ARYNews.tv | Urdu – Har Lamha Bakhabar

Tag: ARY TOP NEWS

  • دہشت گردکسی ایم پی اےکےدفترمیں منصوبہ بندی نہیں کرتے،فیصل سبزواری

    دہشت گردکسی ایم پی اےکےدفترمیں منصوبہ بندی نہیں کرتے،فیصل سبزواری

    کراچی:ایم کیو ایم کے رکن صوبائی اسمبلی فیصل سبزواری کہتےہیں رینجرز نے ان کے دفتر پرچھاپہ مارا دہشت گردکسی ایم پی اےکےدفترمیں منصوبہ بندی نہیں کرتے۔

    گلشن معمار میں رینجرز کے ایم کیو ایم کے دفتر پرچھاپے کے بعد رکن صوبائی اسمبلی فیصل سبزواری نےمیڈیا کو بتایا کہ یہ ان کا اور رکن قومی اسمبلی مزمل قریشی کا دفتر ہے ان کا کہنا تھا کہ دہشت گردکسی ایم پی اےکےدفترمیں منصوبہ بندی نہیں کرتے۔

    فیصل سبزواری کے مطابق جس وقت چھاپہ مارا گیا اس وقت پارٹی کا تنظیمی اجلاس ہورہاتھا اور رینجرز اہلکاروں نے انھیں بھی دفتر جانے سے روکا،ان کا کہنا کہ اگر انھوں نے جرم کیا توتنہا انھیں ذمہ دارٹھہرایاجائے کارکنان کو گرفتا نہ کیا جائے۔

    رکن صوبائی اسمبلی نے مطالبہ کیاکہ گرفتار کارکنان کو فوری طور پر چھوڑا جائے۔

  • سائنس فکشن فلم دی میزرنر نے ریلیز ہوتے ہی دھوم مچا دی

    سائنس فکشن فلم دی میزرنر نے ریلیز ہوتے ہی دھوم مچا دی

    باکس آفس پرایڈونچرسےبھرپورفلم دی میزرنر نے ریلیز ہوتے ہی دھوم مچا دی،سائنس فکشن  فلم نے تین دن میں بتیس ملین ڈالر کما کر سب کو پیچھے چھوڑ دیا۔

    ہالی ووڈ باکس آفس پرسائنس فکشن فلم دی میزرنر نے کامیابی کےجھنڈے گاڑ دیئے ہیں، فلم نے تین دنوں میں مداحوں کواپنےسحرمیں جکڑ کربتیس ملین ڈالرکمالئے ہیں، فلم نے امریکی سینما گھروں میں ریلیز ہوتے ہی باکس آفس پرپہلی پوزیشن حاصل کرلی ہے،فلم ”اے واک امنگ دی ٹومب اسٹون” اس ہفتے دوسرے نمبر پر رہی، جس نے تیرہ ملین ڈالر کا بزنس کیاجبکہ باکس آفس پر گیارہ ملین ڈالر کما کر تیسرے نمبر پرآنے والی کامیڈی سے بھرپورفلم”دس از دی ویئرآئی لیویو” ہے۔

  • سندھ کےلوگوں کومتحد کرنےکراچی آیاہوں،عمران خان

    سندھ کےلوگوں کومتحد کرنےکراچی آیاہوں،عمران خان

    کراچی:پاکستان تحریک انصاف کا کراچی میں بھرپورعوامی قوت کامظاہرہ،کراچی کے جلسے میں بھی نوازشریف عمران خان کا ہدف تنقید بنے رہے کپتان نے ایک با رپھر اعلان کردیا اب نوازشریف کو کوئی نہیں بچا سکتاہے۔

    تحریک انصاف نے کراچی میں عوامی قوت کابھرپورمظاہرہ کیا،جلسےسے خطاب کرتے ہوئےعمران خان کا کہناتھا وہ سب کوایک قوم کرنے کیلئےآئے ہیں،کراچی کے عوام حقوق کیلئے اٹھ کھڑے ہوں اورالیکشن میں دھاندلی روکیں۔

