ARYNews.tv | Urdu – Har Lamha Bakhabar

Tag: ARY KARACHI

  • کراچی میں رینجرز ٹارگٹ کلرز کےنشانےپر

    کراچی میں رینجرز ٹارگٹ کلرز کےنشانےپر

    کراچی: ٹارگٹ کلرزنےکراچی میں اب رینجرز کو ہدف بنالیا،ڈبل سواری پرپابندی کے باوجودموٹرسائیکل سواروں نےدورینجرز اہلکاروں کوشہید کردیا۔

    کراچی میں پولیس کےبعد رینجرز بھی ٹارگٹ کلرزکے نشانےپرآگئی،چوبیس گھنٹےمیں تین رینجرز اہلکاروں کوشہید کردیاگیا،لانڈھی اسپتال چورنگی پررینجرزکی چوکی کےقریب موٹرسائیکل سوارملزمان نے رینجرزاہلکاروں پرگولیاں برسادیں جس کے نتیجے میں دواہلکارثنااللہ اورسیف الرحمان شدید زخمی ہوگئےجنہیں اسپتال منتقل کیاگیالیکن وہ زخموں کی تاب نہ لاتے ہوئے چل بسے۔

    فائرنگ کی زدمیں نوسالہ بچی عائشہ جاں بحق اورایک راہگیرزخمی ہوگیا،ڈی آئی جی ایسٹ منیر شیخ کےمطابق حملہ آوروں نے گارڈ کی وردیاں پہن رکھی تھیں اورملزمان رینجرز اہلکاروں کا سرکاری اسلحہ بھی ساتھ لے گئے۔

    رات گئےفرنٹیئرکالونی میں فائرنگ سے زخمی رینجرز اہلکاراسپتال میں چل بسا،وزیراعظم نے رینجرزکےجوانوں پرفائرنگ کی مذمت کی ہے اورکہاہےکراچی کےامن کیلئےرینجرزعظیم قربانی دےرہی ہےحملہ بزدلانہ اقدام ہے۔

    ہفتہ کےروزگلشن اقبال میں فائرنگ سےجاں بحق اہل سنت ولجماعت کے کارکنان مولانا ہارون،مولانا احتشام اورقاری حفیظ کی نماز جنازہ اداکردی گئی جس میں لوگوں کی بڑی تعداد نے شرکت کی،کراچی میں بڑھتی ہوئی بدامنی کے پیش نظرحکومت سندھ یکم اگست کی رات بارہ بجےتک ڈبل سواری پربھی پابندی عائد کردی ہے۔

  • کراچی :قائدآباد میں فائرنگ,ڈی ایس پی قائد آباد شدید زخمی

    کراچی :قائدآباد میں فائرنگ,ڈی ایس پی قائد آباد شدید زخمی

    کراچی:شہر قائد کےعلاقےقائدآباد میں ڈی ایس پی چوہدری طارق سعید پرحملہ اور فائرنگ,ڈی ایس پی شدید زخمی،انہیں نجی اسپتال منتقل کردیا گیا ہے۔

    پولیس کےمطابق ڈی ایس پی چوہدری طارق سعید پرحملہ اس وقت کیاگیاجب وہ افطاری کے لیے اپنے گھ جارہے تھے،حملہ آور موٹر سائیکل پرسوار تھے اور ہیلمٹ پہنے ہوئے تھے۔

    ڈی آئی جی ایسٹ منیرشیخ کےمطابق ڈی ایس پی طارق کی گاڑی پرتین فائر کیے گئے ، جس میں سے ایک گولی ان کے چہرے پر لگی، جس کے بعد انہیں طبی امداد کے لیے نجی اسپتال منتقل کردیا گیا ہے ۔

    پولیس حکام کا کہنا ہے کہ ڈی ایس پی الفلاح طارق سعید کا کراچی آپریشن میں اہم کردار رہا ہے،ملزمان کی گرفتاری کے لیےکوششیں کی جارہی ہیں۔

  • لاہور، بجلی کی طویل لوڈ شیڈنگ سے شہری پریشان

    لاہور، بجلی کی طویل لوڈ شیڈنگ سے شہری پریشان

    کراچی:لاہورکے متعدد علاقوں میں بجلی کی طویل اور غیر اعلانیہ لوڈشیدنگ کے باعث شہری بلبلا اٹھے ۔

    لاہور کے کئی علاقوں میں بجلی کی غیراعلانیہ لوڈ شیڈنگ کی جاری ہے،لوڈ شیڈنگ کے باعث اعتکاف میں بیٹھےلوگوں کو شدید مشکلات کا سامنا ہےتودوسری جانب سحری، افطاری اور تراویح کے اوقات میں بھی لوگ پریشان ہیں۔

    ملتان روڈ، جلو، باٹا پور،مناواں، ہربنس پورہ، لال پل، مغل پورہ اور شالامار کےعلاقوں میں رات بارہ بجے سے بجلی طویل وقت کیلئے بند ہو گئی۔

