برطانیہ کے وزیرخزانہ جورج اوسبورن نےنےچین کے نائب پریمیر کے ہمراہ پریس کانفرنس کرتے ہوئے چینی کرنسی میں دو ارب چالیس کروڑپاؤنڈ لاگت کے بونڈ جاری کرنے کا اعلان کیا۔
برطانیہ کا چینی کرنسی میں بونڈ جاری کرنے کا مقصد دنیا کی دوسری بڑی اقتصادی طاقت چین کےساتھ تجارتی تعلقات مستحکم کرنا ہے،دونوں ممالک نے اقتصادی اور سیاسی تعاون مستحکم کرتے ہوئےتعاون جاری رکھنے کی یقین دھانی کرائی۔
برطانوی سائنسدانوں کی جانب سے کی گئی تحقیق کےمطابق نیند کی کمی بیشتردماغی امراض کا باعث بنتی ہےجن میں الزائمر،ڈیمینیشیا کےمریضوں کی کثیرتعداد شامل ہے،تحقیق میں یہ بھی کہا گیا ہے کہ نیند کی کمی انسانی جسم میں موجود مدافعتی نظام،دل،وزن اور یادداشت کو بھی متاثرکرتی ہے، بروقت اورمناسب نیند لےکران تمام امراض سےمحفوظ رہا جاسکتا ہے۔
اسلام آباد: عمران خان نے کہا ہے کہ مجھے فوج کی ضرورت نہیں ہے میرے سامنے عوام کی فوج کھڑی ہے۔
اسلام آباد میں آزادی مارچ دھرنے کے شرکاء سے خطاب کے دوران پاکستان تحریکِ انصاف کے سربراہ عمران خان کا کہنا تھا کہ ہمارے کارکن پکڑے جارہے ہیں، چیف جسٹس صاحب ازخود نوٹس لیں۔
چیف جسٹس سے مخاطب ہوتے ہوئے ان کا کہنا تھا کہ چیف جسٹس صاحب یہ وقت مظلوم عوام کو انصاف دینے کا ہے، دھاندلی چھپانے کے لئے قانون کا استعمال کیا جارہا ہے میں پوچھتا ہوں کہ کس قانون کے تحت کارکنان کو گرفتار کیا جارہا ہے، احتجاج کرنا ہمارا جمہوری حق ہے، اسلام آباد ہائی کورٹ نے کنٹینرز ہٹانے کا کہا تو کنٹینرزکیوں نہیں ہٹائے جارہے ہیں؟۔
عمران خان کا کہنا تھا کہ ڈبل سواری پر پاندی لگا دی تاکہ زیادہ لوگ جمع نہ ہوجائیں، نواز شریف سے پوچھتا ہوں کیوں ڈررہے ہو اورکس سے ڈررہے ہو؟ یہ لوگ اس ملک کے شہری ہیں، کہا جارہا ہے کہ دھرنے میں دہشتگردی کا خطرہ ہے، مجھے دہشتگردوں سے خطرہ نہیں ، مجھے نواز شریف کی دہشتگردی سے خطرہ ہے ۔
انہوں نے کہا کہ یہ نام نہاد جمہوری لوگ فوج کو بدنام کرنے کی کوشش کررہے ہیں، آج فوج نے پھر واضع کردیا کہ ان دھرنوں نے کوئی تعلق نہیں، انہوں نے کہا کہ مجھے فوج کی ضرورت نہیں ہے میرے سامنے عوام کی فوج کھڑی ہے ۔
سابق چیف جسٹس افتخار محمد چوہدری کے بارے میں ان کا کہنا تھا کہ افتخار چوہدری کی بحالی کے لئے سب سے آگے تھا، افتخار چوہدری پر بھروسہ کیا لیکن وہ جمہوریت کے میر جعفر نکلے، میچ فیکسنگ میں افتخار چوہدری کا ہاتھ تھا، افتخار چوہدری نے نظریں جھکائی تو سمجھ گیا کہ میچ فکس ہے،افتخار چوہدری اورمیر شکیل ملک کے دشمن ہیں۔ میرشکیل کو پنجاب پولیس پروٹوکول دے رہی ہے
عمران خان کا کہنا تھا کہ مشرف نے بھی ایسا نہیں کیا جو موجودہ حکومت کررہی ہے، مشرف کی ڈکٹیٹر شپ بھی نواز شریف کی حکومت سے بہت بہتر تھی، نواز شریف دھاندلی چھپانے کے لئے جمہوریت کے پیچھے پیچھے ہے۔