    عمران خان کا کہنا تھا ذوالفقارعلی بھٹو کےنام پرسندھ کےعوام سے ووٹ لیے جاتے رہے،سندھ کےعوام ساتھ دیں تووہ جاگیرداروں اورمافیاز کامقابلہ اورپولیس کوغیرسیاسی کرکے چندماہ میں ٹارگٹ کلنگ ختم کرکے دکھائیں گے۔

    چیئرمین تحریک انصاف کاکہناتھا ملک بھرمیں بلدیاتی نظام لائیں گے جب تک بلدیاتی نظام نہیں آتاعوام غلامی کی زندگی گزارتے رہیں گے۔ایہونے نے وزیراعظم کوہدف تنقید بناتے ہوئے کہا جب تک وزیراعظم مستعفی نہیں ہوتے تحریک انصاف کی مہم جاری رہے گی۔

    عمران خان کا کہنا تھا انہیں حکومت ملی تو وہ تعلیم،عدلیہ اور پولیس پرخصوصی توجہ دیں گے۔

  • ٹیسٹ ٹیوب سیاستدانوں کےمتحمل نہیں ہوسکتے۔ بلاول بھٹو

    ٹیسٹ ٹیوب سیاستدانوں کےمتحمل نہیں ہوسکتے۔ بلاول بھٹو

    بلاول بھٹو نے عمران خان کی تقریر میں پیپلز پارٹی کوہدف تنقید بنائے جانے پر اپنے ردعمل میں کہا ہے کہ ہم اسٹیبلشمنٹ کے ٹیسٹ ٹیوب سیاستدانوں کے خیالات کے متحمل نہیں ہوسکتے۔

    بلاول بھٹو زرداری جہاں اپنی تقریر کے انداز سے معروف ہیں وہیں وہ حالات حاظرہ پر سماجی رابطے کی ویب سائٹ ٹوئٹر پر ٹوئٹ کے ذریعئے فوری ردعمل دینے میں بھی شہرت رکھتے ہیں،عمران خان کی تقریر کے دوران پی پی کو ہدف تنقید بنائے جانے پر بھی اُنہوں نے فوری ردعمل کی یہ روایت برقرارکھی،پیپلزپارٹی کےحوالےسے عمران خان کی تنقید پر اُن کا کہنا تھا کہ ہم اس بات کے متحمل نہیں ہوسکتے کہ اسٹیبلشمنٹ کے ٹیسٹ ٹیوب سیاستدان اپنے خیالات ہم پرمسلط کریں۔

    اُن کا کہنا تھا کہ وہ اب بھی سمجھتے ہیں کہ اس وقت سیاست کرنے کے بجائے ہمیں سیلاب زدگا ن اور وزیرستان کےبےگھر ہونے والے لوگو ں پر توجہ دینی چاہیئے۔

    اُنہوں نے یاد دلایا کہ جب آپریشن ضرب عضب کا آغاز ہوا تو وہ واحد سیاستدان تھے جنہوں نے کہا تھا اب ہمیں سیاست نہیں کرنی چاہیئے،اُنہوں نے اٹھارہ اکتوبر سے سیاست دوبارہ شروع کرنے کا بھی اعلان کیا اورکہا کہ ہم مخالفین کے تما م الزامات کے جواب دیں گے۔

  • عمران خان کی حمایت کی ہے پارٹی جوائن نہیں کی،جنید جمشید

    عمران خان کی حمایت کی ہے پارٹی جوائن نہیں کی،جنید جمشید

    کراچی: معروف مبلغ جنید جمشید کا کہنا تھا کہ پاکستان تحریکِ انصاف میں شمولیت اختیارنہیں کی لیکن عمران خان کےایجنڈے کی حمایت کرتا ہوں اورملک میں کرپٹ اور ظالمانہ نظام کا خاتمہ چاہتا ہوں۔

