ARYNews.tv | Urdu – Har Lamha Bakhabar

Tag: ARYNews

  • عشرت العباد کا دفاع، متحدہ پاکستان اور لندن میدان میں آگئے

    عشرت العباد کا دفاع، متحدہ پاکستان اور لندن میدان میں آگئے

    کراچی: ایم کیو ایم کے رہنما امین الحق نے کہا ہے کہ صدر اوروزیر اعظم کے انتخاب کے موقع پر ن لیگ والے مرکز نائن زیرو آکر اپنے امیدواروں کی کامیابی کے لیے پارٹی سے حمایت مانگتے تھے جبکہ ندیم نصرت نے سینیٹر نہال ہاشمی کے بیان کو انتہائی غیر ذمہ دارانہ قرار دیا۔

    تفصیلات کے مطابق گورنر سندھ کی تبدیلی کے بعد ن لیگ کے سینیٹر  کی تنقید پر ایم کیو ایم لندن اور پاکستان ڈاکٹر عشرت العباد کے دفاع میں بول پڑے، ایم کیو ایم کے ترجمان نے کہا کہ مسلم لیگ ن کی نمائندگی کرنے والوں کو زمینی حقائق کا علم نہیں اور نہ ہی سندھ میں اُن کی کوئی نمائندگی ہے۔

    ایم کیو ایم پاکستان کے ترجمان نے ن لیگ کے سینیٹر کے بیان پر ردعمل دیتے ہوئے کہا کہ حکمراں جماعت اپنے وزیر اعظم اور صدر کے انتخاب کے وقت مرکز آئے اور حمایت کے لیے ہم سے مدد مانگی تھی۔

    دوسری جانب ندیم نصرت نے اے آر وائی نیوز سے خصوصی گفتگو کرتے ہوئے نہال ہاشمی کے بیان کو انتہائی غیر ذمہ دارانہ قرار دیتے ہوئے کہاکہ گورنر پر اگر اعتراض تھا تو پہلے کیوں کیا گیا؟

    ایم کیو ایم پاکستان کے رہنما عامر خان کا کہنا ہے کہ نہال ہاشمی نے انتہائی نامناسب بیان دیا، ن لیگ کی  اپنی کشتی بھنور میں ہے سوچ سمجھ کر بیان دینا چاہیے، نہال ہاشمی کے ہوتے ہوئے ن لیگ کو کسی دشمن کی ضرورت نہیں۔


    MQM-London/Pakistan defend Ibad after his removal by arynews

    خیال رہے آج صبح نو منتخب گورنر کی تقریب حلف برداری سے قبل ن لیگ کے سینیٹر نہال ہاشمی نے عشرت العباد پر سنگین الزامات لگاتے ہوئے کہا کہ ’’گورنر ہاؤس سے آخری دہشت گرد کو بھی نکال دیا اور یہاں سے ملک دشمنوں کا ڈیرہ ختم کر کے محب وطن لیگیوں کا ڈیرہ قائم کرلیا ہے۔‘‘

    ’’ پڑھیں: عشرت العبادکے جانے سے صوبہ دہشت گردی سے پاک ہوگیا، نہال ہاشمی ‘‘

     بعد ازاں چیئرمین پیپلزپارٹی بلاول بھٹو زرداری نے گورنر کی تبدیلی اور صوبائی حکومت سے مشاورت نہ ہونے پر مسلم لیگ ن پر شدید تنقید کرتے ہوئے کہا کہ ’’حکمراں جماعت بادشاہت کی طرح جمہوریت چلا رہی ہے‘‘۔
  • منگھوپیر میں پولیس موبائل پر فائرنگ ، اہلکار محفوظ، دہشت گرد جاں بحق

    منگھوپیر میں پولیس موبائل پر فائرنگ ، اہلکار محفوظ، دہشت گرد جاں بحق

    کراچی: منگھوپیر اجتماع گاہ کے قریب پولیس موبائل پر فائرنگ کے بعد اہلکاروں کی جوابی فائرنگ سے ملزم زخمی حالات میں گرفتار ہوا جو اسپتال پہنچ کر جاں بحق ہوگیا، ملزم کے قبضے سے اسلحہ اور دستی بم برآمد ہوا ہے۔

