کراچی:وزیراعظم پاکستان محمد نواز شریف آج صبح قومی اسمبلی میں خطاب کریں گے۔
اسلام آباد میں پاکستان تحریک انصاف اورپاکستان عوامی تحریک کے دھرنوں اور دونوں جماعتوں کے قائدین کی جانب سے مطالبات کے تناظر میں وزیراعظم محمد نواز شریف آج صبح قومی اسمبلی میں اراکین پارلیمنٹ سے اہم خطاب کریں گے اوراراکین پارلیمنٹ کو فیصلوں پراعتماد میں لیں گے۔
اسلام آباد:علامہ طاہرالقادری کہتے ہیں کسی عمارت پرقبضے کاارادہ ہے نہ فوج کومداخلت کرنے کاکہیں، ہوسکتاہےآئین میں ترامیم ریفرنڈم کے ذریعے ہوں۔
ڈاکٹرطاہرالقادری ںے اے آر وائے سے خصوصی گفتگوں میں کہا کہ عوامی پارلیمنٹ قائم ہوگئی،نظام تبدیل کرنےآئے ہیں،انہونےکہا ہمارا کسی عمارت پر قبضے کا ارادہ نہیں ہے، آئی ایس پی آر کا بیان قابل تحسین ہے،فوج کو ثالثی کیلئےنہیں کہیں گے۔
ڈاکٹرطاہرالقادری نے مزید کہا کہ اگر عمران خان اسٹیج پرآنا چاہیں تو خوش آمدید کہیں گے۔
کراچی:عمران خان نےسول نافرمانی کا اعلان کردیا ہے،لیکن سول نافرمانی کیا ہوتی ہےاوراس میں کیا ہوتا ہے
سول نافرمانی کا مطلب حکومت کی رٹ کوچیلنج کرتے ہوئےاس کےاحکامات اور ہدایات نہ ماننا ہے،جس میں ٹیکس، لگان یا موجودہ دورمیں بجلی، گیس اور پانی کےبل نہ دینا شامل ہیں تاکہ حکومت کی آمدنی روک کراسےاپنےمطالبات منوانےکے لیے دباؤ میں لایا جاسکے،جس پر گرفتاریاں اور سزائیں بھی ہوسکتی ہیں۔
اس میں تشدد کا عنصر شامل نہیں ہوتااورعموماًیہ اجتماعی مفادات کےحصول کے لیے کی جاتی ہے تاکہ حکومت وقت پردباؤ ڈال کرعوام کے لیے رعایت حاصل کی جاسکے۔
سول نافرمانی علامتی یا رسمی ہوتی ہے اس میں قانون کو یکسر مسترد نہیں کیا جاتا،لیکن سول نافرمانی کرنے والے افراد اپنے حق کے حصول کے لیے چند مخصوص قوانین پر عمل نہیں کرتے جو حکومت چلانے میں مددگار ثابت ہوسکتے ہیں۔
سول نافرمانی کی تحریک چلا کراخلاقی مثال بنائی جاتی ہےتاکہ حکومت وقت کو سیاسی، سماجی یا معاشی تبدیلی لانےپر مجبورکیا جائے۔
"ایک ظالم قوانین کی نافرمانی کرنا کے لئے ایک اخلاقی ذمہ داری ہے.”
مارٹن لوتھر کنگ جونیئر
کراچی:روشنیوں کے شہر کراچی میں پولیس اوررینجرزکےآپریشن کےباوجود دہشت گردی کی لہربرقرار ہے،جہاں مختلف واقعات میں نو افراد جان سے گئے۔
پولیس کےمطابق نارتھ6 ناظم آباد میں اہلسنت والجماعت کے دو کارکنوں کوشہید اور ایک کارکن زخمی کردیا،پولیس کوالفلاح سوسائٹی سےایک شخص کی لاش ملی ہے، کورنگی عوامی کالونی میں ٹریفک حادثہ کے نتیجے میں ایک جاں بحق اورتین زخمی ہوگئے۔
نادرن بائی پاس کےقریب فائرنگ سےایک شخص جاں بحق ہوگیا،بلدیہ اتحاد ٹاون نمبر بارہ میں فائرنگ سےجاں بحق ہونےوالےشخص کو پولیس اہلکارعبدالوکیل کے نام سے شناخت کرلیا گیاہے، بلدیہ یوسف گوٹھ میں فائرنگ سے ایک شخص جان سےگیا۔
لانڈھی میں پولیس اور ٹارگٹ کلر کے درمیان مقابلہ ہوا،جس میں ٹارگٹ کلرمارا گی،۔ پولیس کا کہنا ہےکہ ملزم ڈکیتیوں میں بھی ملوث تھا،جس کاساتھی اندھیرےکا فائدہ اٹھاتے ہوئےفرارہونے میں کامیاب ہوگیا۔
