Tag: ARYNews

مجلس وحدت المسلمین کا یوم علیؓ پرفول پروف سیکیورٹی کا مطالبہ

اسلام آباد: مجلس وحدت المسلمین کے رہنماؤں نے پریس کانفرنس کرتے ہوئے کہالاقانونیت اورٹارگٹ کلنگ کے واقعات نے امن و امان کی صورتحال کو مفلوج کر رکھا ہے، حکومتی نااہلی اور دہشت گردوں کی کاروائیوں نے اس مادر وطن کو جہنم بنا کر رکھ دیا ہے۔انھوں نےامجد صابری کے قاتلوں کی فوری گرفتاری کا مطالبہ کیا۔

مجلس وحدت المسلمین کے رہنماؤں نے کہا ہے کہ حکومت یوم علی و القدس کے روزفل پروف سیکورٹی انتظامات کرے۔ ملک میں بڑھتی ہوئی لاقانونیت اور ٹارگٹ کلنگ کے واقعات نے امن و امان کی صورتحال کو مفلوج کر رکھا ہے۔ حکومتی نااہلی اور دہشت گردوں کی کاروائیوں نے اس مادر وطن کو جہنم بنا کر رکھ دیا ہے، دنیا بھر میں پاکستان کو شناخت دینے والے امجد صابری کی ٹارگٹ کلنگ کی گئی اور چیف جسٹس کے بیٹے کااغوا کے معاملے میں کوئی پیش رفت نہیں ہوئی۔

ان خیالات کا اظہار علامہ مبشر ،علامہ علی انور،علامہ احسان دانش،مولانا صادق جعفری،آصف صفوی،ناصر الحسینی سمیت دیگر نے پردیسی ہائٹس کراچی میں منعقدہ پریس کانفرنس سے خطاب میں کیا۔

مرکزی رہنما علامہ مبشر کا کہنا تھا کہ دہشت گردوں نے اس ملک کو تختہ مشق بنا رکھا ہے آئے دن بے گناہ مظلوم شہریوں کو دن دیہاڑے قتل کر دیا جاتا ہے حکومت اور قومی سلامتی کے ذمہ دار ادارے خاموش تماشائی بنے ہوئے ہیں کراچی جیسے پررونق شہر کودہشت گردوں نے اپنی محفوظ پناہ گاہ بنایا ہوا ہے اسی طرح پنجاب بھر میں لشکر جھنگوی سمیت دیگر دہشت گرد جماعتیںآ زادانہ طور پر اپنی کاروائیوں میں مصروف ہیں۔

انہوں نے کہا کہ ملک میں دہشت گردی کی مسلح کاروائیوں کی پیچھے کالعدم مذہبی جماعتوں کا ہاتھ ہے، انہوں نے کہا کراچی میں جسٹس سجاد علی شاہ کے صاحبزادہ اویس شاہ کااغوا اور امجد صابری کا قتل قانون نافذ کرنے والے اداروں کیلئے سوالیہ نشان ہے۔ خلاف مجلس ووحدت مسلمین کے قائد علامہ راجہ ناصر عباس جعفری نے نیشنل پریس کلب اسلام آباد کے سامنے گزشتہ 43 دن سے بھوک ہڑتال کی ہوئی ہے اوراحتجاجی کیمپ کی طرف حکومت کی کسی مقتدر شخصیت کا رْخ نہ کرنا اس امر کی دلیل ہے کہ اس ملک میں صرف دہشت گردوں کے مطالبات تسلیم کیے جاتے ہیں۔

رہنماؤں نے امجد صابری کے قاتلوں کی فوری گرفتاری کا مطالبہ کیا اور یوم علی علیہ السلام و یوم القدس کے موقعہ پر ملک بھر میں ہونی والی مجالس اور جلوسوں احتجاجی مظاہروں و ریلیوں کو فول پروف سیکورٹی مہیا کرے تمام جلوسوں کے روٹس کی بھرپور نگرانی کی جائے داخلی راستوں پر واک تھرو گیٹ نصب کیے جائیں۔

جون 25, 2016
خاکہ میرے لاپتہ بیٹے کا ہے، والدہ نے ہائی کورٹ میں درخواست دائر کردی

