ARYNews.tv | Urdu – Har Lamha Bakhabar

Tag: ARY

  • انقرہ: پاکستانی سفارتخانے میں پرچم کشائی کی تقریب کا اہتمام

    انقرہ: پاکستانی سفارتخانے میں پرچم کشائی کی تقریب کا اہتمام

    انقرہ میں سفارتخانہ پاکستان میں یوم ِ پاکستان کے حوالے سے پرچم کشائی کی تقریب کا اہتمام کیا گیا جس میں سفارتخانے کے عملے سمیت انقرہ میں مقیم پاکستانی کمیونٹی اور ترک مہمان شریک ہوئے۔

    تقریب کا آغاز قومی ترانے کی ہمراہی میں پرچم کشائی کے ساتھ ہوا، تمام تر حاضرین وطن کی محبت کے جذبات سے سرشار دکھائی دیے۔

    انقرہ میں پاکستان کے سفیر ڈاکٹر یوسف جنید نے پرچم کشائی کی، انقرہ کے سب سے اونچے ٹاور پر پاکستان کے یوم آزادی پر ترکیے کی طرف سے مبارکباد کا پیغام چلایا گیا۔ پاکستانی اسکول کے بچوں نے قومی ترانے پیش کرتے ہوئے تارکین وطن کو وطن کی یاد دلائی۔

    پاکستان کے 77 ویں یوم آزادی کا پرتپاک استقبال، قومی پرچموں کی بہار

    استنبول میں بھی باسفورس کے پل کو پاکستانی جھنڈے کے رنگوں سے روشن کیا گیا۔

  • بھائی نے گلا دبا کر بہن کی جان لے لی

    بھائی نے گلا دبا کر بہن کی جان لے لی

    نئی دہلی: بھارتی ریاست اتر پردیش کے میرٹھ میں ایک 16 سالہ لڑکی کا مبینہ طور پر اس کے بھائی نے سرعام گلا گھونٹ دیا۔

    غیر ملکی ذرائع ابلاغ کے مطابق پولیس ذرائع کا اس حوالے سے کہنا ہے کہ مقتولہ غیر مذہب سے تعلق رکھنے والے شخص سے شادی کرنا چاہتی تھی، بھائی نے غیرت کے نام اپنی بہن کو موت کے گھاٹ اتار دیا۔

    پولیس کے مطابق 20 سالہ ملزم کوحراست میں لے لیا گیا ہے، پولیس نے لڑکی کے اہل خانہ کا حوالہ دیتے ہوئے کہا کہ لڑکی مبینہ طور پر ماضی میں اس شخص کے ساتھ دو بار فرار ہو چکی تھی۔

    بدھ کے دوران وہ اس کے ساتھ دوبارہ فرار ہونے کا منصوبہ بنا رہی تھی۔ اس کے بھائی کو معلوم ہوا اور اس نے اسے سمجھانے کی کوشش کی۔ مگر لڑکی کا کہنا تھا کہ وہ اسی شخص سے شادی کرے گی۔

    امریکا کے صدارتی الیکشن، سروے میں حیران کُن انکشاف

    اسی دوران لڑکی گھر سے نکل گئی اور اس کے بھائی نے اس کا پیچھا کیا اور مبینہ طور پر سڑک پر ہی اس کا گلہ گھونٹ کر ماردیا، لڑکی جس شخص جس کے ساتھ پہلے فرار ہوئی تھی اسے بھی حراست میں لے لیا گیا ہے۔

  • سعودی کابینہ نے اہم فیصلہ کرلیا

    سعودی کابینہ نے اہم فیصلہ کرلیا

    جدہ: خادم حرمین شریفین شاہ سلمان بن عبدالعزیز کی زیر صدارت سعودی کابینہ کے اجلاس میں لیبر قانون کے کچھ آرٹیکلز میں ترمیم کرنے اور فنڈ ریزنگ سسٹم کی منظوری دے دی گئی۔

    سعودی خبر رساں ادارے ایس پی اے کی رپورٹ کے مطابق خادم حرمین شریفین شاہ سلمان بن عبدالعزیز کی زیر صدارت اجلاس کو شاہ سلمان کی جانب سے ایرانی صدر کو بھیجے گئے پیغام اور سعودی ولی عہد سے فرانسیسی صدر کی جانب سے ٹیلی فونک رابطے کے بارے میں آگاہ کیا گیا۔