    تفصیلات کے مطابق چار مسلح موٹر سائیکلوں پر سوار ملزمان کی جانب سے پولیس موبائل پر اُس وقت فائرنگ کی گئی جب وہ معمول کے گشت پر تھی، فائرنگ کے نتیجے میں تمام اہلکار محفوظ رہے۔

    پولیس کی جانب سے جوابی فائرنگ کے نتیجے میں ایک ملزم زخمی حالت میں گرفتار ہوا جس کے قبضے سے اسلحہ اور ہوا ہے، گرفتار ملزم کو سخت سیکیورٹی میں اسپتال منتقلی کے بعد تھانے منتقل کیا گیا تاہم وہ زخموں کی تاب نہ لاتے ہوئے دم توڑ گیا۔

    پڑھیں: امجد صابری قتل و دیگر دہشت گردی کی وارداتوں میں ملوث2 دہشت گرد گرفتار، وزیر اعلیٰ سندھ

     پولیس افسران نے واقعے کی تصدیق کرتے ہوئے کہا کہ پولیس کی جانب سے جوابی فائرنگ کے نتیجے میں ایک ملزم زخمی حالت میں گرفتار ہوا ہے جبکہ دیگر ملزمان سے فائرنگ کا تبادلہ جاری ہے۔

    مزید پڑھیں: فائیو اسٹار چورنگی پر فائرنگ، ٹریفک پولیس اہلکار جاں بحق، آئی جی سندھ کا نوٹس

    مسلح اشخاص کی گرفتاری کے لیے مزید پولیس کی نفری طلب کرلی گئی ہے جبکہ آخری اطلاعات موصول ہونے تک ملزمان کی جانب سے فائرنگ کا سلسلہ بھی جاری تھا۔

  • رحمان ملک کا مشاہد اللہ کو ایک ارب ہرجانے کا نوٹس بھیجنے کا فیصلہ

    رحمان ملک کا مشاہد اللہ کو ایک ارب ہرجانے کا نوٹس بھیجنے کا فیصلہ

    اسلام آباد: پاکستان پیپلز پارٹی کے سینیٹر رحمان ملک نے ن لیگ کے سینیٹر مشاہد اللہ کو ایک ارب روپے ہرجانے کا نوٹس بھیجنے کا فیصلہ کیا ہے اور کہا ہے کہ میری یا بے نظیر بھٹو کی پوری دنیا میں کوئی آف شور کمپنی نہیں۔

    اطلاعات کے مطابق رحمن ملک نے اپنے وکیل کو ہدایت دی ہے کہ ن لیگ کے سینیٹر مشاہد اللہ پر ہتک عزت کا دعویٰ دائر کرتے ہوئے ایک ارب روپے ہرجانہ ادا کرنے کا نوٹس ارسال کیا جائے۔

    رحمان ملک نے کہا ہے کہ سینیٹر مشاہد اللہ نے میرا اور میری شہید لیڈر بے نظیر بھٹو کا نام پاناما پیپرز میں آنے کا جھوٹا الزا م عائد کیا، مشاہد اللہ کا یہ الزام سراسرجھوٹ پر مبنی ہے اور اس میں کوئی صداقت نہیں۔

    انہوں نے مزید کہا کہ مشاہد اللہ پاناما پیپرز کی فہرست دوبارہ چیک کرلیں میری یا بے نظیر بھٹو کی پوری دنیا میں کوئی آف شورکمپنی نہیں، اپنے وکیل کو مشاہد اللہ کو نوٹس بھیجنے کی ہدایت کردی۔