کراچی : قانون نافذ کرنے والے اداروں کی جانب سے معروف قوال کے قاتل کا شائع کیا گیا خاکہ متنازعہ بنتا جارہا ہے۔

اے آر وائی نیوز رپورٹر کامل عارف کے مطابق گزشتہ روز قانون نافذ کرنے والے اداروں کی جانب سے امجد صابری کے قاتلوں کے خاکے کے حوالے سے ایک خاتون نے سندھ ہائی کورٹ سے رجوع کرلیا۔

متاثرہ خاتون نے عدالت میں یہ درخواست دائر کی ہے کہ ’’ یہ خاکہ ان کےبیٹے کا ہے جو گزشتہ ڈھائی ماہ سے لاپتہ ہے‘‘۔ خاتون نے درخواست میں مزید کہا ہے کہ ’’ مجھے شبہ ہے کہ میرے ڈھائی ماہ سے گرفتار بیٹے کو اب قاتل بنا کر ظاہر کردیا جائے گا‘‘۔

انہوں نے چیف جسٹس سندھ سے اپیل کی ہے کہ وہ ان کے لاپتہ بیٹے کی بازیابی کے لئے اپنا کردار ادا کرتے ہوئے انصاف فراہم کریں۔

واضح رہے گزشتہ روز معروف قوال کو لیاقت آباد نمبر 10 کے قریب فائرنگ کر کے شہید کردیا گیا تھا، جس کے بعد قانون نافذ کرنے والے اہلکاروں نے عینی شاہدین کو تفتیش کے لیے حراست میں لیا تھا۔

قانون نافذ کرنے والے ذرائع کا کہنا ہے کہ ملزم کا خاکہ عینی شاہدین کی مدد سے تیار کیا گیا ہے، جبکہ گزشتہ روز وزیرداخلہ سندھ سہیل انور سیال نے اے آر وائی سے خصوصوی گفتگو کرتے ہوئے دعویٰ کیا تھا کہ آج شہر قائد کی صورتحال کے حوالے سے اہم اجلاس طلب کیا جائے گا، مگر اس اجلاس کے حوالے سے اب تک حکومت کی جانب سے کوئی باضابطہ اعلان نہیں کیا گیا۔

جون 23, 2016
وزیراعظم کی وزارت پانی وبجلی کو سحر و افطار میں لوڈ شیڈنگ نہ کرنے کی ہدایت

اسلام آباد: وزیراعظم نواز شریف نے وزارت پانی و بجلی کو سحر و افطار میں لوڈ شیڈنگ نہ کرنے کی ہدایت کردی۔

وزیراعظم نے وزارت پانی و بجلی کو ہدایت دی کہ عوام کو سحرو افطار میں بلا تعطل بجلی فراہم کی جائے، سحرو افطار میں شہروں اور دیہات میں یکساں طور پر بجلی فراہم کی جائے، ساتھ ہی انہوں نے وزیراعظم آفس کو کہا کہ لوڈ شیڈنگ کے اوقات سختی سے مانیٹر کرے۔

رمضان کی آمد پر وزیراعظم میاں نواز شریف نے خصوصی پیغام دیتے ہوئے کہا کہ عوام وطن عزیز کی بہتری کے لیے ماہ رمضان میں خصوصی دعائیں کریں، میرا دل وطن اور اہلِ وطن کے لیے دھڑکتا ہے، انشاء اللہ بہت جلد اپنے عوام کے درمیان ہوں گا۔

وزیر اعظم نے کہا کہ عوام دعا کریں کہ وطن ہرقسم کی بیرونی سازشوں سے محفوظ رہے، اللہ کےفضل اور اہل وطن کی دعاؤں سے صحت یاب ہورہا ہوں۔

دوسری جانب رمضان المبارک کے لیے واپڈا کی جانب سے لوڈ شیڈنگ کا شیڈول جاری کردیا گیا،دیہاتی علاقوں میں 14 گھنٹے جبکہ شہری علاقوں میں 12 گھنٹے لوڈ شیڈنگ کی جائے گی۔

جون 6, 2016
متحدہ نے وزیراعلیٰ ہائوس کا گھیراؤ کرکے غلط کیا، قائم علی شاہ

کراچی: وزیراعلیٰ سندھ قائم علی شاہ نے کہا ہے کہ متحدہ نے وزیراعلیٰ ہائوس کا گھیراؤ کرکے غلط کیا، پانی کی کمی پورے شہر میں ہے ، کیا تمام شہر متحدہ کی طرح کنٹینر پر چڑھ جائے؟