    سعودی وزیر مملکت، کابینہ کے رکن اور قائم مقام وزیر اطلاعات ڈاکر عصام بن سعد بن سعید کا کہنا تھا کہ سعودی کابینہ نے مختلف ملکوں اور تنظیموں کے ساتھ تعاون اورجوائنٹ ورک پر بات چیت کی جو مملکت کی پوزیشن، اس کے علاقائی اور بین الاقوامی کردار کو بڑھانے، مشترکہ مفادات کی تکمیل، خطے اور اس سے باہر استحکام اور خوشحالی کی سپورٹ کے لیے ہے۔

    مکہ مکرمہ میں ہونے والی اسلامی وزرائے اوقاف کی کانفرنس کے نتائج کو سراہا گیا جس کا مقصد اسلامی یکجہتی کو مضبوط بنانا، اعتدال پسندی کی وکالت کرنا اور مسلم دنیا کے خدشات کو دور کرکے اتحاد اور استحکام کو فروغ دینا ہے۔

    اجلاس میں بین الاقوامی پارٹنرز کے تعاون سے 100 ملکوں میں منصوبوں پر عملدرآمد کرنے پر شاہ سلمان مرکز برائے امداد و انسانی خدمات کی تعریف کی جو آفات اور بحران سے متاثرہ افراد کو انسانی امداد کی فراہمی اور مدد فراہم کرنے کیلیے مملکت کے عزم کا اظہار ہے۔

    سعودی کمیونیکیشن، سپیس اینڈ ٹیکنالوجی کمیشن اور ڈیجیٹل تعاون تنظیم کے درمیان کمیونیکیشن اور انفارمیشن ٹیکنالوجی کے شعبے میں مفاہمتی یادداشت کی منظوری دی گئی۔

    اجلاس میں سعودیہ اور برطانیہ کے درمیان جید ٹرانسپورٹیشن کے طریقوں اور ریلوے کے شعبے میں تعاون جبکہ سعودی پریس ایجنسی اور کویت نیوز ایجنسی کے درمیان تعاون اور خبروں کے تبادلے کے لیے مفاہمتی یادداشت کی بھی منظوری دی گئی۔

    کویت میں بڑی پابندی عائد کردی گئی

    سعودی کابینہ کے اجلاس میں سعودی عرب اور کرغیرستان کے درمیان سفارتی اور خصوصی پاسپورٹ رکھنے والوں کو قلیل مدتی ویزے سے استثنیٰ سے متعلق مفاہمتی یادداشت کی منظوری دی گئی۔

  • بس نے اسکوٹی کو روند ڈالا، ماں بیٹے سمیت جاں بحق

    بس نے اسکوٹی کو روند ڈالا، ماں بیٹے سمیت جاں بحق

    بھارت کے حیدرآباد میں خوفناک ٹریفک حادثے میں ماں اور بیٹا زندگی کی بازی ہار گئے۔

    بین الاقوامی خبر رساں ادارے کی رپورٹ کے مطابق حیدرآباد میں جہانگیر پیراں درگا کی زیارت کے لئے جانے والے ماں اور بیٹا خوفناک سڑک حادثے کا شکار ہوگئے، جبکہ ایک بیٹا شدید زخمی ہوگیا۔

    بھارتی میڈیا رپورٹس کے مطابق پرانے شہر کے فلک نما کے سعادت نگر سے تعلق رکھنے والی 36 سالہ ہاجرہ بیگم اپنے دو بیٹوں 12 سالہ عبدالرحمن اور 9 سالہ عبدالرحیم کو لے کر اسکوٹی پر جہانگیر پیراں درگا جارہی تھی کہ راستے میں آر ٹی سی بس نے اسکوٹی کوروند دیا۔

    خوفناک حادثے کے باعث اسکوٹی پر سوار تینوں شدید زخمی ہوگئے۔ ان کے پیچھے کار میں آنے والے دیگر رشتہ داروں نے خاتون اور دو بچوں کو شدید زخمی حالت میں اسپتال منتقل کردیا۔

    اسپتال منتقلی کے دوران ہاجرہ بیگم اور ان کا ایک بیٹا جاں بحق ہوگئے، جبکہ دوسرا بیٹا عبد الرحیم اسپتال میں زیر علاج ہے۔

    سیلفی لیتے ہوئے لڑکی کھائی میں جا گری، ویڈیو سامنے آگئی

    پولیس کے مطابق ہاجرہ بیگم اسکوٹر موڑ رہی تھی کہ مخالف سمت سے آنے والی بس نے انہیں روند دیا، پولیس نے اس سلسلہ میں ایک مقدمہ درج کرتے ہوئے تحقیقات شروع کردی ہیں۔

