Tag: ARY

بسکٹ ایک ایسی غذا ہے جسے ہم تقریباً روزانہ کی بنیاد پر استعمال کرتے ہیں، بچے ہوں یا بڑے سب ہی بسکٹ بہت شوق سے کھاتے ہیں، چاکلیٹ اور کریم والے بسکٹ عام طور بہت زیادہ پسند کئے جاتے ہیں، اس سے قطعہ نظر کہ بسکٹ ہماری صحت کیلئے نقصان دہ ہیں یا فائدہ مند؟

بسکٹ کی تیاری میں میدے کا استعمال کیا جاتا ہے، مگر کچھ بسکٹ اناج سے بھی تیار کئے جاتے ہیں، ایسے بسکٹس جس میں چینی، کریم، چاکلیٹ کا استعمال کیا گیا ہو ان سے پرہیز کرنا زیادہ بہتر ہے، کیونکہ ان میں کیلوریز کی بہت زیادہ مقدار ہوتی ہے، اس کے علاوہ سیچوریٹڈ چکنائی اور مکھن بھی بڑی مقدار میں استعمال کیا جاتا ہے، جو صحت کے لئے مفید نہیں ہے۔

بسکٹ کو تیار کرنے کے لئے مختلف اجزاء اور ذائقوں کا استعمال کیا جاتا ہے، جیسے جام، آئسنگ، چاکلیٹ، چینی، دار چینی، یا ادرک کا بھی استعمال کیا جاتا ہے۔ اس کے علاوہ چاکلیٹ کوٹڈ بسکٹ اور کریم والے بسکٹ بھی شامل ہیں۔

یو ایس ڈی اے کا اپنی تحقیق میں کہنا ہے کہ ایک معیاری بسکٹ 45 گرام میں ہونا چاہئے۔جس کی کیلوریز: 166ہونی چاہئے، کاربوہائیڈریٹ: 19.3 گرام، آئرن: 1.2 ملی گرام، سیر شدہ چربی: 8.5 گرام، سوڈیم بائی کاربونیٹ: 441 ملی گرام، شوگر: 1.8 گرام، پروٹین: 3.2 گرام، فائبر: 1.1 گرام،فولیٹ: 54.4 ملی گرام،کیلشیم: 31.5 ملی گرام ہونا چاہئے۔

بسکٹ میں اگر یہ غذائی اجراء شامل ہوں تو زیادہ بہتر ہے، اس فہرست سے ہمیں اندازا ہوجاتا ہے کہ بسکٹ بہت زیادہ کیلوریز فراہم کرتے ہیں، ان میں ریشے اور شکر کا استعمال زیادہ اور معدنیات کی قلیل مقدار ہوتی ہے۔

بسکٹ میں 19.3 گرام کاربوہائیڈریٹ ہوتے ہیں۔ ان میں 3.2 گرام شکر کی مقدار بھی ہوسکتی ہے، یہ بات تو سب ہی جانتے ہیں کہ شکر بھی انتہائی پروسس شدہ کاربو ہائیڈریٹ ہیں۔ اس سے یہ ثابت ہوتا ہے کہ بسکٹ میں 20 گرام + کاربو ہائیڈریٹ شامل ہوتے ہیں، جبکہ صرف 3.2 گرام پروٹین۔ لہٰذا، بسکٹ کاربو ہائیڈریٹ ہیں، وہ پروٹین یا غیر صحت بخش چربی نہیں ہیں۔

مگر ایسا نہیں ہے کہ تمام ہی بسکٹ آپ کی صحت کے لئے نقصان دہ ہیں، ہول گرین بسکٹ کی اگر بات کی جائے تو آپ کی صحت کے لئے مضر نہیں ہوتے، انہیں آپ کسی بھی وقت کھا سکتے ہیں، یہ آپ کی صحت کے لئے اچھے ہوتے ہیں۔

جو لوگ مستقل بنیادوں پر ورزش کرتے ہیں، انہیں فوری توانائی کی ضرورت ہوتی ہے تاکہ ورزش کا بہترین نتیجہ سامنے آسکے، ایسے میں اگر کچھ کھانے کے لئے موجود نہ ہو تو آپ ورزش سے قبل ایک یا دو بسکٹ کھا سکتے ہیں۔

