ARYNews.tv | Urdu – Har Lamha Bakhabar

Tag: ARY New s

  • دہشت گردوں کے خلاف سیکیورٹی فورسز کا کریک ڈاؤن جاری

    دہشت گردوں کے خلاف سیکیورٹی فورسز کا کریک ڈاؤن جاری

    چار سدہ : ملک بھر میں دہشت گردوں کے خلاف سیکیورٹی فورسز کا کریک ڈاؤن تسلسل کے ساتھ جارہی ہے، تازہ کارروائیوں میں چھتیس مشتبہ افراد کو حراست میں لے لیا گیا ہے۔

    دہشتگردوں کی سرکوبی کیلئے سیکیورٹی فورسز پُرعزم ہیں، پاک سر زمین سے دہشت گردوں کے وجود کو ہر صورت ختم کرنے کیلئے کمر بستہ ہیں، چار سدہ کے علاقے شبقدر میں سیکیورٹی فورسزنے سرچ آپریشن کے دوران بیس مشتبہ افراد کو حراست میں لے لیا ہے۔

    گرفتار ملزمان کے قبضے سے اسلحہ بھی ملا، ایبٹ آباد کے علاقے میر پور میں مشکوک افراد کی موجودگی کی اطلاع  پر پولیس نے کارروائی کی، ڈی پی او محمد علی گنڈا پور کے مطابق چودہ افراد کو گرفتار کیا گیا، حراست میں لئے جانے والوں میں چھ مشتبہ افراد بھی شامل ہیں۔

  • ایم کیو ایم پارلیمانی پارٹی کا اجلاس آج طلب

    ایم کیو ایم پارلیمانی پارٹی کا اجلاس آج طلب

    کراچی: ٹمبر مارکیٹ آتشزدگی پر ایم کیوایم نے حکومت سندھ کو آڑے ہاتھوں لے لیا، ایم کیو ایم رابطہ کمیٹی کے رکن قمر منصور کا کہنا ہے کہ عوام التجا کرتے رہے لیکن حکمران غفلت سے نہ جاگے جبکہ ایم کیوایم نے پارلیمانی پارٹی کا اجلاس آج طلب کرلیا ہے۔

    کراچی ٹمبر مارکیٹ میں آتشزدگی نے ایم کیوایم اور پیپلز پارٹی کو آمنے سامنے لا کھڑا کیا ہے، ناقص امدادی کارروائیوں پر سندھ حکومت کو کڑی تنقید کا نشانہ بناتے ہوئے رہنماؤں کا کہنا تھا کہ عوام مدد کے لیے التجا کرتے رہے ،کراچی رات بھر جلتا رہا لیکن حکومت اور انکے وزراء کا مایوس کن اور مجرمانہ کردار نے حکومت کے گڈ گورننس کا پول کھول دیا۔

    ڈاکٹر فاروق ستار نے کہا کہ واقعے نے ثابت کردیا کہ کراچی کا کوئی والی وارث نہیں ،انھوں نے مطالبہ کیا کہ 90 فیصد اضافی نقصان وزیراعلیٰ سندھ برداشت کریں۔

    قمر منصور نے کہا کہ صوبائی ڈسسزاٹر مینجمنٹ سیل اور بلدیاتی نظام کا نہ ہونا اور صوبائی بجٹ اپنی عیاشیوں اور کرپشن میں استعمال کرنے والے اگر کام کرتے تو یہ سانحہ نہ ہوتا۔

    رہنماؤں نے مطالبہ کیا کہ وزیرِاعظم فوری بلدیاتی انتخابات کرائیں اور وزیرِاعلی اور وزراء کی بے حسی کا نوٹس لیں، کہیں ایسا نہ ہو کہ ستر فیصد ریونیو دینا والا شہر مرکز کو ٹیکس دینا بند کردے۔

  • شاہد آفریدی کے ریٹائرمنٹ کا اعلان، شائقینِ کرکٹ مایوس

    لاہور : پاکستانی کرکٹر شاہد آفریدی کے ریٹائرمنٹ کے اعلان سے شائقین کرکٹ میں مایوسی کی لہردوڑ گئی ہے۔