  • سیلفی لیتے ہوئے لڑکی کھائی میں جا گری، ویڈیو سامنے آگئی

    سیلفی لیتے ہوئے لڑکی کھائی میں جا گری، ویڈیو سامنے آگئی

    ممبئی: بھارتی ریاست مہاراشٹرا کے سیاحتی مقام بورنے گھاٹ میں ایک لڑکی کو کھائی کے نزدیک سیلفی لینا مہنگا پڑگیا۔

    بین الاقوامی خبر رساں ادارے کی رپورٹ کے مطابق سیلفی لینے کے دوران لڑکی کا پاؤں پھسل گیا اور وہ 100 فٹ گہری کھائی میں گر گئی۔

    پولیس کے مطابق مہاراشٹرا میں حالیہ دنوں میں موسلادھار بارشوں کے باعث آبشاروں کے پاس دلکش نظارے دیکھنے کو مل رہے ہیں، اس وجہ سے بڑی تعداد میں سیاح بھی یہاں پہنچ رہے ہیں۔

    رپورٹ کے مطابق پونا سے تعلق رکھنے والے کچھ لوگ بوران گھاٹ پہنچے تھے، اس گروپ میں شامل نسرین امیر قریشی نامی لڑکی سیلفی لینے کے دوران حادثاتی طور پر 100 فٹ گہری کھائی میں گئی۔

    اس موقع پر فوری طور پر ریسکیو کا کا م شروع کیا گیا اور ہوم گارڈ اور مقامی افراد کی مدد سے لڑکی کو باہر نکالنے میں کامیابی حاصل کی گئی اور اسے علاج کے لیے اسپتال منتقل کردیا گیا۔ جہاں اس کی حالت تشویش ناک بتائی جارہی ہے۔

    ضلع کلکٹڑ جتیندرا کا اس حوالے سے کہنا تھا کہ زائد بارش کی وجہ سے مٹی پر پاؤں پھسلنے کا خطرہ لاحق ہوتا ہے، اس لئے ایسے واقعات رونما ہوجاتے ہیں۔ انہوں نے سیاحوں کو مشورہ دیا ہے کہ موسلا دھار بارشوں کے دنوں میں ایسے مقامات پر جانے سے گریز کریں۔

  • بنگلہ دیش نے ملک بھر میں سوشل میڈیا پلیٹ فارمز پر پابندی لگادی

    بنگلہ دیش نے ملک بھر میں سوشل میڈیا پلیٹ فارمز پر پابندی لگادی

    ڈھاکا: بنگلہ دیش حکومت کی جانب سے ملک بھر میں سوشل میڈیا پلیٹ فارمز ٹک ٹاک، واٹس ایپ، یوٹیوب پرپابندی عائد کردی گئی ہے۔

    غیر ملکی میڈیا رپورٹس کے مطابق بنگلہ دیش میں طلبا تحریک کی جانب سے ملک گیر مظاہروں کاسلسلہ جاری ہے، گزشتہ روز احتجاج کے دوران 2 افراد ہلاک، 100سے زائد زخمی ہوئے تھے۔

    رپورٹس کے مطابق مظاہرین کی جانب سے کوٹہ مخالف احتجاج میں مارے جانے والے افراد کے لئے انصاف کا مطالبہ کیا جارہا ہے۔

    اس سے قبل بنگلہ دیش میں مظاہرہ کرنے والے طلبہ کا کہنا تھا کہ سرکاری ملازمتوں پر کوٹہ سسٹم کا نظام متعصبانہ ہے اس کی اہلیت کا معیار صرف میرٹ ہونی چاہیے۔ ان کا یہ مطالبہ ہے کہ نظام میں اصلاحات اور اعلیٰ سرکاری ملازمتوں کو منصفانہ طور پر تقسیم کیا جائے۔

    یہ احتجاج جاری تھا کہ بنگلہ دیشی وزیراعظم حسینہ واجد نے کوٹہ سسٹم کے خلاف احتجاج کرنے والوں کو 1971 کی جنگ میں پاکستان کی مدد کرنے والوں سے تشبیہہ دی جس نے جلتی پر تیلی کا کام کیا اور مظاہرین بپھر گئے۔

    اس کے بعد دارالحکومت ڈھاکا سمیت کئی شہروں میں احتجاجی مظاہروں کے دوران کوٹہ سسٹم کے خلاف اور برسراقتدار عوامی لیگ کے طلبا کے درمیان بھی جھڑپیں ہوئیں جن میں لاٹھیوں اور اینٹوں کا آزادانہ استعمال ہوا جب کہ پولیس کی جانب سے بھی مظاہرین پر آنسو گیس فائر اور ربڑ کی گولیاں برسائی گئیں جس نے چھ خاندانوں کے چراغ گل اور سینکڑوں کو زخمی کر دیا جب کہ احتجاج کی قیادت کرنے والوں نے اس تشدد کا ذمے دار عوامی لیگ کو قرار دیا ہے۔

