Tag: ARYNews

  • چھوٹے سے قصبہ کی رہائشی جو چاند کو چھونے جارہی ہے

    چھوٹے سے قصبہ کی رہائشی جو چاند کو چھونے جارہی ہے

    اوٹی، بھارتی ریاست تامل ناڈو کا ایک غیر معروف قصبہ شاید بہت جلد مشہور ہوجائے کیونکہ یہاں کی رہائشی دیپانی گاندھی بہت جلد چاند کو چھونے والی ہے۔ چھبیس سالہ دیپانہ ٹیم انڈس کی ایک رکن ہے جو بھارت کی وہ واحد ٹیم ہے جو تیس ملین ڈالر کے گوگل لونر پرائز کے لیے شارٹ لسٹ کی گئی ہے۔

    بھارت کے علاوہ دیگر 16 عالمی ٹیمیں بھی اس مقابلے میں شامل ہیں۔ یہ مقابلہ نجی طور پر فنانس کیے جانے والے روبوٹک کرافٹ کے حوالے سے ہے جو 2017 میں چاند پر اترے گا۔

    دیپانہ اس دستاویزی فلم کی مرکزی کردار بھی ہے جو اس مقابلے میں شامل ٹیموں کی جدوجہد پر بنائی جارہی ہے۔ ’مون شوٹ‘ کے نام سے بنائی جانے والی دستاویزی فلم جے جے ابرامز کی زیر نگرانی بنائی جارہی ہے جو اس سے قبل ایک ٹی وی سیریز ’لوسٹ‘ اور ’اسٹار وارز ۔ دی فورس اویکنز‘ کے خالق بھی ہیں۔

    دستاویزی فلم میں گفتگو کرتے ہوئے دیپانی کہتی ہیں،’ بھارت بدل رہا ہے جس کا ایک ثبوت میں ہوں۔ اب ایسی خواتین بھی ہیں جو سائنس اور خلا کی تعلیم حاصل کر رہی ہیں۔ بہت جلد ان کی تعداد ان شعبوں میں مردوں کے برابر ہوجائے گی۔

    بنگلور کی ٹیم انڈس میں دیپانہ اس گروپ کا حصہ ہیں جو خلائی جہاز کے لانچ ہونے سے اس کے چاند پر اترنے تک جہاز کو کنٹرول کرنے کا ذمہ دار ہوگا۔

    آسکر کے لیے نامزد ’اورلانڈو وان آئن سیڈل‘ اس دستاویزی فلم کے ہدایت کار ہیں۔ فلم میں دیپانہ کے اسکول کے دنوں سے لے کر اس کے حال تک کی کہانی بیان کی گئی ہے جہاں وہ چاند کو چھونے جارہی ہے۔

    مجھے بچپن سے ہی حساب سے دلچسپی تھی۔ دیپانہ کہتی ہے، ’سائنس کے ساتھ میتھ پڑھنا بہت مزے کا کام ہے۔‘ فلم میں اسے ایک چھوٹے سے قصبے کے ایک اسکول میں بچوں کو خلا کے بارے میں پڑھاتے ہوئے دکھایا گیا ہے۔ فلم میں وہ اپنے امریکا کے سفر کے بارے میں بھی بتاتی ہے جہاں اسے فلم کی شوٹنگ کے سلسلے میں جانا پڑا۔

    دیپانی کلپنا چاولہ سے بہت متاثر ہے جو بھارتی نژاد امریکن خلا باز تھی اور اسے خلا میں جانے والی پہلی بھارتی خاتون خلا باز کا اعزاز حاصل ہوا۔

    دیپانہ بتاتی ہے، ’ لوگ مجھے کہتے تھے کہ تم لڑکی ہو، تم گھر بیٹھو اور آرام کرو۔ لیکن میرے والد نے مجھے بہت حوصلہ دیا۔ انہوں نے ہمیشہ مجھے سبق دیا کہ ایک لڑکی بھی وہ سب کچھ کر سکتی ہے جو کوئی لڑکا کر سکتا ہے۔ ان ہی کے دیے ہوئے اعتماد کی بدولت آج میں نے اپنے آپ کو ثابت کردیا۔‘

