Tag: ARY PAKISTAN

  • کراچی میں جرائم پیشہ افرادکےخلاف کارروائیاں جاری

    کراچی میں جرائم پیشہ افرادکےخلاف کارروائیاں جاری

    کراچی:شہر قائد کےعلاقے چاکیواڑہ میں رینجرز سے مقابلے میں تین ملزمان مارے گئے جبکہ بلدیہ یوسف گوٹھ میں پولیس مقابلےمیں ایک ملزم کو گرفتار کرلیا گیا ہے۔ دوسری جانب حسن اسکوائر میں پولیس وین اور ٹیپو سلطان تھانے کے قریب کریکرحملوں میں تین اہلکار زخمی ہوگئے۔

    لیاری کےعلاقے چاکیواڑہ میں رینجرز نے خفیہ اطلاع ملنے پر جرائم پیشہ افراد کے خلاف کارروائی کی، جہاں ملزمان نے رینجرز اہلکاروں پر فائرنگ کردی، جوابی کارروائی کے دوران سنگین جرائم میں ملوث گینگ وار کے تین ملزمان مارے گئے۔

    بلدیہ یوسف گوٹھ میں پولیس مقابلے میں ایک ملزم زخمی حالت میں گرفتار کرلیا گیا، ملزم سے چھینی گئی گاڑی اوراسلحہ برآمد ہوا جبکہ ایک مغوی کوبھی بازیاب کرالیا گیا۔

    دوسری جانب حسن اسکوائر میں پولیس وین اور ٹیپو سلطان تھانے کے قریب کریکر حملوں میں تین اہلکار زخمی ہوگئے، وزیرِاعلی سندھ نے نوٹس لیتے ہوئے کہا ہے کہ  دہشتگردوں کا قلع قمع کرکے ہی دم لیں گے۔

  • بنکنگ کورٹ سے پرویز رشید کے وارنٹ گرفتاری جاری

    بنکنگ کورٹ سے پرویز رشید کے وارنٹ گرفتاری جاری

    اسلام آباد:بینکنگ کورٹ نے نادہندگی کیس میں مسلسل غیرحاضری پر وفاقی وزیرِ اطلاعات پرویز رشید کے وارنٹ گرفتاری جاری کردیئے ہیں۔

    اسلام آبادکی بنکنگ کورٹ نے مسلسل غیر حاضری پر وفاقی وزیر پرویزرشید کے وارنٹ گرفتاری جاری کردیئے ہیں ، عدالت نے ایس پی آپریشن لاہور اورایس ایس پی آپریشنز اسلام آباد کو حکم دیا ہے کہ پرویز رشید کو گرفتارکرکے کورٹ کے روبرو پیش کیا جائے۔

    وارنٹ گرفتاری بنکنگ کورٹ نمبر چار کے جج قیصر نذیربٹ کی جانب سے جاری کئے گئے، پرویز رشید دوکروڑ سولہ لاکھ اکتالیس ہزار روپے کی نادہندگی کیس میں ملوث ہیں۔

  • بلوچ عوام حقوق کیلئےکسی اورکےبجائےخودپرانحصارکریں، الطاف حسین

    بلوچ عوام حقوق کیلئےکسی اورکےبجائےخودپرانحصارکریں، الطاف حسین

    لندن: ایم کیو ایم کے قائد الطاف حسین کا کہنا ہے کہ بلوچستان کے عوام اپنے حقوق کے حصول کیلئے کسی اور کے بجائے خود پر انحصارکریں۔

    ایم کیوایم بلوچستان کے سابق آرگنائزراور رکن صوبائی اسمبلی یوسف شاہوانی کے ہمراہ آنے والے بلوچ نوجوانوں کے وفد سے گفتگو میں الطاف حسین کا کہنا تھا کہ بلوچ نوجوانوں اورطالبعلم اپنے بنیادی حقوق کے حصول کے لئے پیر، فقیر، سرداروں اور جاگیرداروں سے کوئی امید نہ رکھیں بلکہ اپنی مدد آپ کے اصول کے تحت خودپر انحصار کریں اوربلوچ عوام کو حقوق سے آگاہ کرنے کیلئے رات دن کام کریں، الطاف حسین نے کہاکہ بلوچ نوجوان تیزی سے تحریکی کام کوآگے بڑھائیں، الطاف حسین نے وڈیولنک کے ذریعے بلوچ نوجوانوں سے خطاب کرنے کی خواہش کا اظہار کیا۔

