ARYNews.tv | Urdu – Har Lamha Bakhabar

Tag: ARY Network

  • پندرہویں سالگرہ پر خصوصی ٹرانسمیشن، اے آر وائی فیملی کی شرکت

    پندرہویں سالگرہ پر خصوصی ٹرانسمیشن، اے آر وائی فیملی کی شرکت

    تصاویر: پیار علی امیر علی

    کراچی: اے آر وائی ڈیجیٹل نیٹ ورک کی پندرہویں سالگرہ پر خصوصی نشریات میں اے آر وائی فیملی نے شرکت کی

    اے آر وائی ڈیجیٹل نیٹورک کی پندرہویں سالگرہ کے موقع پر شام سات سے رات ساڑھے دس بجے تک اسپیشل ٹرانسمیشن جاری رہی۔ اسپیشل ٹرانسمیشن میزبانی فہد مصطفیٰ اور وسیم بادامی نے کی بعد ازاں اے آر وائی نیوز کے اینکر اقرار الحسن نے بھی میزبانی کے فرائض انجام دیئے۔

    اس موقع پر اے آر وائی کے صدر اور سی ای او سلمان اقبال کا کہنا تھا پندرہ سال ایک جدوجہد میں گزارے ہیں، کامیابی میں قوم کا بہت بڑاکردار ہے۔

    حاجی جان محمد نے ابتدائی جد و جہد کی یاد تازہ کی اور اے آروائی نیٹ ورک کے بانی حاجی عبدالرزاق یعقوب مرحوم کو خراج عقیدت پیش کیا۔

    اسپیشل ٹرانسمیشن میں محبوب عبد الرووف اور جرجیس سیے جا نے جرات مندانہ فیصلوں کا خاص طور پر تذکرہ کیا، معروف کمپیئر انور مقصود اور بشریٰ انصاری نے بھی اپنے خیالات کا اظہار کیا۔

    اے آر وائی کی پندرہویں سالگرہ کی خصوصی نشریات اے آر وائی نیوز اور ڈیجیٹل پر براہ راست نشر کی گئی، اےآروائی نیٹ ورک کے صدر اور سی ای او سلمان اقبال نے اے آروائی فیملی اور کور ٹیم کے ہمراہ اسپیشل ٹرانسمیشن کا اسپیشل کیک کاٹا۔

    اے آر وائی نیٹ ورک کی پندرہویں سالگرہ پر سماجی رابطے کی ویب سائٹ ٹوئٹر پر#SalgirahMubarakARYکا ٹرینڈ پاکستان میں ٹاپ پر رہا جس کے کچھ ٹوئٹس پیش ہیں۔

  • اے آروائی اورآئی بی اے میں مفاہمتی یاداشت پردستخط

    اے آروائی اورآئی بی اے میں مفاہمتی یاداشت پردستخط

    کراچی: عام آدمی کا پاکستان پروجیکٹ کے تحت اے آروائی اور انسٹی ٹیوٹ آف بزنس ایڈمنسٹریشن کے درمیان مفاہمتی یاداشت پردستخط ہوگئے چیئرمین اے آروائی ڈیجیٹل نیٹ ورک محمد اقبال نے کہا ہے کہ مستقبل میں بھی نوجوانوں کواے آروائی کا پلیٹ فارم فراہم کیا جائے گا۔

    عام آدمی کا پاکستان کے پروجیکٹ کے تحت انسٹی ٹیوٹ آف بزنس ایڈمنسٹریشن اور اے آروائی کے درمیان مفاہمتی یاداشت پرچیئرمین اے آروائی ڈیجیٹل نیٹ ورک محمد اقبال اور آئی بی اے کے ڈائریکٹر اور ڈین ڈاکٹر عشرت حسین نے دستخط کیے ۔

    ڈاکٹر عشرت حسین کاکہنا تھا کہ ایمانداری محنت اور لگن سے کام کیا جائے تو آئی بی اے کے دو طالب علموں محمد حسان اور ابراہیم یوسف جیسے نوجوانوں کے پروجیکٹ بھی کامیاب ہوجاتے ہیں۔

    چیئرمین اے آروائی ڈیجیٹل نیٹ ورک محمد اقبال کاکہنا تھا کہ مستقبل میں بھی نوجوانوں کو آگے بڑھانے کیلئے اے آروائی ہمیشہ اپنا پلیٹ فارم فراہم کرے گا۔

    اے آروائی نے عام آدمی کے پاکستان میں باصلاحیت افراد کو آگے لانے کیلئے ہمیشہ موثرکردارکیا ہے آئی بی اے کے دو طالب علموں کی خدمات حاصل کرنا اس سلسلے کی کڑی ہے اور پاکستان کے مختلف تعلیمی اداروں سمیت مختلف شعبہ ہائے زندگی میں اپنے پیروں پر لوگوں کو کھڑا کرنے کیلئے پروگرامات کا سلسلہ جاری رہے گا۔

    قبل ازیں چیئرمین اے آروائی ڈیجیٹل نیٹ ورک حاجی محمد اقبال اورڈائریکٹر اے آروائی محبوب رؤف نے آئی بی اے کے مختلف شعبوں میں کمپنی پروجیکٹ پر کام کرنے والے گریجوٹس سے ملاقات بھی کی ، اور یہاں کام کرنے والے افراد سے مختلف امور پر تبادلہ خیال بھی کیا۔