    میدانوں میں شائقین کی بڑی تعداد شاہد آفریدی کو دیکھنے آتی ہے، جیسے بھارت کے لئے ٹندولکر ہے، ایسے پاکستانیوں کے لئے بوم بوم آفریدی ہے۔

    اپنے کیریئر کے دوسرے ہی ون ڈے میں تیز ترین سنچری بنا کر آفریدی دلوں پر راج کرنے لگے، شائقین کو ان سے صرف بلند و بالا چھکوں کی ہی امید رہتی ہے، پٹھانوں کی کرکٹ تو آفریدی سے شروع ھو کر آفریدی پر ھی ختم ھوتی ہے،

    آفریدی کا ون ڈے کرکٹ سے رخصت کا وقت بھی قریب ہے، 29مارچ کو میلبرن کے میدان پر پاکستان کی فتح پر آفریدی کا ون ڈے کیریئر ختم ھو، یہ لوگوں کی خواہش ہی نہیں دعا بھی ہے۔

  • نپیرا نے بجلی کی قیمت میں کمی کی منظوری دے دی

    نپیرا نے بجلی کی قیمت میں کمی کی منظوری دے دی

    اسلام آباد: نپیرا نے بجلی کی قیمت میں دو روپے ستانوے پیسے کمی کی منظوری دے دی۔

    نیپرا کی جانب سے سینٹرل پاورپرچیزنگ ایجنسی کی درخواست پرسماعت کے دوران کمی کی منظوری دی گئی، بجلی کی قیمتوں میں کمی نومبر کیلئے ماہانہ فیول ایڈجسٹ کی مد میں کی گئی ہے،کمی کا اطلاق کےالیکٹرک کےسوا ملک بھرکی تمام تقسیم کارکمپنیوں پر ہوگا ۔

     بجلی کے ٹیریف میں کمی سے صارفین کو سترہ ارب روہے سے زائد کا ریلیف ملےگا۔ نیپرا حکام کے مطابق بجلی کی قیمتوں میں کمی عالمی منڈی میں خام تیل اور فرنس آئل سستا ہونے کے باعث کی گئی ہے۔ وزیراعظم کی جانب سے اس کمی کا اعلان پہلے ہی کیا جاچکا ہے ۔

  • بجلی کی قیمت میں کمی کا اعلان، نپیرا پریشان

    بجلی کی قیمت میں کمی کا اعلان، نپیرا پریشان

    اسلام آباد: وزیرِاعظم نے بجلی کی قیمت میں کمی کا اعلان کیا تو لوگ خوش ہوئے لیکن نپیرا پریشان ہے، نپیراحکام کا کہنا ہے کہ بجلی کی قیمتوں میں کمی کے اعلان سے قبل نیپرا سے مشاروت نہیں کی گئی۔

    نپیرا ذرائع کے مطابق وزیرِاعظم نےدو روپے بتیس پیسے کمی کا اعلان کس مد میں کیا اس بارے میں کچھ نہیں کہا جاسکتا اور اس اعلان سے پہلے حکومت نے نیپرا سے مشاورت نہیں کی ہے ۔

    طریقہ کار کے مطابق سنٹرل پاور پرچیزنگ ایجنسی ، بجلی کی پیداواری لاگت اور فیول مکس کی تفصیلات کے ساتھ قیمتوں میں ردو بدل کی درخواست دیتی ہے، جو کہ تاحال موصول نہیں ہوئی ہے۔

    اس لئے یہ کہنا کہ کمی کس مد میں کی گئی ہے کہنا مشکل ہے، وزارتِ پانی بجلی حکام کا کہنا ہے کہ کمی کے نوٹیفکشن کے اجراء میں دس سے بارہ دن لگ سکتے ہیں۔

  • سابق صدرآصف علی زرداری دو ریفرنس کیسز میں بری

    سابق صدرآصف علی زرداری دو ریفرنس کیسز میں بری

    اسلام آباد: احتساب عدالت نے سابق صدر آصف علی زرداری کو دوریفرنسز میں بری کردیا ہے، آصف زرداری پولو گراؤنڈ ریفرنس میں پہلے ہی بری ہو چکے ہیں۔