  • ایم کیو ایم کے قائد الطاف حسین کا آج شام اہم خطاب کا اعلان

    ایم کیو ایم کے قائد الطاف حسین کا آج شام اہم خطاب کا اعلان

    کراچی:ایم کیو ایم کے قائد الطاف حسین نے کہا ہے کہ وہ آج شام نائن زیرو پر قوم سے اہم خطاب کریں گے، جب بھی پارٹی میں صفائی کی بات کی اسٹیبلشمنٹ حرکت میں آگئی، سمجھ نہیں آتا اسٹیبلشمنٹ کو ایم کیو ایم سے کیا بیر ہے؟

    ایم کیو ایم کے قائد الطاف حسین کا اے آر وائی نیوز سے خصوصی گفتگو میں کہنا تھا کہ وہ جب بھی تنظیم نو کا آغاز کرتے ہیں، اسٹیبلشمنٹ کی حرکتیں تیز ہوجاتی ہیں ۔

    ایم کیو ایم کے قائد کا کہنا تھا کہ وہ نہیں سمجھ سکےکہ اسٹیبلشمنٹ کو ایم کیوایم سے کیا بیر ہے، الطاف حسین نے کہا ہے کہ وہ چاہتے ہیں کہ ساتھیوں کو اہم باتوں سے آگاہ کردیں۔

    ایم کیو ایم کے قائد کا کہنا تھا کہ ان کے کارکنوں کو بلا جواز گرفتار کیا جارہا ہے۔

  • الطاف حسین کے آرمی چیف جنرل راحیل شریف سے چودہ اہم سوالات

    الطاف حسین کے آرمی چیف جنرل راحیل شریف سے چودہ اہم سوالات

    لندن: متحدہ قومی موومنٹ کے قائد  الطاف حسین نے چیف آف آرمی اسٹاف جنرل راحیل شریف کو مخاطب کرتے ہوئے ان سے پیرا ملٹری فورسز اور فوج کے ایم کیوایم کے ساتھ طرز عمل کے حوالے سے 14سوالات کئے ہیں اور کہا ہے کہ یہ سوالات ایک ایک مہاجر بزرگ ، ماں ، بیٹی حتی کہ نواجونوں اور معصوم بچے بچیوں کی آواز ہیں جو چھاپوں کے دوران انتہائی بیہودہ اور غیر قانونی طرز عمل دیکھتے ہیں ۔

    ایم کیو ایم کے قائد الطاف حسین نے آرمی چیف جنرل راحیل شریف سے چودہ اہم سوالات کئے ہیں جو مندرجہ ذیل ہیں۔

    ۔ قائد الطاف حسین نے آرمی چیف سے سوال کیا کہ ماورائے عدالت قتل، گرفتاریوں اور چھاپوں کا مرکز ایم کیو ایم کے دفاتر کیوں ہے؟

    ۔ 19جون 1992ء کو جب فوج نے 72بڑی مچھلیوں کے خلاف کارروائی کے نام پر آپریشن کا رخ صرف اور صرف ایم کیوایم کی جانب کیوں موڑا گیا ؟

    ۔ رینجرز نے کراچی آپریشن کیا ہے اور جگہ جگہ ایم کیو ایم کے کارکنوں کی گرفتاریاں کیں، ان میں سے اکتالیس کارکنان اب تک لاپتہ کیوں ہیں؟

    ۔ الطاف حسین کا کہنا ہے کہ اللہ نے آپ کو طاقتور عہدہ عطا فرمایا ہے، فوج یونیٹی کا سمبل ہوتی یا قوم کو گالیاں دے کر لسانیت اور صوبائیت میں بانٹنے کا کام انجام دینا بھی کیا فوج کے فرائض میں شامل ہیں ؟

