Tag: ARY

  • آسٹریلیا کے اہم بلے باز کا چیمپئنز ٹرافی سے باہر ہونے کا خدشہ

    آسٹریلیا کے اہم بلے باز کا چیمپئنز ٹرافی سے باہر ہونے کا خدشہ

    آسٹریلین کرکٹ ٹیم کے جارح مزاج بلے باز میتھیو شارٹ کے آئی سی سی چیمپئنز ٹرافی 2025 سے باہر ہونے کا امکان ظاہر کیا جارہا ہے۔

    آسٹریلیا کا چیمپئنز ٹرافی میں سیمی فائنل انڈیا یا نیوزی لینڈ کے خلاف آئندہ ہفتے ہو گا، آسٹریلیا کے جارح مزاج بلے باز میتھیو شارٹ انجری کا شکار ہونے کے باعث چیمپئنز ٹرافی کے سیمی فائنل سے باہر ہوسکتے ہیں۔

    آسٹریلوی بلے باز افغانستان کے خلاف میچ میں گھٹنے کی انجری کا شکار ہوگئے تھے۔

    آسٹریلوی کپتان اسٹیو اسمتھ کا کہنا ہے میرا نہیں خیال میتھیو سیمی فائنل کے لیے فٹ ہوں گے، میتھیو مشکل میں ہیں، وہ زیادہ حرکت نہیں کر سکتے تھے، میتھیو کے فٹ ہونے کے لیے وقت زیادتہ نہیں ہے۔

    میڈیا رپورٹس میں کہا جا رہا ہے کہ میتھیو فٹ نہ ہوئے تو ان کی جگہ جیک فریزر میکگرک کو شامل کیا جا سکتا ہے۔

    دوسری جانب آسٹریلوی کپتان اسٹیو اسمتھ نے افغانستان کے خلاف میچ میں اسپورٹس مین اسپرٹ کا مظاہرہ کیا جس کی ویڈیو سوشل میڈیا پر بھی وائرل ہوگئی۔

    لاہور میں کھیلے گئے چیمپئنز ٹرافی کے نویں میچ میں آسٹریلوی وکٹ کیپر جوش انگلس نے امپائر کی جانب سے اوور پکارے جانے سے قبل ہی نور احمد کے کریز چھوڑنے پر انہیں رن آؤٹ کیا۔

    ویڈیو میں دیکھا جاسکتا ہے کہ نور احمد ساتھی کھلاڑی عظمت اللہ عمرزئی سے بات کرنے بیچ پچ پر چلے گئے جبکہ امپائر نے اوور نہیں کہا تھا۔

    بڑے ناموں کو آرام دے کر بعد دوبارہ واپس لایا جائے گا، باسط علی

    ری پلے میں دکھایا گیا کہ نور کیریئر سے باہر ہیں لیکن اسٹیو اسمتھ نے امپائر کو تھرڈ امپائر کی جانب سے اشارہ کرنے سے منع کردیا۔

    اگر اسٹیو اسمتھ اپیل واپس نہیں لیتے تو نور رن آؤٹ ہوجاتے۔

  • دلہن کی رخصتی کے وقت عجیب حرکت، سسرالی بھڑک اُٹھے، ویڈیو وائرل

    دلہن کی رخصتی کے وقت عجیب حرکت، سسرالی بھڑک اُٹھے، ویڈیو وائرل

    بھارت میں اپنی شادی کی پانچویں سالگرہ منانے والے شخص نے دلہن کی رخصتی کی ویڈیو شیئر کی ہے، جس پر سوشل میڈیا صارفین کی جانب سے ملے جلے رد عمل کا اظہار کیا جارہا ہے۔

    بھارتی میڈیا رپورٹس کے مطابق ملک میں آج کل شادیوں کا سیزن چل رہا ہے، ایسے میں کئی جوڑے اپنی شادی کی سالگرہ مناتے ہوئے یادگار لمحات سوشل میڈیا پر شیئر کررہے ہیں۔

