Tag: ARY New s

ملک بچانے کیلئے جماعت اسلامی پر پابندی لگائی جائے، الطاف حسین

کراچی : ایم کیو ایم کے قائد الطاف حسین نے کہا ہے ملک بچانے کیلئے جماعت اسلامی پر پابندی لگائی جائے۔

متحدہ قومی مومنٹ کے قائدالطاف حسین نے اپنے ایک بیان میں کہا ہے کہ گزشتہ ماہ پشاورکے آرمی پبلک اسکول میں ہونے والا اندوہناک سانحہ بھی قوم کو متحد نہ کرسکا ۔

الطاف حسین کا کہنا تھا امریکی وزیر خارجہ جان کیری نے انڈیا کے دورے میں اربوں روپے کی امداد دی لیکن پاکستان کو صرف 25کروڑ ڈالردیے جو دہشت گردی کی جنگ میں پاکستان کے نقصانات کے سامنے اونٹ کے منہ میں زیرہ دینے کے مترادف ہے۔

انہوں نے کہا کہ بھارت مستقل با رڈرز کی خلاف ورزی کرکے پاکستان کی سرحدوں کے اندر گولہ باری کر رہاہے ، لوگ شہید ہورہے ہیں لیکن اس پر امریکی وزیر خارجہ نے مذمت کا اظہار تک نہیں کیا۔

الطاف حسین کا کہنا تھا طالبان اور داعش کے لوگ جماعت اسلامی کے رہنماوں کے گھروں سے گرفتار ہو رہے ہیں، ملک بچانے کیلئے جماعت اسلامی پر پابندی لگائی جائے۔

جنوری 13, 2015
کراچی: اورنگی میں ایم کیوایم کا ایک اورعہدیدار اشرف خان قتل

کراچی: شہرقائد کے علاقے اورنگی ٹاؤن میں دوسرے روز بھی ٹارگٹ کلنگ نہ رکی، نامعلوم افراد نے فائرنگ کر کے ایم کیو ایم کے عہدیدار اشرف خان کو قتل کر دیا۔

اورنگی ٹاؤن کے علاقے میں متحدہ قومی موومنٹ کے قتل ہونے والے کارکن کا نام اشرف خان تھا جو پارٹی کی بلوچستان کمیٹی کا جوائنٹ سیکریٹری تھا۔

ایم کیو ایم کے کارکن کی ہلاکت کے بعد ایم کیو ایم کے قائد الطاف حسین کا گہرے دکھ اور افسوس کا اظہار کرتے ہوئے حکومت اور آرمی چیف سے نوٹس لینے کا مطالبہ کردیا۔ الطاف حسین کا کہنا ہے کہ ان کے قتل کے بعد پارٹی ایک بہادر کارکن سے محروم ہو گئی ہے ، حکومت قاتلوں کو فی الفور گرفتار کرے۔

جنوری 13, 2015
کارکنوں کے قتل کے خلاف ایم کیوایم کا قومی اسمبلی سے واک آوٴٹ

اسلام آباد: ایم کیو ایم نے کراچی میں کارکنوں کے قتل کے خلاف ایوان میں نعرے بازی کی اور واک آوٴٹ کیا، پیپلز پارٹی کے اعجاز جاکھرانی کا کہنا تھا کہ کراچی میں دہشت گر د مارے جارہے ہیں۔

قومی اسمبلی کے اجلاس میں ایم کیو ایم کے فاروق ستار نے کہا کہ سندھ حکومت نصیر اللہ بابر کی بربریت کی یاد تازہ کررہی ہے۔ ایم کیو ایم کے پانچ کارکنوں کو ماورائے عدالت قتل کیا گیا، قتل کے واقعات میں اضافہ ہورہا ہے، ایم کیو ایم کو قومی منظرنامے سے آوٴٹ کرنے کی کوشش کی جارہی ہے۔

انہوں نے کہاکہ سازش کے تحت کراچی کی فضا کو خراب کیا جارہا ہے، کراچی کے حالات اگر خراب ہوئے تو ایم کیو ایم ذمہ دار نہیں ہوگی، اس موقع پر ایم کیو ایم کے اراکین نے ایوان میں شدید نعرے بازی کے بعد واک آوٴٹ کیا، اعجاز نے کہا کہ وفاق اور صوبائی حکومت مل کر کراشی میں آپریش نکرہی ہے، کلراچی میں امن قائم کرنا حکومت کی ذمہ داری ہے۔

