ARYNews.tv | Urdu – Har Lamha Bakhabar

Tag: ary news power play

  • مولانا صاحب جلدی جانے والے ہیں، فیصل واوڈا کا دعویٰ

    مولانا صاحب جلدی جانے والے ہیں، فیصل واوڈا کا دعویٰ

    اسلام آباد: وفاقی وزیر برائے آبی وسائل فیصل واوڈا نے کہا ہے کہ مولانا صاحب جلدی جانے والے ہیں ان کا جانا اچھی چیز ہے۔

    تفصیلات کے مطابق وفاقی وزیر برائے آبی وسائل فیصل واوڈا نے پروگرام ’پاور پلے‘ میں گفتگو کرتے ہوئے کہا کہ مولانا مارچ نے پی ٹی آئی کو مضبوط کردیا ہے، 20 سے 25 ہزار لوگ 22 کروڑ عوام کا فیصلہ نہیں کرسکتے۔

    فیصل واوڈا نے کہا کہ پی ٹی آئی اور جے یو آئی ف کی سوچ میں فرق ہے، چاہتے ہیں مسائل مذاکرات کی میز پر حل کیے جائیں۔

    وفاقی وزیر نے کہا کہ وزیراعظم کے استعفے اور ری الیکشن پر نہیں جارہے ہیں، خواہش ہر انسان کی ہوتی ہے، خواہشات پر ملک کو نہیں چلایا جاسکتا ہے۔

    مزید پڑھیں: مولانا فضل الرحمان نے کارکنوں کو ڈی چوک کا نعرہ لگانے سے روک دیا

    انہوں نے کہا کہ وزیراعظم عمران خان نے اقوام متحدہ میں اسلام کا جھنڈا بلند کیا، ملک دیوالیہ ہورہا تھا عمران خان نے بحران سے نکالا ہے۔ وزیراعظم نے مسئلہ کشمیر پوری دنیا میں اجاگر کیا ہے۔

    واضح رہے کہ چند روز قبل فیصل واوڈا کا کہنا تھا کہ آزادی مارچ میں حکومتی رٹ چیلنج ہوئی تو حکومت بھی ڈی میں جاکر گول کرے گی، مولانا صاحب کو جن جماعتوں پر اعتبار تھا انہوں نے انہیں دھوکا دیا ہے۔

    یاد رہے کہ جے یو آئی ف کے سربراہ مولانا فضل الرحمان نے آزادی مارچ کے شرکا کو ڈی چوک جانے کا نعرہ لگانے سے روکتے ہوئے کہا تھا کہ جب ڈی چوک جانے کی پالیسی نہیں بنتی تو کارکن ایسا نہ کہیں۔

  • ملک میں یکساں انصاف کی فراہمی پی ٹی آئی کا بڑا ایجنڈا ہے، فردوس عاشق اعوان

    ملک میں یکساں انصاف کی فراہمی پی ٹی آئی کا بڑا ایجنڈا ہے، فردوس عاشق اعوان

    اسلام آباد : معاون خصوصی برائے اطلاعات فردوس عاشق اعوان نے کہا ہے کہ پی ٹی آئی کا بڑا ایجنڈا یہی ہے کہ ملک میں یکساں انصاف فراہم ہو، حکومت میں سسٹم کو بدلنے آئے ہیں۔

    ان خیالات کااظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا، انہوں نے کہا کہ راناثناءاللہ آج کل اپنا فرمان جاری کررہے ہیں۔

    ان کا بیان اپنی ذات پر عدم اعتماد کا اظہار ہے، رانا ثناءاللہ کہتے ہیں کہ نیا الیکشن ہو اور عوام کی حقیقی نمائندگی آئے، انہیں عوام کی آواز تب سنائی دی جب وہ الیکشن ہار گئے کیا، جہاں ان کی جماعت ہاری وہاں پر سلیکشن ہوئی؟