    اسلام آباد کی احتساب عدالت میں ریفرنس کیس کی سماعت ہوئی، کیس کی سماعت احتساب عدالت کے جج محمد بشیر نے کی، عدالت نے تمام دلائل مکمل ہونے پر اے آر وائی گولڈ اور ارسزٹریکٹرز کا فیصلہ سناتے ہوئے آصف علی زرداری کو بری کرنیکا حکم دیدیا ہے۔

    ایس جی ایس اور کو ٹیکنا ریفرنسز پر 17دسمبر کو دلائل دیئے جائیں گے، عدالت پولو گراؤنڈ کیس میں آصف علی زرداری کو پہلے ہی بری کر چکی ہے، کیس کی مزید سماعت 17دسمبر تک ملتوی کر دی گئی ہے۔

  • خبردار ، نمک کا زیادہ استعمال خطرناک ہوسکتا ہے

    خبردار ، نمک کا زیادہ استعمال خطرناک ہوسکتا ہے

    ایک حد سے زیادہ نمک کی مقدار بھی ہمارے جسم کو کئی مہلک بیماریوں میں مبتلا کرسکتی ہے۔

    عالمی ادارہ صحت کا ماننا ہے کہ روزانہ تین سے پانچ گرام نمک کا استعمال تو ٹھیک ہے لیکن اس سے زائد نمک کا استعمال انسانی جسم کے لئے نقصان دہ ہے ، ہمارے کھانے کچھ اس قسم کے ہیں کہ ہم نہ چاہتے ہوئے بھی آٹھ سے دس گرام یومیہ سوڈیم کھا لیتے ہیں جو کہ ہمارے جسم کے لئے مفید نہیں۔

    اگر سوڈیم کی مقدار خون میں بڑھنا شروع ہوجائے تو گردوں کا کام متاثر ہوتا ہے اور سوڈیم کی زائد مقدار آہستہ آہستہ شریانوں کو بلاک کرنا شروع کر دیتی ہے اور اس طرح جسم ہائی بلڈ پریشر کا شکار ہونا شروع ہو جاتا ہے۔

  • لاہور: پولیس کی جانب سے اے آر وائی کے رپورٹرز کے جسمانی ریمانڈ کی درخواست مسترد

    لاہور: پولیس کی جانب سے اے آر وائی کے رپورٹرز کے جسمانی ریمانڈ کی درخواست مسترد

    لاہور: وزیر ریلوے سعد رفیق کی کوششیں ناکام رہیں، لاہور کی عدالت نے ریلوے پولیس کی جانب سے اے آر وائی کے رپورٹرز کے جسمانی ریمانڈ کی درخواست مسترد کردی ہے۔

    عوام کے تحفظ کیلئے اے آر وائی کی کاوش حکومت کی نظر میں جرم ٹھہری ہے۔ ریلوے میں سیکیورٹی نقائص منظر عام پر لانا جمہوریت کی دعویدار حکومت کو بہت ناگوار گزرا ہے۔

    اے آر وائی کے رپورٹرز ذالقرنین شیخ اور آصف قریشی کو دھر لیا گیا ہے۔ سچ دکھانے کے جرم میں دونوں کو دہشت گردوں اور پیشہ ور مجرموں کی طرح ہتھکڑیاں لگا کر ریمانڈ کے لئے عدالت لایا گیا۔

    وزیر ریلوے سعد رفیق اور ان کی پولیس کی جانب سے جسمانی ریمانڈ کے لئے ایڑی چوٹی کا زور لگایا گیا ہے تاکہ اپنی تحویل میں مرضی کے بیان لئےجاسکیں ہیں، لیکن آزاد عدلیہ نے کوششیں ناکام بنادیں ہیں۔

    لاہورکی عدالت نے دلائل کاجائزہ لینے کے بعد اے آر وائی کے رپورٹرز کے جسمانی ریمانڈ کی درخواست مسترد کردی ہے۔ پیشی پر ذوالقرنین شیخ کا کہنا تھا کہ خواجہ سعدرفیق کو ریلوے کی کرپشن دکھائی تھی۔ انھوں نے بتایا پولیس اہلکار کہتے ہیں کیس میں سعد رفیق کا دباؤ ہے۔