جنوری 12, 2015
سموں کی بائیو میٹرک تصدیق کے پہلے مرحلے کا آغاز

اسلام آباد: سموں کی بائیو میٹرک تصدیق کے پہلے مرحلے کا آغاز آج سے کر دیا گیا ہے، 44 ملین سموں کی تصدیق پہلے مرحلے میں ہو گی۔

ٹیلی کام ذرائع کے مطابق پہلے مرحلے میں کراچی ، پشاور، ڈی آئی خان، بلوچستان ، فاٹا کی 21 ملین سمیں جبکہ باقی پاکستان کی 23 ملین ایسی سمیں جو ایک شناختی کارڈ پر تین یا اس سے زائد سمیں جاری ہوئی ہیں، ان کی تصدیق ہوگی۔

پہلے مرحلے میں 12 جنوری سے 26 فروری تک تین یا اس سے زائد سمیں رکھنے والوں کی تصدیق ہوگی، دوسرے مرحلے میں27 فروری سے 13 اپریل تک دو یا اس سے کم سمز رکھنے والوں کی سمز کی تصدیق کی جائے گی، 14 اپریل کے بعد تصدیق نہ ہو پانے والی تمام سمز بند کر دی جائیں گی۔

موبائل کمپنیاں سمز کی بائیو میٹرک تصدیق کیلئے میڈیا پر تشہیری مہم بھی شروع کریں گی جبکہ کالز اور ایس ایم ایس کے زریعے بھی صارفین کو بائیو میٹرک تصدیق کا کہا جائے گا۔

موبائل فون سموں کی بائیومیٹرک تصدیق کیلئے ملک بھر میں استعمال ہونے والی 10کروڑ 30 لاکھ سموں کو دو حصوں میں تقسیم کیا گیا ہے۔ ایک حصہ میں وہ صارفین شامل ہیں، جو ایک شناختی کارڈ پر ایک یا دو سمیں استعمال کر رہے ہیں۔

دوسرا حصے میں حساس شہروں بلوچستان اور فاٹا میں زیرِ استعمال سمیں شامل ہیں اور وہ صارفین جنکو ایک شناختی کارڈ پر 2 یا اس سے زائد سمیں جاری کی گئی ہیں۔

واضح رہے وزارتِ داخلہ نے موبائل کمپنیوں کو سموں کی بائیو میٹرک تصدیق کیلئے 90 دن کی حتمی ڈیڈلائن دی تھی۔

سموں کی بائیو میٹرک تصدیق کے حوالے سے وزارتِ داخلہ حکام اور موبائل آپریٹرز کا اجلاس ہوا تھا، ذرائع کے مطابق موبائل کمپنیاں نوے دن میں 103 ملین سموں کی تصدیق کریں گی جبکہ دو مراحل میں سموں کی تصدیق کا عمل مکمل کیا جائے گا۔

جنوری 12, 2015
شاہد آفریدی نے ورلڈ کپ کی تیاری شروع کردی

لاہور: ورلڈ کپ کے سکواڈ کا اعلان ہوتے ہی قومی کرکٹ ٹیم کے آل رائونڈر شاہد آفریدی نے ٹریننگ کا آغاز کر دیا ہے۔

نیوزی لینڈ کے خلاف سیریز کے دوران شاہد آفریدی کے ہاتھ میں معمولی انجری آئی تھی۔ جس کے بعد ڈاکٹرز نے انہیں دو ہفتے کے آرام کا مشورہ دیا تھا، شاہد آفریدی نے آرام کے بعد قذافی سٹیڈیم میں باقاعدہ ٹریننگ کا آغاز کر دیا ہے۔ جبک ورلڈ کپ کے لئے تیرہ سے سترہ جنوری تک لگنے والے تربیتی کیمپ میں شاہد آفریدی فزیکل ٹریننگ کے ساتھ ساتھ باقاعدہ طور پر نیٹ پریکٹس میں بھی حصہ لیں گے۔