    انہوں نے کہا کہ دو خاندان نسل درنسل پاکستان پر حکمرانی کرتے چلے آرہے ہیں، یہ کہتےہیں کہ یہ دو خاندان نہیں تو کسی کی بھی حکمرانی نہیں ہونی چاہیے، پی ٹی آئی کا بڑا ایجنڈا یہی ہے کہ ملک میں یکساں انصاف فراہم ہو۔

    ایک سوال کے جواب میں فردوس عاشق اعوان کا کہناتھا کہ میں مانتی ہوں کہ کافی باتوں کی نشاندہی کی گئی جسے دیکھنےکی ضرورت ہے، حکومت میں سسٹم کو بدلنےآئے ہیں، حکومت کے پاس غلطیوں کی گنجائش بہت کم ہے۔

    رزاق داؤد ایشو پرمجھ سےکہا گیا کہ آپ شیئر کریں ان کا کمپنیوں سے تعلق نہیں، مراد سعید نے بتایا ہے کہ وزیراعظم عمران خان کا جہاز کہاں کہاں استعمال ہوا؟
    فردوس عاشق اعوان نے مزید کہا کہ کس نے ان کو کہا تھا کہ ایک شخص کے دل کے علاج پر32کروڑ خرچ کریں، علاج کیلئے قوم کے پیسوں سے777بوئنگ لے کر پھرتے رہے، انکوائری کمیشن بننے کے بعد اب نیا بیانیہ سامنے آیا ہے، انکوائری کمیشن بنتے ہی ایک دم سے انہیں اے پی سی بلانی یاد آئی۔

    عمران خان کا قوم سے وعدہ ہے کہ ان کےلوٹے گئے پیسےواپس آئیں گے، حفیظ شیخ کو اس وقت کے وزیراعظم ہدایات دیتے تھے، پاورفل لوگوں کا مجھ سے لینا دینا نہیں، پی ٹی آئی کی چھوٹی سی کارکن ہوں۔

  • شریفوں کیخلاف امریکی اخبار کا انکشاف آف شور اسکینڈل جیسا ہے، نیب تحقیقات کرے، اسدعمر

    شریفوں کیخلاف امریکی اخبار کا انکشاف آف شور اسکینڈل جیسا ہے، نیب تحقیقات کرے، اسدعمر

    اسلام آباد : وزیر خزانہ اسد عمر نے کہا ہے کہ وال اسٹریٹ جرنل کے انکشاف کی اعلیٰ سطح پر تحقیقات ہونی چاہئیں۔ یہ آف شور اسکینڈل کا معاملہ ہے، آئی ایم ایف کی تکلیف دہ شرط نہیں مانیں گے۔

    یہ بات انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کہی، وزیر خزانہ اسد عمر نے کہا کہ امریکی اخبار وال اسٹریٹ جرنل میں شائع ہونے والی خبر کی شفاف تحقیقات ہونی چاہیئں۔

    خبر میں آف شور اسکینڈل کا معاملہ ہے، نیب سب سے بڑا تحقیقاتی ادارہ ہے وہی تحقیقات کرے گا، نیب یا ایف آئی اے جس سے چاہیں تحقیقات کراسکتے ہیں۔

    وزیر خزانہ نے بتایا کہ وزیر اعظم عمران خان چین کے دورے پر جا رہے ہیں، دورہ چین میں کے الیکٹرک کی فروخت کا معاملہ بھی زیر غور آئے گا، کک بیکس پر ہونے والی ڈیل پی ٹی آئی کو کسی صورت قبول نہیں ہے۔

    انہوں نے کہا کہ یو اے ای میں ابراج گروپ کے خلاف تحقیقات کا علم ہے، ابراج گروپ کے الیکٹرک کو شنگھائی الیکٹرک کو دینا چاہتا ہے، شرائط دیکھیں گے پھر کےالیکٹرک کی فروخت کا فیصلہ ہوگا۔

    اگر کک بیکس پر ڈیل ہورہی ہے تو یہ غلط ہوگا۔ کک بیکس پر ہونے والی ڈیل پی ٹی آئی کو قبول نہیں، نوید ملک کے بارے میں جانتا ہوں وہ نواز شریف کے بہت قریب ہیں۔

