اسلام آباد:صدرمملکت ممنون حسین نےاےآروائی نیوز سندھ کےبیوروچیف کوفون کرکے فیض اللہ خان کی رہائی میں بھرپورتعاون کی یقین دہانی کرائی ہے۔
صدرممنون حسین نے ایس ایم شکیل سےافغانستان میں اےآروائی کے اسیررپورٹر فیض اللہ خان کی رہائی کےمسئلہ پربات کی۔
صدرممنون حسین نےکہا کہ حکومت فیض اللہ کےمعاملے پربھرپورمدد کرے گی، فیض اللہ کی رہائی کیلئےہرممکنہ اقدامات کیےجائیں گے،
صدر مملکت نے کہا کہ حکومت افغان وزارت خارجہ سےرابطےمیں ہے اور ضرورت پڑی تو وہ فیض اللہ کی رہائی کیلئےافغان صدر سے بھی رابطہ کرینگے۔
لاہور:حضرت علیؑ کی یوم شہادت کے موقع پر لاہور میں جلسوسوں کے لیے خصوصی سیکورٹی پلان مرتب کر لیا گیا ہے، لاہور پولیس کے پندرہ سو سے زائد اہلکار مرکزی جلوس کی سیکورٹی پر تعینات ہوں گے۔
حضرت علیؑ کے یوم شہادت کے موقع پر امام بارگاہ مبارک حویلی سے برآمد ہونے والے مرکزی جلوس کی نگرانی کے لیے سخت ترین سیکورٹی انتظامات کیے گئے ہیں۔
مرکزی جلوس کے روایتی راستوں پر پولیس اہلکاروں کے تعیناتی کے ساتھ ساتھ سی سی ٹی وی کیمروں سے بھی جلوس کی نگرانی کی جائے گی، امام بارگاہ کربلا گامے شاہ پر بوقت افطار ختم ہونے والے مرکزی جلوس کی نگرانی پر پندرہ سو پولیس اہلکار تعینات رہیں گے۔
کمشنر لاہور کی سربراہی میں ہونے والے اجلاس میں اکیس رمضان کو حضرت علیؑ کی شہادت کی مناسبت سے برآمد ہونے والے دیگر درجنوں جلوسوں کو بھی اے کٹیگری سیکورٹی فراہم کرنے کا فیصلہ کیا گیا ہے۔
تاحال لاہور انتظامیہ نے اکیس رمضان کو موبائل فون سروس بند کرنے کا فیصلہ نہیں کیا۔
فیصل آباد:ایک جانب حکومت عالمی اداروں کے دبائو پرسبسڈیزختم کر رہی ہے تو دوسری جانب فیصل آباد کے حاتم طائی دی سی او نےسبزیوں اور پھلوں پرسبسڈی کا اعلان کر دیا۔
فیصل آباد کے ڈی سی او نور الامین مینگل یوں توسرکاری افسر ہیں لیکن رمضان میں ان کا دل بھی غریبوں کو دیکھ کربھرآیا جو سستی سبزی خریدنے رمضان بازارآئے تھے لیکن اشیا کے نرخ دیکھ کر ان کے ہاتھوں کے طوطے اڑگئے۔
دی سی او نور الامین مینگل نے غریبوں کا یہ حال دیکھا تورمضان بازاروں میں آلو، ٹماٹر،کیلا اورسیب پردس روپے سبسڈی دینے کا فیصلہ کرلیا ور حکم دیا کہ مارکیٹ کمیٹی رعایتی قیمتوں پرعملدرآمد کو یقینی بنائے ۔
کراچی:لاہورمیں ہونے والےافسوس ناک سانحہ ماڈل ٹاون کے خلاف تحریک منہاج القرآن کی جانب سے آج ملک گیراحتجاج کیا جائےگا۔
لاہور کے سانحہ ماڈل ٹاون کو ایک ماہ مکمل ہوگیا ، لیکن کوئی اہم کاروائی عمل میں نہ آئی جس پر تحریک منہاج القرآن آج ملک گیراحتجاج کرے گی۔
صدر پاکستان عوامی تحریک راحیق عباسی کے مطابق احتجاج کے سلسلےمیں لاہور ، اسلام آباد، ملتان ، کراچی ، ڈیرہ غازی خان اور پشاور سمیت سات بڑے شہروں میں بڑی احتجاجی ریلیاں نکالی جائیں گی۔
احتجاجی ریلیوں سے مسلم لیگ ق، سنی اتحاد کونسل ، وحدت المسلمین، تحریک انصاف اور جماعت اسلامی کی قائدین خطاب کرینگے۔
کراچی:گذشتہ روزکراچی کےعلاقےسہراب گوٹھ میں ہونیوالا پولیس مقابلہ جعلی نکلا،واقعے کے خلاف مکینوں نے سہراب گوٹھ پل لاشیں رکھ کر دھرنا دیا۔
علاقہ مکینوں کے مطابق گذشتہ روز سہراب گوٹھ میں پولیس نے برف کےتاجرسیدقربان اور محمد آصف کو فائرنگ کرکے قتل کیا،اور ان سے ساڑھے تین لاکھ روپے بھی چھین لیے۔
مکینوں نے پولیس کے اعلیٰ حکام سے واقعے کا نوٹس لینے کامطالبہ علاقہ مکینوں کے مطابق آئے روز سہراب گوٹھ اور اطراف کے علاقوں میں پولیس جعلی مقابلوں میں لوگوں کو قتل کررہے ہیں۔
ابوجا: نائیجیریا کے صدر گڈ لک جوناتھن نےمغوی طالبات میں سے کچھ کے والدین کے ساتھ ملاقات منسوخ کر دی ہے، ملاقات طالبات کے والدین کی طرف سے انکار کے بعد منسوخ کی گئی ہے۔