    انڈین اسٹیٹیوٹ آف ٹیکنالوجی دہلی کے ایک سابق طالبعلم راہول نارائن نے انڈس ٹیم قائم کی تھی ۔ اس ٹیم نے ناتجربہ کاری اور ناکافی سہولیات کے ساتھ اس مقابلے میں حصہ لیا لیکن یہ ٹیم اب مقابلے میں سب سے آگے ہے۔

  • آئین اور اسلام سے متصادم ہر قانون کیخلاف آواز اٹھائیں گے، مولانا فضل الرحمٰن

    آئین اور اسلام سے متصادم ہر قانون کیخلاف آواز اٹھائیں گے، مولانا فضل الرحمٰن

    لاہور: جمعیت علمائے اسلام ف کے سربراہ مولانا فضل الرحمٰن نے کہا ہے کہ آئین اور اسلام سے متصادم کوئی بھی قانون سازی ہو گی تو اس کیخلاف آواز اٹھائیں گے۔

    لاہور میں میڈیا سے گفتگو کرتے ہوئے جمیعت علما اسلام ف کے سربراہ مولانا فضل الرحمن کا کہنا تھا کہ نیب سے متعلق جتنے بھی معاملات ہیں، ان سے کوئی تعلق نہیں، اگر حکمران جماعت نے بھی نیب پر تحفظات کا اظہار کیا ہے تو سوچنے کی بات ہے۔

    انہوں نے کہا کہ آئین اور اسلام سے متصادم کوئی بھی قانون سازی ہو گی تو اس کیخلاف آواز اٹھائیں گے، اسلامی اقدارکے خلاف قوانین کی مخالفت کرتے رہیں گے، ان کا کہنا تھا کہ فریاد ہمیشہ متاثرہ فریق ہی کرتا ہے۔

  • کثیر ایوارڈ جیتنے والا ٹیلی ویژن شو برقعہ ایونجر کا سیزن 4 تیار

    کثیر ایوارڈ جیتنے والا ٹیلی ویژن شو برقعہ ایونجر کا سیزن 4 تیار

    کراچی : پاکستان کی سب سے مشہور کارٹون سیریز برقعہ ایونجر کا چوتھا سیزن اے آر وائی ڈیجیٹل کے چینل نیکلوڈین پردھوم مچانے آرہا ہے۔

    ایمی ایوارڈ نامزد اور کثیر ایوارڈ جیتنے والا ٹیلی ویژن شو برقعہ ایونجر کا سیزن 4 تیار کرلیا گیا ہے۔

    برقعہ ایونجر کا نیا سیزن 20 دسمبر اتوار سے روزانہ ساڑھے چار بجے سے ساڑھے سات بجے تک صرف و صرف نکلوڈین پر پیش کیا جائے گا۔

    برکا ایونجر پاکستان کا پہلا انیمیٹد ٹی وی سیریل ہے برقعہ ایونجر ایک ایسی کہانی ہے جس میں ایک لڑکی کو سپر ہیروین بناکر پیش کیا گیا ہے جو انصاف، امن اور تعلیم کے لئے لڑائی کرتی نظر آتی ہے اور ہر کسی کی مدد کرنے کو تیار رہتی ہے۔

    برقعہ ایونجر کو ملنے والے ایوارڈ کی فہرست مندرجہ ذیل ہیں:

