ARYNews.tv | Urdu – Har Lamha Bakhabar

Tag: ARY News

  • سونے کی قیمت میں آج پھر بڑا اضافہ ریکارڈ

    سونے کی قیمت میں آج پھر بڑا اضافہ ریکارڈ

    کراچی: عالمی مارکیٹ میں سونے کی قیمت میں اضافے کے بعد ملک بھر میں سونا مزید مہنگا ہوگیا۔

    آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت مزید 900 روپے بڑھ گئی، جس کے بعد فی تولہ سونا 3 لاکھ 60 ہزار 700 روپے کا ہوگیا۔

    اسی طرح 10 گرام سونا 772 روپے اضافے سے 3 لاکھ 9242 روپے کا ہوگیا، جبکہ عالمی مارکیٹ میں سونا 9 ڈالر اضافے سے 3380 ڈالر فی اونس کا ہوگیا۔

    پاکستان میں آج ڈالر اور دیگر کرنسیوں کی قیمت

    واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

    پاکستان کا قطر سے درآمدی ایل این جی کی فراہمی مؤخر کروانے کا فیصلہ

    پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

  • ثناء میر کو کھوئی ہوئی قیمتی چیز واپس مل گئی

    ثناء میر کو کھوئی ہوئی قیمتی چیز واپس مل گئی

    پاکستانی ویمنز کرکٹ ٹیم کی سابق کپتان ثناء میر کا بازار میں کھوجانے والا والٹ حیرت انگیز طور پر انہیں واپس مل گیا۔

    سماجی رابطے کی ویب سائٹ ایکس پر جاری پیغام میں پاکستانی ویمنز کرکٹ ٹیم کی سابق کپتان ثناء میر کا کہنا تھا کہ وہ کچھ میٹھا خریدنے کے لئے ایک سے دوسری دکان پر گئیں تو اس دوران ان کا والٹ غلطی سے راستے میں کہیں گر گیا۔

    سابق کپتان نے بتایا کہ انہیں جیسے ہی اس بات کا احساس ہوا تو فوراً پہلی دکان پر دیکھنے گئیں تاہم انہیں والٹ وہاں نہیں ملا۔

    انہوں نے کہا کہ ہم ابھی سی سی ٹی وی دیکھنے کا انتظار ہی کررہے تھے کہ اسی اثناء میں ایک نامعلوم نمبر سے مجھے فون کال آئی۔

    کال کرنے والے شخص نے پہلے مجھ سے تصدیق کی میرا کوئی سامان کھوگیا ہے جس کے بعد میں فوراً ان کی بتائی ہوئی جگہ پرچلی گئی۔

    وہ نیک انسان گرمی میں کھڑے ہوئے میرے منتظر تھے تاکہ میرا والٹ مجھے واپس دے سکیں۔

    سابق کپتان نے بتایا کہ میرے والٹ میں انہیں ایک لفافہ ملا تھا جس پر میرے رابطہ نمبر کے ساتھ کچھ اسٹوڈیو کی تصاویر بھی موجود تھیں۔

    انگلش ون ڈے کپ، امام الحق تیسری سنچری بنانے میں کامیاب

    سابق کپتان نے والٹ واپس کرنے والے دونوں افراد کا تہہ دل سے شکریہ ادا کرتے ہوئے لکھا کہ اپنے رابطے کی تفصیلات والٹ میں رکھا کریں تاکہ اگر یہ صحیح شخص تک پہنچ جائیں تو وہ آپ سے رابطہ کرکے آپ کی امانت آپ تک پہنچا سکیں۔

  • بھارت کے معروف اداکار چل بسے

    بھارت کے معروف اداکار چل بسے

    جنوبی بھارتی فلم انڈسٹری کے سینئر اداکار اور آرٹ ڈائریکٹر دنیش منگلورو فانی دنیا کو خیرباد کہہ گئے۔

    بھارتی میڈیا رپورٹس کے مطابق دنیش منگلورو دوران شوٹنگ اسٹروک کے باعث فالج کی زد میں آگئے تھے، جس کے بعد وہ کئی دن بستر پر رہے تاہم گزشتہ روز وہ برین ہیمرج کی وجہ سے چل بسے۔

    منگلورو کے فالج کے باعث انتقال پر فلم انڈسٹری کے ساتھی فنکاروں کی جانب سے دکھ کر اظہار کیا جارہا ہے۔ اُنہوں نے مشہور فلم ’کے جی ایف‘ سمیت کئی فلموں میں بہترین کام کیا تھا جبکہ وہ شانتی نواسا جیسی بڑی فلموں کے آرٹ ڈائریکٹر بھی رہ چکے تھے۔