    ۔ سابق برگیڈیئر آصف ہارون نے جناح پورکا خود ساختہ جعلی نقشہ تقسیم کیا جس کے گواہ ریٹائرڈ فوجیوں کی حیثیت سے زندہ ہیں، اس پر اقوام متحدہ کی عدالت لگا لی جائے یا جی ایچ کیو میں عوامی عدالت لگالی جائے اوران کی گواہی اس ضمانت کے ساتھ لی جائے کہ ان کے خلاف کوئی کارروائی نہیں ہوگی؟

    ۔ فوج کے خود احتسابی عمل کے دوران تشدد کے ذریعے ایم کیوایم کے کارکنان کو ہلاک کرنے والے کتنے افسران اور سپاہیوں کو سزا دی گئی؟

    ۔ کیا منتخب نمائندوں سے رینجرز کے میجر ، کیپٹن ، بریگیڈیئر اور افسران کا درجہ آئینی اعتبار سے زیادہ بڑا ہوتا ہے ؟

    ۔ آج تک پارٹی کا جو سامان گھروں اور دفاتر سے لیا گیا واپس نہیں کیا گیا آخر کیوں؟

    ۔ ماورائے عدالت قتل ، چھاپے گرفتاریوں اور دفاتر و گھروں پر چھاپوں کا مرکز صرف اور صرف ایم کیوایم کے رہنماؤں اور کارکنان کے دفاتر اور گھروں کو کیوں بنایا گیا ہے؟

    ۔ الطاف حسین نے کہا ہے کہ میرے بھائی اور بھتیجے کو گولیاں مار کر شہید کردیا گیا، کس قصور اور جرم میں ؟ آخر انھیں کس جرم کی سزا دی گئی؟

    ۔ الطاف حسین نے مزید کہا کہ پولیٹیکل ویکٹا مائزیشن کے تحت قتل کرنے کا لائسنس کوئی بھی حکومت نہیں دیتی ہے ، ہم مہاجروں کو آخری بار فوج بتائے کہ ہم کیا کریں ؟

    ۔ ہمارے بزرگوں نے قربانیاں دے کر ملک بنایا، سب کچھ  لٹا دینے کے باوجود ہمارے لئے فوج کے دل میں آج تک اپنائیت یا قبولیت کیوں نہ آسکی؟

     ۔ چالیس روز گزر چکے ہیں کچھ جماعتوں کو ریڈ زون جانے ، دھرنے دینے کی اجازت ہے بڑی خوشی کی بات ہے۔

    ۔ اگر ایم کیوایم ، اسلام آباد ، ریڈزون میں ایک ہفتہ بعد دھرنے دینے کا بھر پور اعلان کریں تو فوج ، رینجرز اور پولیس حرکت میں تو نہیں آئیں گے ؟

  • دہشت گردکسی ایم پی اےکےدفترمیں منصوبہ بندی نہیں کرتے،فیصل سبزواری

    دہشت گردکسی ایم پی اےکےدفترمیں منصوبہ بندی نہیں کرتے،فیصل سبزواری

    کراچی:ایم کیو ایم کے رکن صوبائی اسمبلی فیصل سبزواری کہتےہیں رینجرز نے ان کے دفتر پرچھاپہ مارا دہشت گردکسی ایم پی اےکےدفترمیں منصوبہ بندی نہیں کرتے۔

    گلشن معمار میں رینجرز کے ایم کیو ایم کے دفتر پرچھاپے کے بعد رکن صوبائی اسمبلی فیصل سبزواری نےمیڈیا کو بتایا کہ یہ ان کا اور رکن قومی اسمبلی مزمل قریشی کا دفتر ہے ان کا کہنا تھا کہ دہشت گردکسی ایم پی اےکےدفترمیں منصوبہ بندی نہیں کرتے۔

    فیصل سبزواری کے مطابق جس وقت چھاپہ مارا گیا اس وقت پارٹی کا تنظیمی اجلاس ہورہاتھا اور رینجرز اہلکاروں نے انھیں بھی دفتر جانے سے روکا،ان کا کہنا کہ اگر انھوں نے جرم کیا توتنہا انھیں ذمہ دارٹھہرایاجائے کارکنان کو گرفتا نہ کیا جائے۔