جنوری 8, 2015
کراچی: موسم کی خرابی، ایئرپورٹ عارضی طور پر بند

کراچی : ملکی ہوا بازی کا نظام درہم برہم ہوکر رہ گیا ہے، کراچی میں موسم کی خرابی کے باعث ایئرپورٹ عارضی طور پر بند کرنا پڑا تو دوسری جانب لاہور ایئرپورٹ پر مرکزی رن وے تین روز سے بند ہے۔

ایئرپورٹس پر فلائٹ آپریشن میں گڑبڑ سے نقصان مسافروں کا ہی ہوتا ہے، کراچی میں تیز ہوائیں چلیں تو ایئرپورٹ کو پروازوں کیلئے عارضی طور پر بند کرنا پڑا۔

ترجمان سول ایوی ایشن کے مطابق موسم کی خرابی کے باعث چار پروازوں کو ڈائیورٹ کرنا پڑا، دبئی سے آنیوالی غیر ملکی ایئرلائن اور اومان ایئر کی پرواز کو مسقط اور ایران ایئر کو واپس تہران بھیج دیا گیا۔

دوسری جانب لاہور ایئرپورٹ پر نجی ایئرلائن کا طیارہ ہنگامی لینڈنگ کے بعد کچے میں پھنس گیا تھا، جس کے باعث مرکزی رن وے سے تین روز تک کسی جہاز نے اڑان نہیں بھری، پھنسنے والے طیارے کو کچے سے نکالا گیا تو ہینگر تک لے جانے والی کرین بھی خراب ہوگئی ہے۔

جنوری 1, 2015
بادام یاداشت کیلئے مفید، وزن گھٹانے میں بھی معاون

امریکہ :ماہرین طب کا کہنا ہے کہ بادام یاداشت بڑھانے کی ساتھ وزن گھٹانے میں بھی معاون ثابت ہوتے ہیں۔

ویسے تو بادام یاداشت بڑھانے کے لئے معاون ثابت ہوتےہیں تاہم امریکی ماہرین کا کہنا ہے کہ بادام بھوک کی شدت میں کمی لاتے ہیں، تیس بادام روزانہ کھانے سے انسانی جسم کو درکار کیلیوریز پوری ہوجاتی ہیں۔

ماہرین کے مطابق بادام میں موجود وٹامن ای بھوک کی اشتہا کو کم کرنے کیلئے مفید ہے ۔

جنوری 1, 2015
لاہورمیں ایک اورطیارہ بڑے حادثے سے بال بال بچ گیا

لاہور: ایک اور طیارہ بڑے حادثے سے بال بال بچ گیا ہے، لندن سے آنے والی پی آئی اے کی پرواز کو گیئر میں خرابی پر ہنگامی لینڈنگ کرائی گئی، گزشتہ روز کچے میں اترنے والا طیارہ بھی تاحال نہیں ہٹایا جاسکا ہے۔

لاہور ایئرپورٹ پر دو روز میں تین طیارے بڑے حادثے سے بال بال بچ گئے ہیں، لندن سےآنے والی پی آئی کی پرواز پی کے سیون فائیوایٹ نے علامہ اقبال انٹرنیشنل ایئرپورٹ پر ہنگامی لینڈنگ کی ۔

ذرائع کے مطابق لینڈنگ گیئر میں خرابی کےباعث طیارے کی ہنگامی لینڈنگ کرائی گئی، ایمرجنسی لینڈنگ سےطیارے کے دو پہیے جام ہوگئے تاہم مسافر مکمل طورپر محفوظ رہے۔

لاہورایئرپورٹ پر گزشتہ روز حادثے سے بال بال بچ جانے والے نجی ایئرلائن کے دو طیاروں کے باعث رن وے تاحال کلیئر نہ ہوسکا، جسکی وجہ سےمرکزی رن وے بند ہے۔

ذرائع کا کہنا ہے مرکزی رن وے بند ہونے کے باعث طیارے کو چھوٹے رن وے پر اتارا گیا، جس کی وجہ سے حادثہ پیش آیا۔