    معروف اداکار کے انتقال پر سوشل میڈیا پر ان کے چاہنے والوں کا کہنا ہے کہ جب سے فلم کنترا کی شوٹنگ شروع ہوئی ہے ایک کے بعد ایک اس فلم سے جڑے 4 لوگوں کی مختلف وجوہات کے باعث موت ہوچکی ہے جو تشویشناک ہے۔

    بھارت کی معروف اداکارہ چل بسیں

    رپورٹس کے مطابق اس سے قبل اس فلم کے ایک جونیئر آرٹسٹ دریا میں ڈوبنے کے باعث جان کی بازی ہار گئے تھے، جبکہ دیگر 2 افراد فلم کے سیٹ پر ہی انتقال کرگئے تھے۔

  • انگلش ون ڈے کپ، امام الحق تیسری سنچری بنانے میں کامیاب

    انگلش ون ڈے کپ، امام الحق تیسری سنچری بنانے میں کامیاب

    پاکستانی کرکٹ ٹیم کے اوپنر بلے باز امام الحق نے انگلش ون ڈے کپ میں ایک اور سنچری بنادی۔

    رپورٹس کے مطابق امام الحق کی شاندار بیٹنگ کے باعث یارکشائر نے 6 وکٹوں سے کامیابی حاصل کرکے ہوم سیمی فائنل یقینی بنالیا۔

    رپورٹس کے مطابق امام الحق نے 105 گیندوں پر 106 رنز بنائے۔ ان کی اننگز میں 10 چوکے اور 3 چھکے شامل تھے۔

    یاد رہے کہ یہ امام الحق کی رواں سیزن کی چھ اننگز میں تیسری سنچری ہے۔ اس سے قبل وہ دو نصف سنچریاں بھی اسکور کرچکے ہیں۔

    امام الحق ون ڈے کپ کی چھ اننگز میں 102.60 کی اوسط سے 513 رنز بنارکھے ہیں۔

    ایشیا کپ 2025، پاکستان اور بھارت میں سے کون فیورٹ؟ وسیم اکرم نے بتادیا

    لاہور: پاکستانی کرکٹ ٹیم کے سابق فاسٹ بولر اور سابق کپتان وسیم اکرم نے کہا ہے کہ ایشیا کپ 2025 میں روایتی حریفوں کے درمیان دبئی میں خاصی گرما گرمی ہوسکتی ہے، کھلاڑی اور تماشائی نظم و ضبط کا مظاہرہ کریں اور اور حد پار کرنے سے گریز کریں۔

    عالمی شہرت یافتہ سابق فاسٹ بولر وسیم اکرم نے خبردار کیا ہے کہ دبئی میں ایشیا کپ 2025 کے دوران فضا خاصی گرم ہوسکتی ہے تاہم انہوں نے زور دیا کہ نہ کھلاڑی اور نہ ہی شائقین حد سے تجاوز کریں۔

    سابق آل راؤنڈر نے کہا کہ دنیا بھر کے کروڑوں لوگ بھارت اور پاکستان کے درمیان ہونے والے میچ سے لطف اندوز ہوتے ہیں، یہ مقابلے ہمیشہ دلچسپ ہوتے ہیں مگر ضروری ہے کہ کھلاڑی اور تماشائی نظم و ضبط قائم رکھیں اور حد پار نہ کریں۔

    گوتم گمبھیر کو سابق کھلاڑی نے ’منافق‘ قرار دے دیا

    وسیم اکرم کا کہنا تھا کہ دونوں ملکوں کے عوام اپنے اپنے وطن سے محبت کرتے ہیں لیکن حب الوطنی کا مطلب یہ نہیں کہ کھیل کو کھیل کے دائرے سے باہر لے جایا جائے، اگر بھارتی عوام اپنی ٹیم کی حمایت کرتے ہیں تو پاکستانی شائقین بھی ایسا ہی کریں گے، یہ بالآخر کھیل ہے اس سے زیادہ کچھ نہیں ہے۔

    پاکستانی سابق سپر اسٹار فاسٹ بولر کی جانب سے 14 ستمبر کو دبئی میں شیڈول روایتی حریفوں کے مقابلے میں بھارت کو پاکستان کے مقابلے میں فیورٹ قرار دیا۔