    رپورٹس کے مطابق ایسا ہی ایک واقعہ ایک شخص کی جانب سے سوشل میڈیا پر شیئر کیا گیا ہے، جس میں دلہن کی انوکھی رخصتی کو دیکھا جاسکتا ہے۔

    سوشل میڈیا پر شیئر کی گئی ویڈیو میں دیکھا جاسکتا ہے کہ شادی کی تمام رسومات روایتی طریقے سے ادا کی جا رہی ہیں۔ جیسے ہی پنڈت دلہن کو کہتا ہے کہ وہ ٹوکری سے چاول نکال کر اپنے والدین پر پھینکے، دلہن چاولوں کے ساتھ پوری ٹوکری ہی ان پر اچھال دیتی ہے۔

    رپورٹس کے مطابق دلہن کی اس حرکت پر پہلے تودلہا پیچھے مڑ کر حیرت سے دیکھتا ہے اور ہنس پڑتا ہے۔ دلہن کے والدین اور دیگر رشتہ دار بھی اس منظر سے لطف اندوز ہوتے ہیں۔

    مذکورہ ویڈیو نمیش دوشی نامی شخص نے شیئر کی، جس نے کیپشن میں لکھا کہ پانچ سال ہو گئے، لیکن رخصتی کا یہ حسین لمحہ آج بھی بالکل تازہ ہے، ایسا لگتا ہے جیسے کل ہی کی بات ہے۔

    سوشل میڈیا صارفین نے یہ ویڈیو وائرل ہونے کے بعد دلچسپ تبصرے کیے۔ ایک صارف کا کہنا تھا کہ ”لگتا ہے بہن نے کبھی وداعی کی رسومات نہیں دیکھی ہوں گی!“

    دوسرے صارف نے تبصرہ کرتے ہوئے کہا کہ ”یہ تو کچھ زیادہ ہی ہو گیا، ویسے شادی کی سالگرہ مبارک ہو!“

    تیسرے صارف کا کہنا تھا کہ ”ایسی رخصتی پہلی بار دیکھی ہے، ہنسی روکنا مشکل ہو گیا!“۔۔

    سوشل میڈیا پر یہ ویڈیو تیزی سے وائرل ہورہی ہے اور اسے اب تک لاکھوں لائکس مل چکے ہیں، لوگوں نے دلہن کی منفرد وداعی پر نہ صرف ہنستے ہوئے ایموجیز پوسٹ کیے بلکہ جوڑے کو شادی کی سالگرہ کی مبارکباد یں بھی پیش کی جارہی ہیں۔

  • کانگو میں پراسرار بیماری سے 53 ہلاک، الرٹ جاری

    کانگو میں پراسرار بیماری سے 53 ہلاک، الرٹ جاری

    عالمی ادارہ صحت (ڈبلیو ایچ او) کی جانب سے تصدیق کی گئی ہے کہ کانگو کے شمال مشرق میں 21 جنوری سے پھیلنے والی ایک پراسرار بیماری سے تاحال سیکڑوں افراد متاثر جبکہ 53 افراد لقمہ اجل بن گئے ہیں۔

    غیر ملکی ذرائع ابلاغ کے مطابق پر اسرار وائرس سب سے پہلے بولوکو کے قصبے میں ظاہر ہوا تھا جہاں 3 بچے ایک مردہ چمگادڑ کھانے کے بعد ناک سے خون بہنے اور خون کی قے کے باعث چل بسے تھے۔

    رپورٹس کے مطابق پراسرار بیماری کے زیرِ اثر زیادہ تر مریضوں کی پہلی علامت ظاہر ہونے کے 48 گھنٹوں کے اندر موت واقع ہوئی۔

    ڈبلیو ایچ او کی جانب سے کونگو میں پھیلے اس پراسرار وائرس کے باعث صورتِ حال پر قابو پانے کے لیے کوششیں کی جارہی ہیں۔