    پیباڈی ایوارڈ

    عالمی ایمی ایوارڈ نامزد

    بین الاقوامی انعام برائے صنفی مساوات

    بہترین ٹی وی شو پر ایشیائی میڈیا ایوارڈ

    کینیڈا انٹرنیشنل فلم فیسٹیول میں رائزنگ اسٹار ایوارڈ

    عالمی فلم مقابلہ میں میرٹ کا ایوارڈ

    لمز انٹرنیشنل فلم فیسٹیول میں سب سے بہتر عالمی انیمیشن

    قومی انوویشن ایوارڈ پاکستان میں رن

    ٹائم میگزین نے 2013 کے سب سے زیادہ متاثر کن کردار قرار دیا۔

  • شام کے صوبےالحسکہ میں3دھماکے،15افرادہلاک،90 زخمی

    شام کے صوبےالحسکہ میں3دھماکے،15افرادہلاک،90 زخمی

    بغداد : شامی صوبےالحسکہ میں میں تین دھماکوں کے نیتجےمیں پندرہ افرادہلاک اورنوے زخمی ہوگئے۔ دھماکےکے نتیجے میں انفراسٹرکچرکوشدید نقصان پہنچا ہے، دھماکے کی ذمہ داری کسی نےقبول نہیں کی۔

    غیر ملکی میڈیا کے مطابق دہشت گردی کا واقعہ گزشتہ روزشامی شہرتل تمر میں پیش آیا۔اطلاعات کےمطابق ہلاک شدگان میں عورتیں اور بچے شامل ہیں۔

    زخمی ہونے والے افراد کو اسپتال منتقل کردیا گیا ہے جس میں سے بیشترکی حالت اب خطے سے باہر ہے۔انسانی حقوق کی شامی مبصرتنظیم کا کہناہےکہ تینوں دھماکے بارود سے بھرے ٹینکس کے ذریعے کئے گئے۔

    دھماکوں کی ذمہ داری ابھی تک کسی تنظیم نے قبول نہیں کی ہے تاہم تجزیہ کارداعش کو اس واردات میں ملوث قراردےرہےہیں جو اس سے پہلے بھی تل تمر کو نشانہ بناچکی ہے۔

  • وفاقی حکومت نے 9 نومبر کی چھٹی منسوخ کردی

    وفاقی حکومت نے 9 نومبر کی چھٹی منسوخ کردی

    اسلام آباد : وفاقی وزارت داخلہ نے کہا ہے کہ اقبال ڈے کے موقع پر عام تعطیل نہیں ہوگی۔

    وفاقی وزارت داخلہ کے مطابق 9 نومبر علامہ اقبال کے یوم پیدائش کے موقع پر عام تعطیل نہیں کی جائیگی جبکہ سرکاری دفاتر اور سکول کھلے رہیں گے۔

     

    وزارت داخلہ کی جانب سے جاری مراسلے میں کہا گیا ہے کہ اس سال9نومبر کو اقبال ڈے کی چھٹی نہیں ہو گی، سرکاری دفاتر اور سکول معمول کے مطابق کھلے رہیں گے اور اپنا کام کریں گے۔

    واضح رہے کہ 9 نومبر علامہ اقبال کا یوم پیدائش منایا جاتا ہے، علامہ اقبال برصغیر پاک و ہند کے عظیم شاعر تھے جنہوں پاکستان کے بنے کا خواب دیکھا تھا ۔