صدر گڈ لک جوناتھن نے بوکوحرام کی جانب سے اغوا کی گئی طالبات میں سے کچھ کے والدین ساتھ ملاقات کا فیصلہ کیا تھا، صدر جوناتھن بارہ مغوی طالبات اور بوکوحرام کی قید سے فرار ہونے والی پانچ طالبات کے والدین سے ملاقات کرنے والے تھے ۔
تاہم طالبات کے والدین کی جانب سے ملاقات سے انکار کے بعد صدر جوناتھن نے ملاقات منسوخ کردی ہے، طالبات کے والدین کی جانب سے ملاقات سے غیرمتوقع طور پر انکار کیا گیا اور اس کی کوئی وجہ بھی نہیں بتائی گئی۔
پشاور:وزیر اعلی خیبر پختونخواہ پشاور میں بجلی کی لوڈ شیڈنگ کے خلاف احتجاج کی قیادت کریں گے،وزیر اعلی نے عوام سے بھی احتجاج میں شرکت کی اپیل کی ہے۔
پشاور سمیت صوبے بھر میں بجلی کی طویل لوڈشیڈنگ کے خلاف وزیر اعلی ،صوبائی وزرا اور ارکان اسمبلی سمیت مختلف سیاسی جماعتوں اور تنظیموں کے عہدیدار آج واپڈا ہاوس کے سامنے احتجاج کریں گے ۔
وزیر اعلی نے اس سلسلے میں وزیر اعظم کو خط بھی لکھا ہے اور یہ مطالبہ کیا ہے کہ خیبر پختونخواہ کو بجلی مطلو بہ مقدار میں فراہم کی جائے ،احتجاج میں خیبر پختوانخواہ حکومت میں شامل اتحادی جماعتیں ،جماعت اسلامی اور جمہوری اتحاد صوابی بھی شریک ہوں گے۔
کراچی:ڈی جی رینجرز میجر جنرل رضوان اختر کی سربراہی میں رینجرز ہیڈکوارٹر میں اعلی سطح کا اجلاس ہوا۔
اجلاس میں ڈی جی رینجرز کو شہر میں رمضان المبارک میں سیکیورٹی انتظامات کے حوالےسے آگاہ کیا گیا، جس میں کراچی میں تمام مارکیٹس اور بازاروں کے اطراف رینجرز اہلکاروں کی تعیناتی اورکسی بھی ناخوشگوار واقعے کے کی صورت میں فوری ریسپونس کے حوالے سے بھی آگاہ کیا گیا۔
تمام نجی سیکیورٹی کمپنیز کے گارڈز کے لئے لائسنسڈ اسلحہ کو ضروری قرار دیا اور سیکیورٹی گارڈ کسی بھی مقام پر تعینات ہوگا وہ اسلحہ کے ساتھ لائسنس بھی ساتھ رکھیں، اجلاس میں ملک میں سیکیورٹی صورتحال کےحوالےسےبھی ڈی جی رینجرزکوبریفنگ دی گئی۔
ان لڑکوں کی شکلوں سے دھوکہ نہ کھائیں یہ لڑکے نہیں یہ تو لڑکیاں ہیں، این ہیتھوے،کرسٹین اسٹیورٹ اور بری لارسن، یہ تینوں ہالی ووڈ کی اداکارائیں ہیں۔
ان تینوں نے جینی لوئس کے گانے جسٹ ون آف دی گائز کی ویڈیو میں لڑکوں کا گیٹ اپ کیا ہے، تینوں اداکاراؤں نے اس تجربے کو منفرد قرار دیتے ہوئے کہا کہ موقع ملا تو مستقبل میں بھی اس طرح کے کردار ادا کریں گی۔
ویسے یہ میوزک ویڈیو لارسن کے البم دی وائجر میں شامل ہے، جو اس ماہ کے آخر میں ریلیز کیا جائے گا۔
لندن: برطانوی دارالحکومت لندن میں بی بی سی اور مغربی میڈیا کی جانب داری اور نہتے فلسطینیوں پر اسرائیلی دہشتگردی کے خلاف مظاہرہ ۔ مظاہرین نے بی بی سی کو بائیسڈ براڈ کاسٹنگ کارپوریشن قراردے دیا۔
برٹش براڈکاسٹنگ کارپوریشن ہاؤس آکسفرڈ سرکس لندن کے سامنے ہزاروں افراد نےمغربی میڈیا اور بالخصوص بی بی سی کی اسرائیلی جارحیت کی یکطرفہ کوریج اور معصوم فلسطینیوں کےحق میں مظاہرہ کیا۔
گزشتہ آٹھ روزمیں غزہ میں جاری اسرائیلی دہشتگردی میں سیکڑوں فلسطینی لقمہ اجل بن چکے ہیں،معصوم اور نہتے فلسطینیوں کے ساتھ اظہاریکجہتی کرتے ہوئے مظاہرین کا کہنا تھا کہ بی بی سی اور مغربی میڈیااسرائیل کو معصوم ثابت کرنے پرتلا ہوا ہےجو نہتے اور معصوم فلسطینیوں کیساتھ ظالمانہ اقدام ہے۔
مظاہرین نے فلسطین کے حق میں اوراسرائیل و مغربی میڈیا کےخلاف پلے کارڈ اٹھا رکھے تھے،گزشتہ ایک ہفتے میں برطانوی دارلحکومت میں ہونے والا یہ تیسرا بڑااور بھرپور احتجاجی مظاہرہ ہے۔
اسی نوعیت کا ایک اور مظاہرہ گزشتہ روز برطانوی شہر برمنگھم میں بھی کیا گیا تھا