    ایک سوال کے جواب میں اسدعمر نے کہا کہ پی ٹی آئی حکومت کے5سال گزر گئے اور پی آئی اے کی کارکردگی ٹھیک نہ ہوئی تو مجھ سے سوال ہوگا، ایس ای سی پی میں نواز حکومت کے تعینات چیئرمین کو ہٹا دیا گیا،200بلین ڈالرز کی خبر کے پیچھے اسحاق ڈار کا دعویٰ تھا۔

    اسحاق ڈارکی 200ارب ڈٖالر کی بات درست نہیں تھی، میرے پوچھے گئے سوال کے جواب میں اسحاق ڈار نے جواب دیا تھا،200ارب ڈالر کے معاملے پر بیرسٹر شہزاد اکبر بہترجواب دے سکتےہیں۔

    وزیر خزانہ اسد عمر نے مزید کہا کہ آئی ایم ایف کی ٹیم7نومبر کو مذاکرات کیلئے پاکستان آرہی ہے، حکومت صرف آئی ایم ایف پر انحصارنہیں کررہی، اس کے علاوہ دوسرے آپشنز پربھی کام کررہے ہیں، ہم آئی ایم ایف کی تکلیف دہ شرط نہیں مانیں گے، آئی ایم ایف کی وہ شرط بھی نہیں مانیں گے جس کا معیشت سے تعلق نہ ہو۔

    گیس کی قیمت میں اضافے پر اسدعمر نے کہا کہ کمپنیوں کو بند ہونے سے بچانے کیلئے گیس قیمتوں میں اضافہ کیا گیا،2017میں برینٹ آئل کی قیمت37ڈالر تھی اور ڈالر105روپے کا تھا،آج برینٹ آئل کی قیمت81ڈالر ہے، ڈالر اسٹیٹ بینک کے فیصلے کی وجہ سے بڑھا ہے، سینٹرل بینک کرنسی کے ریٹ کو کنٹرول کرتا ہے۔

    گورنر اسٹیٹ بینک نے مجھے ایک دن پہلے بتایا کہ ہم یہ کر رہے ہیں، میں اسی رات کو وزیراعظم کو گورنر اسٹیٹ بینک کاپیغام دیا،اچھے فیصلے کروں یابرے لیکن عوام سے جھوٹ نہیں بولوں گا۔

    ملکی فیصلے معیشت کی بنیاد پر کرنے چاہئیں ،سیاست پر نہیں، درآمدات میں اضافے کی وجہ زرمبادلہ کے ذخائرمیں کمی آتی رہی، زرمبادلہ کے ذخائرمیں کمی سے آئی ایم ایف کے پاس جانا پڑا۔

  • ملکی معیشت کو شدید خطرات ہیں، آئی ایم ایف سے قرضہ لینا پڑے گا، ڈاکٹر اشفاق حسن

    ملکی معیشت کو شدید خطرات ہیں، آئی ایم ایف سے قرضہ لینا پڑے گا، ڈاکٹر اشفاق حسن

    اسلام آباد : معروف ماہر معاشیات ڈاکٹر اشفاق حسن نے کہا ہے کہ موجودہ حالات میں ملکی معیشت کو شدید خطرات لاحق ہیں، مزید قرضوں کیلئے آئی ایم ایف سے رجوع کرنا پڑے گا، حالات کی بہتری کیلئے کسی نے کچھ نہیں کیا۔

    ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا ، انہوں نے کہا کہ پاکستان کے پاس قرضے کی ادائیگی کیلئے بھی رقم نہیں ہے، حالات اتنے خراب کئےجارہے ہیں کہ عنقریب پاکستان کو آئی ایم ایف کے پاس جانا پڑجائے، پاکستانی معیشت ستمبر تک مزید زوال کا شکار ہوگی۔

    ڈاکٹراشفاق حسن نے بتایا کہ عالمی ریٹنگ ایجنسی موڈیز نے پاکستان کی معیشت پر تازہ رپورٹ جاری کی ہے، اس رپورٹ میں موڈیز نے پاکستان کی ریٹنگ کو آؤٹ لُک کرکے منفی کردیا ہے۔