انہوں نے کہا کہ جب بھی تبدیلی آتی ہے تو دو طبقے لے کر آتے ہیں ایک نوجوان اور دوسری خواتین، انہوں نے کہا کہ نوجوانوں ! کل سب یہاں پہنچو یہ تمہارے مستقبل کی جنگ ہے، یہ مت سمجھو کہ اس ملک سے باہر چلے جائیں گے، تم لوگ پاکستان میں ہی عزت حاصل کر سکتے ہو، نکلو اور میرا ساتھ دوکیونکہ سب سے بڑی ذمہ داری تو تمہاری ہے۔
متحدہ قومی مومنٹ کے قائد الطاف حسین نےاپنے ایک بیان میں کہا ہےکہ پروپیگنڈا کیا جارہا ہےکے ایم کیو ایم کے کچھ لوگ فرقہ ورانہ قتل غارت گری میں ملوث ہیں،آئی ایس آئی،ایم آئی،آئی بی یاکسی بھی ایجنسی کےپاس ثبوت ہیں توسامنےلائے اور ثابت ہونے پر ایم کیو ایم کےملوث افراد کو سرعام پھانسی دے دیں،الطاف حسین کا کہنا تھا کہ اگر الزامات لگانے والےالزامات ثابت نہ کرسکے تو الزامات لگانے والوں کو لٹکایا جائے۔
ایم کیو ایم کے قائد نے کہا ہے کہ فوج اورعسکری اداروں نےجو جہادی گروپ بنائے وہی آج شہریوں کو مار رہے ہیں وقت کا تقاضہ ہے کہ مسلح افواج کےاندرموجود انتہا پسند عناصر کے خلاف کاروائی کی جائے۔
ایم کیو ایم کے قائد نے کہا کہ ایسے تمام مدرسے جہاں نوجوانوں کی برین واشنگ کرکے انہیں دہشت گردی کی ترغیب دی جاتی ہے، ان سے آہنی ہاتھوں سے نمٹاجائے۔
الطاف حسین کا کہنا تھا کہ الزامات لگا کراصل مجرموں کو بچانے کی کوشش کی جارہی ہے،انہوں نے ہمیشہ شعیہ سنی بھائی چارے اور اتحاد بین المسلین کی بات کی ہے۔
اسلام آباد میں دھرنے کے شرکاء سے خطاب کے دوران پاکستان تحریکِ انصاف کے سربراہ عمران خان کا کہنا تھا کہ میں پاکستان میں صرف اورصرف قائد اعظم محمد علی جناح کو لیڈر مانتا ہوں، انہوں نے ایک نظرئیے کے تحت یہ ملک بنایا تھا مگر ان سیاستدانوں نے بیڑا غرق کردیا، میاں نواز شریف کو کہنا چاہتا ہوں کہ ابھی حوصلہ رکھیں یہ دھرنا ابھی لمبا چلے گا۔
انہوں نے کہا کہ جتنے مرضی مذاکرات ہو جائیں، ہم تو نوازشریف کا استعفیٰ لئے بغیر واپس نہیں جائیں گے، آج قائد اعظم کا یوم وفات ہے اس لئے آج ہم ان کو خراج تحسین پیش کرنے کے لئے ان کی باتیں کریں گے، ہم آپ کو قائد اعظم کا وہ نظریہ بتائیں گے جس کے تحت انہوں نے یہ ملک بنایا تھا۔
عمران خان نے کہا کہ میری نواز شریف سے نہیں بلکہ ان کی ذہنیت سے لڑائی ہے، میری لڑائی ان ظالموں سے ہے جو قانون توڑتے ہیں لیکن قانون سے اوپر ہیں۔ عام پاکستانی کے ساتھ ہرروز ظلم ہوتا ہے۔
ان کا کہنا تھا کہ ہم نے حکومت سے صرف 4 حلقے کھولنے کا مطالبہ کیا تھا لیکن اس پر کوئی عمل درآمد نہیں کیا گیا کیونکہ حکومت کو علم تھا کہ اگر 4 حلقے کُھل گئے تو ان کا سارا پول کھل جائے گا، مسلم لیگ ن کے رہنماء بھی مانتے ہیں کی دھاندلی ہوئی، سابق وزیر قانون پنجاب رانا ثناء اللہ بھی مان گئے ہیں کہ اگر چار حلقے کھل گئے تو سارا الیکشن ہی ختم ہو جائے گا۔
عمران خان نے کہا کہ حکومت کو 8 اگست کو سیلاب کا پتا چل گیا تھا لیکن اس نے سیلاب کی روک تھام کیلئے کوئی تیاری نہیں کی، اگر ماضی کی غلطیوں سے سبق سیکھا ہوتا تو سیلاب سے اتنا نقصان نہ ہوتا۔
