Tag: ARY TOP

  • امریکہ طالبان سے غافل نہیں، امریکی محکمہ خارجہ

    امریکہ طالبان سے غافل نہیں، امریکی محکمہ خارجہ

    واشنگٹن: امریکی محکمہ خارجہ کی ترجمان میری ہارف کا کہنا ہے کہ امریکہ افغانستان اور پاکستان میں دہشت گردی ختم کرنے کے لئے اپنا کردارادا کررہا ہے، خطے میں دہشت گردی روکنے کیلئے اب بھی وسائل بروئے کارلا ئے جارہے ہیں۔

    غیرملکی صحافیوں کو بریفنگ دیتے ہوئے امریکی محکمہ خارجہ کی ترجمان میری ہارف نے کہا کہ عراق میں داعش کے خلاف امریکہ کی جارحانہ کاروائیوں کا مطلب یہ نہ لیا جائے کہ امریکہ افغانستان اوراس کے سرحدی علاقوں میں موجود دہشت گردوں سے غافل ہے۔

    امریکی محکمہ خارجہ کی ترجمان کا کہنا تھا کہ الظواہری کے علاوہ القائدہ کے تمام بڑے دہشت گرد اسی خطے میں مارے گئے ہیں، دنیا کے مختلف حصوں میں موجود دہشت گرد نہ صرف امریکہ بلکہ پوری دنیا کیلئے خطرہ ہیں،انہوں نے ایک بار پھر واضح کیا کہ داعش کے خلاف فوجی کاروائیوں میں ایران سے تعاون نہیں کیا جائے گا۔

    ایک سوال پرامریکی محکمہ خارجہ کی ترجمان کا کہنا تھا کہ داعش میں 80 سے زائد ممالک کے شدت پسند موجود ہیں جن میں امریکی اوریورپی باشندے بھی شامل ہیں۔

  • دھرنے سے ظلم کی زنجیریں ٹوٹ رہی ہیں، عمران خان

    دھرنے سے ظلم کی زنجیریں ٹوٹ رہی ہیں، عمران خان

    اسلام آباد: عمران خان نے کہا کہ ہم طاقت میں آنے کے بعد ایوانِ صدر خالی کرائیں گے، منی لانڈرنگ کرنے والے کو مجرم نہ کہوں تو اور کیا کہوں۔

    اسلام آباد میں آزادی مارچ دھرنے کے شرکاء سے خطاب میں پاکستان تحریک انصاف کے چیئرمین عمران خان کا کہنا تھا کہ ظالم کے سامنے کھڑے نہیں ہونگے تو ہم میں اور جانوروں میں کوئی فرق نہیں ہوگا،دھرنے سے ظلم کی زنجیریں ٹوٹ رہی ہیں، جب ہم خود غرضی نہیں کریں گے تب نیا پاکستان بنے گا۔

    انہوں نے کہا کہ لوگوں کو بے وقوف بنانے کے لئے وزیراعظم اور وزیراعلیٰ جھوٹ بولتے ہیں، نواز شریف آپ لوگوں کو بے وقوف نہیں بنا سکتے،جتنا مرضی پیسا بنا لیں ان ظالموں کا پیٹ نہیں بھرے گا، اپنا پیسا بنانے کے سوا انہیں کچھ نظر نہیں آتا، نواز شریف کے شوگر مل کے لئے 2.5 ارب کا پل بن رہا ہے ۔

    عمران خان نے کہا کہ کرپشن کی انتہا کے باعث  لوگ پاکستان میں کاروبار کیلئے نہیں آتے، پانچ سال میں 27 لاکھ پاکستانی بیرونِ ملک چلے گئے ہیں، نواز شریف نے چند سال بعد ٹیکس دیا وہ بھی چند ہزار روپے، لندن میں نواز شریف کا بیٹا 800 کروڑ رہوپے کے فلیٹ میں رہتا ہے ۔ ورلڈ اکنومک فورم کہتا ہے کہ پاکستان کی معاشی حالت خراب ہے ۔

