Tag: ARY

ڈھاکہ: عام انتخابات سے قبل ووٹرز کوخوفزدہ کرنے کیلئے مسافر ٹرین کو آگ لگادی گئی۔ جس کے باعث 4 افراد جھلس کر جاں بحق ہوگئے۔

غیر ملکی ذرائع ابلاغ کے مطابق ریسکیو حکام کا کہنا ہے کہ آگ نے دیکھتے ہی دیکھتے 4 بوگیوں کو اپنی لپیٹ میں لے لیا، جبکہ 4 لاشوں کو اسپتال منتقل کر دیا گیا ہے۔

ڈھاکہ پولیس کا کہنا ہے کہ واقعے کا اصل مقصد عام انتخابات سے قبل ووٹرز میں خوف و ہراس پھیلانا ہے، شرپسندوں کے خلاف سخت کارروائی عمل میں لائی جائے گی۔

دوسری جانب امریکا میں صدارتی انتخابات سے قبل سیاسی ماحول گرم ہوگیا ہے، سابق امریکی صدر ڈونلڈ ٹرمپ نے بائیڈن کو شدید تنقید کا نشانہ بناتے ہوئے کہا ہے کہ بائیڈن خامیوں سے بھرے، نااہل، کرپٹ اور ناکام شخص ہیں۔

سابق امریکی صدر ٹرمپ نے کہا کہ جوبائیڈن جمہوریت کو خطرہ کی بات کہہ کر ملک میں خوف کی فضا پیدا کرنا چاہتے ہیں۔

ریاض میں کار سوار نے 2 افراد کو روند دیا

سابق امریکی صدر کا کہنا تھا کہ بائیڈن کی حالت قابل رحم ہے۔ بائیڈن پنسلوینیا میں اپنی انتخابی مہم میں خوف پھیلا رہے تھے۔

حج کی کوریج کرنے والی سعودی عرب کی خاتون فوٹو گرافر نبیلہ ابو الجدایل نے کہا ہے کہ بچپن سے فوٹو گرافی کا شوق تھا اور اپنے شوق کے باعث فوٹو گرافی کی فیلڈ میں قدم رکھا۔

غیر ملکی ذرائع ابلاغ کے مطابق سعودی خاتون فوٹو گرافر نبیلہ ابو الجدایل نے روایت پسند معاشرے میں ایک نئی سوچ پیدا کرنے کے ساتھ فوٹو گرافی میں مردوں کی اجارہ داری کوبھی چیلنج کیا۔

ایک انٹرویو میں انہوں نے کہا کہ میری والدہ نے فوٹو گرافی کے شوق اور میری خواہشات کا احترام کیا جس کے بعد فوٹو گرافی کے لیے پہلا کیمرہ خریدا۔

نبیلہ ابو الجدایل کا کہنا تھا کہ فوٹو گرافی سے ان کی محبت لمحات کو دستاویزی شکل دینے کی اہمیت کے احساس کے باعث ہے، چاہے وہ پینٹنگز کے ذریعے ہوں یا تصاویر کے ذریعے۔

انہوں نے کہا کہ میرا ماننا ہے کہ لمحات وقت گزرنے کے ساتھ دھندلا جاتے ہیں مگر کیمرہ انہیں دستاویزی شکل دے کر ہمیشہ کے لئے یادگار بنا دیتا ہے۔

سعودی خاتون فوٹوگرافر کا کہنا تھا کہ میں نے اپنے مذہب اور ملک کے لیے فوٹو گرافی کی فیلڈ کو چنا ہے، پہلی خواہش یہ ہے کہ ہم سعودیوں اور مسلمانوں کی حیثیت سے اپنی کہانیوں کو دستاویزی شکل میں ڈھال دیں۔

انہوں نے کہا کہ مجھے یہ اعزاز بھی حاصل ہے کہ ایک فوٹو گرافر کے طور پر مسلسل تین سال تک حج سیزن میں فوٹو گرافی کے فرائض سر انجام دیئے۔ برطانوی چینل کیلیے حج کی کوریج بھی کی۔ اس دوران حج کے حوالے سے ایک دستاویزی فلم بھی بنائی۔

فلسطینیوں کیلئے 2023 خوفناک سال، ساڑھے 22 ہزار شہادتیں

ایک کامیاب تصویر کے متعلق اُن کا کہنا تھا کہ آپ ایک ایک اچھی تصویر کیلیے متعدد بار کوششیں کرتے ہیں، فوٹو گرافی کیلیے بہترین اینگل تلاش کرنے کی کوشش کرتے ہیں اور بہترین نتائج حاصل کرنے میں کامیاب ہوتے ہیں۔

سعودی عرب میں انتظامیہ کی جانب سے ایپ ٹیکسی ڈرائیوروں پر نئی پابندی عائد کر دی گئی ہے، اس پابندی کا مقصد مسافروں کے حقوق کا تحفظ کرنا ہے۔

بین الاقوامی خبر رساں ادارے کی رپورٹ کے مطابق سعودی عرب میں ٹیکسی سروس کے امور کی نگراں کمیٹی کے جاری کردہ بیان میں کہا گیا ہے کہ ”اگر ایپ ٹیکسی کا ڈرائیور ایک ماہ میں پانچ سواریوں کی بکنگ منسوخ کرتا ہے تو اسے ایک ماہ کے لیے معطل کیا جا سکتا ہے“۔

رپورٹ کے مطابق ٹیکسی سروسز کی نگران کمیٹی کا اپنے بیان میں کہنا تھا کہ ضوابط کا مقصد ٹیکسی سروس سیکٹر میں سرمایہ کاروں اور مسافروں کے حقوق کا تحفظ کرنا ہے۔

ٹیکسی سروس ریگولیشنز کی شق 42 میں سروے رپورٹ کے بعدکچھ تبدیلیاں کی گئی ہیں تاکہ اس شعبے کو مزید بہتر سے بہتر بنایا جا سکے۔

سعودی عرب میں شدید برفباری، سیاحوں کے چہرے کھل اُٹھے

ضوابط میں تبدیلی نہ صرف اس شعبے میں سرمایہ کاروں، صارفین اور ٹیکسی کے ڈرائیوروں کے حقوق کا تحفظ کرے گی۔ بلکہ اس تبدیلی کے باعث اس شعبے میں مزید بہتری سامنے آئے گی، جس سے سرمایہ کاری میں بھی مزید اضافہ ہوگا۔