ان کا کہنا تھا کہ مجھے ہفتے کے دن کا بڑی بے صبری سے انتظار ہے کیونکہ اس دن ہم یہاں تاریخ رقم کرنے جارہے ہیں، ہر روز یہاں عوام کی تعداد اور حوصلہ بڑھتا جا رہا ہے، آپ کا جذبہ دیکھ کر میری عمر بیس سال مزید کم ہو جاتی ہے۔
کراچی میں دہشت گردوں کاراج ہے،پولیس اور رینجرز بے بس ہیں دوگھنٹے میں چھ افراد کی ٹارگٹ کلنگ سےشہرمیں خوف وہراس پھیل گیا،پولیس کےمطابق نصیرآباد کے علاقے میں نامعلوم افرا د کی دکان پرفائرنگ سےحیدرعباس رضوی کے کوآرڈینٹر سلمان جان کی باز ی ہارگیا۔
سرجانی میں فائرنگ سے مذہبی جماعت سے وابستہ عمران نامی شخص کو قتل کردیا گیا،پاک کالونی میں لاشاری محلہ میں فائرنگ سےاشرف بلوچ نامی شخص جان کی بازی ہارگیا،عوامی کالونی میں دودھ کی دکان پر فائرنگ سےدوبھائیوں سمیت تین افراد جاں بحق ہوگئے،مقتولین کی شناخت ارشدرستم،عرفان رستم اور سلیم اختر کے ناموں سے ہوئی ہے۔
حیدری مارکیٹ کے قریب مفتی نعیم کےداماد مولانا مسعود کو نشانہ بنایاگیا،لیاری چاکیواڑہ میں فائرنگ سے ایک شخص جاں بحق اورایک زخمی ہوا،لیاقت آباد ایف سی ایریا اور پاک کالونی میں فائرنگ سے دوافراد جان سے گئے،کارساز روڈ سے ایک شخص کی لاش ملی جس کی شناخت نہیں ہوسکی ہے۔
امریکی ریسلر جان سینا کشتی کےمقابلوں میں لگنے والے زخموں سے ہارگئے،جان سینا کو مختلف مقابلوں کےدوران کندھےاورگردن پرلگنےوالی چوٹوں کی تکلیف کاسامنا ہےجبکہ گزشتہ سال ان کے ہاتھ کی سرجری بھی کی گئی تھی،جان سینا کی ریلسنگ سے ریٹارمنٹ کےبعد ڈبلیو ڈبلیو ای انہیں سنیما کے پردےلانےکی منصوبہ بندی کررہا ہے، اس سے قبل بھی جان سینامتعددہالی ووڈفلموں میں کام کرچکے ہیں جن میں مشہوردی میرین، 12رائونڈز،لیجنڈری ودیگرشامل ہیں۔
اسلام آباد: عمران خان نے کہا ہے کہ ہفتہ کےروزسب سے بڑا آزدی کاجشن منانئیں گے، تیرہ ستمبر کوسب ایک قوم بن کردکھائیں گے۔
آزادی دھرنے کے شرکا سے خطاب کرتے ہوئے پاکستان تحریک انصاف کے چیئرمین عمران خان کا کہنا تھا کہ ہماری تحریک پورے پاکستان میں پھیلتی جا رہی ہے اور اس تحریک کو اب کوئی نہیں روک سکتا، اب انگلینڈ سمیت یورپ سے لوگ دھرنے میں شرکت کرنے آ رہے ہیں۔
انہوں نے کہا ایک طرف مظلوم اور دوسری طرف تھوڑے سے ظالم متحد ہیں لیکن ان ظالموں کا مقابلہ اکیلا ہی کروں گا اور پاکستان کی قوم بھی جاگ چکی ہے اب ملک کے حالات جلد بدلیں گے، عمران خان کہتے ہیں دین اور سیکولر کی سیاست کرنے والے ہمیں تقسیم کرتے ہیں۔
انہوں نے احسن اقبال کو ارسطو کہتے ہوئے کہا کہ میں اس ملک کے مظلوم طبقے کو حقوق کے لئے سیاست میں آیا ہوں،ہم پر امن ہیں اوریہاں کسی کو تنگ نہیں کر رہے، ن لیگ میں ویسے ہی کم پڑھے لکھے لوگ ہیں تو ان میں جو تھوڑا سا پرھا لکھا ہوتا ہے وہ اندھوں مین کانا راجا بن جاتا ہے، تو حکومت کا ’ارسطو‘ کہتا ہے کہ ہم نے یہاں احتجاج کر کے ملک کو ایک ہزار ارب روبے کا نقصان پہنچا چکے ہیں،مظاہرین پر گولیاں کو حکومت کی جانب سے چلائی گئی ہیں، اور ۴۵ لوگوں کو گولیاں لگی ہیں، میں نے اپنی آنکھوں ۲ لوگوں کو شہید ہوتے دیکھا ہے۔