    اے آروائی کے نمائندے آصف قریشی نے عزم دہرایا کہ حق اور سچ کی آواز بلند کی ہے اور کرتے رہیں گے اور آزاد عدلیہ کے فیصلے کے بعد قانونی تقاضوں کے تحت ضمانت کی درخواست دائر کردی گئی ہے۔

    واضح رہے کہ ریلوے حکام کی ملی بھگت سے اسلحہ غیرقانونی طور پرپاکستان کے ایک شہر سے دوسرے شہرمنتقل کرنے کی خبرمنظرِ عام پر لانے کے جرم میں کل سے پولیس کی تحویل میں اے آروائی نیوزکے نمائندوں کو آج عدالت میں پیش کردیا گیا ہے۔ ذرائع کے مطابق ریلوے پولیس نے اے آر وائی کے نمائندوں کا ریمانڈ لینے کے لئےعدالت سے استدع کی تھی۔

  • نئی ایکشن ڈرامہ فلم ایگزوڈس ، گوڈز اینڈ کنگز کا پہلا سنسنی خیز ٹریلر جاری

    نئی ایکشن ڈرامہ فلم ایگزوڈس ، گوڈز اینڈ کنگز کا پہلا سنسنی خیز ٹریلر جاری

    ہالی ووڈ: مشہور و معروف اداکارکرسٹیان بیل کی نئی ایکشن ڈرامہ فلم ایگزوڈس ، گوڈز اینڈ کنگز کا پہلا سنسنی خیز ٹریلر جاری کر دیا گیا ہے۔

    بلاک بسٹر ہالی ووڈ فلم گلیڈی ایٹر کے ہدایتکار ریڈلی اسکاٹ کی اس نئی فلم کی کہانی مصری بادشاہوں اور غلاموں کے گِرد گھوم رہی ہے، جہاں ایک ساتھ پلنے بڑھنے والے دو بہادر جنگجو نوجوان مظالم کے خلاف آواز بلند کرتے ہیں اور سینہ سپر ہو کر لڑنے کا فیصلہ کر لیتے ہیں۔

    جس میں قدرت بھی ان کا ساتھ دیتی ہے، بعد میں دونوں اختلافات کے باعث ایک دوسرے کے خون کے پیاسے ہو جاتے ہیں، ڈرامے اور ایکشن سے بھرپور سنسنی خیز مناظر کی عکاسی کرتی ہے، یہ فلم بارہ دسمبر کو سنیما گھروں میں نمائش کیلئے پیش کر دی جائیگی۔

  • لاہور:توہین رسالت کیس،آسیہ بی بی کی سزائے موت سپریم کورٹ میں چیلنج

    لاہور:توہین رسالت کیس،آسیہ بی بی کی سزائے موت سپریم کورٹ میں چیلنج

    اسلام آباد: توہین رسالت کیس میں سزائے موت پانے والی آسیہ بی بی نے اپنی سزا سپریم کورٹ میں چیلنج کردی ہے، اس سے پہلے لاہور ہائیکورٹ نے آسیہ بی بی کی اپیل مسترد کردی تھی۔

    توہین رسالت کیس میں سزائے موت پانے والی آسیہ بی بی نے اپنی سزا سپریم کورٹ لاہور رجسٹری میں چیلنج کردی ہے، آسیہ بی بی نے اپیل میں استدعا کی ہے کہ اس پر توہین رسالت کا الزام غلط ہے، سیشن عدالت نے ناکافی شہادتوں کے باوجود سزا دی۔

    عدالت سزائے موت کو کالعدم قرار دے، آسیہ بی بی کو چار برس پہلے ضلع ننکانہ کی عدالت نے موت کی سزا سنائی تھی۔

    پانچ بچوں کی ماں آسیہ بی بی پر جون دو ہزار نو میں توہین رسالت کے الزام میں درج مقدمے میں الزام لگایا گیا تھا کہ اس نے اپنے ساتھ کھیتوں میں کام کرنے والی خواتین کے ساتھ بحث کے دوران توہین آمیز کلمات ادا کئے تھے۔