  • وزیر داخلہ کی وزیر اعلیٰ پنجاب سے چند گھنٹوں میں دوسری ملاقات

    وزیر داخلہ کی وزیر اعلیٰ پنجاب سے چند گھنٹوں میں دوسری ملاقات

    لاہور: ڈان لیکس اور پاناما ہنگامہ کے تناظر میں وفاقی وزیر داخلہ چوہدری نثار علی خان اور وزیر اعلیٰ پنجاب شہباز شریف نے ملاقات کی۔ دونوں رہنما 24 گھنٹے میں دوسری مرتبہ ایک ساتھ بیٹھے اور ڈان لیکس سمیت پاناما کیس پر بھی تبادلہ خیال کیا۔

    وفاقی وزیر داخلہ چوہدری نثار علی خان پچھلے 2 دن سے لاہور میں ہیں۔ چوہدری نثار نے چند گھنٹوں میں وزیر اعلیٰ پنجاب کے ساتھ دوسری ملاقات کی۔ اس سے پہلے ایک روز قبل بھی دونوں نے ملاقات کی تھی۔

    ذرائع کے مطابق دونوں ملاقاتوں میں ڈان لیکس پر تبادلہ خیال کیا گیا۔ دونوں رہنماؤں نے اس معاملے پر ہونے والی اب تک کی پیش رفت کا جائزہ لیا اور آئندہ کے لائحہ عمل پر بھی غور کیا گیا۔ متنازعہ خبر کے معاملے پر دونوں رہنما چند روز پہلے آرمی چیف کے ساتھ بھی ملاقات کر چکے ہیں۔

    وزارت داخلہ کے حکام نے ملاقات کو گزشتہ روز کی ملاقات کا تسلسل قرار دیا۔ ملاقاتوں میں ملک کی مجموعی سیاسی اور سیکیورٹی صورتحال پر بھی گفتگو کی گئی۔

  • کیرئیر کی پروا نہیں، دھرنے میں ضرور شریک ہوں‌ گا، حمزہ عباسی

    کیرئیر کی پروا نہیں، دھرنے میں ضرور شریک ہوں‌ گا، حمزہ عباسی

    کراچی: معروف پاکستانی اداکار حمزہ علی عباسی نے کہا ہے کہ  کرپشن کے خلاف اسلام آباد میں ہونے والے 2 نومبر کے دھرنے میں ضرور شرکت کرو گا چاہیے اس کے لیے میرا کیریئر ہی کیوں نہ ختم ہوجائے۔

    سماجی رابطے کی ویب سائٹ ٹوئٹر اور فیس بک پر اداکار حمزہ علی عباسی نے کہا کہ میں سیاست دان نہیں اور نہ ہی تحریک انصاف کا عہدے دار اور نہ ہی مجھے الیکشن کے لیے پی ٹی آئی کے ٹکٹ کی ضرورت ہے مگر ایک پاکستانی کی حیثیت سے 2 نومبر کے دھرنے میں شرکت کروں گا چاہیے اس کے لیے میرا کیریئر اور اپنے مداحوں کی محبت کو قربان کرنا پڑے۔

    پڑھیں :  بنی گالہ: گلوکار سلمان احمد پولیس کی حراست سے فرار

    حمزہ علی عباسی کا کہنا تھا کہ ’’پاناما لیکس کو منظر عام پر آئے ہوئے 8 ماہ ہوچکے ہیں مگر ہمارا کمزور سسٹم کرپشن اور عوام کا پیسہ لوٹنے والوں کو پکڑ نہیں سکا جبکہ اس کے ثبوت بھی موجود ہیں‘‘۔

    اُن کا کہنا تھا کہ اگر سسٹم میں کرپشن باقی رہی تو پاک چین اقتصادی راہداری اور ان گنت موٹرویز ملک کو محفوظ نہیں رکھ سکتے۔

     پیارے افضل سے مشہور ہونے والے اداکار کا کہنا تھا کہ کرپشن کو جرم نہ سمجھنے اور اس پر خاموش رہنے والی قوم مسئلہ کشمیر کے معاملے اور حقوق کے لیے آواز اٹھائیں۔