  • شہر میں جاری لاقانونیت کےخلاف ٹارگٹڈ آپریشن جاری

    شہر میں جاری لاقانونیت کےخلاف ٹارگٹڈ آپریشن جاری

    کراچی: کورنگی ڈھائی نمبر میں رینجرز نے سرچ آپریشن میں متعدد افراد کو گرفتار کرلیا دوسری جانب جوہر موڑ کے قریب رینجرز نے چھاپہ مار کر 2 افراد کو زیر حراست لے لیا۔

    شہر میں جاری لا قانونیت کےخلاف قانون نافذ کرنے والےاداروں کی کار روائیاں بھی جاری ہیں،را ت گئے رینجرز نے خفیہ اطلاع پرکارروائی کر تے ہوئے کورنگی ڈھا ئی نمبر میں سرچ آپریشن کرکے متعدد مشکوک افراد کو گرفتار کر لیا، جن سے تقتیش کی جار ہی ہے۔

    جوہرموڑ کےقریب ایک رہائشی عمارت پر رینجرزنے چھاپہ مار کر 2 افراد کوگرفتار کر لیا ہے، مبینہ ملزمان کا تعلق سیاسی جماعت سے بتایا جارہا ہے۔

  • کالعدم تنظیموں کےسربراہ کھلےعام نفرت انگیز بیانا ت دیتے نظر آتے ہیں، حیدرعباس

    کالعدم تنظیموں کےسربراہ کھلےعام نفرت انگیز بیانا ت دیتے نظر آتے ہیں، حیدرعباس

    کراچی:ایم کیوا یم کےرہنما حیدرعباس رضوی نے کہا ہے کہ قانون نافذ کرنے والے ادارے کالعدم تنظیموں کو کنٹرول کرنے کیلئےفیصلہ کن قدم اٹھائیں۔

    کراچی کےعلاقےانچولی میں علامہ طالب جوہری کے داماد مبارک رضا کاظمی کی نماز جنازہ کےبعد میڈیا سے گفتگو میں حیدرعباس رضوی نے کہا کہ دہشتگر د یہ بھول گئے ہیں کہ شہادتیں علمائےحق کے بزرگوں کی وراثت ہے۔

    ان کا کہنا تھا کہ جس طرح کراچی میں اہل تشیع اوراہل سنت کے لوگوں کونشانہ بنایا جا رہا ہے وہ لمحہ فکریہ ہے۔

    حیدرعباس رضوی نے مزید کہا کہ کالعدم تنظیموں کےسربراہوں کولگام دینےوالا کوئی نظر نہیں آتا اور وہ کھلےعام پریس کانفرنسوں میں نفرت انگیزتقاریرکر تے نظر آتے ہیں، کراچی میں جاری قتل عام کا محض ایک سیاسی پہلو نہیں بلکہ اس کے کئی پہلو ہیں۔

  • الطاف حسین کی علامہ طالب جوہری اور شہید مبارک رضا کاظمی کے لواحقین سے تعزیت

    الطاف حسین کی علامہ طالب جوہری اور شہید مبارک رضا کاظمی کے لواحقین سے تعزیت

    ایم کیوایم کے قائد الطاف حسین نے معروف دانشور،مبلغ اور مذہبی اسکالرعلامہ طالب جوہری کےداماد مبارک رضا کاظمی کےسفاکانہ قتل کی سخت الفاظ میں مذمت کی ہے۔

    اپنے ایک بیان میں الطاف حسین نےعلامہ طالب جوہری سمیت مبارک رضا کاظمی شہید کے تمام سوگوارلواحقین سےدلی تعزیت وہمدردی کااظہارکرتے ہوئے کہا ہے کہ کراچی میں ایک مخصوص مکتبہ فکر کے افراد کی ٹارگٹ کلنگ کراچی میں جاری ٹارگٹڈ آپریشن پرسوالیہ نشان ہے۔

    الطاف حسین کا کہنا ہےکراچی میں جاری ٹارگٹڈ آپریشن کےباوجود شہر میں امن وامان کی صورتحال خراب ہے،سفاک قاتلوں اورجرائم پیشہ عناصرکےخلاف موٴثرکارروائی کے بجائے امن وامان کی بہتری کے کھوکھلےدعوے کیے جارہے ہیں ۔

    الطاف حسین نے حکومت سے مطالبہ کیا کہ مبارک رضا کاظمی شہیدکےقاتلوں کو گرفتارکرکےسخت ترین سزا دی جائے۔

    ایم کیو ایم رابطہ کمیٹی کے ڈپٹی کنوینرخالد مقبول صدیقی اور حیدرعباس رضوی نے بھی علامہ طالب جوہری کے گھرجا کران سے تعزیت کی اس موقع پرانکا کہنا تھا کراچی میں روزانہ آٹھ سے دس لاشیں گرر ہی ہیں لیکن جوابدہ کوئی نہیں۔

