Tag: ARY new urdu

  • دینی مدارس پر غیر ذمہ دارانہ بیانات نہیں دینے چاہئیں، حمزہ شہباز

    دینی مدارس پر غیر ذمہ دارانہ بیانات نہیں دینے چاہئیں، حمزہ شہباز

    لاہور: مسلم لیگ ن کے رہنما حمزہ شہباز شریف نے کہا ہے کہ دینی مدارس پر کوئی غیر ذمہ دارانہ بیان نہیں دیا جانا چاہیے۔ دہشت گردی کے خلاف جنگ صرف فوج کی نہیں پوری قوم کی ہے۔

    لاہور میں صوبائی محکمہ مذہبی امور و اوقاف کے زیر اہتمام سیرت النبی کانفرنس سے خطاب کرتے ہوئے حمزہ شہباز شریف نے کہا کہ وقت آگیا ہے کہ دہشت گردی سے نمٹنے کے لیے سخت فیصلوں کے ساتھ کھلی گفتگو کی جائے دہشت گردی کے خلاف جنگ جیتنے کے سوا کوئی اور آپشن نہیں حمزہ شہباز نے کہا کہ تحفظات کے باوجود تمام سیاسی جماعتوں کا دہشت گردی کے خلاف ایک پیج پر ہونا خوش آئند ہے۔

    تقریب سے خطاب کرتے ہوئے مفتی منیب الرحمان کا کہنا تھا کہ حکومت دینی مدارس کے حولے سے اپنی پالیسی واضح کرے جن مدارس پر شبے کا اظہار کیا گیا ان کے بارے میں اگر ثبوت موجود ہیں تو سامنے لائے جائیں،تقریب سے قاری حنیف جالندھری اور دیگر علمائے کرام نے بھی خطاب کرتے ہوئے زور دیا کہ پاکستان کو موجودہ مسائل سے باہر نکالنے کے لیے قوم کا متحد ہوناوقت کی اہم ضرورت ہے۔

  • وزیر اعظم کا پیٹرولیم مصنوعات کی قیمتوں میں کمی کا اعلان

    وزیر اعظم کا پیٹرولیم مصنوعات کی قیمتوں میں کمی کا اعلان

    اسلام آباد :  وزیراعظم نے پیٹرولیم مصنوعات کی قیمتوں میں کمی کا اعلان کردیا۔

    پارلیمنٹ ہاوس میں میڈیا سے گفتگو میں نواز شریف کا کہنا تھا کہ پاکستان کے پاس قلیل وسائل ہیں لیکن ان میں حکومت بہتری لانے کی بھرپور کوشش کر رہی ہے، پیٹرولیم مصنوعات میں کمی سے عوام کو 400 ارب کا فائدہ ہوا ہے، قیمتوں میں کمی سے ٹرانسپوٹرز کو جو فائدہ پہنچا ہے اس سے عوام کو فائدہ نہیں ملا ، صوبائی حکومت سے اپیل کرتا ہوں کہ  عوام تک فائدہ پہنچائیں۔انہوں نے بجلی کی قیمت کے حوالے سے ذکر کیا کہ پشاور میں بجلی کی قیمت میں کمی کا اعلان کیا تھا جبکہ اپنے منصوبوں کومکمل کر کے مزید کمی کا بھی اعلان کریں گے۔

    وزیراعظم نے پیٹرولیم مصنوعات کی قیمتوں میں کمی کی منظوری دے دی ہے، جس کےمطابق پیٹرول 6روپے 25پیسےفی لیٹرسستا کیاگیا ہے،جس سےپیٹرول کی نئی قیمت 78روپے 28پیسے پر آگئی ہے، ہائی اوکٹین کی قیمت میں 14روپے 14پیسے فی لیٹرکمی آنے سےاس کی نئی قیمت 88روپے90پیسےفی لیٹرہوگی۔

    اسی طرح مٹی کا تیل 11روپے26پیسےفی لیٹر سستا کردیاگیا ہے، لائٹ ڈیزل دس روپے48پیسےفی لیٹرسستا کئےجانےسے اس کی نئی قیمت86روپے تئیس پیسےفی لیٹر پرآگئی ہے،ہائی اسپیڈ ڈیزل میں7روپے86پیسے کی کمی کی گئی ہےجس سےہائی اسپیڈ ڈیزل کی نئی قیمت 86روپے تئیس پیسےفی لیٹر ہوجائیگی، پیٹرولیم مصنوعات کی نئی قیمتوں کا اطلاق آج رات بارہ بجےسے ہوگا۔