    مزید پڑھیں: راولپنڈی،پولیس کی شیلنگ سے 4 دن کا بچہ جاں بحق

    یاد رہے کہ پاکستان تحریک انصاف نے 2 نومبرکو اسلام آباد بند کرنے کا اعلان کیا ہوا ہے جبکہ حکومت نے وفاقی دار الحکومت میں دفعہ 144 نافذ کی ہوئی ہے، پولیس نے تحریک انصاف کے متعدد کارکنان کو گرفتار کیا ہے جبکہ چیئرمین تحریک انصاف عمران خان کے گھر بنی گالہ کو بھی کنٹرینر لگا کر آمد و رفت مکمل بند کردی گئی ہے۔

    قبل ازیں اسلام آباد پولیس نے بنی گالہ کے باہر سے معروف گلوکار سلمان احمد کو گرفتار کیا تھا تاہم گلوکار نے اے آر وائی سے خصوصی گفتگو کرتے ہوئے کہا کہ وہ پولیس کی حراست سے فرار ہونے میں کامیاب ہوگئے ہیں جبکہ آئی جی اسلام آباد نے سلمان احمد کو رہا کرنے کی تصدیق بھی کی ہے۔

  • راولپنڈی: آئل ٹینکر میں لگی آگ پھیل گئی، عمارت، بینک اور ہوٹل بھی جل گئے

    راولپنڈی: آئل ٹینکر میں لگی آگ پھیل گئی، عمارت، بینک اور ہوٹل بھی جل گئے

    راولپنڈی: شہر میں واقع گلریز کالونی کے قریب واقع پٹرول پمپ پر موجود ایک آئل ٹینکر میں آگ بھڑک اٹھی جس نے قریبی عمارت کو بھی لپیٹ میں لے لیا آگ لگنے سے چار منزلہ عمارت، بینک اور ہوٹل جل کر خاک ہوگئے،آگ ایک شخص کی جانب سے سگریٹ پھینکنے کے سبب لگی۔

    اے آر وائی نیوز کے نمائندہ راولپنڈی بابر ملک نے بتایا کہ ٹینکر پٹرول پمپ پر کھڑا تھا کہ پٹرول کی منتقلی شروع اور اسی دوران اچانک انتہائی شدت کی آگ بھڑک اٹھی(ویڈیو دیکھیں)، آگ نے گیس پائپ لائن اور بجلی کے تاروں کو بھی اپنی لپیٹ میں لےلیا اور اس کی شدت کے باعث قریبی عمارت بھی اس کی لپیٹ میں آگئی۔

    آئل ٹینکر  میں لگنے والی اس معمولی آگ کو فائر بریگیڈ کی ناقص کارروائی نے بڑی آگ میں تبدیل کردیا نتیجے میں چار منزلہ عمارت، بینک اور  ہوٹل جل کر  خاک ہوگئے

    ریکسیو 1122 کی فائر بریگیڈ نے آگ بجھانے کی کوشش کی لیکن پٹرول بہت زیادہ مقدار تھا ، آگ پٹرول منتقلی کے دوران لگی ساتھ ہی ملحقہ عمارت بھی اس کی زد میں آئی، یہ پٹرول کی آگ تھی جسے کیمیکل کے ذریعے ہی بجھایا جاسکتا ہے تھا۔

    ریکسیو 1122 امدادی ادارہ پٹرول پمپ اور کسی بھی عمارت کی تعمیر میں این او سی جاری کرتا ہے تاہم عینی شاہدین کا بیان ہے کہ یہ بے احتیاطی ایک شخص کی جانب سےہوئی جس نے جلتا ہو سگریٹ زمین پر پھینکا جس کے سبب آگ لگی۔

    اتنے بڑے پیمانے پر لگی ہوئی آگ کو اگرفوری طور پو روک لیا گیا ہوتا تو نقصان سے بچا جاسکتا تھا لیکن آگ پھیل گئی۔

    اطلاعات کے مطابق متاثرہ عمارت رہائشی تھی جس میں کچھ دفاتر بھی واقع تھے جن میں بینک اور ہوٹل بھی شامل ہیں، فائر بریگیڈ نے آگ لگتے ہی عمارت خالی کرالی تھی تاہم عمارت، بینک اور ہوٹل جل کر خاک ہوگئے جس کے نتیجے میں کروڑوں روپے کی املاک جل گئی۔