    اے آر وائی نیوز سے خصوصی گفتگو کرتے ہوئےانہوں نےکہا کہ نواز شریف اور شہباز شریف بھی پاکستان میں مثبت تبدیلی چاہتے ہیں اورانہوں نےایک ویڈیو کلپ بھی دیکھی ہے، جس میں وزیرِاعلی پنجاب نے اس حقیقت کو قبول کیا ہےکہ عدالتی نظام میں اصلاحات کی ضرورت ہے اور بہتری کی کافی گنجائش ہے۔

    جنید جمشید نے یہ بتایا کہ وہ کئی علماء سے رابطے میں ہیں اور ملک میں تبدیلی لانے کے لئےضرور کچھ کریں گے۔

    خواجہ آصف کی تنقید کا جواب جنید جمشید نے یہ کہہ کردیا ہےکہ جس نے بھی ان پر تنقید کی انہوں نے اسے معاف کیا۔

  • گورننس بہتربنانےکےلیےنئےصوبوں کا قیام ناگزیرہے، حیدرعباس رضوی

    گورننس بہتربنانےکےلیےنئےصوبوں کا قیام ناگزیرہے، حیدرعباس رضوی

    کراچی : ایم کیو ایم کے رہنما حیدرعباس رضوی نے کہا کہ ہم نےسندھ کی تقسیم کی بات کی تھی، نہ کی ہے اور نہ کریں گے۔

    کراچی میں پریس کانفرنس کرتے ہوئے متحدہ قومی مومنٹ کے رہنما حیدرعباس رضوی کا کہنا تھا کہ ایم کیو ایم نے تمام صوبوں میں انتظامی یونٹس بنانے کا اعلان کیا ہے، کوئی جماعت نہیں جو نئے یونٹس بنانے کی مخالفت کرتی ہو، نئے یونٹس کا قیام عمل میں لانا چاہتے ہیں، ملک نئے انتظامی یونٹس بنانے کی اشد ضرورت ہے ۔

    ایم کیو ایم کے رہنماحیدرعباس رضوی کا کہنا تھا کہ پوری دنیا میں انتظامی یونٹس بنائے جاتے ہیں، بھارت میں انگریزوں سے آزادی کے وقت صوبوں کی تعداد 8 تھی، بھارت نے انتظامی یونٹس سے ترقی حاصل کی، ایران مین 31 اور ترکی میں 81 انتظامی یونٹس ہیں ۔

    ایم کیو ایم کے رہنما نے مزید کہا کہ نادر اکمل لغاری نے کہا وہ سندھی ہیں، تقسیم نہیں ہونے دیں گے، نادر لغاری صاحب جتنے سندھی آپ ہیں اتنے ہی ہم سب بھی ہیں، خدارا اہل سندھ پر رحم کریں اور نفرتوں کے بیج نہ بوئیں۔

    انہوں نے کہا کہ سیاسی جماعتوں کی جانب سے مطالبے کی حمایت اورمخالفت ہوئی ہے، ہمیں اپنی غلطیوں سے سبق سکھنا چاہیئے، جہاں 50لاکھ کی آبادی ہوتی ہے وہاں نیا انتظامی یونٹس بنادیا جاتا ہے، ن لیگ نے منشور میں سرائیکی اور ہزارہ صوبہ بنانے کا وعدہ کیا تھا،ہم نےسندھ کی تقسیم کی بات کی تھی، نہ کی ہے اور نہ کریں گے۔

  • گو نواز گو ڈے اسلام آباد کی تاریخ کا سب سےبڑا اجتماع ہوگا،عمران خان

    گو نواز گو ڈے اسلام آباد کی تاریخ کا سب سےبڑا اجتماع ہوگا،عمران خان

    اسلام آباد:عمران آج اسلام آباد میں گو نواز گو ڈے کے جلسے سے خطاب کریں گے، عمران خان کا کہنا ہے کہ آج اسلام آباد کی تاریخ کا سب سے بڑا اجتماع ہوگا، جس میں وہ اور پاکستان کےعوام اپنے یوٹیلٹی بلز نذرآتش کریں گے۔