    عمران خان نے کہا کہ حکمرانوں کو صرف پیسہ بنانے کے علاوہ اور کچھ نہیں آتا۔ حکمران جتنا مرضی پیسہ بنا لیں، ان کا پیٹ نہیں بھرے گا، میں اربوں کے ڈاکے مارنے والوں کو ڈاکو نہ کہوں تو اور کیا کہوں؟،نواز شریف کا خاندان برطانوی حکومت کو 200 کروڑ اور پاکستان میں پانچ ہزار ٹیکس دیتا ہے، ان کو ٹیکس چور نہ کہوں تو اور کیا کہوں؟، منی لانڈرنگ کرنے والے کو مجرم نہ کہوں تو اور کیا کہوں؟ ان کا کہنا تھا کہ دنیا میں ہمارے پرامن احتجاج کا ریکارڈ بن رہا ہے۔ دھرنے کے لوگوں کو پاکستان کا ہیرو مانتا ہوں۔

  • ایساکرنسی نوٹ جس پرکوئی تحریر ہوبینک وصول نہ کریں،اسٹیٹ بینک

    ایساکرنسی نوٹ جس پرکوئی تحریر ہوبینک وصول نہ کریں،اسٹیٹ بینک

    کراچی:اسٹیٹ بینک نے نعروں کی تحریرپرمشتمل کرنسی نوٹوں کی قدرصفرقرار دے دی ہے،ایسےنوٹوں کی کوئی قانونی حیثیت نہیں ہوگی۔

    اسٹیٹ بینک نےاعلامیہ میں شہریوں اور بینکوں کو آگاہ کیاہے کہ جس کرنسی نوٹ پرنعرے،بیان یا پیغامات تحریر ہوں گےایسے نوٹوں کی کوئی قانونی حیثیت نہیں ہوتی ہے،اوران کی قدرصفرہو جاتی ہے۔

    اسٹیٹ بینک کے مطابق جن نوٹوں پرنعرے،بیان یا پیغامات تحریرہو ں گے ان کرنسی نوٹوں کو بینک وصول نہیں کریں گے اور نہ ہی ایسے نوٹوں کا لین دین ہو گااورایسے نوٹ رکھنے والا شخص مالی نقصان سےدوچارہوگا۔

  • عمران خان کاموجودہ نظام کےخلاف بغاوت کااعلان

    عمران خان کاموجودہ نظام کےخلاف بغاوت کااعلان

    اسلام آباد: عمران خان نے کہا کہ حکمرانوں کو ہرانے کا عزم اور مضبوط ہوگیا ہےاس موجودہ نظام کےخلاف بغاوت کااعلان کرتا ہوں۔

    اسلام آباد میں دھرنے کے شرکاء سے خطاب میں پاکستان تحریک انصاف کے چیئرمین عمران خان کا کہنا تھا کہ تحریک انصاف کے کارکنوں کو بلاوجہ گرفتار کرکے ان پر جیلوں میں ظلم اور تشدد کیا جا رہا ہے، دنیا کے کسی مہذب معاشرے میں انسانوں کے خلاف ایسا سلوک نہیں ہوتا، ظلم کرنے والے ہر شخص کو سزا دی جائے گی۔

    انہوں نے کہا کہ سعدرفیق کوتوہین آمیزبیان پرقانونی نوٹس بھیج دیا، ظلم دیکھ کر منہ دوسری طرف نہیں کر سکتے،حکمرانوں کو ہرانے کا عزم اور پکا ہو گیا ہے،اس نظام اور ظالموں کیخلاف اعلان بغاوت کرتا ہوں، ظالموں کو شکست دے کر دکھائیں گے۔

    عمران خان کا کہنا تھا کہ ہم اس ملک میں تبدیلی لے کر آ رہے ہیں، اس ملک میں اب جو بھی حکمران بنے گا وہ اس ملک کی عوام کو جوابدہ ہو گا، جو ہر سوال کا جواب دے گااور اگر وہ جھوٹ بولے گا، عوام کو حقوق نہیں دے گا تو اس کا احتساب کریں گے، اس کو عوام کےکٹہرے میں کھڑا کریں گے۔

