کوسٹا ریکا کے دارالحکومت سان جوسے کے قریب ایک چھوٹا طیارہ گر کر تباہ ہوگیا، جس کے باعث 5 افراد زندگی کی بازی ہار گئے۔
بین الاقوامی خبر رساں ادارے کی رپورٹ کے مطابق کوسٹا ریکا کے ادارائے برائے شہری ہوا بازی کے عہدیداروں کا اس حوالے سے کہنا تھا کہ ٹورٹوگورو کے علاقے سے سان جوسے جانے والا ”سسنا 206 اسٹیشن ایئر” طیارہ پیکو بلانکو پہاڑ کے قریب گر کر تباہ ہوگیا۔
ریڈ کراس کے بیان کے مطابق طیارے میں 6 افراد سوار تھے جن میں سے 5 ہلاک ہو گئے۔
واضح رہے کہ گزشتہ روز لتھوانیا میں کارگو طیارہ ولنیئس ہوائی اڈے پرلینڈنگ کے دوران گر کر تباہ ہوگیا تھا۔
طیارے میں موجود ایک شخص ہلاک ہوگیا جبکہ حادثے میں ایک مکان کو نقصان پہنچا جسے بعد میں خالی کروالیا گیا۔
حکام نے بتایا ہے کہ جہاز میں سوار تین دیگر افراد زخمی ہوئے ہیں اور ان میں سے ایک شخص کی حالت نازک ہے لیکن ایئرپورٹ پر کسی قسم کے جانی نقصان کی اطلاق نہیں ملی ہے۔
حادثے کے بعد آگ کے شعلے اور دھوئیں نے تباہ ہونے والے طیارے کو اپنی لپیٹ میں لے لیا جب کہ فائر بریگیڈ حکام کے طیارے میں لگی آگ پر قابو پالیا۔
گرجا گھر جانے افراد پر مسلح افراد کا حملہ، 30 ہلاک
فلائٹ ریڈار 24 کے مطابق 737-400 جیٹ، جو 0330 جی ایم ٹی پر گرا تھا، ڈی ایچ ایل کی جانب سے ائیر لائن سوئفٹ ایئر کے ذریعے چلایا گیا تھا، جو کہ ایک جرمن لاجسٹکس گروپ تھا اور لیپزگ، جرمنی سے روانہ ہوا تھا۔