    تحریکِ انصاف کے سربراہ عمران خان نے آج گو نواز گو ڈے منانے کا اعلان کر رکھا ہے، کپتان کا کہنا ہے کہ وہ اسلام آباد کی تاریخ کا سب سے بڑااجتماع کریں گے اور دھرنے کے شرکا اپنے یوٹیلٹی بلز نذرآتش کریں گے۔

    عمران خان کا کہنا تھا کہ آج کا دن فیصلہ کن ہوگا، پولیس کے ایکشن کی صورت میں کارکن مزاحمت کریں۔

    عمران خان کا کہنا تھا کہ نواز شریف سے استعفیٰ لینے کیلئے عید توکیا ایک سال بھی بیٹھنا پڑا تو وہ بیٹھیں گے، انکا کہنا تھا کہ لوگ باشعور ہورہے ہیں اور وی آئی پی کلچر کے خلاف آواز اٹھا رہے ہیں۔

  • اٹلی :میلان فیشن ویک میں موسم گرما کی نئی کلیکشن متعارف

    اٹلی :میلان فیشن ویک میں موسم گرما کی نئی کلیکشن متعارف

    میلان:اٹلی کےمشہورفیشن ڈیزائنر گوچی نے میلان فیشن ویک میں موسم گرما کی نئی کلیکشن متعارف کرادی ہے۔

    اٹلی کے شہرمیلان میں فیشن ویک جاری ہےاس موقع پرمعروف اطالوی ڈیزائنر گوچی نے موسم گرما کےلئےتیارکئےگئے ملبوسات پیش کئے،انیس سو ستر کی دہائی کے فیشن سے متاثر ہوکر تیار کئے گئے سفید،آف وائٹ، نارنجی اور سبز ر رنگوں کے ملبوسات کی ماڈلز نے خوبصورتی سے ریمپ پرچل کرنمائش کی،فیشن ویک میں گوچی کی معروف برانڈ جیکی سافٹ کا نیا ماڈل بھی متعارف کرایا گیا جس میں شرکاء نےغیر معمولی دلچسپی لی۔

  • داغ دھبوں سےمحفوظ قمیض تیارکرلی گئی

    داغ دھبوں سےمحفوظ قمیض تیارکرلی گئی

    لباس پر لگنے والے داغوں سے اب پریشان ہونے کی ضرورت نہیں،امریکی طالبعلم نےایسی قمیض تیارکرلی ہے جس پرداغ لگتےہی نہیں ہیں۔

    کپڑوں پرداغ لگ جانا عام بات ہے اوراکثر داغ ایسے بھی ہوتے ہیں جو دھلنےکا نام ہی نہں لیتےتاہم ایک امریکی طالبعلم نےایسا کپڑا تیارکرلیا ہےجسکی خاصیت یہ ہے کہ اس پر کوئی داغ نہیں لگتا، سیلیکا فائبرزسے تیارکی گئی یہ قمیض پہن کرکیچڑ میں گر جائیں یا آئل،آئس کریم، کیچ اپ، سالن کچھ بھی انڈیل دیں قمیض پرداغ نہیں لگے گا۔

  • ایران کونظراندازنہیں کیا جاسکتا، بان کی مون

    ایران کونظراندازنہیں کیا جاسکتا، بان کی مون

    نیویارک:اقوام متحدہ کےسیکرٹری جنرل بان کی مون کا کہنا ہےکہ مشرق وسطی میں قائم امن کے لئے کی جانے والی کوششوں میں ایران کونظراندازنہیں کیا جاسکتا۔

    نیویارک میں پریس کانفرنس کرتےہوئےاقوام متحدہ کے سیکرٹری جنرل بان کی مون کا کہنا تھا کہ خطےمیں میں سلامتی اور ہم آہنگی پیدا کرنے کے لئے ایران خطے میں اہم کردار ادا کرسکتا ہے۔

    بان کی مون کا کہنا تھا کہ اس ماہ میں ہونے والی جنرل اسمبلی کے اجلاس میں ایرانی صدراور وزیرخارجہ کی شرکت پروہ اس حوالے سےمیں بات کریں گے۔