  • سانحہ کوئٹہ ، اقوامِ متحدہ، امریکا، روس اور بھارت کا اظہارِ مذمت

    سانحہ کوئٹہ ، اقوامِ متحدہ، امریکا، روس اور بھارت کا اظہارِ مذمت

    ماسکو / واشنگٹن / نئی دہلی: روسی صدر ولادی میرپیوٹن ، بھارتی وزیر دفاع منوہر پاریکر، وائٹ ہاؤس نے سانحہ کوئٹہ میں جاں بحق ہونے والے پولیس اہلکاروں کے اہل خانہ سے اظہار ہمدردی کرتے ہوئے دہشت گردی کی مذمت کی ہے۔

    تفصیلات کے مطابق روسی صدر ولادی میرپیوٹن نے پاکستانی صدر ممنون حسین سے رابطہ کیا اور کوئٹہ پولیس ٹریننگ سینٹر میں ہونے والے حملے کی شدید الفاظ میں مذمت کرتے ہوئے جاں بحق اور زخمی ہونے والے افراد کے اہل خانہ سے اظہار ہمدردی کیا ہے۔

    روسی صدر کا کہنا تھا کہ دہشت گردی کے خلاف جاری جنگ میں پاکستان کی معاونت کرتے رہیں گے اور اس کے خاتمے کے لیے ہر سطح پر اقدامات کرے گے۔

    پڑھیں:  کوئٹہ پولیس ٹریننگ سینٹر پر حملہ، 61 اہلکار شہید، 118 زخمی

    ترجمان وائٹ ہاؤس نے کوئٹہ پولیس ٹریننگ سینٹر پر حملے کی مذمت کرتے ہوئے کہا ہے کہ ’’دہشت گردی کو جڑ سے ختم کرنے کے لیے پاکستان سے ہر ممکن تعاون رکھیں گے تاہم اس کے خاتمے کے لیے دونوں ممالک مسلسل رابطے میں ہیں۔


    بھارتی وزیر دفاع منوہر پاریکر نے کوئٹہ حملے کی مذمت کرتے ہوئے کہا ہے کہ ’’دہشت گردی کسی بھی ملک اور کسی بھی شکل میں ہو ناقابل قبول ہے‘‘۔

    مزید پڑھیں: کوئٹہ: عمران خان کی سول اسپتال آمد، زخمیوں‌ کی عیادت

     علاوہ ازیں فرانس اور اقوام متحدہ نے بھی سانحہ کوئٹہ کی مذمت کرتے ہوئے دہشت گردی کے اس واقعے پر افسوس کا اظہار کیا ہے۔
  • ہماری اور پی ٹی آئی کے مقاصد ایک ہیں، اس لیے دعوت قبول کی، طاہر القادری

    ہماری اور پی ٹی آئی کے مقاصد ایک ہیں، اس لیے دعوت قبول کی، طاہر القادری

    اسلام آباد: عوامی تحریک کے سربراہ ڈاکٹر طاہر القادری نے عمران خان کی جانب سے فون پر دھرنے میں شرکت کی دعوت ملنے کی تصدیق کرتے ہوئے کہا ہے کہ چیئرمین پی ٹی آئی نے کچھ دیر قبل مجھے فون کیا اور اسلام آباد لاک ڈائون کے دھرنے میں شرکت کی دعوت دی جو میں نے قبول کرلی۔

    اے آر وائی نیوز کے پروگرام آف دی ریکارڈ میں میزبان کاشف عباسی سے بات کرتے ہوئے طاہر القادری نے کہا کہ عمران خان نے اخلاقی اعتبار سے اپنا فریضہ ادا کیا اور رشتے والی بات پر معذرت کی جسے میں نے قبول کیا اور کہا کہ معذرت کی کوئی ضرورت نہیں، بعدازاں انہوں نے اسلام آباد دھرنے میں شرکت کی دعوت دی جسے میں نے قبول کرلیا۔