    طبی ماہرین کا کہنا ہے کہ اس بیماری میں اموات کی شرح 12.3 فیصد ہے جس سے متاثرہ افراد ملک کے لیے اہم خطرہ ہیں، لیبارٹری ٹیسٹوں سے پتہ چلتا ہے کہ اس بیماری کا ایبولا یا ماربرگ جیسی زیادہ تشویش ناک بیماریوں سے کوئی تعلق نہیں ہے۔

    اس سے قبل کانگو کی ایک جھیل میں کشتی اُلٹنے کا افسوسناک واقعہ پیش آیاتھا جس کے نتیجے میں 78 افراد زندگی کی بازی ہار گئے تھے۔

    کانگو کی جھیل کیوو میں 278 مسافروں سے بھری کشتی حادثے کا شکار ہوگئی تھی، جس سے کم از کم 78 افراد جھیل میں ڈوب گئے۔

    کانگو میں امریکی اور برطانویوں سمیت 37 افراد کو سزائے موت

    سوشل میڈیا پر شیئر کی گئی ویڈیو فوٹیج میں ایک بھاری ملٹی ڈیک جہاز کو پانی میں اُلٹتے ہوئے دیکھا جاسکتا ہے جبکہ مسافر تیرتے ہوئے اپنی جان بچانے کی کوششوں میں مصروف ہیں۔

  • سفیان مقیم کہاں ہے؟ باسط علی اور نجیب الحسنین، عاقب جاوید پر برس پڑے

    سفیان مقیم کہاں ہے؟ باسط علی اور نجیب الحسنین، عاقب جاوید پر برس پڑے

    پاکستانی ٹیم کی آئی سی سی چیمپئنز ٹرافی کے اہم میچ میں بھارت کے ہاتھوں شرمناک شکست پر سابق کرکٹرز کی جانب سے تنقید کا سلسلہ جاری ہے۔

    اے آر وائی نیوز کے اسپورٹس پروگرام ہر لمحہ پرجوش میں گفتگو کرتے ہوئے تجزیہ کار نجیب الحسنین نے کہا کہ ’پاکستان ٹیم کی رسوائی اور ہمارے کوچ صاحب کی ڈھٹائی‘ ہیڈ کوچ عاقب جاوید کی پریس کانفرنس پر بات کرتے ہوئے نجیب الحسنین نے متعدد سوال اُٹھائے۔

    اسپورٹس تجزیہ کار نجیب الحسنین نے کہا کہ ”پاکستانی ٹیم کے ہیڈ کوچ عاقب جاوید کہہ رہے کہ یہ نا تجربہ کار ٹیم ہے“۔ اس ٹیم میں کتنے ایونٹس میں آپ کے مین پلیئرز وہی ہیں جنہوں نے آئی سی سی کے پچھلے ایونٹس کھیلے ہیں؟ کیا یہ پہلی بار کھیل رہے تھے؟ کیا یہ جو ہوا ہے پہلی بار ہورہا تھا؟

    نجیب الحسنین کا کہنا تھا کہ آپ اپنے نام نہاد سپر اسٹارز کو کیوں ڈیفینڈ کررہے ہیں؟ انہوں نے کہا کہ ہر کوئی یہی کہہ رہا ہے کہ ہم نے ٹیم ہی غلط پک کی ہے، انہوں نے کہا کہ آپ انڈیا سے ہار کے باہر نہیں ہوئے ہیں، آپ کی جب سلیکشن ہوئی تھی، آپ تبھی باہر ہوگئے تھے۔

    نجیب الحسنین نے کہا کہ آپ کہہ رہے ہیں کہ ہم نے سعود کو اس لئے لیا کہ وہ ان کنڈیشنز میں اسپن اچھی کھیلتا ہے، تو آپ نے اسپنر کیوں نہیں لئے؟ سفیان مقیم کہا ہے؟ اگر یہ بیسٹ آپشن ہے تو سفیان مقیم کو کیوں نہیں لے کر گئے۔