  • قوم نے جو ذمہ داری دی ہے اُسے پورا کریں گے، نواز شریف

    قوم نے جو ذمہ داری دی ہے اُسے پورا کریں گے، نواز شریف

    اسلام آباد : نواز شریف نے کہا کہ 50 ہزار پاکستانی دہشتگردی کی بھینٹ چڑھ گئے ہیں ۔

      اسلام آباد میں چیئرمین سینیٹ نئیرحسین بخاری کے زیر صدارت اجلاس سے خطاب میں وزیراعظم میاں محمد نواز شریف کا کہنا تھا کہ حکومت  نے دہشت گردی کے مسئے کے لئے ٹھوس اقدامات کئے ہیں، تمام راستوں کے ختم ہونے کے بعد آپریشن ضرب عضب کا فیصلہ کیا گیا ، فوجی قیادت نے مسئے کو سنجیدگی سے لیا، آپریسن ضرب عضب نے دہشتگردوں پر ضرب کاری کی ہے۔

    وزیراعظم نواز شریف نے کہا کہ بچوں کو خون میں نہلادیا گیا، بچوں کے خون کا حساب لینا ہم پر واجب ہے، انہوں کہا کہ کیا یہ غیر معمولی حالات نہیں کہ نہ ہماری عبادت گاہیں محفوظ ہیں نہ درس گاہیں، نہ ہوائی اڈے محفوظ ہیں اور نہ ہی دفاعی تنصیبات؟ ہمارے کھیل کے میدان سونے ہو جائیں، اپنے مذہب اور آئین سے بغاوت کرنے والے دہشت گرد پوری قوم کو یرغمال بنا لیں، ہمیں یہ سب کچھ نہیں ہونے دیں گے

    انہوں نے کہا کہ خصوصی عدالتیں پارلیمنٹ کی منظوری سے قائم ہونگی، خصوصی عدالت میں دہشتگردوں کے خلاف مقدمے چلیں گے، قومی لائحہ عمل پر قومی اعتماد حاصل ہے۔

    نواز شریف کا کہنا تھا کہ کمیٹی بنانے کا فیصلہ تمام سیاسی جماعتوں سے مشاورتسے کیا گیا، کمیٹی نے مقررہ وقت میں اپنا کام مکمل کرلیا۔

    ان کا کہنا تھا کہ تمام سیاسی جماعتوں نے 20 نکاتی ایجنڈے کو منظور کیا، قوم نے جو ذمہ داری دی ہے اُسے پورا کریں گے، دہشتگردی کے خلاف جنگ جمہوری دائرے میں کر لڑھ رہے ہیں ۔

    وزیراعظم نے کہا کہ میڈیا کی آزادی کا ہر قیمت پر تحفظ کریں گے، حکومت پر تنقید کرنے کی اجازت ہو گی اورحکمرانوں کی کمزوریوں پر نظر رکھ کر غلط اقدامات کی نشاندہی کرنے پر کوئی اعتراض نہیں ہو گا لیکن دہشت گردی کو میڈیا کے ذریعے فروغ دینا یا پروان چڑھانا یا اس کے بارے میں بڑھا چڑھا کر بتانے کی اجازت نہیں دی جائے گی۔

  • ٹمبر مارکیٹ میں لگنے والی آگ حکومتی نااہلی کا نتیجہ ہے، بابرغوری

    ٹمبر مارکیٹ میں لگنے والی آگ حکومتی نااہلی کا نتیجہ ہے، بابرغوری

    کراچی: متحدہ قومی مومنٹ کے رکن اسمبلی بابر غوری کا کہنا ہے کہ سندھ حکومت سے جو بھی بات ہوگی صاف اور دو ٹوک ہوگی ۔

    کراچی میں نیوز کانفرنس سے گفتگو میں متحدہ قومی مومنٹ کے رکن اسمبلی بابر غوری نے ٹمبر مارکیٹ میں لگنے والی آگ پر حکومت کو شدید تنقید کا نشانہ بنایا، ان کا کہنا تھا کہ کئی دکانیں اور عمارتیں ملبے کا ڈھیر ہوگئیں، حکومت نے عملی اقدامات سے منہ چرالیا۔

    بابر غوری نےحکومت سے فی خاندان پچیس لاکھ امداد کا مطالبہ کیا ، رکن اسمبلی بابر غوری نے کا کہنا تھا کہ حکومت سے اب جو بات ہوگی صاف ہوگی، لگی لپٹی کوئی بات نہیں کی جائے گی ، نیوز کانفرنس کے بعد بابر غوری نے ٹمبر مارکیٹ کا دورہ کیا اور متاثرین سے ملاقات کی ۔