  • شہادتِ حضرت عمر فاروق رضی اللہ تعلیٰ عنہ

    شہادتِ حضرت عمر فاروق رضی اللہ تعلیٰ عنہ

    خلافت راشدہ کے دوسر ے تاجدار اسلامی تاریخ کی اولوالعزم، عبقری شخصیت ،خُسر رسول ۖ داماد علی المرتضیٰ ، رسالت کے انتہائی قریبی رفیق ، خلافت اسلامیہ کے تاجدار ثانی حضرت عمر بن خطابؓ وہ خلیفہ ہیں جنہیں اپنی مرضی سے نہ بولنے والے پیغمبر خداۖ نے غلاف کعبہ پکڑ کر دُعا مانگی تھی اے اللہ مجھے عمر بن خطاب عطا فرما دے یا عمرو بن ہشام، دعائے رسول کے بعد عمر بن خطاب تلوار گردن میں لٹکائے ہاتھ بندھے سیدھے دروازہ رسولﷺ پر پہنچے صحابہ کرام نے جب یہ آنے کی کیفیت دیکھی تو بارگاہ رسالت میں دست بستہ عرض کی یا رسول اللہ ۖ عمر اس حالت میں آ رہے ہیں تو آپ نے فرمایا انہیں آنے دو ۔نیّت اچھی تو بہتر ورنہ اسی تلوار سے اس کا سر قلم کردیا جائے گا۔

    جب بارگاہ رسالت میں عمر بن خطاب حاضر ہوئے دست رسول ۖ پر بیعت کر کے کلمہ طیبہ پڑھا تو فلک شگاف نعروں سے نعرہ تکبیر کی صدائیں بلند ہوئیں تو ہر طرف بخِِ بخِِ کی صدائیں گونجیں جس عمر بن خطاب کے آنے پر اتنی خوشیاں منائی گئیں جس کے رُعب اور دب دبہ سے دشمنان اسلام اس قدر حواس باختہ ہوتے تھے کہ بے شک یہ مرد قلندر کھلے آسمان تلے تن تنہا تلوار اور کوڑا لٹکا کر آرام کر رہا ہوتا تھا مگر کسی کو یہ جرأ ت نہ ہوتی تھی کہ عمر بن خطاب کا کوڑا یا تلوار اُٹھاتا ۔

    حضرت عمر فاروقؓ دوسرے خلیفہ راشد ہیں ، نبی اکرم ﷺ اور حضرت ابوبکر صدیقؓ کے بعد آپؓ کا رتبہ سب سے بلند ہے، آپؓ کے بارے میں رسول اکرم ﷺ نے فرمایا:میرے بعد اگر کوئی نبی ہوتا تو عمر ہوتا(ترمذی ) ‘عمر کی زبان پر خدا نے حق جاری کر دیا ہے (بیہقی)، جس راستے سے عمر گزرتا ہے شیطان وہ راستہ چھوڑدیتا ہے (بخاری ومسلم)‘میرے بعد ابوبکر وعمر کی اقتداء کرنا( مشکٰوۃ)‘۔ آپؓ نے ہجرت نبوی کے کچھ عرصہ بعد بیس افراد کے ساتھ علانیہ مدینہ کو ہجرت کی ، آپؓ نے تمام غزوات میں حصہ لیا۔634ء میں خلافت کے منصب پہ فائزکیے گئے۔644ء تک اس عہدہ پر کام کیا۔

    آپ کے دور خلافت میں اسلامی سلطنت کی حدود 22لاکھ مربع میل تک پھیلی ہوئی تھیں آپ کے اندازِحکمرانی کودیکھ کر ایک غیر مسلم یہ کہنے پہ مجبور ہوگیاکہ اگر عمر کو 10سال خلافت کے اور ملتے تو دنیا سے کفر کانام ونشان مٹ جاتا۔ حضرت عمر کازمانہ خلافت اسلامی فتوحات کا دور تھا۔اس میں دو بڑی طاقتوں ایران وروم کو شکست دے کرایران عراق اور شام کو اسلامی سلطنتوں میں شامل کیا۔بیت المقدس کی فتح کے بعدآپ خودوہاں تشریف لے گئے۔

