفائرنگ سے سابق کونسلررشید اپنے بیٹےعادل سمیت جاں بحق ہوگئے۔

گلبہار قبرستان کے قریب سے ایک شخص کی تشددزدہ بوری بندلاش ملی،ملیرمیمن گوٹھ سے خاتون کی گولیاں لگی لاش ملی،کورنگی زمان ٹاوٴن سے رکشہ ڈرائیور جاویدکی لاش ملی، جسے تشددکے بعد گلےمیں پھندا ڈال کرقتل کیا گیا،منگھوپیرایم پی آر کالونی اور بلدیہ اتحاد ٹاؤن میں فائرنگ سے تین افراد زخمی ہوئے۔a

ستمبر 17, 2014
نئے صوبے بنانےکی تجویز وقت کی اہم ضرورت ہے, ایم کیو ایم رابطہ

کراچی:ایم کیو ایم رابطہ کمیٹی کے رکن میاں عتیق کہتےہیں کہ الطاف حسین کی بیس نئے صوبےبنانےکی تجویز وقت کی اہم ضرورت ہے۔

رابطہ کمیٹی کے رکن میاں عتیق کا کہنا تھا کہ ملک کی معاشی ترقی میں حائل مشکلات کا واحد حل نئے صوبوں کا قیام ہے ان کا کہنا تھا کہ صوبے لسانی بنیادوں پرعمل میں نہ لائے جائیں بلکہ انتظامی بنیادوں پرتشکیل دیئے جائیں جبکہ رکن رابطہ کمیٹی افتخار اکبر رندھاوا کا اپنے بیان میں کہنا تھا کہ الطاف حسین کی نئے صوبوں کی تشکیل کی تجویزملک کی بقاء سلامتی کے لئےضروری ہے اورنئےصوبوں کے قیام سےعوام کے حالات بھی بہتر ہونگے۔

ستمبر 16, 2014
کراچی میں موٹرسائیکل پر ڈبل سواری کی پابندی ختم ہوگئی

کراچی:شہرقائدمیں موٹرسائیکل کی ڈبل سواری پرعائد پابندی ختم ہوگئی،کراچی میں پانچ روزکےلئےموٹرسائیکل کی ڈبل سواری پرپابندی لگائی گئی تھی۔

کراچی میں دہشت گردی کے واقعات میں اچانک اضافے کےبعد پولیس چیف نےوزارت داخلہ کوایک خط میں موٹرسائیکل پرڈبل سواری پرپابندی کی استدعا کی تھی،جس پر وزارت داخلہ نےپہلےدس روز کیلئےڈبل سواری پر پابندی کا اعلان کیا تھا،جس میں فوراً ہی پانچ روز کی کمی کرکے پابندی کو پانچ روز تک کےلیےمحدود کردیا گیا تھا جو گیارہ ستمبر کوشروع ہوئی تھی،اس پابندی میں مزید کوئی توسیع نہیں کی گئی،جس کے بعد یہ پابندی اب ختم ہوگئی ہے،موٹر سائیکل پرڈبل سواری پر پابندی کی وجہ سے شہریوں کو شدید مشکلات کا سامنا تھا۔

ستمبر 16, 2014
کراچی آپریشن کی ناکامی وسائل کی کمی ہے،غلام قادر تھیبو

کراچی: پولیس چیف غلام قادر تھیبو نےکراچی آپریشن میں ناکامی پر پردہ ڈالنے کے لیے ذمہ داری وسائل کی کمی پرڈال دی ہے۔

کراچی میں قیام امن کیلئے شروع ہونے والا ٹارگٹڈ آپریشن ایک سال بعد بھی خاطر خواہ نتائج حاصل نہ کرسکا،ایک سال کے دوران پولیس اور رینجرز کی چھاپہ مار کارروائیوں میں ہزاروں ملزمان گرفتار تو ہوئے لیکن قتل وغارتگری کاسلسلہ نہ رک سکا۔