    انہوں نے کہا کہ حقوق مانگنے والوں کے گرد پولیس کے 30 ہزار اہلکار تعینات کئے گئے ہیں، کارکنوں پر ظلم کرنے والے پولیس اہلکاروں کیخلاف ویب سائٹ بنادی گئی ہے، ویب سائٹ پر سب سے پہلے آئی جی پنجاب طاہر عالم کا نام ڈال دیا گیا ہے۔

    چیئرمین تحریک انصاف نے کہا کہ نواز شریف کے ان تمام گلوبٹوں کے نام ویب سائیٹ پر ڈال رہے ہیں، ان سب کو تشدد پر سزا دیں گے۔ انہوں نے اعلان کیا کہبہت جلد سونامی کراچی آنے والا ہے، شریف برادران سے فارغ ہو کر سندھ اور بلوچستان کے دورے کروں گا، ان کو بھی انصاف دلوائیں گے، وڈیروں سے نجات ملے گی اور ممبر قومی اسمبلی کو نکال کر پیسہ براہ راست عوام کو دیں گے۔

    عمران خان نے کہا کہ ہم ان پاکستانیوں کو حقوق دلوئیں گے جن کو پارلیمنٹ حقوق نہیں دے سکی، ہم اسلام آباد ہائیکورٹ کے شکرگزار ہیںکہ ہمارے کارکنوں کو رہا کرایا، عدلیہ پولیس کی جانب سے تشدد کا نوٹس بھی لے۔

  • موجودہ جمہوریت سے مشرف کی آمریت بہتر تھی، عمران خان

    موجودہ جمہوریت سے مشرف کی آمریت بہتر تھی، عمران خان

    اسلام آباد: عمران خان نے کہا ہے کہ مجھے فوج کی ضرورت نہیں ہے میرے سامنے عوام کی فوج کھڑی ہے۔

    اسلام آباد میں آزادی مارچ دھرنے کے شرکاء سے خطاب کے دوران پاکستان تحریکِ انصاف کے سربراہ عمران خان کا کہنا تھا کہ ہمارے کارکن پکڑے جارہے ہیں، چیف جسٹس صاحب ازخود نوٹس لیں۔

    چیف جسٹس سے مخاطب ہوتے ہوئے ان کا کہنا تھا کہ چیف جسٹس صاحب یہ وقت مظلوم عوام کو انصاف دینے کا ہے، دھاندلی چھپانے کے لئے قانون کا استعمال کیا جارہا ہے میں پوچھتا ہوں کہ کس قانون کے تحت کارکنان کو گرفتار کیا جارہا ہے، احتجاج کرنا ہمارا جمہوری حق ہے، اسلام آباد ہائی کورٹ نے کنٹینرز ہٹانے کا کہا تو کنٹینرزکیوں نہیں ہٹائے جارہے ہیں؟۔

    عمران خان کا کہنا تھا کہ ڈبل سواری پر پاندی لگا دی تاکہ زیادہ لوگ جمع نہ ہوجائیں، نواز شریف سے پوچھتا ہوں کیوں ڈررہے ہو اورکس سے ڈررہے ہو؟  یہ لوگ اس ملک کے شہری ہیں، کہا جارہا ہے کہ دھرنے میں دہشتگردی کا خطرہ ہے، مجھے دہشتگردوں سے خطرہ نہیں ، مجھے نواز شریف کی دہشتگردی سے خطرہ ہے ۔

    انہوں نے کہا کہ یہ نام نہاد جمہوری لوگ فوج کو بدنام کرنے کی کوشش کررہے ہیں، آج فوج نے پھر واضع کردیا کہ ان دھرنوں نے کوئی تعلق نہیں، انہوں نے کہا کہ مجھے فوج کی ضرورت نہیں ہے میرے سامنے عوام کی فوج کھڑی ہے ۔