    تل ابیب میں ترک پرچم سرنگوں، اسرائیل کا واویلا، نائب سفیر کی طلبی

    بڑھتے احتجاج کے بعد بنگلہ دیش کی عدالت نے کوٹہ نظام معطل کر دیا تھا لیکن مظاہرین کا مطالبہ ہے اسے مستقل بنیادوں پر ختم کر دیا جائے۔

  • آسٹریلوی پادری نے اسلام قبول کرلیا۔۔کس چیز سے متاثر ہوئے؟

    آسٹریلوی پادری نے اسلام قبول کرلیا۔۔کس چیز سے متاثر ہوئے؟

    آسٹریلوی پادری گولڈ ڈیوڈ نے زندگی کے 45 سال چرچ میں وقف کرنے کے بعد دین محمدیؐ سے متاثر ہوکر اسلام قبول کرلیا۔

    بین الاقوامی خبر رساں ادارے کی رپورٹ کے مطابق آسٹریلوی پادری گولڈ ڈیوڈ نے قبول اسلام کے بعد اپنا اسلامی نام عبد الرحمن رکھا ہے۔

    رپورٹس کے مطابق آسٹریلوی پادری گولڈ ڈیوڈ نے بتایا کہ وہ اپنے بہنوئی کے جنازے میں شرکت کے لیے پرتھ کے سفر کے دوران اسلام سے اس وقت متاثر ہوئے جب اُنہوں نے پرتھ کی مرکزی مسجد سے محض 150 میٹر کے فاصلے پر ایک ہوٹل کرائے پر حاصل کیا۔

    پرتھ کی مرکزی مسجد کے قریب ہوٹل میں اچانک ان کا دل چاہا کہ وہ اس مسجد میں جائیں جہاں اذان ہورہی تھی، جس کے بعد وہ مسجد میں گئے اور وہاں کے امام سے ملاقات کی، جنہوں نے انہیں دنیا کا بہترین تحفہ کلام پاک دیا۔

    آسٹریلوی پادری نے کہا کہ کئی سالوں سے میرے پاس قرآن مجید موجود ہے، مگر اسے پڑھنے کا اتفاق نہیں ہوا تھا، مگر پرتھ میں مسجد سے جب میں واپس ہوٹل میں گیا تو گھٹنے ٹیک کر خدا سے دعا کی کہ مجھے مکمل سچائی دکھا۔

    متحدہ عرب امارات: غیر ملکی اقامہ ہولڈرز کیلئے خوشخبری

    پادری نے کہا کہ دعا کرنے کے بعد میں قرآن پاک کی تلاوت کی اور اسے پڑھتے ہوئے مجھے فکری، جذباتی اور روحانی طور پر احساس ہوا کہ یہ خدا کا سچا کلام ہے اور میں نے اسلام قبول کرنے کا فیصلہ کیا۔

  • پیٹرول پمپ پر 20 لاکھ کی ڈکیتی کا معاملہ، واردات کرانے والے سابقہ ملازم نکلے

    پیٹرول پمپ پر 20 لاکھ کی ڈکیتی کا معاملہ، واردات کرانے والے سابقہ ملازم نکلے

    کراچی: الفلاح شمسی سوسائٹی میں پیٹرول پمپ پر 20 لاکھ روپے کی ڈکیتی کے معاملے میں اہم پیش رفت ہوئی ہے۔

    اے آر وائی نیوز کے مطابق ایس ایس پی کورنگی توحید رحمان کا کہنا ہے کہ پمپ پر 2 مرتبہ ڈکیتی کرانے والے سابقہ ملازم ہیں، الفلاح پولیس نے ڈکیتی میں ملوث 3 ملزمان کو حراست میں لے لیا ہے۔

    ایس ایس پی کورنگی نے بتایا کہ ملزمان ڈکیتی کے دوران پولیس اہلکار کا اسلحہ بھی لے کر فرار ہوئے تھے، ملزمان نے 20 جولائی کو پیٹرول پمپ کا کیش لوٹا تھا۔

    ٹیکنیکل بنیادوں پر ملزمان کو گرفتار کیا گیا ہے، ملزمان سے 3 پستول، 2 لاکھ کیش برآمد کرلیا گیا ہے، سابقہ ملازمین ڈکیت گروہ کو بھاری کیش کی مخبری کرتے تھے۔