    سفیان کو ٹرائی سیریز میں بھی نہیں لیا گیا، کس نے یہ مشورہ دیا تھا، اگر وہ ٹرائی سیریز میں ہوتا تو جج ہوجاتا اور پھر ٹیم میں آجاتا، آپشن آپ نے اپنے خود ختم کئے ہیں، سفیان کی خاطر کسی کو بھی ڈراپ کیا جاسکتا تھا۔

    پاکستانی ٹیم کو افغانستان سے کیا سیکھنا چاہیے؟ احمد شہزاد نے بتا دیا

    سابق ٹیسٹ کرکٹر باسط علی نے کا کہنا تھا کہ کوچ صاحب کہہ رہے کہ سفیان نے ایک ہی میچ کھیلا تھا، میں یہ کہہ رہا ہوں کہ اس میں ٹیلنٹ تھا تبھی تو آپ نے پک کرا تھا، اُس ٹیلنٹ کو آپ نے چیمپئنز ٹرافی میں ختم کردیا۔ آپ نے اسے چانس دیا تھا تو اس نے پرفارم کیا تھا، اُسے تو اور اوپر لانا چاہئے تھا، آپ نے اس کو پیچھے چھوڑ دیا۔ باسط علی نے کہا کہ ہم چھوٹی سیریز میں تو چانس لے لیتے ہیں، آئی سی سی کے ایونٹس میں چانس لیتے ہوئے کیوں ڈرتے ہیں؟

  • میئر لندن صادق خان نے رمضان لائٹس کا افتتاح کردیا

    میئر لندن صادق خان نے رمضان لائٹس کا افتتاح کردیا

    میئر لندن صادق خان نے رمضان المبارک کی آمد سے قبل سینٹرل لندن میں رمضان لائٹس کا افتتاح کردیا۔

    غیر ملکی ذرائع ابلاغ کے مطابق میئر لندن صادق خان کا کہنا تھا کہ فخر کی بات ہے ہم نے مسلسل تیسرے سال رمضان لائٹس لگائیں، لندن مغربی دنیا کا پہلا شہر ہے جہاں رمضان لائٹس لگائی جاتی ہیں۔

    انہوں نے کہا کہ بعض افراد مسلمانوں کے بارے میں غلط باتیں پھیلاتے ہیں، اسلاموفوبیا کا مقابلہ کرنے کیلئے مقامی کمیونٹیز کو اسلام کے بارے میں بتانا ہوگا۔

    صادق خان کا کہنا تھا کہ افسوس چیمپئنز ٹرافی سے میری دونوں ٹیمیں انگلینڈ اور پاکستان آؤٹ ہوگئیں۔آسٹریلیا اور بھارت کی ٹیمیں اچھی فارم میں نظر آرہی ہیں۔

    دوسری جانب سعودی عرب کی سپریم کورٹ نے شہریوں سے جمعے کو رمضان المبارک کا چاند دیکھنے کی اپیل کی ہے۔

    یکم مارچ کو پہلا روزہ ہوگا، اعلان ہو گیا

    عرب میڈیا کی رپورٹ کے مطابق سعودی سپریم کورٹ کی جانب سے جاری کردہ اعلامیے میں کہا گیا ہے کہ شہری 28 فروری بروز جمعہ کو 29 شعبان 1446 ہجری کی شام مملکت میں چاند دیکھیں۔

    سپریم کورٹ نے اعلامیے میں کہا ہے کہ شہری رمضان کا چاند دوربین یا اس کے بغیر نظر آنے کی صورت میں شہادت کے لیے عدالت یا چاند دیکھنے کے لیے آبزرویٹی سے رابطہ کریں۔