    سابق چیف جسٹس افتخار محمد چوہدری کے بارے میں ان کا کہنا تھا کہ افتخار چوہدری کی بحالی کے لئے سب سے آگے تھا، افتخار چوہدری پر بھروسہ کیا لیکن وہ جمہوریت کے میر جعفر نکلے، میچ فیکسنگ میں افتخار چوہدری کا ہاتھ تھا، افتخار چوہدری نے نظریں جھکائی تو سمجھ گیا کہ میچ فکس ہے،افتخار چوہدری اورمیر شکیل ملک کے دشمن ہیں۔ میرشکیل کو پنجاب پولیس پروٹوکول دے رہی ہے

    عمران خان کا کہنا تھا کہ مشرف نے بھی ایسا نہیں کیا جو موجودہ حکومت کررہی ہے، مشرف کی ڈکٹیٹر شپ بھی نواز شریف کی حکومت سے بہت بہتر تھی، نواز شریف دھاندلی چھپانے کے لئے جمہوریت کے پیچھے پیچھے ہے۔

    انہوں نے کہا کہ جب بھی تبدیلی آتی ہے تو دو طبقے لے کر آتے ہیں ایک نوجوان اور دوسری خواتین، انہوں نے کہا کہ نوجوانوں ! کل سب یہاں پہنچو یہ تمہارے مستقبل کی جنگ ہے، یہ مت سمجھو کہ اس ملک سے باہر چلے جائیں گے، تم لوگ پاکستان میں ہی عزت حاصل کر سکتے ہو، نکلو اور میرا ساتھ دوکیونکہ سب سے بڑی ذمہ داری تو تمہاری ہے۔

  • الزامات لگا کر اصل مجرموں کو بچانے کی کوشش کی جارہی ہے،الطاف حسین

    الزامات لگا کر اصل مجرموں کو بچانے کی کوشش کی جارہی ہے،الطاف حسین

    کرچی:ایم کیوایم کےقائد الطاف حسین نےکہا ہےکہ سرکاری ایجنسیوں اور رینجرز کے چند افسران ایم کیو ایم کےخلاف پروپیگنڈا کررہے ہیں کسی کارکن یا رہنماء کے خلاف ایجنسیوں کے پاس ثبوت ہیں تو وہ ایم کیو ایم کے فرد کوسرعام پھانسی پرلٹکا دیں۔

    متحدہ قومی مومنٹ کے قائد الطاف حسین نےاپنے ایک بیان میں کہا ہےکہ پروپیگنڈا کیا جارہا ہےکے ایم کیو ایم کے کچھ لوگ فرقہ ورانہ قتل غارت گری میں ملوث ہیں،آئی ایس آئی،ایم آئی،آئی بی یاکسی بھی ایجنسی کےپاس ثبوت ہیں توسامنےلائے اور ثابت ہونے پر ایم کیو ایم کےملوث افراد کو سرعام پھانسی دے دیں،الطاف حسین کا کہنا تھا کہ اگر الزامات لگانے والےالزامات ثابت نہ کرسکے تو الزامات لگانے والوں  کو لٹکایا جائے۔

    ایم کیو ایم کے قائد نے کہا ہے کہ  فوج اورعسکری اداروں نےجو جہادی گروپ بنائے وہی آج شہریوں کو مار رہے ہیں وقت کا تقاضہ ہے کہ مسلح افواج کےاندرموجود انتہا پسند عناصر کے خلاف کاروائی کی جائے۔

    ایم کیو ایم کے قائد نے کہا کہ ایسے تمام مدرسے جہاں نوجوانوں کی برین واشنگ کرکے انہیں دہشت گردی کی ترغیب دی جاتی ہے، ان سے آہنی ہاتھوں سے نمٹاجائے۔

    الطاف حسین کا کہنا تھا کہ الزامات لگا کراصل مجرموں کو بچانے کی کوشش کی جارہی ہے،انہوں نے ہمیشہ شعیہ سنی بھائی چارے اور اتحاد بین المسلین کی بات کی ہے۔