    رپورٹ میں پاکستانی معیشت سے متعلق شدید خطرات کا اظہار کرتے ہوئے کہا گیا ہے کہ قرضوں کے حصول کیلئے پاکستان کو آئی ایم ایف کے پاس جانا پڑے گا، چند ماہ پہلے ریٹنگ ایجنسیز نے پاکستانی معیشت درست سمت میں بتائی تھی، تاہم اب ریٹنگ ایجنسیز کا پاکستان سے متعلق مؤقف تبدیل ہوگیا ہے۔

    انہوں نے کہا کہ پاکستان میں بیرون ملک سے پھل آرہے ہیں کیا یہ مذاق نہیں؟ پاکستان میں ڈالر کی قدر کو کم کرنا ہمارا مقصد ہوناچاہئے، فوری طور پر غیر ضروری اشیاء کی درآمدات روکنا ہوں گی، زرمبادلہ ذخائر اور برآمدات بڑھانے کے لیے ہنگامی اقدامات ناگزیر ہوگئے ہیں، انہوں نے متنبہ کیا کہ کمزور معیشت کے ساتھ کیا ہوتا ہے؟ یہ دیکھنے کیلئے روس کی مثال سامنے رکھی جائے۔

    ڈاکٹر اشفاق حسن کا مزید کہنا تھا کہ پاکستانی معیشت کو بہتر کرنے کیلئے کسی نے کچھ نہیں کیا، ایسے معاشی ماہر کی ضرورت ہے جس کو اس ملک سے محبت ہو، مفتاح اسماعیل بھی وزیرخزانہ بن کر اسحاق ڈار کے نقش قدم پر چلے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • خواجہ آصف کیس قومی سلامتی کے معاملے کی طرح اہم ہے، عمران خان

    خواجہ آصف کیس قومی سلامتی کے معاملے کی طرح اہم ہے، عمران خان

    اسلام آباد: پاکستان تحریک انصاف کے چیئرمین عمران خان نے کہا ہے کہ خواجہ آصف کیس کی اہمیت اتنی ہے جتنا قومی سلامتی کا معاملہ اہم ہوتا ہے۔

    انھوں نے اے آر وائی نیوز کے پروگرام پاور پلے میں گفتگو کرتے ہوئے کہا کہ ہم اسلام آباد ہائی کورٹ کے فیصلے کا خیرمقدم کرتے ہیں، کوئی تصور بھی نہیں کرسکتا کہ پاکستان کا وزیر کسی اور ملک کا ملازم ہو۔

    خواجہ آصف نے وہی کام کیا جو نواز شریف نے کیا، یہ منی لانڈرنگ چین بنے ہوئے تھے، احسن اقبال نے بھی اپنا اقامہ ظاہر نہیں کیا، وہ ریاست کے پیچھے چھپنے کی کوشش کرتا ہے۔ جس کے پاس بھی اقامہ نکل رہا ہے اس کی تحقیقات ہونی چاہیے۔

    عمران خان نے انٹرویو میں کہا کہ پاکستان سے سالانہ دس ارب ڈالر باہر جاتا ہے، ملک قرضوں میں ڈوب رہا ہے، قسطیں عوام کے پیسے سے بھری جارہی ہیں، ہم نے امیدواروں کو کہا ہے اپنے تمام اثاثے ڈکلیئر کریں۔ سابق وزیر داخلہ چوہدری نثارکے بارے میں ان کا کہنا تھا کہ وہ فیصلہ کریں سیاست اپنی ذات کے لیے کرنی ہے یا ملک کے لیے، چونتیس سال بعد پارٹی بدلنے کا فیصلہ بڑا فیصلہ ہوگا۔