عمران خان نے کہا کہ جنوبی کوریا میں کشتی ڈوبنے سے جنوبی کوریا کا وزیراعظم استعفی دیتا ہے، کشتی وزیراعظم نہیں چلارہا تھا، 6 اگست کو فلڈ ڈیپارٹمنٹ نے وارننگ جاری کی تھی حکومت نے کیا کیا ؟ انہوں نے صرف بوٹ پہن کر تصویریں کھنچوائی پاکستان ڈوب گیا مگر حکمران بے حس رہے۔
عمران خان نے کہا ہے کہ پاکسان میں حقیقی جمہوریت کیلئے جنگ لڑ رہے ہیں، نواز شریف کے استعفیٰ کا مطالبہ غیر آئینی نہیں، چوہدری نثار اور اعتزاز نے پارلیمنٹ میں جو کچھ کیا یہ جمہوریت نہیں مک مکا ہے۔
ان کا کہنا تھا کہ حکمران قوم میں مذہی و لسانی تفریق پیدا کر کے اپنے مفادات حاصل کر رہے ہیں، پارلیمنٹ میں موجود جماعتیں وزیراعظم کو اس لئے نہیں بچارہے کہ انہیں نواز شریف سے پیار ہے بلکہ انہیں خوف ہے کہ کہیں نواز شریف کے جانے سے ان کی لوٹ مار بند نہ ہوجائے۔
انہوں نے کہا کہ نواز شريف کے استعفیٰ کا مطالبہ غيرآئينی نہيں، ہمارے پاس وزيراعظم کی دھاندلی کے ثبوت ہيں، میٹرو جیسے منصوبوں کے بجائے آبی ذخائر پر توجہ دی جاتی تو اتنی تباہی نہ ہوتی ۔
عمران خان نے نوجوانوں سے کہا کہ دنیا میں کبھی کوئی ایسی تحریک کامیاب نہیں ہوئی جس میں طالبعلم شامل نہیں تھے، اس لئے میری طالب علموں سے درخواست ہے کہ وہ آزادی مارچ میں پہنچیں اور اپنا مستقبل محفوظ بنائیں کیونکہ یہ وقت دوبارہ نہیں آئے گا۔
سپر فلڈ پنجاب بھر میں تباہی مچانے کے درپے ہے، جھنگ کےعلاقے موضع وجھلانا کے قریب بند میں شگاف پڑگیا، بھکر روڈ پر سیلابی ریلا داخل ہوگیا ہے، سیلابی ریلے میں تین افراد بہہ گئے، جس میں سے دو کی لاشیں مل گئیں ہیں ، جھنگ چنیوٹ روڈ زیرِ آب ہونے سے زمینی رابطہ کٹ چکا ہے۔
چنیوٹ کے قریب سیلابی پانی بھوانہ شہر میں داخل ہوگیا، چنیوٹ اور بھوانہ کا زمینی رابطہ منقطع ہوگیا جبکہ دریائےجہلم سےملحقہ پیالہ بند میں تریموں کے مقام پر شگاف پڑگیا، لوگوں کوعلاقہ خالی کرنےکی ہدایت کردی گئی ہے۔
جلال پور بھٹیاں میں ایک لاکھ ایکڑ اراضی کا رقبہ زیرِآب آگیا، حافظ آباد کے دو سو چالیس میں سے دو سو دیہات غرقِ آب ہو گئے، رات گئے دریائے چناب میں ساڑھے چھ لاکھ کیوسک سیلابی ریلہ ضلع جھنگ کی حدود میں داخل ہوا، دریائے چناب کے سیلابی ریلے میں کوٹ مومن کے بیالس دیہات زیرآب آ گئے۔
اسلام آباد ڈی چوک پر رات گئےدھرنےکے شرکاءسےخطاب کرتے ہوئے تحریک انصاف کے سربراہ کا کہنا تھا کہ پانچ جماعتیں ملکر بھی تحریک انصاف کو شکست نہ دےسکیں،انہونے کہا کہ چیف جسٹس صاحب کی ذمہ داری ہے کہ وہ ہمیں انصاف فراہم کریں اور کنٹینرز ہٹوائیں
عمران خان نےیہ انکشاف بھی کیا کہ آصف علی زرداری نےانہیں بتایا تھا کہ الیکشن میں دھاندلی ہوئی ہے،انہونےاپنےخطاب میں کہا کہ سیلاب کی تباہ کاریوں کےذمہ دار تیس سال سے باریاں لینے والےہیں،وہ آج خود سیالکوٹ میں سیلاب زدگان کے درمیان ہوں گے۔
عمراں خان نے کہا کہ اقتدارمیں آکر پاکستان کواسلامی فلاحی ریاست بنا کردکھائیں گے۔