  • یوکرینی صدر نے ٹرمپ کے آگے گھٹنے ٹیک دیئے

    یوکرینی صدر نے ٹرمپ کے آگے گھٹنے ٹیک دیئے

    برطانوی میڈیا کی جانب سے دعویٰ کیا جارہا ہے کہ یوکرینی صدر زیلنسکی معدنیات امریکا پر قربان کرنے کو تیار ہوگئے ہیں۔

    بین الاقوامی خبر رساں ادارے کی رپورٹ کے مطابق برطانوی میڈیا کا دعویٰ ہے کہ یوکرینی صدر امریکا سے معاہدہ کرنے پر آمادہ ہوگئے ہیں جس کے تحت ملک کے اہم ترین معدنی ذخائر تک امریکا کو رسائی حاصل ہوگی۔

    ٹرمپ نے روس اوریوکرین جنگ بندی کیلئے یوکرین سے 500 ارب ڈالرمعاوضہ طلب کرتے ہوئے کہا تھا کہ جنگ پر ہم نے اپنا خزانہ خرچ کیا تھا۔ جس کا ہمیں حساب چاہئے۔

    یوکرین کے صدر زیلنسکی نے صدر ٹرمپ کے سامنے ہتھیار ڈالنے سے پہلے کہا تھا کہ وہ یوکرین کا دفاع کریں گے، ملک فروخت نہیں کرسکتے۔ زیلنسکی نے ملک کا بڑا حصہ پہلے گنوایا اور اب معدنیات دینے پر بھی آمادگی ظاہر کردی ہے۔

    ٹرمپ کا میڈیا سے بات کرتے ہوئے کہنا تھا کہ امید ہے یوکرین جلد ہی ایک معاہدے پر دستخط کرے گا جس کے تحت امریکا کو یوکرین کے معدنی ذخائر تک رسائی حاصل ہوگی۔

    اس سے قبل امریکی صدر نے فاکس نیوز کے ساتھ ایک ریڈیو انٹرویو میں کہا کہ غزہ سے متعلق منصوبہ سازگار ہے لیکن اس کی سفارش نہیں کروں گا۔

    انہوں نے کہا کہ وہ تھوڑا حیران ہیں کہ اردن اور مصر نے غزہ پر قبضہ کرنے اور فلسطینیوں کو بے گھر کرنے کے ان کے منصوبے کی مخالفت کی ہے۔

    ٹرمپ نے کہا میں آپ کو بتاؤں گا کہ اس منصوبے کا طریقہ کیا ہے مجھے لگتا ہے یہ وہ منصوبہ ہے جو واقعی کارآمد ہے لیکن میں اسے مسلط نہیں کر رہا ہوں میں صرف بیٹھ کر اس کی سفارش کرنے جا رہا ہوں۔

    ان کا کہنا تھا کہ اور پھر امریکہ اس سائٹ کا مالک ہوگا، وہاں کوئی حماس نہیں ہوگی، اور وہاں ترقی ہوگی اور آپ ایک صاف ستھرے علاقے دوبارہ شروع کریں گے۔

    عرب لیگ نے اردن اور مصر کے اس مؤقف کی بھرپور حمایت کا اعادہ کیا ہے جس میں فلسطینی عوام کو ان کی زمین سے بے دخل کرنے کی کسی بھی کوشش کو سختی سے مسترد کیا گیا ہے۔

    امریکی فوج میں بڑے پیمانے پر اکھاڑ پچھاڑ

    یہ مؤقف عرب ممالک کے فلسطینیوں کے تاریخی اور قانونی حقوق کے تحفظ کے عزم کی عکاسی کرتا ہے اور عالمی سطح پر مسئلہ فلسطین کی حمایت کے لیے مشترکہ کوششوں کو مزید مضبوط بناتا ہے۔