  • نیویارک: پولیس حراست میں ملزم کی ہلاکت پر احتجاج

    نیویارک: پولیس حراست میں ملزم کی ہلاکت پر احتجاج

     مین ہٹن: امریکی شہر نیویارک میں پولیس حراست میں ہلاک ہونے والے شخص کے لئے سینکڑوں افراد نے احتجاجی مظاہرہ کیا۔

    نیو یارک پولیس ڈپارٹمنٹ کے باہرجمع ہونے والے مظاہرین کا کہنا تھا کہ تینتالیس سالہ ایرک گارنرکےخاند ان کوانصاف فراہم کیا جائے۔

    مظاہرین کےمطابق ایرک کو حراست میں لیتے وقت بےرحمی سے مارا پیٹا گیا جس کی وجہ سے وہ ہلاک ہوا،جبکہ نیویارک پولیس کا کہنا ہے کہ ایرک گارنر کی موت حراست میں لینے کی کوشش کے دوران دل کا دورہ پڑنے سےہوئی۔

  • لیاری: رینجرزسے مبینہ مقابلہ، گینگ وارکا ملزم ہلاک

    لیاری: رینجرزسے مبینہ مقابلہ، گینگ وارکا ملزم ہلاک

    کراچی:شہر قائد کے علاقے لیاری پھول پتی لین میں رینجرزسے مبینہ مقابلےمیں گینگ وارکا ایک ملزم ہلاک ہوگیا اورنگی ٹاؤن قصبہ کالونی سےرینجرز نے ٹارگٹ کلنگ میں ملوث دو ملزمان کو گرفتار کرکےاسلحہ برآمدکرلیا۔

    رینجرزترجمان کے مطابق لیاری کےعلاقے پھول پتی لین میں رینجرز نےملزمان کی گرفتاری کےلیئے چھاپہ مارا ملزمان نے رینجرز اہلکاروں پرفائرنگ کردی جوابی فائرنگ کے نتیجے میں ایک ملزم مارا گیا جس کی شناخت محمد حسین کے نام سے ہوئی ملزم کا تعلق لیاری گینگ وارسے ہے۔

    اورنگی ٹاؤن کے علاقے قصبہ کالونی میں رینجرز نے چھاپہ مار کارروائی کے بعد دو ملزمان کو گرفتار کرکے اسلحہ برآمد کرلیا تملزمان کا تعلق سیاسی جماعت سے ہے۔

  • اے آر وائی نیوز نے انٹر میڈیا کرکٹ ٹورنامنٹ جیت لیا

    اے آر وائی نیوز نے انٹر میڈیا کرکٹ ٹورنامنٹ جیت لیا

    کراچی:انڑمیڈیاکرکٹ ٹورنامنٹ کےفائنل میں اے آر وائی نیوزنےایکسپریس نیوز کو دس وکٹوں سےشکست دیکر ٹائٹل اپنے نام کرلیا۔

    کراچی کےحنیف محمداسٹیڈیم میں کھیلے گئےانڑمیڈیاکرکٹ ٹورنامنٹ میں اے آر وائی نیوزنےناقابل شکست رہتے ہوئےٹرافی اپنے نام کی۔

    پہلےمیچ میں اے آر وائی نیوزنےشوبزالیون اورپھرجیو نیوزکو روندتےہوئےایونٹ کے فائنل میں جگہ بنائی،ایکسپریس نیوزکیخلاف فائنل میں بھی اے آر وائی نیوزنے شاندار کھیل کا مظاہرہ کیا۔

    ایکسپریس نیوزنے مقررہ اوورزمیں پچاس رنز بنائے،مطلوبہ ہدف اے آر وائی نیوزنے بغیر کسی وکٹ کے تیسرے اووز میں حاصل کرتے ہوئےانٹرمیڈیا کرکٹ ٹورنامنٹ کا ٹائٹل اپنے نام کیا۔

  • رحمان ملک کی گورنرسندھ ڈاکٹرعشرت العبادخان سےملاقات ،اہم امورپربات چیت

    رحمان ملک کی گورنرسندھ ڈاکٹرعشرت العبادخان سےملاقات ،اہم امورپربات چیت

    کراچی:پیپلز پارٹی کےرہنماسینیٹرعبدالرحمان ملک نے گورنرہاؤس میں گورنر سندھ ڈاکٹر عشرت العبادخان سےملاقات کی اوراہم امورپربات چیت کی۔

    دونوں رہنمائوں کے درمیان صوبےاورشہرمیںامن و امان کے قیام اور ترقی کے سفر کوجاری رکھنے کے لئے مشترکہ طور پرکام کرنےکےعزم کا بھی اعادہ کیا گیا۔

    دونوں رہنماؤں نےعزم ظاہرکیا کہ صوبے کی دونوں بڑی سیاسی جماعتوں کے درمیان باہمی ربط، سیاسی رواداری اور ہم آہنگی کو فروغ اور صوبے و شہر میں امن و امان کے قیام کے لئے جاری اقدامات کو مزید موئثر بنایا جائے گا۔