  • وزیراعظم میں شرم ہوتی تومستعفی ہوجاتے، عمران خان

    وزیراعظم میں شرم ہوتی تومستعفی ہوجاتے، عمران خان

    اسلام آباد: عمران خان نے کہا کہ ہماری تحریک کا مقصد عوام کو ان کے حقوق سے آگاہ کرنا ہے، دنیا میں عزت پانے کیلئے اپنے حقوق جاننا پڑیں گے، حکمران ڈرتے ہیں کہ اگر عوام اپنے حقوق جان گئے تو ان کی دکانداری بند ہو جائے گی۔

    اسلام آباد میں دھرنے کے شرکاء سے خطاب کے دوران پاکستان تحریکِ انصاف کے سربراہ عمران خان کا کہنا تھا کہ میں پاکستان میں صرف اورصرف قائد اعظم محمد علی جناح کو لیڈر مانتا ہوں، انہوں نے ایک نظرئیے کے تحت یہ ملک بنایا تھا مگر ان سیاستدانوں نے بیڑا غرق کردیا، میاں نواز شریف کو کہنا چاہتا ہوں کہ ابھی حوصلہ رکھیں یہ دھرنا ابھی لمبا چلے گا۔

    انہوں نے کہا کہ جتنے مرضی مذاکرات ہو جائیں، ہم تو نوازشریف کا استعفیٰ لئے بغیر واپس نہیں جائیں گے، آج قائد اعظم کا یوم وفات ہے اس لئے آج ہم ان کو خراج تحسین پیش کرنے کے لئے ان کی باتیں کریں گے، ہم آپ کو قائد اعظم کا وہ نظریہ بتائیں گے جس کے تحت انہوں نے یہ ملک بنایا تھا۔

    عمران خان نے کہا کہ میری نواز شریف سے نہیں بلکہ ان کی ذہنیت سے لڑائی ہے، میری لڑائی ان ظالموں سے ہے جو قانون توڑتے ہیں لیکن قانون سے اوپر ہیں۔ عام پاکستانی کے ساتھ ہرروز ظلم ہوتا ہے۔

    ان کا کہنا تھا کہ ہم نے حکومت سے صرف 4 حلقے کھولنے کا مطالبہ کیا تھا لیکن اس پر کوئی عمل درآمد نہیں کیا گیا کیونکہ حکومت کو علم تھا کہ اگر 4 حلقے کُھل گئے تو ان کا سارا پول کھل جائے گا، مسلم لیگ ن کے رہنماء بھی مانتے ہیں کی دھاندلی ہوئی، سابق وزیر قانون پنجاب رانا ثناء اللہ بھی مان گئے ہیں کہ اگر چار حلقے کھل گئے تو سارا الیکشن ہی ختم ہو جائے گا۔

    عمران خان نے کہا کہ حکومت کو 8 اگست کو سیلاب کا پتا چل گیا تھا لیکن اس نے سیلاب کی روک تھام کیلئے کوئی تیاری نہیں کی، اگر ماضی کی غلطیوں سے سبق سیکھا ہوتا تو سیلاب سے اتنا نقصان نہ ہوتا۔

    ان کا کہنا تھا کہ مجھے ہفتے کے دن کا بڑی بے صبری سے انتظار ہے کیونکہ اس دن ہم یہاں تاریخ رقم کرنے جارہے ہیں، ہر روز یہاں عوام کی تعداد اور حوصلہ بڑھتا جا رہا ہے، آپ کا جذبہ دیکھ کر میری عمر بیس سال مزید کم ہو جاتی ہے۔

  • ٓآرمی چیف راحیل شریف سےایئر چیف طاہررفیق بٹ کی ملاقات

    ٓآرمی چیف راحیل شریف سےایئر چیف طاہررفیق بٹ کی ملاقات

    میران شاہ:شمالی ویزرستان کی تحصیل دتہ خیل اور شوال میں جیٹ طیاروں کی بمباری سے پینسٹھ دہشت گردمارے گئے،آپریشن سےمتعلق مشاورت کےلئےآرمی چیف جنرل راحیل شریف سے ایئرچیف مارشل طاہر رفیق بٹ نےملاقات کی۔