  • امریکی فوج میں بڑے پیمانے پر اکھاڑ پچھاڑ

    امریکی فوج میں بڑے پیمانے پر اکھاڑ پچھاڑ

    امریکی صدر ڈونلڈ ٹرمپ نے امریکی فوج میں بھی اکھاڑ پچھاڑ شروع کردی، امریکی جوائنٹ چیفس آف اسٹاف کے چیئرمین جنرل چارلس براؤن، امریکی نیوی کے چیف اورایئرفورس کے نائب چیف کو بھی برطرف کردیا گیا۔

    امریکی میڈیا کے مطابق ایئرفورس کے لیفٹیننٹ جنرل ڈین رازین کین جوائنٹ چیفس آف اسٹاف کے چیئرمین مقرر کردیئے گئے۔

    چارلس براؤن دوسرے سیاہ فام جنرل تھے جو جوائنٹ چیفس آف اسٹاف کے چیئرمین بنے تھے، امریکا جنرل چارلس براؤن کے 16 ماہ میں یوکرین اور مشرق وسطیٰ جنگوں میں پھنسارہا تھا۔

    امریکی میڈیا کے مطابق امریکی نیوی کے چیف اورایئرفورس کے نائب چیف کو بھی برطرف کیا گیا ہے، لیزا فرینشیٹی امریکی نیوی کی پہلی خاتون چیف تھیں۔

    وزیردفاع پیٹ ہیگزیتھ نے پینٹاگون میں فوری طور پر نئی بھرتیاں نہ کرنے کا فیصلہ کیا ہے، جبکہ وزیر دفاع پیٹ ہیگزیتھ نے دفاعی بجٹ میں 50 ارب ڈالر کمی کرنے کا عندیہ بھی دیا ہے۔

    پیٹ ہیگزیتھ کا کہنا ہے کہ دفاعی بجٹ میں کٹوتی سے حاصل رقم عوامی منصوبوں پر خرچ کی جائیگی۔ حکومت نے محکمہ دفاع میں 5 ہزار چھانٹیاں کرنے کا بھی فیصلہ کیا ہے۔

    غزہ منصوبہ مسلط نہیں کروں گا، ٹرمپ

    امریکی صدر ڈونلڈ ٹرمپ نے سوشل میڈیا پر پیغام میں کہا ہے کہ جنرل چارلس براؤن کی خدمات کا اعتراف کرتے ہیں، انہوں نے چارلس براؤن کے بہتر مستقبل کیلئے نیک خواہشات کا اظہار بھی کیا۔

  • کوہلی نے اظہرالدین کا ریکارڈ برابر کردیا

    کوہلی نے اظہرالدین کا ریکارڈ برابر کردیا

    بھارتی ٹیم کے سابق کپتان ویرات کوہلی نے بھارت کی جانب سے ون ڈے میں سب سے زیادہ کیچز کا سابق کپتان اظہر الدین کا ریکارڈ برابر کر دیا۔

    سابق بھارتی کپتان ویرات کوہلی نے گزشتہ روز آئی سی سی چیمپئنز ٹرافی میں بنگلا دیش کے خلاف میچ کے دوران 43 ویں اوور میں محمد شامی کی گیند پر جاکر علی کا کیچ پکڑ کے یہ ریکارڈ برابر کیا۔

    سابق کپتان کا ون ڈے کرکٹ میں یہ 156واں کیچ تھا، جس کے ساتھ وہ سابق کپتان محمد اظہرالدین کے برابر پہنچ گئے۔ محمد اظہرالدین نے 334 ون ڈے میں 156 کیچز کیے تھے جبکہ کوہلی نے اتنے ہی کیچز 298 میچز میں کرلئے ہیں۔

    ون ڈے کرکٹ میں سب سے زیادہ کیچز کا عالمی ریکارڈ سری لنکا کے سابق کپتان مہیلا جے وردھنے نے حاصل کررکھا ہے، انہوں نے 448 میچز میں 218 کیچز پکڑے ہیں۔