متحدہ قومی موومنٹ کے احتجاج پر تنقید کرتے ہوئے انہوں نے بیان دیا ہے کہ پانی کی کمی دور کرنے کے لیے کے فور منصوبہ بنا رہے ہیں، منصوبے کے لیے ہم نے چھ ارب روپے مختص کیے ہیں، وفاقی حکومت ہمارے ساتھ انصاف نہیں کررہی۔

وزیر اعلیٰ کا کہنا تھا کہ ایم کیو ایم کے رویے پر افسوس ہوا، پانی کے معاملے پر سیاست کرنا درست نہیں، ایم کیو ایم غلط روایت قائم کررہی ہے, اگر ہم متحدہ قومی موومنٹ کے میئرکے دفتر کا گھیراؤ کریں تو کیسا لگے گا۔

انہوں نے مزید کہا کہ چیئرمین اینٹی کرپشن کو دبئی اجلاس کے بعد نہیں ہٹایا، تبادلے اور تقرریاں معمول کا حصہ ہیں،دبئی اجلاس کے فیصلے درست ہوتے ہیں۔

جون 5, 2016
ویلنگٹن: وزیر اعظم کو پارلیمنٹ سے باہر جانے کا حکم

ویلنگٹن: نیوزی لینڈ کے وزیر اعظم کو اس وقت شدید شرمندگی کا سامنا کرنا پڑا جب پارلیمنٹ میں اسپیکر نے انہیں باہر جانے کا حکم دے دیا۔ پارلیمنٹ میں اس وقت پاناما پیپرز کے حوالے سے بحث جاری تھی۔

وزیر اعظم جان کی کو اس سے قبل بھی اپوزیشن لیڈر کی حیثیت سے کئی بار اجلاس سے باہر بھیجا جا چکا ہے تاہم وزیر اعظم بننے کے بعد یہ پہلی بار ہے۔ اسپیکر نے انہیں اپنی تقریر ختم کر کے سیٹ پر بیٹھنے کو کہا اور ان کا مائیک بند کردیا گیا، لیکن وزیر اعظم نے اپنی تقریر جاری رکھی جس پر اسپیکر نے غصے میں انہیں باہر چلے جانے کا حکم دیا۔

وزیر اعظم نے الزام لگایا تھا کہ عالمی ماحولیاتی تنظیم گرین پیس کا نام پاناما پیپرز میں شامل ہے جبکہ اس کو دیے جانے والے فنڈ مختلف جگہوں پر استعمال ہو تے ہیں۔ نیوزی لینڈ میں گرین پارٹی کے لیڈر جیمس شا نے اس پر سیخ پا ہو کر وزیر اعظم سے معافی کا مطالبہ کیا۔ انہوں نے یہ بھی کہا کہ جو شخص وزیر اعظم ہوتے ہوئے بھی آپے سے باہر ہوجاتا ہے اسے پارلیمنٹ میں بیٹھنے کا کوئی حق نہیں۔

مئی 11, 2016
دوسرے ایل این جی ٹرمینل کی تعمیر ملکی مفاد کے خلاف ہے، اسلام آباد چیمبر آف سمال ٹریڈرز

اسلام آباد: اسلام آباد چیمبر آف سمال ٹریڈرز کے سرپرست شاہد رشید بٹ نے کہا ہے کہ ایل این جی کے دوسرے ٹرمینل کی تعمیر کا فیصلہ ملکی مفاد کے خلاف ہے جس سے سالانہ اربوں روپے کا نقصان ہو گا۔

تفصیلات کے مطابق اپنے ایک بیان میں انہوں نے زور دیا کہ اس ٹرمینل کی تعمیر کراچی تا لاہور گیس پائپ لائن کی تکمیل تک ملتوی کی جائے ورنہ عوام اور کاروباری افراد پر اضافی بوجھ پڑے گا۔ ایل این جی کا پہلا ٹرمینل 11 ماہ کے ریکارڈ وقت میں مکمل ہوا جس کی استعداد 600 ایم ایم سی ایف ڈی (ملین مکعب فٹ) ہے تاہم ابھی تک گیس کی موجودہ پائپ لائنیں 400 ایم ایم سی ایف ڈی سے زیادہ گیس ترسیل کرنے کی سکت نہیں رکھتیں۔