    حضرت عمر فاروقؓ کا مشہور قول ہے کہ اگر دریائے فرات کے کنارے ایک کُتا بھی پیاسا مر گیا تو عمر سے پوچھا جائے گا اس قدر خوف خدا رکھنے والا راتوں کو جاگ کر رعایا کی خدمت اور جس کی زبان سے نکلے ہوئے الفاظ کی تائید میں سورئہ نور کی آیات مبارکہ کا نازل ہونا جس نے اپنی آمد پر مدینہ کی گلیوں میں اعلان کیا، کوئی ہے جس نے بچوں کو یتیم کرانا ہو ، بیوی کو بیوہ کرانا ہو ، ماں باپ کی کمر جھکانا ہو ، آنکھوں کا نورگُم کرانا ہو ،آئے عمر نے محمد رسول اللہ ۖ کی غلامی کا دعویٰ کر لیا ہے آج سے اعلانیہ اذان اور نماز ہوا کرے گی ۔

    حضرت عمر فاروق رضی اللہ عنہ سب سے پہلے امیرالمومنین کہہ کر پکارے گئے آپؓ نے بیت المال کا شعبہ فعال کیا اسلامی مملکت کو صوبوں اور ضلعوں میں تقسیم کیا عشرہ خراج کا نظام نافذ کیا مردم شماری کی بنیاد ڈالی قاضیوں کےلئے خطیر تنخواہیں متعین کیں، احداث یعنی پولیس کا محکمہ قائم کیا جیل خانہ وضع کیااو رجلاوطنی کی سزا متعارف کی سن ہجری جاری کیا زراعت کے فروغ کےلئے نہریں کھدوائیں۔

    اسلام کے اس عظیم سپوت کی فتوحات سے اہل باطل اتنے گھبرائے کے سازشوں کا جال بچھا دیا اور ایک ایرانی بد بخت مجوسی ابو لولو فیروز نے یکم محرم الحرام 23 ہجری کو امام عدل و حریت ، خلیفہ راشد، امیر المومنین ، فاتح عرب وعجم پر حملہ کر کے مدینہ منوّرہ میں شہید کر دیا ۔آپ روضہ رسول ۖ میں انحضرت ۖ کے پہلو مبارک میں مدفن ہیں۔

    وہ عمر جس کے ا عداء پہ شیدا سقر
    اس خدا دوست حضرت پہ لاکھو ں سلام

  • عمران خا ن کیخلاف ریفر نس کا علم نہیں، سیکریٹری الیکشن کمیشن

    عمران خا ن کیخلاف ریفر نس کا علم نہیں، سیکریٹری الیکشن کمیشن

    اسلام آباد: سیکریٹری الیکشن کمیشن بابر یعقوب نے میڈیا سے گفتگو کرتے ہو ئے عمران خان کے خلاف الیکشن کمیشن میں کسی بھی قسم کے ریفرنس کی تردید کی۔

    سیکریٹری الیکشن کمیشن بابر یعقوب نے پی ٹی آئی کے چئیرمین عمران خان کیخلاف ریفرنس کی باز گشت پر وضاحت کی ہے کہ اس حوالے سے کوئی بھی چیز ان کے علم میں نہیں ہے ، اور نہ ہی الیکشن کمیشن سے انہیں اس تنا ظر میں نہ ہی انہیں کسی قسم کی ہدایات اب تک مو صول ہو ئی ہیں۔

     ٹریبو نل کے ججز کی مدت میں توسیع کے متعلق سیکریٹری الیکشن کمیشن نے کہا کہ ٹریبونل ججز کوتوسیع نہ دینے کا فیصلہ بائیس جون کو کرلیا گیا تھا۔

     اب ٹریبونل میں زیر التوا کیسزحاضر سروس ججز کو منتقل کردیے جائیں گے ساتھ ہی ان کا یہ بھی کہنا تھا کہ خیبر پختونخوا کی خا لی بلدیاتی نشستوں پر انتخابات جلد کراوائے جائیں گے۔

  • ثابت ہوگیا کہ عمران خان سیاسی طورپرنا بالغ ہیں، مولانا فضل الرحمن

    ثابت ہوگیا کہ عمران خان سیاسی طورپرنا بالغ ہیں، مولانا فضل الرحمن

    اسلام آباد: جمعیت علمائے اسلام کے سربراہ مولانا فضل الرحمن نے جوڈیشل کمیشن کے رپورٹ پر تبصرہ کرتے ہوے کہا کہ عمران خان کے الزامات جھوٹ کا پلندہ ثابت ہوگئے ہیں آور وقت آگیا ہے کہ وہ قوم سے معافی مانگیں۔