    عمران نے کہا کہ ذوالفقار بھٹو کے ساتھ مشرقی پاکستان کی اسٹیبلشمنٹ تھی، صرف بے نظیر بھٹو 1988 میں اسٹیبلشمنٹ کے بغیر الیکشن جیتی تھیں، نوازشریف پیسا دے کر الیکشن جیتے تھے، آج وہ اپنے پیسے بچانے کےلیے اداروں کو تباہ کررہا ہے، شہباز شریف میں فیصلہ کرنے کی صلاحیت نہیں ہے۔

    انٹرویو میں انھوں نے کہا کہ جنرل قمرجاوید باجوہ سب سے زیادہ جمہوری آدمی ہیں، میں سمجھتا تھا پرویز مشرف کرپشن کے خلاف کھڑے ہوں گے لیکن اس نے ڈر کر کرپشن کے رول ماڈلز کو اکھٹا کرلیا، جنرل راحیل نے کوئی ڈیل پیش نہیں کی تھی، انھوں نے کہا دھرنا ختم کردیں ہم جے آئی ٹی بنوادیں گے، میں نے کہا کہ نواز شریف اس کے ارکان خرید لے گا۔

    پی ٹی آئی میں الیکشن 2013 لڑنےوالے 80 فیصد لوگ نئے تھے، ٹکٹ دیتے وقت دیکھیں گے کہ وہ الیکشن لڑنا جانتا ہے یا نہیں، پی ٹی آئی دو مرتبہ انتخابات میں حصہ لے کر ٹوٹنے کے سانحے سے گزری ہے۔

    پی ٹی آئی کے کچھ لوگ چوہدری نثار سے رابطے میں ہیں، عمران خان

    انھوں نے کہا کہ آدھے پنجاب کا بجٹ لاہور پر خرچ ہوجاتا ہے، جنوبی پنجاب کا صوبہ بننا چاہیے پی ٹی آئی اس کی حمایت کرتی ہے، جنوبی پنجاب محاذ والے تحریک انصاف میں آئیں، 29 اپریل کو لوگوں کو بتاؤں گا سو دن میں مسائل کیسے حل کرنے ہیں۔

  • نوازشریف پیپلزپارٹی سے مدد کی امید نہ رکھیں، اعتزازاحسن

    نوازشریف پیپلزپارٹی سے مدد کی امید نہ رکھیں، اعتزازاحسن

    اسلام آباد : پیپلزپارٹی کے رہنما اعتزازاحسن نے کہا ہے کہ نااہل شخص کو پارٹی کی صدارت کا حق نہیں ملنا چاہیے، نوازشریف اب پیپلزپارٹی سے مدد کی ہرگز امید نہ رکھیں، پی پی نے ماضی میں نوازشریف کو بچایا، انہوں نے جو کیا سب کے سامنے ہے۔

    ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا۔

    اعتزاز احسن کا کہنا تھا کہ ماضی میں نوازشریف نے پی پی سے اچھا سلوک نہیں کیا، ن لیگ نے یوسف رضا گیلانی کےخلاف بھرپور مہم چلائی، نوازشریف کو لے کر ہمارا تجربہ بہت تلخ رہا ہے۔

    ایک سوال کے جواب میں ان کا کہنا تھا کہ نواز شریف نے آصف زرداری سے ملاقات کی خواہش کا اظہار کیا تھا، خورشید شاہ کے ذریعے پی پی سے رابطوں کے دروازے کھلےہیں، خورشید شاہ اصولوں پر سمجھوتا نہیں کریں گے۔

    اعتزاز احسن نے واضح کیا کہ رابطوں کانتیجہ یہ ہی نکلےگا کہ ہم پارٹی پالیسی کےمطابق چلیں گے، حلقہ بندیوں کی ترمیم کی حمایت کا مطلب نوازشریف کی مدد نہیں، اس معاملے پر حکومت کے ساتھ اتفاق ہوسکتا ہے، نوازشریف کاخود کونظریہ کہنا محض پاگل پن ہے۔