    شمالی وزیرستان میں دہشتگردوں کے خلاف فیصلہ کن کارروائی،آخری شدت پسند کے خاتمے تک آپریشن ضرب عضب جاری رکھنے کاعزم،فوجی کارروائی کےچھیاسی ویں روز پاک فوج نےمختلف کارروائیوں میں پینسٹھ دہشتگردہلاک کردیئے،دتہ خیل میں جیٹ طیاروں کی بمباری سے پینتیس شدت پسند مارے گئےجبکہ دو ٹھکانےبھی اڑادیئے گئے۔

    شوال میں فضائی کارروائی میں تیس دہشگرد ہلاک اورایک ٹھکانہ صفحہ ہستی سے مٹادیاگیا،پندرہ جون سے جاری آپریشن ضرب عضب کی کمان کرنے والے میجرجنرل ظفرخان کےمطابق بیشترعلاقوں پر پاک فوج نےکنٹرول سنبھال لیاہے،جبکہ آپریشن کے ابتدائی دنوں میں ہی طالبان کا کمانڈاینڈ کنٹرول سسٹم تباہ کرکے نیٹ ورک کی کمر توڑ دی تھی۔

    54102f062d5ea
    آرمی چیف راحیل شریف اور ایئرچیف مارشل طاہر رفیق

    ادھر آرمی چیف جنرل راحیل شریف سے ایئر چیف طاہر رفیق بٹ نےملاقات کی، ملاقات میں دہشتگردی کے خاتمے کو یقینی بنانے پراتفاق کیاگیاہے،عسکری حکام کی ملاقات میں آپریشن ضرب عضب سے متعلق معاملات پر بھی تبادلہ خیال ہوا۔

  • عمران خان کےپالتوکتےشیروکی کہانی،سعدرفیق کی زبانی

    عمران خان کےپالتوکتےشیروکی کہانی،سعدرفیق کی زبانی

    کراچی:کتوں پرفلمیں تو بن ہی رہی ہیں لیکن اب کُتوں کا ذکرپارلیمنٹ کےایوانوں میں بھی سُنائی دینےلگاہے،پارلیمنٹ ہاوًس میں خواجہ سعد رفیق آج مخالفت میں اتنا بڑھے کہ کپتان کےکتے پربرس پڑے۔

    کہتے ہیں محبت اورجنگ میں سب کچھ جائزہوتا ہےاورجب بات آجائےسیاسی حریف کی تو کیا انسان اورکیا کتے سب ہی کے سب ہی آجاتے ہیں لپیٹ میں،مسلم لیگ ن کے وفاقی وزیربرائے ریلوےآج پارلمنٹ میں عمران خان سےسخت خفا نظرآئےاورایسے برسے کہ عمران خان کے پالتواورچہیتے کتے شیروکے بھی لتے لے ڈالے،سعدرفیق شروع ہوئے ایسے کہ شیروپرپُوری داستان سُنا کرہی دم لیا۔

    Imran-Khan-PTi-dogs

    سعد رفیق کی شیرو سے متعلق ایک ایک بات کی تفصیل سُن کریوں لگا جیسےسعد رفیق صاحب شیروپرکافی تحقیق کرتے رہے ہیں،یعنی سیاست کی تاریخ میں اب کتےشیروکا بھی اضافہ ہوگیا ہے،تو جناب شیروہوگیا ہٹ اوراب یہ کہا جاسکتا ہےکہ کُتے بھی سیاسی ہوتے ہیں۔

  • ہفتہ کوسب سےبڑاجشن آزادی ہوگا، ایک قوم بن کردکھائیں گے، عمران خان

    ہفتہ کوسب سےبڑاجشن آزادی ہوگا، ایک قوم بن کردکھائیں گے، عمران خان

    اسلام آباد: عمران خان نے کہا ہے کہ ہفتہ کےروزسب سے بڑا آزدی کاجشن منانئیں گے، تیرہ ستمبر کوسب ایک قوم بن کردکھائیں گے۔