بنارس کالونی میں نامعلوم افراد کی فائرنگ سے ایک شخص زخمی ہوگیا۔ڈیفنس موڑ پر پولیس مقابلہ ہوا،مقابلے کے نتیجے میں ایک ڈاکو زخمی حا لت میں اسلحہ سمیت گرفتارکیا،۔سخی حسن میں نامعلوم افراد کی فائرنگ سےایک شخص زخمی ہوگیا۔
گجرانوالہ:ڈاکٹرطاہرالقادری نےکہاہےکہ ان کےقافلےپرحملےکا خطرہ ہے لیکن اس کے باوجود انقلاب مارچ رکےگانہیں بلکہ اپنی منزل پر پہنچ کردم لےگا۔
انقلاب مارچ کےگجرانوالہ پہنچنے پرڈاکٹرطاہرالقادری نے اے آر وائی نیوز سے خصوصی گفتگو میں کہا کہ انقلاب مارچ سےخوفزدہ ہوکرمسلم لیگ ن نے کئی گلو بٹ کرائے پرلےلئےہیں جوقافلے پرحملہ کرسکتے ہیں۔
ڈاکٹر طاہرالقادری نےکارکنوں کو ہدایات کی کہ وہ کسی بد نظمی کےدوران لڑائی میں نہ الجھیں۔
قافلے کےشرکاء غیرمسلح ہیں جبکہ انشار پھیلانے والے مسلح کاروائی کرسکتے ہیں، طاہرالقادری نے کہا کہ شدید حملے کی صورت میں وہ نئی حکمت عملی سے آگاہ کریں گے۔
طاہرالقادری کا مزید کا کہنا تھا کہ انقلاب مارچ کا روٹ پلان تبدیل کردیا گیا ہے قافلہ کسی شہر میں پڑاؤ ڈالے بغیر اڑتالیس گھنٹوں میں اسلام باد پہنچ جائے گا۔
کوئٹہ: سمنگلی ائیربیس پردہشتگردوں نےحملہ کردیا سیکیورٹی فورسزکی کارروائی میں چاردہشتگردمارے گئے،دہشتگردوں کی فائرنگ سے نوسیکیورٹی اہلکارزخمی ہو گئے۔
سیکورٹی فورسزنے کوئٹہ میں سمنگلی ایئربیس پرحملےکی کوشش ناکام بناتےہوئےچھ دہشتگردوںکوہلاک کردیا،پاک فضائیہ کےترجمان کےمطابق دہشتگرد سمنگلی ایئربیس میں داخل ہونا چاہتے تھے لیکن اس سے پہلے ہی انہیں رکنے کا اشارہ کیا گیا جس پر گاڑی میں سوار دہشتگردوں نےسیکورٹی فورسز پرفائرنگ کردی،فائرنگ کے شدید تبادلے کے فوراً بعد پولیس کی بھاری نفری طلب کرلی گئی۔
اس دوران سیکیورٹی فورسزنےسمنگلی ائیربیس کےتمام راستےبند کردئیے،اس دوران دہشتگردوں نے سات راکٹ بھی فائرکیےجوخطا گئےدہشتگردوں سےمقابلےمیں سات سیکورٹی اہلکارزخمی ہو ئے، پولیس کی ایک گاڑی راکٹ لگنےسے تباہ ہوگئی،وزیر داخلہ بلوچستان سرفراز بگٹی کا کہنا ہےکہ علاقےمیں سرچ آپریشن شروع کر دیا ہے ،کچھ موڑپرایک گاڑی سےچارراکٹ برآمد ہوئے۔
کراچی:شہرقائد میں دہشت گردی کےواقعات تھم نہ سکےڈیفنس سوسائیٹی میں سپریم کورٹ کے وکیل کے گھرکو نامعلوم افرادنےآگ لگادی جبکہ فائیواسٹارچورنگی کےقریب دہشت گردوں کے پولیس موبائل پرکریکرحملے سےدواہلکارزخمی ہوگئے۔
ذرائع کےمطابق علی الصباح کراچی کےعلاقےڈیفنس فیزفائیو میں ایڈووکیٹ سپریم کورٹ اشفاق حسین رضوی کےگھرکونامعلوم افردنےآتش گیرمادہ چھڑک کرآگ لگا دی، آگ لگنےکےباعث گھرکی پرپارکنگ میں کھڑی دوگاڑیاں جل کر راکھ ہوگئیں جبکہ اہل خانہ نے چھت پرچڑھ کرجانیں بچائیں گاڑیوں میں لگنےوالی آگ کو فائربرگیڈ نے بجھایا۔
ایڈووکیٹ اشفاق حسین کا کہنا ہےکہ انھیں کسی قسم کی کوئی دھمکی نہیں ملی تاہم ان کے پاس سول ایوی ایشن اتھارٹی،پی آئی اے،اور ٹریڈنگ کارپوریشن آف پاکستان سے متعلق کیسز موجود ہیں۔