ایڈیشنل آئی جی کراچی غلام قادر تھیبو نے پولیس کی نااہلی کو چھپانےکیلئے آپریشن کی ناکامی کو وسائل کی کمی سے منسلک کردیا،آئی جی سندھ غلام حیدرجمالی کو لکھے جانے والےخط میں انہوں نے آئی جی سندھ سےمطالبہ کیا ہےکہ پولیس میں فوری مزید بھرتیاں کی جائیں،جدید اسلحہ،موٹرسائیکلیں،موبائل وین اوربلٹ پروف جیکٹٰس فراہم کی جائیں تاکہ جرائم پیشہ عناصر کے خلاف آپریشن میں کامیابی حاصل کی جاسکے۔

ذرائع کے مطابق اعلیٰ حکام نے ایڈیشنل آئی جی کراچی کےخط کے جواب میں برہمی کا اظہار کرتے ہوئے ایڈیشنل آئی جی کراچی کو موجودہ وسائل میں غفلت لاپرواہی ختم کرکے پولیس کی کارکردگی بہتربنانےکی سختی سےہدایت کی ہے۔

ستمبر 15, 2014
الزامات لگا کر اصل مجرموں کو بچانے کی کوشش کی جارہی ہے،الطاف حسین

کرچی:ایم کیوایم کےقائد الطاف حسین نےکہا ہےکہ سرکاری ایجنسیوں اور رینجرز کے چند افسران ایم کیو ایم کےخلاف پروپیگنڈا کررہے ہیں کسی کارکن یا رہنماء کے خلاف ایجنسیوں کے پاس ثبوت ہیں تو وہ ایم کیو ایم کے فرد کوسرعام پھانسی پرلٹکا دیں۔

متحدہ قومی مومنٹ کے قائد الطاف حسین نےاپنے ایک بیان میں کہا ہےکہ پروپیگنڈا کیا جارہا ہےکے ایم کیو ایم کے کچھ لوگ فرقہ ورانہ قتل غارت گری میں ملوث ہیں،آئی ایس آئی،ایم آئی،آئی بی یاکسی بھی ایجنسی کےپاس ثبوت ہیں توسامنےلائے اور ثابت ہونے پر ایم کیو ایم کےملوث افراد کو سرعام پھانسی دے دیں،الطاف حسین کا کہنا تھا کہ اگر الزامات لگانے والےالزامات ثابت نہ کرسکے تو الزامات لگانے والوں کو لٹکایا جائے۔

ایم کیو ایم کے قائد نے کہا ہے کہ فوج اورعسکری اداروں نےجو جہادی گروپ بنائے وہی آج شہریوں کو مار رہے ہیں وقت کا تقاضہ ہے کہ مسلح افواج کےاندرموجود انتہا پسند عناصر کے خلاف کاروائی کی جائے۔

ایم کیو ایم کے قائد نے کہا کہ ایسے تمام مدرسے جہاں نوجوانوں کی برین واشنگ کرکے انہیں دہشت گردی کی ترغیب دی جاتی ہے، ان سے آہنی ہاتھوں سے نمٹاجائے۔

الطاف حسین کا کہنا تھا کہ الزامات لگا کراصل مجرموں کو بچانے کی کوشش کی جارہی ہے،انہوں نے ہمیشہ شعیہ سنی بھائی چارے اور اتحاد بین المسلین کی بات کی ہے۔

ستمبر 12, 2014
کراچی میں ٹارگٹ کلنگ کا جن بےقابو

کراچی:شہر قائد میں ٹارگٹ کلنگ کے واقعات میں مفتی نعیم کےداماد سمیت گیارہ افراد کی جان لےلی گئی،پولیس نےقاتلوں کا پتہ بتانےوالےکیلئےپچاس لاکھ روپےانعام کا اعلان کیا ہے۔

کراچی میں دہشت گردوں کاراج ہے،پولیس اور رینجرز بے بس ہیں دوگھنٹے میں چھ افراد کی ٹارگٹ کلنگ سےشہرمیں خوف وہراس پھیل گیا،پولیس کےمطابق نصیرآباد کے علاقے میں نامعلوم افرا د کی دکان پرفائرنگ سےحیدرعباس رضوی کے کوآرڈینٹر سلمان جان کی باز ی ہارگیا۔