    آزادی دھرنے کے شرکا سے خطاب کرتے ہوئے پاکستان تحریک انصاف کے چیئرمین عمران خان کا کہنا تھا کہ ہماری تحریک پورے پاکستان میں پھیلتی جا رہی ہے اور اس تحریک کو اب کوئی نہیں روک سکتا، اب انگلینڈ سمیت یورپ سے لوگ دھرنے میں شرکت کرنے آ رہے ہیں۔

    انہوں نے کہا ایک طرف مظلوم اور دوسری طرف تھوڑے سے ظالم متحد ہیں لیکن ان ظالموں کا مقابلہ اکیلا ہی کروں گا اور پاکستان کی قوم بھی جاگ چکی ہے اب ملک کے حالات جلد بدلیں گے، عمران خان کہتے ہیں دین اور سیکولر کی سیاست کرنے والے ہمیں تقسیم کرتے ہیں۔

    انہوں نے احسن اقبال کو ارسطو کہتے ہوئے کہا کہ میں اس ملک کے مظلوم طبقے کو حقوق کے لئے سیاست میں آیا ہوں،ہم پر امن ہیں اوریہاں کسی کو تنگ نہیں کر رہے، ن لیگ میں ویسے ہی کم پڑھے لکھے لوگ ہیں تو ان میں جو تھوڑا سا پرھا لکھا ہوتا ہے وہ اندھوں مین کانا راجا بن جاتا ہے، تو حکومت کا ’ارسطو‘ کہتا ہے کہ ہم نے یہاں احتجاج کر کے ملک کو ایک ہزار ارب روبے کا نقصان پہنچا چکے ہیں،مظاہرین پر گولیاں کو حکومت کی جانب سے چلائی گئی ہیں، اور ۴۵ لوگوں کو گولیاں لگی ہیں، میں نے اپنی آنکھوں ۲ لوگوں کو شہید ہوتے دیکھا ہے۔

    عمران خان نے کہا کہ جنوبی کوریا میں کشتی ڈوبنے سے جنوبی کوریا کا وزیراعظم استعفی دیتا ہے، کشتی وزیراعظم نہیں چلارہا تھا، 6 اگست کو فلڈ ڈیپارٹمنٹ نے وارننگ جاری کی تھی حکومت نے کیا کیا ؟ انہوں نے صرف بوٹ پہن کر تصویریں کھنچوائی پاکستان ڈوب گیا مگر حکمران بے حس رہے۔

    عمران خان نے کہا ہے کہ پاکسان میں حقیقی جمہوریت کیلئے جنگ لڑ رہے ہیں، نواز شریف کے استعفیٰ کا مطالبہ غیر آئینی نہیں، چوہدری نثار اور اعتزاز نے پارلیمنٹ میں جو کچھ کیا یہ جمہوریت نہیں مک مکا ہے۔

    ان کا کہنا تھا کہ حکمران  قوم میں مذہی و لسانی تفریق پیدا کر کے اپنے مفادات حاصل کر رہے ہیں، پارلیمنٹ میں موجود جماعتیں وزیراعظم کو اس لئے نہیں بچارہے کہ انہیں نواز شریف سے پیار ہے بلکہ انہیں خوف ہے کہ کہیں نواز شریف کے جانے سے ان کی لوٹ مار بند نہ ہوجائے۔

    انہوں نے کہا کہ نواز شريف کے استعفیٰ کا مطالبہ غيرآئينی نہيں، ہمارے پاس وزيراعظم کی دھاندلی کے ثبوت ہيں، میٹرو جیسے منصوبوں کے بجائے آبی ذخائر پر توجہ دی جاتی تو اتنی تباہی نہ ہوتی ۔

    عمران خان نے نوجوانوں سے کہا کہ دنیا میں کبھی کوئی ایسی تحریک کامیاب نہیں ہوئی جس میں طالبعلم شامل نہیں تھے، اس لئے میری طالب علموں سے درخواست ہے کہ وہ آزادی مارچ میں پہنچیں اور اپنا مستقبل محفوظ بنائیں کیونکہ یہ وقت دوبارہ نہیں آئے گا۔