دہشت گردی کے دوسرے واقعہ میں نارتھ ناظم آباد میں فائیو اسٹارچورنگی کے قریب کھڑی پولیس موبائل پردہشت گردوں نےکریکرسےحملہ کردیا،جس کی ذد میںآکر مو بائل میں موجود دو پولیس اہلکار زخمی ہوگئے، جنھیں طبی امداد دینے کے لئے اسپتال منتقل کردیا گیا، حملے میں پولیس موبائل کو بھی نقصان پہنچا ہے۔
اسلام آباد:ملک بھرمیں یوم آزادی پورے جوش وجذبےسےمنایا جارہا ہے سندھ اسمبلی کی عمارت کوبھی بہت خوبصورتی سےسجایا گیا تھا،اس موقع پرآتش بازی کا شاندار مظاہرہ کیا گیا۔
پورےملک میں جشن آزادی کی تقریبات کا شاندارآغازہوا، سندھ اسمبلی کی عمارت کو خوبصورتی سےسجایا گیا،اس موقع پرآ تش بازی کا شا ندارمظاہرہ کیا گیا جس سے آسمان پرقوس وقزح کےرنگ بکھر گئے،اس مو قع پرسندھ اسمبلی میں جشن آزادی کے حوالے سے پروقارتقریب منعقد کی گئی، سندھ اسمبلی میں پیپلزپارٹی،ایم کیو ایم،مسلم لیگ فنکشنل کےاراکین اسمبلی اوراسمبلی اسٹاف نے شمعیں روشن کیں،ملی نغمے گا ئے گئے۔
آتش بازی کے شاندار مظاہرےکےبعدسندھ اراکین اسمبلی نےملک کےاستحکام،ترقی اور خوشحالی کےلئےدعائیں بھی کیں۔
ملتان:تحریک انصاف کے صدرمخدوم جاوید ہاشمی نےکہا ہےکہ جمہوریت ان کا ایمان ہے، کسی غی جمہوری عمل کاحصہ نہیں بن سکتے، آزادی مارچ میں شرکت کرنےیا نہ کرنے کےبارےمیں شام کوبات کریں گے۔
تحریک انصاف کے رہنما جاوید ہا شمی ملتان میں اپنی رہائشگاہ پہنچ گئے،میڈیا سےبات کرتےہوئےجاوید ہاشمی کا کہنا تھا کہ آزادی مارچ میں شرکت کرنےیا نہ کرنےکے بارے میں شام کو بتائیں گے،مستقبل کےلائحہ عمل کے بارےمیں آج شام کوبتاؤں گا،ان کا کہنا تھا کہ وہ تحریک انصاف میں ہی ہیں،ان کے پارٹی میں کسی سے کو ئی اختلافا ت نہیں،جمہوریت ایمان کا حصہ ہے،ساتھ سال جمہوریت کیلئے قید کا ٹی۔
ان کا کہنا تھا کہ وہ سیاست میں مشکل محسوس کرنے پراپنے حلقے میں آجاتے ہیں اور کسی نتیجےپرپہنچنےکیلئےاپنےحلقےکےلوگوں سےمشاورت کر تے ہیں،جاوید ہاشمی نے کہاکہ ان کا ابھی تک پارٹی رہنماوں سےکو ئی رابطہ نہیں ہوا،کسی غیرجمہوری عمل کا حصہ نہیں بن سکتے،ساتھیوں سےمشاورت کےبعدآئندہ کے لائحہ عمل کااعلان کریں گے۔
کراچی:انیس سوبانوےآپریشن میں حصہ لینے والے پولیس آفیسر ایس ایچ او پریڈی پولیس اسٹیشن غضنفر کاظمی کو تھانے سے گھرجاتے ہوئے گولیاں مارکرہلاک کردیاگیا۔
کراچی میں قانون نافذ کرنے والےاداروں کےاہلکارمسلسل نشانے پرہیں،کبھی رینجرز اہلکار وں کو نشانہ بنایا جاتا ہےتوکبھی پولیس اہلکارنشانہ بن جاتےہیں۔
پولیس ذرائع کےمطابق ایس ایچ او پریڑی غضنفرکاظمی اپنی ڈیوٹی ختم کر کے گاڑی میں تھانے سے گھرجارہےتھےکہ نامعلوم افرادنےان کی گاڑی پرگولیوں کی بوچھاڑ کر دی،غضنفرکاظمی پرچھ گولیاں فائرکی گئیں،چارسرمیں لگیں جس سے وہ موقع پرہی جاں بحق ہو گئے۔
ایڈیشنل آئی جی غلام قادر تھیبو کہتےہیں کہ ایس ایچ اوپریڈی کوقتل کی دھمکیاں مل رہی تھی،ایس ایچ اوپریڈی کےقتل کی تحقیقات کےلئےپانچ رکنی کمیٹی تشکیل دےدی گئی ہے جس کی سربراہی ڈی آئی جی ساؤتھ عبدالخالق شیخ کرینگے۔