  • نیپالی کوہ پیما نرمل پُرجا نے نانگا پربت سر کر کے تاریخ رقم کر دی

    نیپالی کوہ پیما نرمل پُرجا نے نانگا پربت سر کر کے تاریخ رقم کر دی

    نیپال سے تعلق رکھنے والے کوہ پیما نرمل پُرجا نے دنیا کے خطرناک ترین پہاڑوں میں سے ایک نانگا پربت کو سر کرکے سر کر کے تاریخ رقم کر دی۔

    رپورٹس کے مطابق نیپال سے تعلق رکھنے والے کوہ پیما نرمل پُرجا دنیا کے پہلے کوہ پیما بن گئے ہیں جنہوں نے 8 ہزار میٹر سے بلند چوٹیاں 50 مرتبہ سر کی ہیں۔

    اُن کا اپنی کامیابی کو زندگی کی سب سے خطرناک مہم قرار دیتے ہوئے کہنا تھا کہ چڑھائی کے دوران برفانی تودوں اور پتھروں کے گرنے جیسے خطرات کا سامنا رہا۔

    نیپالی کوہ پیما نے نانگا پربت (8,126 میٹر) پر کامیابی سے سر کرنے کے بعد یہ سنگِ میل عبور کیا۔

    اس شاندار ریکارڈ کی انوکھی بات یہ تھی کہ انہوں نے اس دوران بغیر اضافی آکسیجن کے 22 چڑھائیاں مکمل کیں، جو بذاتِ خود ایک نیا عالمی ریکارڈ ہے۔

    اُنہوں نے اپنی کامیابی کو نیپال اور برطانیہ کے درمیان 200 سالہ دوستانہ تعلقات کے نام کرتے ہوئے دونوں ممالک کے پرچموں کو لہرایا۔

    گلگت بلتستان میں لینڈ سلائیڈنگ کی زد میں آنے والی جرمن کوہ پیما کی لاش مل گئی

    نرمل پُرجا پہلی بار 2019ء میں پروجیکٹ پاسیبل کے تحت عالمی شہرت کی بلندیوں پر پہنچے، انہوں نے صرف 6 ماہ اور 6 دن میں دنیا کی تمام 14 آٹھ ہزار میٹر بلند چوٹیوں کو سر کر لیا تھا۔

    رپورٹس کے مطابق نیپالی نرمل پُرجا برطانوی اسپیشل فورسز اور گورکھا رجمنٹ میں بھی خدمات انجام دے چکے ہیں۔

  • کوہلی نے تصویر کیوں لائیک کی؟ اونیت کور نے خاموشی توڑ دی

    کوہلی نے تصویر کیوں لائیک کی؟ اونیت کور نے خاموشی توڑ دی

    بھارت کی ابھرتی ہوئی خوبرو اداکارہ اونیت کور کی تصویر کو گزشتہ دنوں ویرات کوہلی نے انسٹاگرام پر لائیک کیا تھا، جس کے بعد سوشل میڈیا پر ایک نئی بحث چھڑ گئی تھی۔

    بھارتی میڈیا رپورٹس کے مطابق بھارتی کرکٹ ٹیم کے سابق کپتان ویرات کوہلی نے اداکارہ کی تصویر کو لائیک کرنے کو ایک تکنیکی غلطی قرار دیتے ہوئے تمام تر افواہوں کو رد کردیا تھا۔

    اداکارہ اونیت کور کی جانب سے اس پر حیران کن طور پر کوئی ردعمل سامنے نہیں آیا تھا جس سے سوشل میڈیا پر میمز بننے اور قیاس آرائیوں کے نہ ختم ہونے والا سلسلہ شروع ہو گیا تھا۔

    بھارتی اداکارہ اونیت کور ان دنوں اپنی فلم ”لو اِن ویتنام” کی تشہیر میں مصروف ہیں۔ ان سے ویرات کوہلی کے تصویر لائیک کرنے کے بارے میں سوال پوچھا گیا۔

    رپورٹس کے مطابق اداکارہ نے مسکراتے ہوئے اپنے چاہنے والوں کو جواب دیا کہ ”ملتا رہے پیار اور کیا کہہ سکتی ہوں۔”

    کوہلی کے انسٹاگرام سے اداکارہ کی تصویر کا لائیک ہونا اونیت کور کے لیے نیک شگون ثابت ہوا تھا۔ صرف چند دنوں میں اداکارہ کے فالوورز کی تعداد میں ایک ملین سے زائد کا اضافہ ہوگیا تھا، اس کے ساتھ ہی انہوں نے 12 نئی برانڈ ڈیلز بھی حاصل کرلی تھیں۔