دسمبر 31, 2014
الطاف حسین کی ایم کیوایم کے کارکن سکندرعلی کے قتل کی مذمت

لندن: متحدہ قومی موومنٹ کے قائد الطاف حسین نے ایم کیو ایم کے کارکن سکندرعلی کے ماورائے عدالت قتل کی شدیدالفاظ میں مذمت کی ہے اور وزیراعظم ، آرمی چیف و چیف جسٹس سے مطالبہ کیاہے کہ ماورائے عدالت قتل کا نوٹس اور ملوث اہلکاروں کے خلاف سخت کارروائی کی جائے، ان کا کہنا ہے کہ سکندر کے قاتل رضاکارانہ طور پر خود کو پولیس کے حوالے کر دیں۔

الطاف حسین نے کہا کہ سکندر علی ولد سید ارتضٰی حسین پیر کی شب ایئرپورٹ سے گرفتار کرلیا گیا، چندگھنٹوں بعد سکندرعلی کی تشدد زدہ لاش مواچھ گوٹھ سے ملی۔

الطاف حسین نے کہا کہ کچھ دنوں قبل بھی ایم کیو ایم لانڈھی سیکٹر کے کارکن ساجد کو اسی طرح تشدد کرکے شہید کردیا تھا، ان کا کہنا ہے کہ سکندر کے قاتل رضاکارانہ طور پر خود کو پولیس کے حوالے کر دیں۔

انہوں نے ایم کیوایم کے کارکن سکندر کے بہیمانہ اور سفاکانہ قتل کی شدید مذمت کرتے ہوئے کہا کہ پولیس، رینجرز یا کسی بھی سرکاری ایجنسی کو یہ حق نہیں کہ کسی بھی فرد کو گرفتار کرنے کے بعد قانون کے تحت عدالت میں پیش کرنے کے بجائے تشدد کرکے قتل کردے ۔

الطاف حسین نے وزیرِاعظم ، آرمی چیف و چیف جسٹس سے مطالبہ کیا ہے کہ ماورائے عدالت قتل کا نوٹس اور ملوث اہلکاروں کے خلاف سخت کارروائی کی جائے۔

انہوں نے کہا کہ پیپلزپارٹی کی موجودہ حکومت نے پولیس اور دیگر محکموں میں خاص طورپر ایسے افسران مقرر کئے ہیں۔ جومعصوم وبے گناہ لوگوں کے ماورائے عدالت قتل اور سفاکیت وبربریت میں اپنی شہرت رکھتے ہیں، اس پالیسی کے تحت کراچی میں ایم کیوایم کے کارکنوں کو پکڑ پکڑ کرغائب کیاجارہا ہے، الطاف حسین نے سکندر شہید کے لواحقین سے دلی تعزیت اور ہمدردی کا اظہار بھی کیا۔

دسمبر 31, 2014
ممبئی حملہ کیس، لکھوی کی رہائی کا حکمنامہ جیل انتظامیہ کو موصول

اسلام آباد: ممبئی حملہ کیس میں ملوث ملزم ذکی الرحمن لکھوی کی رہائی کا حکم نامہ اڈیالہ جیل انتظامیہ کو موصول ہوگیا ہے۔

جیل ذرائع کے مطابق رہائی سے قبل ملزم ذکی الرحمان لکھوی کیخلاف دیگر دو مقدمات درج کر کے جیل سے نامعلوم مقام منتقل کر دیا گیا۔ نئے مقدمات سے متعلق ذکی الرحمان کو سول عدالت میں پیش کیا جائے گا۔

گذشتہ روز اسلام آباد ہائیکورٹ کے جسٹس نور الحق نے ذکی الرحمن کی درخواست پر فیصلہ سناتے ہوئے نظر بندی کا نوٹی فکیشن معطل کیا تھا۔

اس سے قبل مرکزی ملزم زکی الرحمان لکھوی کو ضمانت پر رہا کردیا تھا ، بھارت نے زکی الرحمان لکھوی کی رہائی کی سخت الفاظ میں مذمت کی تھی اور دوبارہ گرفتار کرنے کا مطالبہ کیا تھا ، جس کے بعد ملزم زکی الرحمان لکھوی کو دوبارہ نظر بند کردیا گیا تھا۔

دسمبر 30, 2014