معالج عام طور پر کم فائبر والی غذا ؤں کا مشورہ دیتے ہیں، فائبر صحت کے لئے مفید ہیں، کیونکہ یہ آسانی سے ہضم ہوجاتا ہے، یہاں ایک اچھا آپشن بسکٹ ہے کیونکہ ان میں فائبر کا مواد کم استعمال ہوتا ہے اور یہ خوش ذائقہ بھی ہوتے ہیں۔

بخار کے بعد عموماً دیکھنے میں آیا ہے کہ ہونٹوں کے ارد گرد کی جگہ سرخ ہوجاتی ہے اور ہونٹوں پر باریک چھالے بھی بن جاتے ہیں، یہ چھالے کافی تکلیف کا باعث ہوتے ہیں۔

ان چھالوں کو فیور بلسٹر یعنی بخار کے چھالے یا کولڈ سور یعنی سرد زخم کہا جاتا ہے۔ یہ تکلیف دہ سفید یا زرد چھالے ہونٹ، منہ کے اردگرد اور ناک کے پاس بنتے ہیں۔

یہ چھالے ہونے کی ایک اہم وجہ بخار کے باعث ہونے والا انکفیکشن ہوتا ہے، جسے ہرپس سمپلیکس وائرس یا ایچ ایس وی 1 کا نام دیا گیا ہے، اس وائرس میں چھالوں کے علاوہ مختلف عام موسمی بیماریاں اور تھکاوٹ بھی شامل ہے۔

بعض محرکات وائرس مزید بڑھا سکتے ہیں، جیسے کوئی بیماری یا بخار، سورج میں زیادہ وقت گزارنا، چوٹ لگنا، نزلہ و زکام اور اسٹریس وغیرہ، یہ وائرس عام طور پر اعصابی خلیوں میں رہتا ہے، یہی وائرس بار بار بخار کے چھالوں کا باعث بنتا ہے۔

ایک رپورٹ کے مطابق تقریباً 90 فیصد امریکی بالغ افراد اس وائرس کی زد میں آتے ہیں، جبکہ بعض افراد میں اس وائرس کی کوئی علامات ظاہر نہیں ہوتی ہیں۔

ایسے افراد جن کی ہرپس سورج کی روشنی سے متحرک ہوتے ہیں، انہیں چاہئے کہ سورج کی روشنی سے بچیں اور سن اسکرین لگانا ضرروی ہے تاکہ اس سے محفوظ رہنے میں مدد مل سکے۔

اس وائرس کا تاحال کوئی علاج دریافت نہیں ہوا ہے، کوشش یہ کرنی چاہئے کہ جب یہ وائرس فعال ہونے لگے تو کھانے پینے کے برتن اور تولیہ کا اشتراک دوسرے فرد سے نہ کیا جائے۔

وائرس کی 2عام اقسام:

ہرپس سمپلیکس وائرس ٹائپ 1 (HSV-1) اکثر منہ کے انفیکشن سے منسلک ہوتا ہے۔ہرپس سمپلیکس وائرس ٹائپ 2 (HSV-2)۔ وائرس کی یہ قسم اکثر جینیاتی ہرپس کے انفیکشن سے جڑی ہوتی ہے، کوئی شخص اگر اس سے ایک بار متاثر ہوجائے تو وائرس ساری زندگی اس کا پیچھا نہیں چھوڑتا۔

جب وائرس فعال نہیں ہوتا ہے، تو یہ اعصابی خلیوں کے ایک گروپ میں غیر متحرک رہتا ہے، کچھ لوگوں میں کبھی بھی وائرس کی کوئی علامت ظاہر نہیں ہوتی جبکہ دوسروں کو وقتاً فوقتاً اس کا انفیکشن ہوتا رہتا ہے۔ اس لئے اس وائرس سے بچاؤ کے لئے احتیاطی تدابیر ضرور اختیار کرنی چاہئیں۔