    یہ پڑھیں:عمران خان کا ٹیلی فون، طاہرالقادری نے دھرنے میں شرکت کی دعوت قبول کرلی

    انہوں نے کہا کہ میں نے دعوت اس لیے قبول کرلی کہ ہمارے اور تحریک انصاف کے مقاصد ایک ہیں، عمران خان کو جواب دیا کہ کرپشن کے خلاف ہماری اور آپ کی جنگ مشترکہ ہے۔

    طاہر القادری نے بتایا کہ میں نے اپنی جماعت کے سیکریٹری جنرل خرم نواز گنڈا پور کو ہدایت کردی ہے، پی ٹی آئی کا وفد جلد ان سے ملاقات کرے گا دونوں کے درمیان معاملات جلد طے پاجائیں گے، اس وقت جورڈن میں ہوں، ایک روز کے لیے لندن بعدازاں  پھر مراکو جائوں گا بعد ازاں مجھے آگاہ کردیا جائےگا۔

    انہوں نے کہا کہ تحریک قصاص جنرل راحیل شریف یا کسی اور پر انحصار نہیں کرتی، آرمی چیف چاہے کوئی بھی رہے، انصاف ملنے تک تحریک جاری رہے گی،سانحہ ماڈل ٹاؤن کے قاتلوں کو ہرگز معاف نہیں کریں گے،ہماری جماعت کا ایجنڈا سانحہ قصاص سمیت ملک میں انصاف کی فراہمی اور پاناما لیکس کی تحقیقات کا ہے۔

    اپنی شرکت کے سوال پر انہوں نے کہا کہ یہ سوال درست ہے،میں نے ابھی اپنی شرکت کا ابھی فیصلہ نہیں کیا،عمران خان سے میری ذاتی طور پر شرکت کی بات نہیں ہوئی اس سوال کو ابھی رہنے دیں۔

  • گورنر سندھ کے بیان پر سیاسی رہنماؤں کا ردِعمل

    گورنر سندھ کے بیان پر سیاسی رہنماؤں کا ردِعمل

    کراچی: پاک سرزمین پارٹی کے رہنماء انیس ایڈوکیٹ نے کہا ہے کہ گورنر سندھ ذہنی مریض ہیں انہیں فوری طبیب سے رجوع کرنا چاہیے تاہم تحریک انصاف کے رہنماء علی زیدی نے کہا کہ کرپٹ عناصر کے خلاف کارروائی کی گئی تو گورنر سندھ بچ نہیں پائیں گے۔

    تفصیلات کے مطابق گورنر سندھ کی جانب سے مصطفیٰ کمال کے حوالے سے دئیے گئے بیان پر ردعمل دیتے ہوئے پی ایس پی کے سربراہ انیس ایڈوکیٹ نے گورنر سندھ کو ذہنی مریض قرار دیتے ہوئے علاج کروانے کا مشورہ دیا۔

    تحریک انصاف کے رہنماء علی زیدی نے اے آر وائی نیوز سے خصوصی گفتگو کرتے ہوئے کہا کہ ’’گورنر سندھ جو بول رہے ہیں اُس کی تحقیقات ہونی چاہیں تاہم مجھے یقین ہے کہ اگر کرپٹ عناصر کے خلاف کارروائی کی گئی تو عشرت العباد بھی نہیں بچ پائیں گے‘‘۔

    پڑھیں:  عزیز آباد کا اسلحہ فوج سے لڑنے کے لیے خریدا گیا، گورنر سندھ

     جماعت اسلامی کے کراچی کے امیر حافظ نعیم الرحمان نے عشرت العباد کے سابق ناظم کراچی نعمت اللہ خان کے حوالے سے دئیے گئے بیان کا خیر مقدم کیا، انہوں نے کہا کہ الزامات کی تحقیقات ضرور ہونی چاہیں۔