    شاہ رخ خان کے گھر میں داخل ہونے کیلیے ایک شخص کی انوکھی حرکت، ویڈیو وائرل

    بھارتی میڈیا کا کہنا تھا کہ کوہلی کی جانب سے اداکارہ کی تصویر کو لائیک کئے جانے کے بعد اداکارہ کی برانڈ ویلیو میں 30 فیصد اضافہ ہوگیا تھا۔

  • مدینہ منورہ میں موسلا دھار بارش، زائرین کی دعائیں (ویڈیو)

    مدینہ منورہ میں موسلا دھار بارش، زائرین کی دعائیں (ویڈیو)

    سعودی عرب مدینہ منورہ میں موسلادھار بارش سے موسم خوشگوار ہوگیا، جبکہ بارش کے دوران زائرین نے رب کے حضور دعائیں مانگیں۔

    سعودی خبر رساں ادارے کی رپورٹ کے مطابق مدینہ منورہ میں بادل خوب برسے جس سے ہر طرف جل تھل ہوگیا۔

    رپورٹس کے مطابق مسجد نبوی صلی اللہ علیہ وآلہ وسلم میں بھی باران رحمت جم کر برسا جس کی ویڈیوز سوشل میڈیا پر بھی گردش کررہی ہیں۔

    بارش کے باعث مدینہ منورہ میں گرمی کی شدت میں کمی آئی اور موسم خوشگوار ہوگیا۔

    سعودی عرب: کونسے علاقے پورے ہفتے بارش کی زد میں رہیں گے؟

    سعودی عرب میں موسمیات کے قومی مرکز کا کہنا ہے کہ ’مملکت کے بیشترعلاقوں میں بارش کا سلسلہ رواں ہفتے کے آخر تک جاری رہنے کا امکان ہے۔‘

    رپورٹ کے مطابق جازان، عسیر، الباحہ، مکہ، مدینہ اور نجران ریجن میں درمیانے درجے سے شدید بارش جبکہ ریاض قصیم، حائل اور الشرقیہ ریجن ہلکی سے درمیانے درجے کی بارش کی زد میں رہیں گے۔

    رپورٹس کے مطابق جنوب مغربی اور مغربی پہاڑی علاقوں خاص طور پر جازان، عسیر، الباحہ اور مکہ میں شدید بارش کا امکان ظاہر کیا گیا ہے۔ بعض مقامات پر گرد آلود ہوائیں بھی چلیں گی۔

    کراچی میں بارش، محکمہ موسمیات کا اہم بیان سامنے آگیا

    موسمیات کے قومی مرکز نے شہریوں اور رہائشیوں سے کہا ہے کہ ’وہ ویب سائٹ اور میڈیا پلیٹ فارمز کو فالو کریں اور حکام کی ہدایات اور گائیڈ لائنز پر عمل کریں۔‘

  • کسی صورت ہتھیار نہیں ڈالے جائیں گے، حزب اللّٰہ

    کسی صورت ہتھیار نہیں ڈالے جائیں گے، حزب اللّٰہ

    لبنانی تنظیم حزب اللّٰہ نے اسرائیل کو اپنے پیغام میں کہا ہے کہ کسی صورت ہتھیار نہیں ڈالیں گے، اسرائیل فوری جنگ بندی کرے۔

    عرب میڈیا رپورٹس کے مطابق حزب اللّٰہ کے سیکریٹری جنرل نعیم قاسم کا کہنا ہے کہ لبنان کی خودمختاری صرف اسرائیلی جارحیت کے خاتمے کی صورت میں ممکن ہوسکتی ہے۔

    حزب اللّٰہ کے سیکریٹری جنرل نعیم قاسم نے لبنانی حکومت سے کہا کہ وہ اسرائیل پر 2024ء کے جنگ بندی معاہدے کی تکمیل کو یقینی بنانے کے لئے زور دے۔

    انہوں نے واضح طور پر کہا کہ ہماری مزاحمت ایک مضبوط رکاوٹ کے طور پر موجود رہے گی اور اسرائیل کو اس کے مقاصد کے حصول کے لیے روکا جائے گا۔