  • نواز مودی باضابطہ ملاقات کا امکان نہیں، سرتاج عزیز

    نواز مودی باضابطہ ملاقات کا امکان نہیں، سرتاج عزیز

    کھٹمنڈو: وزیراعظم کےمشیر برائے امور خارجہ سرتاج عزیز نے کہا ہےکہ سارک کانفرنس میں وزیر اعظم نواز شریف اور نریندر مودی کی باضابطہ ملاقات کا امکان نہیں۔

    نیپال کے دارالحکومت کھٹمنڈو میں پریس کانفرنس میں سرتاج عزیز نےکہاکہ موجودہ کانفرنس میں سارک سربراہان نےمختلف شعبوں میں آگےبڑھنےکےعزم اعادہ کیا،انہوں نے بتایا کہ سارک ممالک میں غذائی تحفظ کیلئےفیڈبینک قائم اور رکن ممالک میں خوراک ذخیرہ کرنےکامنصوبہ متعارف کرایا جا رہاہے۔

    انہوں نےکہاکہ توانائی کے شعبےمیں تعاون پرسارک ممالک میں معاہدےکاامکان ہے، جبکہ رکن ممالک کو ریلوےاورشاہراہوں کےذریعےملانے کے معاہدے جلد ہوں گے،انہوں نے کہا کہ پاکستان چین کو سارک کا مستقل رکن دیکھنا چاہتا ہے اور ترکی کومبصرکادرجہ دینےکی حمایت کرتاہے۔سری لنکا،مالدیپ کےصدورآئندہ سال پاکستان کا دورہ کرینگے، انہوں نے کہا کہ انیس ویں سارک سربراہ کانفرنس پاکستان میں ہو گی۔

  • ایم کیوایم کے رہنما بابرغوری کاوزیراعلیٰ سندھ کوخط

    ایم کیوایم کے رہنما بابرغوری کاوزیراعلیٰ سندھ کوخط

    کراچی: ایم کیوایم کے رہنما بابر غوری نے کہا ہے وفاق سے کوٹے کی بات کرنے والے وزیر اعلی سندھ پہلے سندھ میں نافذ کوٹہ سسٹم کو منصفانہ بنائیں۔

    سندھ میں کوٹہ سسٹم کی خلاف ورزی پر ایم کیو ایم کے رہنما بابر غوری نے وزیر اعلی سندھ قائم علی شاہ کو خط لکھ دیا، بابر غوری کہتے ہیں وفاق سے سندھ کے کوٹے کی بات کرنے والے پہلے سندھ میں نافذ کوٹے کو منصفانہ بنائیں، سندھ میں کوٹہ سسٹم پر عمل در آمد نہ ہونے سے شہری علاقوں سے زیادتی ہورہی ہے ،بابر غوری نے وزیر اعلی سندھ کو لکھے گئے خط میں کہا ہے کہ وزیر اعلی سندھ میں کوٹہ سسٹم کے حوالے سے ہونے والی ناانصافیاں ختم کروائیں۔

    وزیراعلیٰ سندھ سیدقائم علیشاہ نےوزیراعظم نوازشریف کو خط ارسال کیا تھا، جس میں کہا کہاگیاہےکہ وفاقی اداروں میں سندھ کےکوٹےپر عملدرآمد نہیں کیا جارہا، وزیر اعلی سندھ نے اپنے خط میں وفاقی بیوروکریسی میں سندھ کا کوٹہ آئین کے مطابق پر کرنے کی سفارش کرتے ہوئے مطالبہ کیا ہے کہ سندھ کو آبادی کے تناسب سے جائز حق دیاجائے۔

  • سارک کانفرنس: وزیراعظم کی پی آئی اے سے وی وی آئی پی طیارے کی فرمائش

    سارک کانفرنس: وزیراعظم کی پی آئی اے سے وی وی آئی پی طیارے کی فرمائش

    اسلام آباد: وزیراعظم محمد نواز شریف نے سارک سربراہی کانفرنس میں شرکت کیلئے اپنے طیارے میں جانے کے بجائے پی آئی اے سے بوئنگ 777 طیارے کی فرمائش کردی۔

    وزیراعظم محمد نواز شریف نے سارک سربراہی کانفرنس میں شرکت کیلئے اپنے طیارے میں سفرکے بجائے پی آئی اے کےبو ئنگ سات سو ستتر کی فرما ئش کردی۔

    ذرائع کا کہنا ہے کہ اس سلسلے میں وزیراعظم سیکریٹریٹ سے جاری خفیہ و فوری مراسلے کے ذریعے پی آئی اے انتظامیہ کو ہدایت کی گئی ہے کہ وزیراعظم کیلئے فوری طور پر بوئنگ 777 وی وی آئی پی طیارہ تیار کیا جائے۔