انہوں نے کہا کہ ٹرمینل کے عدم استعمال پر حکومت کو روزانہ 2 لاکھ 30 ہزار ڈالر جرمانہ بھی ادا کرنا پڑتا ہے جبکہ ٹرمینل کو استعداد سے کم استعمال کرنے پر بھی جرمانہ ادا کیا جاتا ہے جس سے گیس مہنگی ہو جاتی ہے۔

شاہد رشید بٹ نے کہا کہ ان حالات میں پنجاب میں 3600 میگا واٹ کی بجلی گھروں کو ایل این جی فراہم کرنے کے لیے کراچی میں 600 ایم ایم سی ایف ڈی کے دوسرے ٹرمینل کی تعمیر کا فیصلہ سمجھ سے بالا تر ہے کیونکہ یہ 11 ماہ میں تعمیر ہو جائے گا جس سے دونوں ٹرمینلز کی مجموعی استعداد بارہ سو ایم ایم سی ایف ڈی ہو جائے گی جس کے لیے موجودہ انفراسٹرکچر بہتر بنانے اور نئی پائپ لائن کی ضرورت ہو گی جو 2018 سے قبل نا ممکن ہے۔

مئی 11, 2016
باکس آفس میں فلم ’’کیپٹن امریکا سول وار‘‘ کا راج

نیویارک: محض تین دن میں اٹھارہ کروڑ اٹھارہ لاکھ ڈالرز کا بزنس سمیٹنے والی فلم ’’کیپٹن امریکاسول وار‘‘ باکس آفس پر پہلے نمبر پر براجمان ہے۔

تفصیلات کے مطابق ایکشن سے بھرپورفلم ’’کیپٹن امریکا سول وار‘‘ نے محض تین دن میں تقریباً انیس کروڑ ڈالرز کا بزنس کر نے کے بعد باکس آفس پر گزشتہ ہفتے سرِفہرست رکھنے والی فلم ’’جنگل بک‘‘ کو پیچھے چھوڑتے ہوئے اول نمبرپہ جگہ بنالی۔

فلم کی کہانی کیپٹن امریکا کا کردارادا کرنے والے کرس ایونز، آئرن مین (رابرٹ جونئیر) اورسیاہ فام بیوہ خاتون جوہانسن کے گرد گھومتی ہے، جو دشمن کے خلاف یکجا ہوکراپنا مشن پورا کرتے ہیں۔

باکس آفس پرفلم ’’کیپٹن امریکا سول وار‘‘ کے سرفہرست ہونے کےبعد گذشتہ ہفتے کی نمبر ون ’’جنگل بک‘‘ دو کروڑ دس لاکھ بزنس کے ساتھ دوسرے نمبر پرآ گئی ہے، جبکہ تیسرے نمبر پربراجمان جذباتیت سے بھرپور فلم ’’مدرزڈے‘‘ کو بھی شائقین کی جانب سے پذیرائی ملی۔

یاد رہے فلم ’’کیپٹن امریکا سول وار ‘‘ کو سب سے پہلے فرانس میں 27 اپریل کو ریلیز کیا گیا تھا،فلم کے پرڈیوسر کیون جبکہ ڈائریکٹرز جوائےرُوسو اور اینتھونی رُوسو ہیں۔

مئی 9, 2016
کینیڈا کےجنگل میں لگی آگ بےقابو

مک مرے: کینیڈا کے صوبہ البرٹا کے جنگل میں گذشتہ ہفتے لگنے والی آگ نے مزید شدت اختیارکرلی ہے،آگ پر مکمل قابو پانے کے لیے کئی ماہ لگ سکتے ہیں۔

تفصیلات کے مطابق گزشتہ ہفتے کینیڈا کے صوبہ البرٹا میں واقع جنگل میں آگ بھڑک اُٹھی تھی جس نے دیکھتے ہی دیکھتے پورے جنگل کو اپنی لپیٹ میں لے لیاتھا،آتشزدگی کے بعد ایک لاکھ سے ذائد مقامی افراد علاقہ مک مرے سے نقل مکانی پر مجبور ہوگئے ہیں۔