    واضح رہے کہ ماضی میں ریکارڈز بنانے کے لیے جانے جانے والے بھارتی سپراسٹار بیٹر کوہلی بنگلہ دیش کے خلاف ریکارڈ بناتے بناتے رہ گئے۔

    کوہلی کی ناکامی کا سلسلہ مسلسل دراز ہوتا جارہا ہے، وہ بنگلہ دیش کے خلاف بھی رنز بنانے میں ناکام رہے اور 22 رنز بنا کر پویلین کی طرف لوٹ گئے، اگر وہ مزید 15 رنز اسکور کرلیتے تو 14 ہزار رنز بنانے والے محض تیسرے پلیئر بنتے۔

    بھارتی ٹیم آج کا میچ بھول کر آئندہ مقابلے کی تیاری کررہی ہے، باسط علی

    ون ڈے انٹرنیشنل میں صرف دو پلیئرز نے 14 ہزار رنز اسکور کیے ہیں، ان میں سے ایک لٹل ماسٹر ٹنڈولکر اور دوسرے سری لنکن لیجنڈ کمارا سنگاکارا ہیں۔

    کوہلی 14رنز بناتے تو نہ صرف تیسرے کھلاڑی بنتے بلکہ اسٹار بیٹر اگر 14 ہزار رنز مکمل کر جاتے تو یہ کارنامہ انجام دینے والے تیز ترین بلے باز بھی بن جاتے۔

  • دبئی میں ڈیلیوری بائیک رائیڈرز کیلئے خوشخبری

    دبئی میں ڈیلیوری بائیک رائیڈرز کیلئے خوشخبری

    دبئی میں موٹر سائیکل پر ڈیلیوری پہنچانے والے افراد کے لئے ایئر کنڈیشنڈ ایریاز تیار کر لیے گئے۔

    بین الاقوامی خبر رساں ادارے کی رپورٹ کے مطابق دبئی روڈز اینڈ ٹرانسپورٹ اتھارٹی (آر ٹی اے) کی جانب سے ریسٹنگ ایریاز منصوبے کو مکمل کرلیا گیا ہے، ڈیلیوری بائیک رائیڈرز کے لیے 2023ء میں ریسٹنگ ایریاز منصوبے کا اعلان ہوا تھا۔

    رپورٹس کے مطابق روڈ اینڈ ٹرانسپورٹ اتھارٹی نے اگست 2024ء تک 20 ریسٹنگ ایریاز مکمل کر لیے تھے تاہم اب تمام 40 ریسٹنگ ایریاز کا کام مکمل ہوچکا ہے۔

    میڈیا رپورٹس میں کہا گیا ہے کہ ان ریسٹنگ ایریاز میں پانی، اسنیکس، موبائل چارجنگ، موٹر سائیکل کی پارکنگ اور دیگر سہولتیں شامل ہیں۔

    دوسری جانب یو اے ای حکومت نے فیصلہ کیا ہے کہ دبئی ایئر پورٹ آنے والے غیر ملکیوں کے پاسپورٹ پر خصوصی مہر لگائی جائے گی۔

    جنرل ڈائریکٹوریٹ برائے شناخت اور غیرملکی امور نے کہا ہے کہ دبئی ایئر پورٹ آنے والے مسافروں اور وزیٹرز کے پاسپورٹس پر ورلڈ گورنمنٹس سمٹ 2025 کے موقع پر خصوصی مہر لگائی جارہی ہے۔ جس پر عالمی حکومتی سربراہی اجلاس کا لوگو نمایاں ہوگا۔

    ایمریٹس نیوز کی رپورٹ کے مطابق متحدہ عرب امارات میں جنرل ڈائریکٹوریٹ آف ریذیڈنسی اینڈ فارنرز افیئرز کے تحت دبئی ایئرپورٹ اور بندرگاہ پر آنے والے تمام مسافروں کا خیرمقدم کیا جارہا ہے۔