    رکن صوبائی اسمبلی نے مطالبہ کیاکہ گرفتار کارکنان کو فوری طور پر چھوڑا جائے۔

  • ایم کیوایم کےدفتر پرچھاپےکی الطاف حسین کی مذمت

    ایم کیوایم کےدفتر پرچھاپےکی الطاف حسین کی مذمت

    کراچی:ایم کیو ایم کے قائد الطاف حسین نےکہا ہے کہ اسلام آباد میں ٹی وی اسٹیشن،پارلیمنٹ ہاؤس پرحملے کرنےوالوں کےساتھ نرمی کی جارہی ہےجبکہ ایم کیوایم کے پرامن کارکنوں کو بلا جواز گرفتارکیا جا رہا ہے۔

    گلشن معمار کراچی میں ایم کیو ایم کے ارکان اسمبلی کے رابطہ دفتر پر رینجرز کے چھاپے کی مذمت کرتے ہوئے الطاف حسین نے کہا کہ کالعدم تنظیموں کے دہشت گرد کھلے عام دہشت گردی کررہے ہیں لیکن ایسے عناصرکے خلاف کارروائی کےبجائے ایم کیوایم کے دفاتر پرچھاپےمارے جارہے ہیں۔

    الطاف حسین کا کہنا تھا کہ اسلام آبادمیں ٹی وی اسٹیشن،پارلیمنٹ ہاؤس اوردیگر سرکاری عمارتوں پرحملے کرنے والوں کے ساتھ تونہایت نرمی سے پیش آیا جارہا ہے لیکن پرامن سیاسی سرگرمیاں انجام دینے والے ایم کیوایم کے کارکنوں کو بلاجوازگرفتار کر کے تشد کا نشانہ بنایا جارہاہے،ان کا کہنا تھا کہ ایسا طرزِ عمل  لوگوں میں محبتوں کے بجائے نفرتوں کوجنم دے گا۔

    الطاف حسین نے صدرر پاکستان،وزیراعظم،وفاقی وزیرداخلہ اور وزیرِاعلیٰ سندھ سےمطالبہ کیا کہ ایم پی اے آفس سے گرفتارکئے گئے کے تمام کارکنوں کو رہا کیاجائے۔

  • شہبازشریف کومنانےکےلیےبیس لاکھ طلب کئے،عاصم ملک

    شہبازشریف کومنانےکےلیےبیس لاکھ طلب کئے،عاصم ملک

    کراچی:فیوچر کنسرن کےمالک عاصم ملک کہتےہیں کہ سترہ سال میں ان کے خلاف ایک کیس بھی نہیں بنا وزیراعلی پنجاب اور رانا مشہود کےمطالبات نہیں مانے تو ایک دن میں پینتیس کیس دائرکر دیئےگئے اور کاروبارمیں نقصان پہنچانےکی دھمکیاں دی گئیں۔

    فیوچر کنسرن کےمالک عاصم ملک نے اے آر وائی نیوز کے پروگرام ’’کھراسچ ‘‘ میں انکشافات کرتے ہوئے کہا کہ رانا مشہود نےمیری اہلیہ کی مقبولیت سے خائف ہوکر ن لیگ میں شمولیت اختیارکرنے کاکہااور پنجاب اسمبلی میں مدرسوں میں جدیدتعلیم دینے کی قراردادسے پیچھے ہٹنے کامطالبہ کیا،انکار کی صورت میں مجھےکاروباری نقصان پہنچانے کی دھمکی دی گئی۔

    عاصم ملک کا اپنی گفتگو میں انکشاف کرتے ہوئے کہنا تھا کہ رانا مشہود نےبتایا کہ آپ کے انکار پرشہبازشریف ناراض ہیں شہبازشریف کومنانےکےلیےبیس لاکھ طلب کئے اور برطانیہ جا کرعمران خان کے خلاف ثبوت لانے کا مطالبہ کیا۔