سرجانی میں فائرنگ سے مذہبی جماعت سے وابستہ عمران نامی شخص کو قتل کردیا گیا،پاک کالونی میں لاشاری محلہ میں فائرنگ سےاشرف بلوچ نامی شخص جان کی بازی ہارگیا،عوامی کالونی میں دودھ کی دکان پر فائرنگ سےدوبھائیوں سمیت تین افراد جاں بحق ہوگئے،مقتولین کی شناخت ارشدرستم،عرفان رستم اور سلیم اختر کے ناموں سے ہوئی ہے۔

حیدری مارکیٹ کے قریب مفتی نعیم کےداماد مولانا مسعود کو نشانہ بنایاگیا،لیاری چاکیواڑہ میں فائرنگ سے ایک شخص جاں بحق اورایک زخمی ہوا،لیاقت آباد ایف سی ایریا اور پاک کالونی میں فائرنگ سے دوافراد جان سے گئے،کارساز روڈ سے ایک شخص کی لاش ملی جس کی شناخت نہیں ہوسکی ہے۔

ستمبر 11, 2014
کراچی میں سونامی کا خدشہ، اقوام متحدہ کی رپورٹ

کراچی: محکمہ موسمیات کے مطابق سندھ کے سب سے بڑے ساحلی شہر میں میں انتہائی خوفناک ترین سونامی آ سکتا ہے اوراگر سمندر میں سونامی آیا تو پورا کراچی شہر صفحہ ہستی سے مٹ سکتا ہے۔

اقوام متحدہ کی جانب سے بحر ہند میں ایک فرضی مشق کی گئی، جس کا مقصد سونامی کے بارے میں پہلے سے آگاہی دینے والے نظام کی جانچ پڑتال تھی۔

دوہزار چار میں انڈونیشیا میں سونامی کے بعد اس نظام کو نصب کیا گیا اوراب جب اس نظام کیلئے فرضی مشق کی گئی تو معلوم ہوا کہ مکران کے سمندر میں اگر نو شدت کا زلزلہ آیا تو سونامی کی تین سے تئیس فٹ اونچی لہریں ڈیڑھ گھنٹے میں کراچی تک پہنچ جائیں گی۔

اقوام متحدہ کی رپورٹ کے مطابق سونامی کی یہ لہریں بہت اونچی اور انتہائی شدید ہوں گی، جس سے کراچی شہر صفحہ ہستی سے مٹ جائے گا، چیف میٹیرولوجسٹ توصیف عالم اقوام متحدہ کی اس مشق کے سربراہ ہیں اور چیف میٹیرولوجسٹ توصیف عالم نے اس بات کی تصدیق کی ہے کہ کراچی میں اس نوعیت کا سونامی آ سکتا ہے کہ جس سے پورا شہر صفحہ ہستی سے مٹ جائے گا۔

ستمبر 10, 2014
کراچی: پولیس مقابلہ، کالعدم تنظیم کے 3ملزمان مارے گئے

کراچی: سائٹ ایریا میں پولیس مقابلے میں کالعدم تنظیم سے وابستہ تین ملزمان مارے گئے، دوسری جانب فائرنگ اورپرتشدد واقعات میں پولیس اہلکارسمیت چار افراد جان کی بازی ہارگئے۔

پولیس کے مطابق سائٹ کےعلاقےمیں مبینہ پولیس مقابلےمیں کلعدم تنظیم سے وابستہ تین ملزمان مارے گئے، ملزمان اے ایس آئی حمید خٹک سمیت پولیس اہلکاروں کےقتل،بھتے اور ڈکیتوں کی متعدد وارداتوں میں ملوث تھے۔

گلشن اقبال میں بھی ایک ڈاکو مارا گیا، کھارادر میں فائرنگ کے واقعے میں پولیس اہلکار حاتم موریو جاں بحق ہوا، لانڈھی ، قائد آباد اور اورنگی ٹاون میں فائرنگ سے تین افراد جان کی بازی ہار گئے جبکہ ناظم آباد میں ٹرانسپوٹر کے گھر کے باہر کریکر کا دھماکا کیا گیا۔

ستمبر 8, 2014