    دبئی حکومت کا شادی کرنے والے جوڑوں کو قیمتی انعامات دینے کا اعلان

    ورلڈ گورنمنٹس سمٹ 2025 کا آغاز مستقبل کی حکومتوں کی تشکیل کے عنوان سے 10 فروری سے ہوا ہے اور یہ 14 فروری تک جاری رہے گی۔

  • امریکی طیارہ بردار بحری بیڑے کا پاناما کے جہاز سے خوفناک تصادم

    امریکی طیارہ بردار بحری بیڑے کا پاناما کے جہاز سے خوفناک تصادم

    امریکی طیارہ بردار بحری بیڑہ یو ایس ایس ہیری ٹرومین مصری بندرگاہ پورٹ سعید کے قریب پاناما کے مال بردار جہاز سے ٹکرا گیا ہے۔

    بین الاقوامی خبر رساں ادارے کی رپورٹ کے مطابق تصادم کے نتیجے میں کوئی شخص ہلاک یا زخمی نہیں ہوا اور امریکی طیارہ بردار جہاز کا نظام مکمل طور پر محفوظ ہے۔

    رپورٹس کے مطابق حادثہ مقامی وقت کے مطابق رات11 بج کر 46 منٹ پر پیش آیا جب 1 لاکھ ٹن وزنی طیارہ بردار جہاز 53 ہزار ٹن وزنی مال بردار جہاز سے ٹکرایا۔ حادثے کے حوالے سے تحقیقات شروع کر دی گئی ہیں۔

    یاد رہے کہ گزشتہ روز بھی امریکا میں لڑاکا طیارہ سمندر میں گر کر تباہ ہوگیا تھا۔

    امریکی میڈیا رپورٹ کے مطابق بحریہ کے حکام نے بتایا ہے کہ فائٹر جیٹ سان ڈیگو ہاربر کے قریب سمندر میں گر کر کا تباہ ہوا جبکہ دونوں پائلٹس جہاز سے نکلنے میں کامیاب رہے۔

    مچھلی پکڑنے والے جہاز نے دونوں پائلٹ کو پانی سے نکالا، حادثے کی تحقیقات جاری ہیں۔

    عینی شاہدین کی جانب سے حاصل کی گئی ویڈیو میں دکھایا گیا ہے کہ جیٹ تیز رفتاری سے پانی میں گرتا ہوا دکھائی دے رہا ہے۔

    این بی سی سان ڈیاگو کی رپورٹ کے مطابق طیارے کو الیکٹرانک اٹیک اسکواڈرن وی اے کیو 135 کو تفویض کیا گیا تھا جو این اے ایس واشنگٹن میں واقع ہے۔

    سان ڈیاگو کوسٹ گارڈ کے ترجمان نے حادثے سے دونوں پائلٹ کے بچ جانے کی تصدیق کی ہے۔

    ایچ اینڈ ایم لینڈنگ چارٹر فشنگ بوٹ کے جنرل منیجر فرینک ارسیٹی نے کہا کہ پریمیئر کشتی کے کپتان نے حادثے کو دیکھا اور مدد کے لیے جہاز کا رخ موڑ دیا۔

    سمندر میں تباہ ہونے والی آبدوز ’ٹائٹن‘ کے پھٹنے کی مبینہ خوفناک آڈیو سامنے آگئی

    انہوں نے کہا کہ ہمارا عملہ جان بچانے کی کوششوں میں تربیت یافتہ ہے انہوں نے پائلٹوں کو اٹھایا جو پانی میں موجود تھے۔

    امریکی بحریہ کا کہنا ہے کہ پائلٹوں کو یونیورسٹی آف کیلیفورنیا سان ڈیاگو ہل کرسٹ میڈیکل سینٹر منتقل کیا گیا جہاں ان کی حالت خطرے سے باہر بتائی گئی ہے۔