لاہور : اے آر وائی نیوز نے ایک گھر اجڑنے سے بچالیا اور اسد خٹک نے وینا ملک سے پروگرام الیونتھ آور میں معافی مانگ کر صلح کرلی ہے۔
اے آر وائی نیوز کی کاوش رنگ لے آئی اور روٹھے ہوئے پھر سے مل گئے، اے آر وائی نیوز کے پروگرام الیونتھ آور میں مولانا طارق جمیل کا سمجھانا اور اسد خٹک کی معافی کام آگئی، وینا ملک نے اسد خٹک کو معاف کردیا۔
وینا ملک میری بیٹی کی طرح نہیں میری بیٹی ہی ہے، مولانا طارق جمیل
اے آر وائی نیوز کے پروگرام الیونتھ آور مولانا طارق جمیل کا کہنا تھا کہ وینا ملک میری بیٹی کی طرح نہیں میری بیٹی ہی ہے، مصروفیات کی وجہ سے اسد اور وینا سے رابطے میں نہ رہ سکا، میں چاہوں گا کہ وینا اور اسد میں صلح ہوجائے، اسباب دور کیے جائیں جس کی وجہ سے نوبت یہاں تک آئی، وینا کی حمایت کرتا ہوں لیکن چاہتا ہوں کہ گھرآباد رہے۔
وینا ملک کا پروگرام میں مولانا طارق جمیل سے گفتگو میں کہنا تھا کہ اگر مولانا طارق جمیل ذمہ داری لیں گے تو اسد کو معاف کروں گی ، جس پر اسد خٹک نے کہا کہ مولانا صاحب میری ذمہ داری لے لیں،اب غلطی نہیں ہوگی۔
وینا ملک نے مولاناطارق جمیل سے شکایت کی کہ اسد نے مجھ پر ہاتھ اٹھایا۔
پروگرام میں مولانا طارق جمیل نے اسد خٹک سے بات کرتے ہوئے کہا کہ چلیں اسد کہہ رہا ہے تو ان کی ذمہ داری لینے کو تیار ہوں، اسد خٹک ایک موقع مانگ رہا ہے تو دینا چاہیے، انسان سے ہی غلطی ہوتی ہے اسد کو موقع ملنا چاہیے۔
اسد خٹک نے کہا کہ اب غلطی کی تو آپ کے ہاتھ میرے کان ہونگے، کاش مرحوم جنید جمشید ہوتے تو ہمیں اور قریب لے آتے، وینا سے بہت پیار کرتا ہوں اور زندگی بھر خوش رکھوں گا، امریکا میں تھا اور علم نہیں تھا کہ معاملات عدالت میں چلے گئے ہیں، میاں بیوی کے درمیان جھگڑے ہوتے ہیں، صبر کا دامن تھامنا چاہیے۔
مولاناطارق جمیل کے کہنے پر اسد خٹک کو معاف کرتی ہوں، وینا ملک
وینا ملک نے کہا کہ آپ کے کہنے پر اسد خٹک کو معاف کرتی ہوں، مولاناطارق جمیل کی بات نہیں ٹال سکتی تھی، جو لڑکی اپنا گھرخود بساتی ہے کبھی بھی نہیں چاہتی کہ برباد کرے، بہت سے دوست اور بزرگ چاہتے ہیں کہ ہماری صلح ہوجائے، خلع کا دعویٰ 3سال سوچنے کے بعد دائر کیا۔
پروگرام میں وینا ملک کا کہنا تھا کہ اسد خٹک سے ملاقات شادی سے10 دن پہلے ہوئی تھی، اسد نے جب مجھے پروپوز کیا تھا تو اس وقت ساحل سمندر پر تھے اور وہ میری زندگی کا یادگار لمحہ ہے، شادی کے بعد کچھ تلخیاں ہوئی جس سے میں ٹوٹ سی گئی ہوں، شادی سے10دن پہلے والا اسدخٹک شادی ہوتے ہی بدل گیا، شادی سے پہلے اسد کو سمجھنے کیلئے بہت کم وقت ملا، میں کبھی بھی نہیں چاہتی تھی کہ ہماری گھرکی باتیں باہر آئیں لیکن اسد کے رویے سے مجھے بہت تکلیف ہوئی، اسد کے رویےسے مجھے ہی نہیں بچے بھی متاثر ہورہے تھے۔
وینا ملک نے کہا کہ فیصلے پر نظرثانی مولانا طارق جمیل جیسے بزرگوں کی ہدایت پر کرونگی، اسد خٹک کو درجنوں بار معاف کرچکی ہوں، بزرگوں کے کہنے پر آخری معافی دینے کا سوچ رہی ہوں، 3 سال میں کچھ باتیں ایسی ہوئیں جن پر اسد کو معاف نہیں کرسکتی، کوئی بھی عورت شوق سے خلع یا طلاق نہیں لیتی، اپنے پرستاروں سے معافی مانگتی ہوں، جن سے اتنا عرصہ دور رہی، بہت جلد ٹی وی اور فلم دونوں شعبوں میں کم بیک کروں گی۔
وینا ملک کی بہت عزت کرتا ہوں،انسان غلطیوں سے سیکھتا ہے، اسد خٹک
اسد خٹک نے کہا کہ وینا ملک کی بہت عزت کرتا ہوں،انسان غلطیوں سے سیکھتا ہے، مجھے امید اور یقین ہے کہ وینا ملک کے دل میں میرے لیے محبت ہے، مجھے یقین ہے ہمارے معاملات بہتر ہوجائیں گے، کوشش کروں گا وینا ملک کو خوش رکھوں، چاہتا ہوں کہ شو کے بعدہم ملیں اور جو تلخی آئی ہے ، اس کو ختم کریں۔
پروگرام کے آخر میں اسد خٹک نے کہا کہ وینا ملک اور بچوں سے بے انتہا محبت کرتے ہیں، مولانا طارق جمیل اور وسیم بادامی کے شکرگزار ہیں،وسیم بادامی نے بھائی کا حق ادا کیا ہے، انہوں نے ان کا گھر اجڑنے سے بچالیا۔