    کراچی میں طوفانی بارش، نشیبی علاقے زیر آب

    ایس ایس پی کورنگی کا کہنا تھا کہ ملزمان نے 6 ماہ قبل بھی پمپ سے 13 لاکھ 60 ہزار کیش چھینا تھا، ملزمان میں علی حیدر، پرویز احمد اور ندیم شامل ہیں جن سے تفتیش جاری ہے، 3 ملزمان کی گرفتاری کیلیے چھاپے مارے جارہے ہیں۔

  • سعودی عرب: خوفناک ٹریفک حادثے میں 4 افراد ہلاک، 19 زخمی

    سعودی عرب: خوفناک ٹریفک حادثے میں 4 افراد ہلاک، 19 زخمی

    سعودی عرب میں الرین، بیشہ شاہراہ پر گرد و غبار کے باعث گاڑیاں ایک دوسرے سے ٹکرا گئیں، جس کے نتیجے میں 4 افراد لقمہ اجل بن گئے۔

    سعودی خبر رساں ادارے کی رپورٹ کے مطابق حکام نے بتایا کہ حادثے کے باعث 4 افراد جاں بحق اور 19 زخمی ہوگئے، زخمیو ں کو سعودی ہلال احمر کی ایمبولنسز کے ذریعے اسپتال منتقل کردیا گیا ہے۔

    اسپتال انتظامیہ کا کہنا ہے کہ حادثے میں زخمی ہونے والے بعض افراد کو گھر بھیج دیا گیا ہے جبکہ کچھ کو علاج کے لیے اسپتال میں داخل کرلیا گیا۔

    اس سے قبل یمن میں تارکین وطن کی کشتی رات گئے حادثے کا شکار ہوگئی، کشتی اُلٹنے کے باعث 45 افراد سمندر کی لہروں کی نظر ہوگئے۔

    اقوام متحدہ کے ہائی کمشنر برائے مہاجرین کا کہنا ہے کہ کشتی الٹنے کا واقعہ یمن کے شہر تائز گورنریٹ کے سمندر میں گزشتہ رات پیش آیا۔

    کینیڈا کے جنگلات میں آگ، تاریخی قصبہ راکھ کا ڈھیر بن گیا

    رپورٹس کے مطابق کشتی کو حادثہ تیز ہواؤں اور گنجائش سے زیادہ افراد کے سوار ہونے کی وجہ سے پیش آیا، حادثے کے وقت کشتی میں 45 تارکین وطن سوار تھے۔

  • تیز رفتار کار نے دو خواتین کو کچل دیا، موقع پر جاں بحق

    تیز رفتار کار نے دو خواتین کو کچل دیا، موقع پر جاں بحق

    بھارت کے نظان آباد آرمور میں تیز رفتار کار کی ٹکر کے نتیجے میں دو خواتین موقع پر ہی زندگی کی بازی ہار گئیں۔

    بین الاقوامی خبر رساں ادارے کی رپورٹ کے مطابق داس نگر میں گزشتہ روز ایک خوفناک حادثہ پیش آیا، جس میں دو خواتین لقمہ اجل بن گئیں۔

    بھارتی میڈیا رپورٹ کے مطابق ستیش نامی شخص نشے میں دھت ہوکر کار چلا رہا تھا، اس نے داس نگر سڑک پر پیدل چل رہی دو خواتین کو کچل دیا۔

    حادثے میں ہلاک ہونے والی خواتین کی شناخت پوچاوا (64) اور پدما (35) کے نام سے ہوئی ہے۔ حادثے کے نتیجے میں دو طالبات بھی شدید زخمی ہوئی ہیں جس میں سے ایک کی حالت تشویشناک ہے۔

    سڑک حادثہ کی اطلاع ملتے ہی پولیس حکام اور ریسکیو کا عملہ جائے حادثے پر پہنچ گئے، پولیس نے بتایا کہ ستیش نظام آباد آر ڈی او آفس میں کمپیوٹر آپریٹر کے طور پر کام کرتا ہے۔

    پولیس کے مطابق کار ڈرائیور ستیش حادثے کے وقت شراب کے نشے میں تھا۔ شراب پی کر تیز رفتاری سے کار چلانے والے آر ڈی او آفس کے کمپیوٹر آپریٹر ستیش کو مقامی لوگوں نے پکڑ کر پولیس کے حوالے کر دیا۔

    ویڈیو : ٹرین کو دیکھ کر میاں بیوی نے گہری کھائی میں چھلانگ لگادی

    ماکلور ایس آئی ستیش کے مطابق سڑک حادثہ کا سبب بننے والے شخص کے خلاف مقدمہ درج کر لیا گیا ہے اور تحقیقات شروع کر دی گئی ہے۔