    مولانا فضل الرحمن نے کہا کہ ثابت ہوگیا کہ عمران خان سیاسی طورپرنابالغ ہیں انہین سیاست سے دستبردار ہو جانا چاہیئے۔
    انہوں نے کہا کہ جوڈیشل کمیشن کے رپورٹ کے بعد اب دھرنے کےاصل محرکات کی بھی تحقیقات ہونی چاہںں اور پتہ لگانا چاہے کہ لندن پلان کا ماسٹر مائینڈ کون تھا اور خان صاحب کن کے ایجنڈے پر عمل پیرا تھے۔

     انہوں نے کہا کہ عمران خان کو اپنے شھید کارکنوں کے خاندانوں سے بھی معافی مانگنی چاہیے اور انکے نقصانات کا ازالہ کرنا چاہے۔

     انہوں نے کہا کہ پاکستان میں عدم استحکام پیدا کرنے کا ایک اور ہتھیار ناکام ہوا اور آیندہ بھی انشااللہ آزاد میڈیا اور سرگرم جمہوریت کے ہوتے ہوے اس قسم کے ھتکنڈے کامیاب نہں ہونگے۔

  • بھارت نے قومی کرکٹ ٹیم کے محمد حفیظ کو ویزا جاری کردیا

    بھارت نے قومی کرکٹ ٹیم کے محمد حفیظ کو ویزا جاری کردیا

    لاہور: بھارتی ہائی کمیشن نے قومی کرکٹ ٹیم کے آل راؤنڈر محمد حفیظ کو بھارت کا ویزا جاری کر دیا۔

     پی سی بی ترجمان کے مطابق محمد حفیظ کو بولنگ ایکشن ٹیسٹ کے لئے بھارتی ویزا جاری کردیا گیا ہے،محمد حفیظ آئی سی سی سے ٹیسٹ کی نئی تاریخ ملنے کے بعد بھارت کے شہر چنئی روانہ ہوں گے۔

     سری لنکا کے خلاف دوسرے ٹیسٹ میچ کے بعد سے محمد حفیظ ویزے کے انتظار میں کولمبو میں ہی ہیں۔

    محمد حفیظ کا ایکشن دوسرے ٹیسٹ میچ کے دوران رپورٹ ہوا تھا، جس پر آئی سی سی نے انھیں چودہ روز میں بولنگ ایکشن ٹیسٹ کرانے کی ڈیڈ لائن دی تھی۔

  • طاہر القادری نے احتجاجی مظاہروں کے شیڈول کا اعلان کردیا

    طاہر القادری نے احتجاجی مظاہروں کے شیڈول کا اعلان کردیا

    لاہور: ڈاکٹر طاہر القادری نے احتجاجی مظاہروں کے شیڈول کا اعلان کردیا۔

    ڈاکٹر طاہر القادری نے جے آئی ٹی کے خلاف چودہ جون تک احتجاجی مظاہروں کے شیڈول کا اعلان کردیا۔

    عوامی تحریک کے سربراہ ڈاکٹر طاہر القادری کا کہنا ہے سانحہ ماڈل ٹان کے ذمہ دارووزیراعظم ،وزیراعلی پنجاب ،رانا ثنااللہ اوراس وقت کے آئی جی سمیت پولیس افسران ہیں۔

     انہوں نے جے آئی ٹی کے خلاف چودہ جون تک احتجاجی مظاہروں کا شیڈول کا اعلان کرتے ہوئے کہا احتجاج کرنا عوام کا حق ہے حکمران اس حق سے محروم نہیں کرسکتے۔