    اعتزازاحسن نے کہا کہ نوازشریف اور مریم نواز سمجھ چکے ہیں کہ اب عدالت سے کچھ حاصل نہیں ہوگا، ان کو پتہ ہے کہ عدالت سے صرف سزا ہی ملےگی، خدشہ ہے کہ نوازشریف اشارہ ملنے پرپھرسب کچھ چھوڑچھاڑکربیرون ملک بھاگ جائیں گے، اسی لئے عدالت کے خلاف نوازشریف اور مریم سے زیادہ سخت زبان اور کوئی استعمال نہیں کرتا۔

    ان کا کہنا تھا کہ دھوکہ دہی کے بغیر شریف خاندان چل ہی نہیں سکتا، نوازشریف کا نظریہ ہے کہ جتنی ہوسکے دولت بناؤ، ان کا نظریہ کمزور کو دبانا اور طاقتور سے دبنا ہے۔

    پی پی رہنما کا کہنا تھا کہ نااہل شخص کو پارٹی صدارت کا حق نہیں ہوناچاہیے، نئے قانون کے بعد تو چور،ڈاکو بھی پارٹی کا صدر بن سکتا ہے، ایساشخص پارلیمنٹ سے باہر بیٹھ کر ممبران کو کنٹرول کرسکتا ہے۔

    انہوں نے مزید کہا کہ شریف خاندان کا ایون فیلڈ ریفرنس میں بریت کاامکان بہت کم ہے، لندن فلیٹس کی خریداری کیلےمنی ٹریل دینے کیلئے موقع پرموقع دیا گیا لیکن شریف خاندان مشکوک قطری شہزادے کاخط اورجعلی کیلبری فونٹ دستاویزات ہی پیش کر پایا۔

  • آئی بی کا خط، ارشد شریف نے فیکٹ فائنڈنگ کمیٹی کو جواب جمع کرادیا

    آئی بی کا خط، ارشد شریف نے فیکٹ فائنڈنگ کمیٹی کو جواب جمع کرادیا

    اسلام آباد : پارلیمنٹرینز سے متعلق آئی بی کے خط کے معاملے پر ارشد شریف نے فیکٹ فائنڈنگ کمیٹی کو جواب جمع کرادیا، اجلاس کو اچانک اِن کیمرہ کر دیا گیا۔

    تفصیلات کے مطابق پارلیمنٹرینزسے متعلق آئی بی کے خط کے معاملہ پر اے آر وائی نیوز کے سینئراینکر پرسن ارشد شریف نے فیکٹ فائنڈنگ کمیٹی کو جواب جمع کرادیا، اس موقع پر اجلاس کو اچانک اِن کیمرہ کر دیا گیا۔

    اجلاس میں اے آر وائی نیوز کے سینیئر اینکر پرسن ارشد شریف نے کمیٹی میں ایک سو چھیاسٹھ صفحات پر مشتمل جواب جمع کرایا۔

    میڈیا سے گفتگو کرتے ہوئے سینئر اینکر پرسن ارشد شریف کا کہنا تھا کہ اپنی خبر پر آج بھی قائم ہوں، میں نے تمام صحافتی تقاضے پورے کرتے ہوئے خبر دی تھی، بعد ازاں آئی بی کی جانب سے خط کو بوگس قرار دیا گیا تھا۔

    دوسری جانب چیئرمین کمیٹی رانا افضل کا کہنا ہے تھا کہ آئی بی کی درخواست پر اجلاس ان کیمرہ کیا گیا۔

    مزید پڑھیں: ارشدشریف کو پیمرا دفتر میں آئی بی افسر کی دھمکی

    یاد رہے کہ 26ستمبر کو اے آروائی نیوز کے پروگرام پاور پلے میں انکشاف کیا گیا تھا کہ سابق وزیر اعظم نواز شریف نے37اراکین پارلیمنٹ کیخلاف آئی بی سے چھان بین کروائی تھی ان میں سے بیشتر اراکین نون لیگ اور حکومت پر تنقید کرنے والے نکلے، مذکورہ اراکین اسمبلی پر کالعدم تنظیموں سے رابطوں کا الزام عائد کیا تھا۔