    رانا مشہود کے بار بار مطالبات سےتنگ آکر کہا کہ میری ملاقات وزیراعلیٰ سے کروادیں وہ خودکہ دیں تو مطالبات پورے کر دونگا،ملاقات میں شہبازشریف نےکہاجو رانامشہود کہہ رہیں وہ کریں۔

    عاصم ملک نے پروگرام کھرا سچ میں بتایا کہ مطالبات نہ ماننے پر رانامشہود نے میرے خلاف ہائی کورٹ میں پٹیشن دائرکی،اس موقع پرعاصم ملک یہ بھی کہا کہ رانامشہود حلف اٹھا کرکہہ دیں کہ ویڈیو جعلی ہے تو پیچھے ہٹ جاونگا۔

  • پاکستان میں ٹیکنوکریٹ حکومت بنائی جائے،الطاف حسین

    پاکستان میں ٹیکنوکریٹ حکومت بنائی جائے،الطاف حسین

    لندن:ایم کیو ایم کے قائد الطاف حسین نےکہا ہے کہ ان کی خواہش ہےکہ ملک میں دو سال کیلئے ٹیکنوکریٹ حکومت بنائی جائے،جوملک میں تطہیرکا عمل شروع کرے۔

    گورنر پنجاب محمد سرورسے لندن میں ملاقات کےبعد پریس کانفرنس سے خطاب میں الطاف حسین کاکہنا تھا کہ پاکستان کوچوروں،لٹیروں اور موروثی سیاست کرنےوالوں کی ضرورت نہیں ہے۔ پاکستان میں جاری دھرنوں کے حوالےسےالطاف حسین کا کہنا تھا کہ سیاسی صورتحال کا باعزت طریقےسے راستہ نکالاجائے بحران کوحل کرنے کےلئےاہم کیو ایم ہمہ وقت حاضر ہے،اس موقع پر ایم کیو ایم کے قائد نے کہا کہ پاکستان میں دوسال کےلیے ٹیکنوکریٹ حکومت بنائی جائے جو بلا تفریق لوگوں کا احتساب کرے۔

    گورنرپنجاب چوہدری سرورکا میڈیا سے گفتگو میں کہنا تھا کہ ہم سب چاہتےہیں ملک میں جمہوریت ڈی ریل نہ ہو دھرنے والےملک کےمفادکےلیے لچک پیداکریں،گورنر پنجاب کا کہنا تھا کہ افواج پاکستان دہشت گردوں کےخلاف کارروائی میں مصروف ہیں ایسے وقت میں تمام سیاسی رہنما اختلافات بھلاکرآئی ڈی پیزاورسیلاب زدگان کی مددکریں۔.

    گورنرپنجا ب نے آئی ڈی پیز اور سیلاب ذدگان کی مدد کرنے پر بیرون ملک رہنے والے پاکستانیوں کا شکریہ ادا کیا۔

  • معروف گلوکارہ ٹیلر سوئفٹ دنیا کی بہترین خوش لباس شخصیت قرار

    معروف گلوکارہ ٹیلر سوئفٹ دنیا کی بہترین خوش لباس شخصیت قرار

    ہالی ووڈ کی معروف گلوکارہ ٹیلرسوئفٹ کو دنیا کی سب سے خوش لباس شخصیت قرار دے دیا گیا۔

    امریکی جریدے پیپلزمیگزین نے چوبیس سالہ گلوکارہ ٹیلر سوئفٹ کو2014 کےلئے اس اعزاز کا حقدارٹھہرایا ہے،جریدےنے گیارہ اسٹائلش خواتین کے ملبوسات کا گزشتہ ایک سال کے دوران جائزہ لیا اوراس کے بعد ٹیلرسوئفٹ کو نمبر ون پوزیشن کا حقدار قرار دیا،ستائیس سالہ اداکارہ بلیک لائیولی کو دنیا کی دوسری خوش لباس شخصیت قراردیا گیا جبکہ ہالی ووڈ اداکارہ ڈائنے کریوگر تیسرے نمبر پررہی۔