    ذرائع کے مطابق بوئنگ 777 طیارے کی فراہمی سے پی آئی اے کو یومیہ کروڑوں روپے کا نقصان اور لاکھوں کا فیول استعمال ہوگا جبکہ وزیراعظم کیلئے ایئر بس اے 320 طیارے کو بھی اسٹینڈ بائی میں رکھنے کی ہدایت کی گئی ہے۔

  • بلجیئم کی چاکلیٹ ساز کمپنی نے نام تبدیل کرلیا

    بلجیئم کی چاکلیٹ ساز کمپنی نے نام تبدیل کرلیا

    بلجئیم:معروف چاکلیٹ ساز کمپنی آئی ایس آئی ایس نے داعش سے لاتعلقی ظاہر کرنے کیلئے اپنی کمپنی کا نام ہی تبدیل کرڈالا۔

    داعش کے جنگجوؤں کا خوف یورپ تک پہنچ گیا، بلجئیم کے شہر کومائنس میں انیس سو تیئس سے قائم معروف چاکلیٹ ساز کمپنی آئی ایس آئی ایس نے عراق وشام کے جنگجوؤں سے لاتعلقی ظاہر کرنے کے لیے اپنی کمپنی کا نام آئی ایس آئی ایس سے تبدیل کرکے لائیبرٹ رکھ دیا۔

    کمپنی مالکان کا کہنا ہے کہ پرانا نام ان کے کاروبار کو متاثر کررہا تھا، جس کی بناء انہیں کمپنی کا نام تبدیل کرنا پڑا۔

    کمپنی سالانہ پانچ ہزار ٹن سے زائد چاکلیٹ تیار کرتی ہے، جس کی مجموعی فروخت چوالیس اعشاریہ سترہ ملین ڈالر ہے۔

  • ایچ آرسی پی وفد کا دورہ، مسیحی جوڑہ بےقصورقرار

    ایچ آرسی پی وفد کا دورہ، مسیحی جوڑہ بےقصورقرار

    قصور: پاکستان کمیشن برائے انسانی حقوق کے وفد نے کوٹ رادھا کشن کا دورہ کیا اور اپنی ابتدائی رپورٹ میں مسیحی جوڑے کو بے قصور قرار دے دیا۔

    ایچ آر سی پی کے وفد کا کہنا ہے کہ قرآن پاک کی بحرمتی کے کوئی شواہد نہیں ملے،گواہوں مطابق مقتول شہزاد کا بھٹہ مالک سے رقم کا تنازعہ چل رہا تھا ۔جس پر بھٹہ مالک نے مقتول کو شدید تشدد کا نشانہ بنایا جس پر اس کی موت واقع ہوگئی اور پھر کیس کو نیارخ دینے کے لیے مبینہ بحرمتی کی افواہ پھیلائی گئی اور دیکھتے ہی دیکھتے مشتعل افراد کا ہجوم جمع ہوگیا۔

     پولیس نے جائے وقوع پر پہنچ کر میاں بیوی کو اپنی تحویل میں لینا چاہا تو بھٹہ مالکان کی ہدایت پر ملازمین نے پولیس اہلکاروں کو بھی تشدد کا نشانہ بنایا۔

    ایچ آر سی پی کا کہنا ہے کہ وہ تفتیش پر اثرانداز نہں ہونا چاہتے لیکن انسانوں کے اس بیہمانہ قتل کیخلاف آواز اٹھائینگے اور اصل حقائق عوام کے سامنے لائینگے۔

  • وزیراعظم کا مسیحی جوڑے کوزندہ جلائے جانے کا نوٹس

    وزیراعظم کا مسیحی جوڑے کوزندہ جلائے جانے کا نوٹس

    اسلام آباد: وزیراعظم نواشریف نےمیاں بیوی کو زندہ جلائے جانے کے واقعے کا نوٹس لےلیا، اوراقلیتوں کے تحفظ کو یقینی بنانےکی ہدایت کی۔

    کوٹ رادھا کشن میں میاں بیوی کو جلانے کے واقعے کا سخت نوٹس لیتےہوئے وزیراعطم نوازشریف نے وزیراعلی پنجاب شہبازشریف کو ملزمان کے خلاف کارروائی کی ہدایت کی۔

    نوازشریف نےکہاحکومت اقلیتوں کے تحفظ کو یقینی بنائے گی مسیحی برادری سمیت اقلیتوں کےساتھ ا متیازی سلوک برداشت نہیں کیا جائےگا،ذمہ داروں کوقانون کی گرفت سےبچنے نہیں دینگے، میاں بیوی کو زندہ جلائے جانے کے واقعے پر پولیس نے ایف آئی آر درج کر لی ہے۔پولیس کے مطابق بھٹے کے مالک یوسف گجر، منشی شکیل اور ڈرائیوررمضان کوبھی نامزد کیاگیا ہے۔