Tag: ARY URDU TOP

کراچی: ایم کیوایم نےیوم عاشور کے بعد ملک بھرمیں نئے صوبوں کی تحریک چلانےکااعلان کردیا۔

کراچی میں شاہراہ قائدین پر متحدہ قومی موومنٹ کے احتجاجی مظاہرے سے خطاب کرتے ہوئے لفظ مہاجرپرخورشیدشاہ کے بیان کو ایم کیوایم رابطہ کمیٹی کے ڈپٹی کنوینئر خالدمقبول صدیقی نے توہین آمیز قرار دیا، خالدمقبول صدیقی نے یوم سیاہ کے خاتمے اور عاشور کے بعد صوبوں کیلئے تحریک کے آغاز کابھی اعلان کیا۔

خالدمقبول صدیقی نےکہامہاجراپنےحصےکاپاکستان اپنےکاندھوں پراٹھاکرلائے تھےاور کبھی زمین جائیداد کیلئےلڑائی نہیں کی، ان  کا کہنا تھا چند گھنٹےکےنوٹس پرشاہراہ قائدین پرعوام کاسیلاب امڈآیا ہے۔

اس موقع پر ایم کیو ایم کے رہنما فاروق ستار کا کہنا تھا کہ خورشیدشاہ نے اپنے ہوش وحواس میں لفظ مہاجرکوگالی کہہ کراپنی نسبت کومشکوک بنایا اورغلطی کااعتراف کرنےکےبجائےدلائل دیئے جو گالی دینے سے بھی بڑاجرم ہے،آج ہمارااحتجاج عظیم مقصدکیلیےہے، عوام نےایم کیوایم کےیوم سیاہ کو ملکر کامیاب بنایا۔

انہوں نے کہا کہ سندھ کےشہروں کوبراحال ہے، وہاں کے وسائل پروڈیروں کاقبضہ ہورہاہے، ہم سندھ کےشہری علاقوں میں یزیدیت قائم ہونےنہیں دینگے۔

کراچی: ایم کیو ایم کی جانب سے قومی اسمبلی میں اپوزیشن لیڈر خورشید شاہ کے بیان کیخلاف آج ملک بھر میں یوم سیاہ منایا گیا۔

کراچی میں شاہراہ قائدین پر متحدہ قومی موومنٹ کے احتجاجی مظاہرے سے خطاب کرتے ہوئے ایم کیو ایم کے رہنما حیدر عباس رضوی کا کہنا تھا کہ یہ مہاجروں کاجلسہ ہے، تاحدنگاہ عوام ہی عوام نظرآرہے ہیں، یہاں قائدتحریک کے جانثار اور چاہنے والے لوگ ہیں۔حیدر عباس رضوی نے کہا کہ ہم اپنے حصے کاپاکستان لیکرملک میں آئے ہیں۔

ان کا کہنا تھا کہ دنیا میں 2 اسلامی ریاستیں ہیں جو ہجرت کے نتیجے میں قائم ہوئیں، حضور نے ہجرت کی اور مہاجر ہوگئے، دوسری ریاست پاکستان ہے جو اسلام کے نام پر قائم ہوئی، اس موقع پر ایم کیو ایم کے رہنما روف صدیقی کا کہنا تھاکہ مہاجروہ ہے جودین کیلیے اپناملک،گھربارچھوڑدیتاہے، خورشیدشاہ نے لفظ مہاجرکی کھلے عام تذلیل کی، اگر انہیں مہاجر کے بارے میں معلوم نہیں توجا کر پڑھیں اوردیکھیں کہ مہاجرکون ہوتاہے۔

کراچی: ایم کیو ایم رابطہ کمیٹی نے لفظ مہاجر کو گالی قرار دینے کی مذمت کرتے ہوئے پیپلزپارٹی کے رہنما خورشید شاہ سے الفاظ واپس لینے کا مطالبہ کر دیا۔

کراچی میں پریس کانفرنس کے دوران رابطہ کمیٹی کے رکن حیدر عباس رضوی نے کہا کہ بھارت اآنے والے مہاجرین پناہ گزین نہیں ہیں وہ اپنی خوشی سے پاکستان آئے تھے ، سندھ کے وڈیروں کے پاس ایک کروڑ ایکڑ زمین ہے لیکن عام سندھی جھگیوں میں رہنے پر مجبور ہیں۔

ان کا کہنا تھا کہ خورشید شاہ کا بیان سندھ میں استحکا م کے لئے نہیں ہو سکتا، ایسے بیانات تعصب کی آگ پھیلانے کے لئے ہوتے ہیں خورشیدشاہ اپنابیان فوری طورپر واپس لیں۔

حیدر عباس رضوی نے علماء کرام سےدرخواست ہےکہ وہ خورشیدشاہ کےبیان کا جائزہ لے کر بتائیں کہ کہ یہ بیان توہین رسالت کے زمرے میں تونہیں آتا، سندھ میں آگ بھڑکانےکی کوشش کی جارہی ہے،سندھ کے کل رقبے کا اسی فیصد متروکہ سندھ ہے،امرجلیل نےخود لکھا مہاجرمتروکہ سندھ کا مالک ہے،متروکہ سندھ جاگیرداروں اوروڈیروں کےقبضےمیں ہے، ہماری زمین اور سندھ پر آپ غاصب ہیں،پورےپاکستان سےکل مزار قائد پر لوگ جمع ہوں گے،ایسے وقت پرایسا بیان افسوس کی بات ہے۔،