    انہوں نے حزب اللّٰہ کو ضم کرنے کا حکومتی اور غیر ملکی مطالبہ مسترد کردیا اور کہا کہ پہلے اسرائیل لبنان کی سرزمین سے جائے، ہمارے قیدیوں کو رہا کرے اور حملے بند کردے۔

    لبنان نے تعاون کیا اب اسرائیل کی باری ہے، امریکا

    امریکی ایلچی ٹام بیراک نے کہا ہے کہ حزب اللہ کو غیرمسلح کرنے کے لیے لبنان نیتعاون کیا اب اسرائیل کی باری ہے۔

    امریکا کے خصوصی ایلچی ٹام بیراک نے لبنانی صدر جوزف عون سے ملاقات کے بعد کہا کہ لبنان نیحزب اللہ کو غیرمسلح کرنے کے منصوبے کی منظوری دی اب اسرائیل کی تعاون کی باری ہے اب اسرائیل کو بھی معاہدے پر عمل کرنا ہو گا۔

    امریکی حمایت یافتہ منصوبہ حزب اللہ کو غیرمسلح اور اسرائیلی حملے روکنے پر مشتمل ہے۔ 4 مراحل پر مشتمل منصوبے میں اسرائیلی افواج کا لبنان کیجنوب سے انخلا بھی شامل ہے۔

    یرغمالیوں کی واپسی کیلیے ڈیل قبول کرنی چاہیے، اسرائیلی آرمی چیف

    منصوبے میں اسرائیل پر فضائی، زمینی اور بحری حملے روکنے کی شرط رکھی گئی ہے۔ حزب اللہ نے غیرمسلح ہونے سے انکار کر دیا جس کے بعد کشیدگی بڑھنے کے خدشات ہیں۔

    اسرائیل نے لبنانی کابینہ کے فیصلے کے بعد بھی لبنان پر حملیجاری رکھے ہیں۔ امریکا نے جنگ کے بعد لبنان کی بحالی کیلیے اقتصادی منصوبے کا بھی عندیہ دیا ہے۔

  • شاہ رخ خان کے گھر میں داخل ہونے کیلیے ایک شخص کی انوکھی حرکت، ویڈیو وائرل

    شاہ رخ خان کے گھر میں داخل ہونے کیلیے ایک شخص کی انوکھی حرکت، ویڈیو وائرل

    بھارت کے سینئر اداکار شاہ رخ خان کی ایک جھلک دیکھنے کے لئے ان کے چاہنے آج بھی بے چین رہتے ہیں، سوشل میڈیا پر ایک ویڈیو وائرل ہورہی ہے جس میں اداکار کے گھر میں داخل ہونے کے لئے ایک شخص نے مضحکہ خیز حرکت کی۔

    بھارتی میڈیا رپورٹس کے مطابق ایک شخص نے ڈیلیوری بوائے کا روپ اختیار کر کے شاہ رخ خان کے گھر منت میں داخل ہونے کی کوشش کی۔ تاہم اس کے پیچھے اس کا کوئی برا ارادہ نہیں تھا۔

    کنٹینٹ بنانے والے نے ویڈیو میں اپنا تجربہ شیئر کیا اور یہ دیکھنے کی کوشش کی کہ کیا منت میں کھانا آن لائن ڈیلیور کیا جا سکتا ہے یا نہیں۔

     

    View this post on Instagram

     

    A post shared by Shubham Prajapat (@madcap_alive)

    ان کا مزید کہنا ہے کہ ‘گھر کا مین گیٹ میرے سامنے کھلا تھا، لیکن میں وہاں سے اندر نہیں جا سکتا تھا۔ چنانچہ میں نے کنگ خان اور اپنے لیے دو کولڈ کافیوں کا آرڈر دیا اور نام شاہ رخ خان لکھا۔ اس کے بعد ڈیلیوری بوائے بن کر صرف 5 منٹ میں آگیا۔

    پارسل لے کر منت کے سیکیورٹی گارڈ کے پاس گیا۔ تاہم مین گیٹ پر موجود گارڈ نے اسے پچھلے گیٹ کی طرف روانہ کردیا، ویڈیو کریئیٹر نے کہا کہ میں گارڈ کو یہ کہتے ہوئے سن کر حیران رہ گیا کہ پچھلے گیٹ سے جاؤ۔

    ویڈیو کرئیٹر نے کہا کہ میرا مطلب ہے کہ میں گھر کے اندر خفیہ پچھلے دروازے سے جا سکتا ہوں، مین گیٹ سے نہیں۔ پھر میں جعلی ڈیلیوری بوائے کے روپ میں اس گیٹ پر پہنچ گیا۔