اطلاعات کے مطابق آگ نےتقریباً چھ سو اکیس مربع میل علاقے کو لپیٹ میں لےلیاہے موسم میں آنےوالےٹھہراؤسےآگ اتنی تیزی سے نہیں پھیل رہی جیسا کہ خدشہ ظاہرکیا گیا تھا کہ آگ سات سومربع میل تک پھیل جائے گی۔

فائر فائیٹنگ ادارے کے اعلیٰ حکام نے دعویٰ کہ 1400 فائر فائٹرز،133 ہیلی کاپٹرز،27 ائیر ٹینکرز کی مدد سے ہم کئی اہم مقامات پرآگ پرقابوپانے میں کامیاب ہوگئے ہیں تاہم موسم کی صورتِ حال کو دیکھتے ہوئے خدشہ ظاہر کیا جارہا ہے کہ اب بھی آگ کومکمل ٹھنڈاکرنےمیں کئی ماہ لگ سکتےہیں۔

اس ساری ابتر صورتِ حال میں واحد خوش آئند بات یہ ہے کہ ہوا کے تیز جھکڑ آگ کو مک مرے سے پیچھے دھکیل رہے ہیں جس کی وجہ سے آئل کے پیداوری علاقہ قدرتی طور پہ محفوظ ہو گیا ہے بہ صورتِ دیگر مذید ہولناک تباہی اور ناقلِ تلافی نقصانات کا سامنا کرنا پڑتا۔

مئی 9, 2016
کرکٹ بورڈ سے نالاں عبد القادر کے بیٹے جنوبی افریقہ کی نمائندگی کریں گے

لاہور: پاکستان کر کٹ بورڈ کی جانب سے مسلسل نظرانداز کیے جانے پرمعروف اسپینرعبدالقادرکے بیٹے، عثمان قادر نے جنوبی افریقہ کی جانب سے کرکٹ کھیلنے کا فیصلہ کرلیا۔

تفصیلات کے مطابق دنیائے کرکٹ میں اسپین باؤلنگ کا منفردانداز متعارف کرانے والے پاکستانی لیجنڈ اسپینرعبدالقادر کے بیٹے عثمان قادر نے مسلسل نظرانداز کیے جانے پر جنوبی افریقہ کی جانب سے کرکٹ کھیلنے کا فیصلہ کرلیا۔

میڈیا کو اپنے فیصلے سے آگاہ کرتے ہوئے عثمان قادر کا کہنا تھا کہ وہ پاکستان کے لیے کھیلنا چاہتے تھے مگر کرکٹ بورڈ نے مجھے عبدالقادر کا بیٹا ہونے کی سزا دی۔ انہوں نے یہ فیصلہ اپنے کرکٹ کئیریر کو بچانے کے لیے کیا۔

اس موقع پہ عثمان قادرکا مزید کہنا تھا کہ وہ انٹرنیشنل کرکٹ کھیل کراپنےخاندان کا نام روشن کرنا چاہتے ہیں اور اپنے والد کے مداحوں کے لیے باعثِ فخر بننا چاہتے ہیں۔

اس موقع پر لیجنڈ اسپینر عبدالقادر کا شکوہ تھا کہ میرے سچ بولنے کی سزا میرے بیٹوں کو ملی، میں نے بورڈ میں رہتے ہوئے بھی کبھی اپنے بیٹوں کی سفارش نہیں کی۔

سابق اسپینر نے بتایا کہ ان کے بیٹے کو آسٹریلیا سے بھی پیشکش ہوئی تھی لیکن اُس وقت انہوں نے بیٹے منع کرکے انتظار کرنے کا کہا تھا۔

انہوں شکوہ کیا کہ یہاں میرے بیٹے کو مسلسل نظر انداز کیا جاتا رہا تھا،اس لیے وہ اپنے بیٹے کو اس بارمنع نہیں کرسکے۔

منفرد باؤلنگ اسٹائل کے حامل اسپینر نے مزید کہا کہ جہاں ماجد خان اور حنیف محمد کے بیٹوں کے ساتھ زیادتی ہوئی وہاں یس سرنہ کرنے والے عبدالقادر کے بیٹوں کو کون پوچھے گا؟