    مذکورہ معاملے کے بارے میں پیمرا میں بھی رپورٹ درج کروائی گئی تاہم اس کے ساتھ ہی ارشد شریف کو آئی بی کی جانب سے دھمکیاں موصول ہونے لگیں جبکہ ارشد شریف اور اے آر وائی نیوز کے خلاف مقدمہ بھی درج کردیا گیا تھا۔

  • نوازشریف نے37اراکین پارلیمنٹ کیخلاف آئی بی کو متحرک کیا، انکشاف

    نوازشریف نے37اراکین پارلیمنٹ کیخلاف آئی بی کو متحرک کیا، انکشاف

    اسلام آباد :  نوازشریف نے حکومت پر تنقید کرنے والے سینتیس اراکین پارلیمنٹ کیخلاف انٹیلی جینس بیورو (آئی بی) سے چھان بین کروائی، مذکورہ پارلیمنٹیرینز پر کالعدم تنظیموں سے رابطوں کا الزام ہے، عمران خان نے اپنے ٹوئٹ میں آئی بی کے سربراہ سے فوری مستعفی ہونے کا مطالبہ کردیا۔

    تفصیلات کے مطابق اے آروائی نیوز کے پروگرام پاور پلے میں انکشاف کیا گیا ہے کہ سابق وزیر اعظم نواز شریف نے جن اراکین پرلیمنٹ کیخلاف آئی بی سے چھان بین کروائی تھی ان میں سے بیشتر اراکین نون لیگ اور حکومت پر تنقید کرنے والے نکلے۔

    آئی بی نے دس جولائی2017کو اس وقت کے وزیر اعظم نواز شریف کے حکم پرایک رپورٹ مرتب کی جس میں37 پارلیمنٹینز کے نام شامل ہیں جن کے کالعدم دہشت گرد تنظیموں سے نہ صرف رابطے ہیں بلکہ ان سے لین دین اور ناجائز سرگرمیوں میں بھی ملوث ہیں۔

    مذکورہ بالا انٹیلی جنس رپورٹ کو مد نظر رکھتے ہوئے ترجیحی بنیادوں پر مزید خفیہ معلومات اکھٹی کی جائیں گی اور ان کی سخت نگرانی بھی کی جائے گی۔

    دریں اثناء ڈی جی آئی بی آفتاب سلطان اور جوائنٹ ڈٖائریکٹر آئی بی کا یہ مراسلہ دس جولائی2017کا ہے۔

    ذرائع کے مطابق ڈپٹی اسپیکرمرتضیٰ جاوید عباسی، زاہد حامد، نجف عباس، میاں طارق محمود، سردار عرفان ڈوگر، بلال احمد ورک و دیگر اراکین کی چھان بین کی گئی۔

    مزید پڑھیں: نواز شریف ایک بارپھرتوہینِ عدالت کے مرتکب

    اس انکشاف پر عمران خان نے بھی ٹوئٹ کیا، انہوں نے انیٹلی جنس بیورو کے سربراہ سے مستعفی ہونے کا مطالبہ کردیا۔

    عمران خان کا کہنا تھا کہ آئی بی سربراہ نے کس حیثیت سے نااہل وزیراعظم سےملاقات کی۔ آئی بی سربراہ کی ڈیوٹی سرکار کیلئےہونی چاہئے نہ کہ شریف خاندان کیلئے، کپتان نے اپنے ٹوئٹ میں پروگرام پاورپلے کی ویڈیو بھی اپ لوڈ کی۔

     

  • گورنرسندھ کا عہدہ اب غیر سیاسی نہیں رہا، مولا بخش چانڈیو

    گورنرسندھ کا عہدہ اب غیر سیاسی نہیں رہا، مولا بخش چانڈیو

    کراچی : پیپلز پارٹی کے رہنما مولا بخش چانڈیو نے کہا ہے کہ گورنرسندھ کا عہدہ اب غیر سیاسی نہیں رہا، محمد زبیرصوبائی معاملات میں مداخلت کر رہے ہیں، سندھ کے لوگ ن لیگ کو قبول نہیں کریں گے۔

    ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا۔

    مولا بخش چانڈیو نے کہا کہ محمد زبیر گورنر نہیں بلکہ ن لیگ کراچی ڈویژن کے سربراہ ہیں، وہ سندھ میں ن لیگ کو الیکشن جتوانے کے مشن پرہیں۔

    گورنرسندھ صوبے کےعوام کی نمائندگی نہیں کرتے، وہ کراچی میں اپنے آفس میں بند رہتےہیں، ایسے گورنر کو اپنے صوبے کےعوام کی کیا پرواہ ہوسکتی ہے؟

    ایک سوال کے جواب میں ان کا کہنا تھا کہ پاناما کا کیس ختم نہیں ہوا، ابھی توپارٹی شروع ہوئی ہے، نوازشریف کو عدالت کا فیصلہ تسلیم کرناچاہئےتھا، ان کو عدلیہ پرتنقید نہیں کرنی چاہئے تھی، نوازشریف ایسا ہی کرتے رہے تو آئندہ ان کیلئے مشکلات بڑھیں گی۔

    انہوں نے کہا کہ شریف خاندان عدالتوں میں شروع سے ہی نہ پیش ہونے کا کہتےرہے، مگر اب شریف خاندان کو پیش ہونا ہوگا، یہ لوگ پیش نہ ہوئے تو عدالت انہیں مفرورقراردےگی، ان کی سیاست ختم ہوچکی ہے۔

    مولابخش چانڈیو نے مزید کہا کہ شہید بینظیر بھٹوکےخلاف باتیں کرنے والوں کواللہ نےسب سکھادیا، نوازشریف نے بویا تھاوہ آج کاٹ رہےہیں۔

  • پاکستان نیٹوسپلائی کوفوری طورپربند کردے، شیریں مزاری

    پاکستان نیٹوسپلائی کوفوری طورپربند کردے، شیریں مزاری

    اسلام آباد : تحریک انصاف کی مرکزی رہنما شیریں مزاری نے کہا ہے کہ بس اب بہت ہوگیا، پاکستان امریکا کو واضح پیغام دے پاکستان کو نیٹو سپلائی فوری طور پر روکنا ہوگی، ایکشن نہ لیا گیا تودباؤ بڑھتا رہے گا۔

    ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا، شیریں مزاری نے کہا کہ وزیرخارجہ کا دورہ امریکا منسوخ ہونا بہت ضروری تھا، امریکا اسٹیٹ ڈیپارٹمنٹ کی جونیئر خاتون کو پاکستان بھیج کرکیا بات کرے گا؟

    ان کا کہنا تھا کہ ٹرمپ کے بیان پر ردعمل کے طور پر پاکستان کو نیٹوسپلائی فوری طور پر روکنا ہوگی، سلالہ واقعے کے بعد پابندیاں لگائیں تو کون سا طوفان آیاتھا؟

    زمینی راستہ بند کرنے سے امریکا کو بہت تکلیف ہوگی۔ پہلے بھی سپلائی روکی گئی تھی تو اب بھی روک دینی چاہئیے، امریکا اب کوئی نقصان نہیں پہنچا سکتا،جو کرنا تھا وہ کرچکا۔

    رہنماپی ٹی آئی نے کہا کہ ملک کے لئے ایکشن لینا ہوگا ورنہ دباؤ بڑھتا رہے گا، امریکا افغانستان میں جنگ ہار چکا ہے، دہشت گردوں کو امریکا، افغانستان میں پناہ مل رہی ہے،اسے روکنا ہوگا۔

     شیریں مزاری نے مزید کہا کہ امریکی صدر کے بیان کے بعد چییئرمین پی ٹی آئی عمران خان نے فوری طور پر اپنا مؤقف دیا تھا۔

    اس کے علاوہ چین، روس اور آرمی چیف جنرل قمر باجوہ نے بھی امریکی پالیسی کیخلاف مؤقف پیش کیا، انہوں نے کہا کہ پاکستان کو افغان مہاجرین کا معاملہ بھی ٹھیک طریقے سےاٹھانا ہوگا۔