    اس ضمن میں سرفراز مرچنٹ نے کہا کہ گورنر سندھ ہر چیز کے گواہ ہیں انہیں 2013 سے منی لانڈرنگ کا علم تھا، انہوں نے انکشاف کیا کہ اسکاٹ لینڈ یارڈ نے منی لانڈرنگ کیس میں عشرت العباد کا نام بھی شامل کیا تھا۔

    مزید پڑھیں: سانحہ بلدیہ کی امدادی رقم کھانے والوں کو نہیں چھوڑیں گے،گورنرسندھ

    انہوں نے مزید کہا کہ ’’عشرت العباد فنڈز کی دیکھ بھال کے لیے دبئی جاتے تھے کیونکہ تمام بیرونِ ملک منتقل کی جانے والی رقم انہی کے ذریعے کی جاتی تھی۔
  • پاکستانی اداکارہ آرمینہ خان برطانوی فلم میں جلوہ گر ہوں گی

    پاکستانی اداکارہ آرمینہ خان برطانوی فلم میں جلوہ گر ہوں گی

    کراچی: اے آر وائی کے اشتراک سے بننے والی فلم جانان میں کامیابیاں سمیٹنے کے بعد کینیڈین نژاد پاکستانی اداکارہ آرمینہ خان برطانوی فلم The Achilles Proposal ’’دی ایشی لیس پروپوزل‘‘ میں مرکزی کردار ادا کررہی ہیں جس کا آفیشل پوسٹر جاری کردیا گیا ہے۔

    تفصیلات کے مطابق انتہائی مختصر عرصے میں پاکستانی ڈرامے اور فلم انڈسٹری میں اپنی شناخت بنانے والی آرمینہ خان ہالی ووڈ کے سفر کا برطانوی فلم سے کرنے جارہی ہے، سائنس فکشن پر بننے والی فلم کے ہدایت کار عاطف ظفر نےاداکارہ کی صلاحیتوں سے متاثر ہوکر انہیں اپنی فلم میں مرکزی کردار دے دیا ہے۔

    اس فلم میں آرمینہ خان ایک نئے روپ میں روبوٹ کا کرداد ادا کرتی نظر آئیں گی جس کا پوسٹر جاری کردیا گیا ہے، یہ فلم مصنوعی ذہانت، ذہانت، کمپیوٹر اصطلاح میں مصنوعی ذہانت کے نقصانات پر بنائی گئی ہے جس میں بتایا گیا ہے کہ ’’ربورٹ کی سوچنے سمجھنے کی طاقت انسانوں کے لیے کتنی نقصان دہ ثابت ہوسکتی ہے‘‘۔

    armeena-poster

    فلم پر تبصرہ کرتے ہوئے آرمینہ خان نے کہا کہ ’’کامیاب اداکار کی خواہش ہوتی ہے کہ اُسے ہر بار نیا کرداد ادا کرنے کا موقع ملے تاکے اداکاری کے فن کو زیاد ہ سے زیادہ سیکھنے کا موقع ملے تاہم اس فلم میں ربورٹ کا کردار ادا کرنے سے مجھے بہت کچھ سیکھنے کو ملے گا‘‘۔

    پڑھیں:  فلم ’جانان‘ نے ریلیز کے پہلے روز شائقین کا دل جیت لیا

    انہوں نے کہا کہ ’’ابھی تک شائقین نے مجھے رومانوی اور افسردہ کرداروں میں دیکھا ہے تاہم اس فلم میں ملنے والے کردار کو دیکھ کر وہ میری صلاحیتوں سے نہ صرف متاثر ہوں گے بلکہ حیران بھی ہوجائیں گے‘‘۔

    علاوہ ازیں دیگر فنکاروں میں کرسٹو فیتھ، گریس ریلی اور مارک ہل شامل ہیں تاہم یہ موودی آئندہ سال ہونے والے انٹرنیشنل فلم فیسٹیول کے لیے تیار کی جارہی ہے جسے آئندہ سال پیش کیا جائے گا جبکہ اسے بعد میں باقاعدہ ریلیز کیا جائے گا۔