یادرہے کہ اس سے قبل موقع نہ ملنے کا شکوہ لیے ایک اور ماہر اسپینر عمران طاہر بھی جنوبی افریقہ میں سکونت اختیار کر چکے ہیں،اور کامیابی کے ساتھ جنوبی افریقہ کی نمائندگی بھی کررہے ہیں۔

مئی 8, 2016
بوسنیا میں تاریخی مسجد کی تعمیرِ نو مکمل

بوسنیا: خانہ جنگی کے دوران تباہ ہونے والی عثمانی دور کی تاریخی مسجد تعمیرِ نو کے بعد لوگوں کی توجہ کا مرکز بن گئی۔

تفصیلات کے مطابق بوسنیا میں دوران جنگ تباہ ہونے والی تاریخی مسجد کی تعمیرِ نو مکمل کر کے عوام کے لیے کھولا جا رہا ہے۔ تاریخی مسجد کے دوبارہ کھولے جانے کی تقریب میں ہزاروں مسلمانوں سمیت دیگر مذاہب سے تعلق رکھنے والے افراد بھی شرکت کریں گے۔

مسجد کی تعمیرِ نو کومذہبی رواداری کی عمدہ مثال کے طور لیا جارہا ہے۔

بوسنیا میں بسنے والے مسلمانوں، انتہا پسند سرب یہودیوں اور کروشیائی کیتھولک کے درمیان بیس سال تباہ کن جنگ جاری رہی۔نسلی بنیادوں پر تقسیم بوسنیا میں امنِ عامہ کی مکمل بحالی کے لیے حریف گروپوں کے درمیان مفاہمت کے ساتھ ساتھ یورپی ممالک کے ساتھ بہترین تعلقات استوار کرنے کی کے ضرورت محسوس ہوتی ہے۔

تقریب میں شرکت کے لیے پورے ملک سے آنے والے مسلمان شرکت کریں گے۔کسی بھی ناخوشگوار واقعہ سے نمٹنے کے لیے ایک ہزار پولیس اہلکار معمور ہیں۔جبکہ شہر کے مرکز میں ٹریفک سمیت شراب نوشی بھی ممنوع ہے۔

مسجد کے تعمیر نو کے لیے ترکی نے مالی امداد فراہم کی تھی.اس موقع پرترکی کے موجودہ وزیر اعظم نے مسجد کی تعمیر نو کو امن کے پیغام سے تعبیر کیا ہے۔

سرب انتہا پسندوں کی جانب سے علیحدگی کی دھمکیوں کا حوالہ دیتے ہوئے ترک وزیراعظم نے کہا کہ بوسنیا رہنے والے مسلمان، کیتھولک اور یہودی ایک جسم ایک قلب کی مانند ہیں۔اگر کسی نے انہیں تقسیم کرنے کی کوشش کی تو اسے دلوں کی تقسیم سمجھا جائے گا۔

یاد رہے یونیسکو کے زیرِ حفاظت فرح دیجہ مسجد سولویں صدی میں تعمیر ہوئی۔یہ مسجد عثمانی سلطنت کی فنِ تعمیر کی ایک شاندار مثال ہےجسے 23 سال قبل جنگ کے دوران تباہ کردیا گیا تھا۔

مسجد کی تعمیرِ نو کا سنگِ بنیاد 2001 میں رکھا گیا۔سنگِ بنیاد رکھنے کی تقریب میں میں آنے والے لوگوں پر انتہا پرست سرب کی جانب سے کیے گئے حملوں میں ایک مسلمان شہید اور درجنوں زخمی ہوئے تھے۔

کئی غیر ملکی حلقوں نے الزام لگایا ہے کہ تاریخی مسجد کو بوسنیا کے سرب انتہا پسندوں نے تباہ کیا تھا تاکہ نسلی بنیادوں پر تقسیم اس شہر سے مسلمانوں کا نام و نشان تک مٹادیا جائے۔

بوسنیا کےصدر کے ترجمان کا کہنا تھا کہ مسلمانوں، کیتھولک عیسائیوں اور یہودی سربوں کے نمائندوں نے اس موقع پر متحد ہوکر امن کا پیغام عام کیا ہے۔

مئی 8, 2016