لاہور:ڈاکٹرطاہرالقادری نے تین اگست کو یوم انقلاب کی تاریخ کا اعلان کرنےکا فیصلہ کرلیا ہے۔
ذرائع کا کہنا ہےکہ پاکستان عوامی تحریک کی تمام سطح کی مشاورت کا عمل بھی مکمل کرلیا گیا اور یوم انقلاب اگست کے مہینے میں ہی ہوگا،جس کی پاکستان عوامی تحریک کی مرکزی کونسل نے بھی منظوری دے دی،ذرائع کے مطابق عوامی تحریک کی جنرل کونسل سے یوم انقلاب کی تاریخ کی منظوری بھی تین اگست کو لی جائےگی، جس کے بعد ڈاکٹرطاہرالقادری یوم انقلاب کا اعلان کریں گے۔
گوجرانوالہ: ریس کورس روڈ پر سماجی رابطے کی ویب سائٹ پر توہین آمیزتصاویر آویزاں کرنے پرعلاقہ مکینوں کا احتجاجی مظاہرہ ،مشتعل مظاہرین نےنوجوان کےگھرکو آگ لگادی،ایک خاتون اوردوبچےدم گھٹنےسےجاں بحق ہوگئے۔
گوجرانوالہ کےعلاقہ ریس کورس میں ایک نوجوان کی طرف سے فیس بک پر توہین آمیزتصاویر لگانے پراہل علاقہ نےاحتجاجی مظاہرہ کرتے ہوئےتھانہ پیپلزکالونی کا گھیراؤ کرلیا ،مشتعل مظاہرین نے ریس کورس روڈ پر توہین آمیز تصاویرآویزاں کرنے والے نوجوان کے گھرکلوآگ لگادی،جس کےنتیجےمیں ایک خاتون اور دو بچے جاں بحق اور چھ افراد زخمی ہوگئے۔
واقعہ کی اطلاع ملنےپرپولیس کی بھاری نفری بھی موقع پر پہنچ گئی اورپولیس نے علاقے کو گھیرے میں لےلیا۔علاقے میں سخت کشیدگی پائی جا رہی ہے
پولیس کے اعلیٰ آفیسران مظاہرین سےمذاکرات کرنے میں مصروف ہیں۔
گجرات:گجرات کےگائوں چک بھولا میں دس سالہ بچےکے بازو کاٹنےکی مختلف سیاسی اور مذہبی رہ نمائوں نے مذمت کی ہے۔
گجرات میں معمولی تنازع پر دس سالہ بچےکےبازو کاٹنے پر سیاسی اورمذہبی جماعتوں کے رہنماؤں کی جانب سے سخت ردعمل سامنے آرہا ہے،مذہبی اسکالر مفتی نعیم کہتے ہیں ملک کا عدالتوں اور تھانے کا نظام وڈیروں کےساتھ ہے۔
پی ٹی آئی کے رہنما محمود الرشید کا کہنا تھا کہ سخت سزائیں ملنےتک ایسے واقعات نہیں روکے جاسکتے۔
ایم کیوایم کے رہنما وسیم اخترکا کہنا تھا کہ پنجاب میں عورتوں بچوں کےساتھ ظلم ہورہا ہے۔
ق لیگ کے رہنما ثمینہ خاور حیات کہتی ہیں پولیس کا نہ توکوئی نظام ہے اورنہ ہی کوئی پوچھنےوالا ہے۔
زعیم قادری کا کہنا ہےکہ ایسے واقعات پرایس پی اورڈی ایس پی کوفوری معطل کرناچاہئے۔
لاہور:چوھدری شجاعت حسین اور چوھدری پرویز الیہ نےلاہور میں ڈاکٹرطاہرالقادری کی رہائشگاہ جا کر ان سے ملاقات کی جس میں ملکی اورسیاسی صورتحال پرتبادلہ خیال کیا گیا۔
ماڈل ٹاون لاہورمیں مسلم لیگ ق کےسربراہ چوہدری شجاعت حسین اورچوھدری پرویز الہی نے ڈاکٹرطاہرالقادری کی رہاٗشگاہ پر ان سے ملاقات کی جس میں طاہرالقادری کے 10 نکاتی ایجنڈے اورمجلس وحدت المسلمین کی جانب سے دئےگئ4 نکات پرغوراور تبادلہ خیال کیا گیا۔
اس سےقبل سنی اتحادکونسل کےچئیرمین صاحبزادہ حامدرضا اورمجلس وحد مسلمین کے مرکزی رہنماعلامی ناصرعباس نےبھی ڈاکٹرطاہرالقادی سےملاقات کی۔
ایک سوال کے جواب میں صاحبزادہ حامد رضا کا کہنا تھا کہ تمام جماعتوں سے معاملات چل رہے ہیں عمران خان سے بھی بات چیت چل رہی ہے اور جلد ہی کوئی اچھی خبر سنایں گے۔
کراچی:حکومتی ہراحکامات کو کے الیکڑک، لیسکو، پیپکو اور واپڈا نےنظر انداز کرتے ہوئے لوڈ شیڈنگ کے دورانیہ کو مزید اضافہ کر دیا۔ حکومتی ہراحکامات کو کے الیکڑک، لیسکو، پیپکو اور واپڈا نےنظرانداز کرتے ہوئے لوڈ شیڈنگ کے دورانیہ کو مزید اضافہ کر دیا۔
کراچی کے علاقے شادمان ٹائون، ناگن چورنگی،یوپی سوسائٹی، نیوکراچی میں بجلی کی عدم فراہمی کے خلاف مکینوں نے ٹائر جلاکر احتجاج کیا۔ لاہور کے مختلف علاقوں بجلی کی بندش جاری ہےجبکہ افطاری اورسحری کے وقت وقفے وقفے سے لوڈشیڈنگ کا سلسلہ برقرارہے۔ راولپنڈی کے مختلف علاقوں میں لوڈشیڈنگ کا دورانیہ اٹھارہ گھنٹے سے تجاوز کرگیا۔ ملتان اورمظفرآباد میں لوڈیشڈنگ کا دورانیہ بیس گھنٹے تک پہنچ گیا۔
سیالکوٹ میں گذشتہ اٹھارہ گھنٹوں سے بجلی معطل ہے،میاں چنو میں غیراعلانیہ لوڈشیڈنگ کے خلاف احتجاجی مظاہرہ کیا گیا۔ حویلی لکھاشہرمیں لوڈشیڈنگ کا دورانیہ بیس گھنٹے سے تجاوز کرگیا۔ میانوالی میں بجلی کی غیراعلانیہ لوڈشیڈنگ کا دورانیہ اٹھارہ گھنٹے تک پہنچ گیا۔
گوادر اورنوشکی شہر کے مختلف علاقوں میں بجلی کی تئیس گھنٹے لوڈشیڈنگ کا سلسلہ دو روز سے جاری ہے،۔پشاورمیں عوام نے لوڈشیڈنگ کیخلاف احتجاج کیا۔