    دپیکا پڈوکون بیٹی دعا کی ویڈیو بنانے پر غصے میں آگئیں، ویڈیو وائرل

    وہاں، وہ گارڈ سے کہتا ہے، شاہ رخ خان کے لیے کسی نے آرڈر دیا ہے۔ گارڈ اسے کہتا ہے کہ اس شخص کو فون کرے جس نے آرڈر دیا تھا۔ پھر اس نے کہا کہ کوئی کال نہیں اٹھا رہا ہے۔

    اس پر گارڈ طنزیہ انداز میں کہتا ہے کہ اگر شاہ رخ خان بلائے گا تو پورے کافی فروش ان کے سامنے ڈانس کرنے لگیں گے، ان کا مطلب تھا کہ شاہ رخ خود فون کریں گے تو کافی فروش خوشی سے ناچنے لگیں گے۔

  • آسٹریلیا نے ایرانی سفیر کو ملک بدر کر دیا

    آسٹریلیا نے ایرانی سفیر کو ملک بدر کر دیا

    آسٹریلیا نے ایرانی سفیر کو یہودی مخالف حملے کے الزام کے باعث ملک بدر کر دیا۔

    بین الاقوامی خبر رساں ادارے کی رپورٹ کے مطابق آسٹریلیا نے الزام لگایا ہے کہ آسٹریلیا میں ہونے والے دو یہودی مخالف حملوں میں ایران ملوث ہے۔

    رپورٹس کے مطابق آسٹریلیا کے وزیر اعظم انتھونی البانیز کا اس حوالے سے کہنا تھا کہ تہران میں اپنے سفارت خانے کی کارروائیاں معطل کر دی ہیں۔

    انہوں نے یہ بھی کہا کہ ایران کے پاسداران انقلاب کو دہشت گرد تنظیم کے طور پر نامزد کرنے کے لیے قانون سازی کی جائے گی۔

    ایرانی سفیر اور 3 دیگر اہلکاروں کو ملک چھوڑنے کے لیے7 دن کی ڈیڈ لائن دی گئی ہے۔

    خامنہ ای نے امریکی مسئلے کو ’ناقابل حل‘ قرار دے دیا

    ایران کے سپریم لیڈر نے کہا ہے کہ موجودہ صورت حال امریکا کے ساتھ ”ناقابلِ حل“ ہے، ایران کبھی بھی واشنگٹن کے دباؤ کے آگے سر نہیں جھکائے گا۔

    روئٹرز کے مطابق مغربی طاقتوں کے ساتھ ایٹمی پروگرام کے تنازعے کے دوران اتوار کو سپریم لیڈر خامنہ ای نے کہا ہے کہ امریکا چاہتا ہے کہ ایران اس کا مطیع ہو، لیکن ایرانی قوم اپنی پوری طاقت کے ساتھ ان لوگوں کے خلاف ڈٹ کر کھڑی رہے گی جو ایسی غلط توقعات رکھتے ہیں۔“

    بیان میں خامنہ ای نے کہا امریکا چاہتا ہے ایران اس کی فرماں برداری کرے لیکن ایسا نہیں ہوگا۔ ایران امریکی فرماں برداری کے مطالبے کے خلاف مضبوطی سے کھڑا رہے گا۔ جو لوگ مسائل کے حل کے لیے واشنگٹن کے ساتھ براہِ راست مذاکرات کی وکالت کرتے ہیں وہ کم عقل ہیں۔

    انھوں نے کہا مخالفین ایران میں تفرقہ پیدا کرنے کی کوششوں میں مصروف ہیں لیکن قوم متحد ہو کر ان سازشوں کو ناکام بنادے گی۔

    یاد رہے کہ اسلامی جمہوریہ ایران نے امریکا کے ساتھ ایٹمی مذاکرات اس وقت معطل کیے جب جون میں 12 روزہ جنگ کے دوران امریکا اور اسرائیل نے اس کی ایٹمی تنصیبات پر بمباری کی۔ آیت اللہ علی خامنہ ای کے یہ ریمارکس اس وقت سامنے آئے جب ایران اور یورپی طاقتوں نے جمعہ کے روز اس بات پر اتفاق کیا کہ وہ مذاکرات دوبارہ شروع کریں گے تاکہ تہران کی یورینیم کی افزودگی کے کام کو محدود کرنے پر بات چیت بحال کی جا سکے۔