ARYNews.tv | Urdu – Har Lamha Bakhabar

Tag: ARYNews

  • حکومت اور عمران خان ضد نہ کریں لچک کا دکھائیں، چوہدری محمد سرور

    حکومت اور عمران خان ضد نہ کریں لچک کا دکھائیں، چوہدری محمد سرور

    لاہور: گورنر پنجاب چوہدری محمد سرور کہتے ہیں کہ تیس نومبر کے جلسے کیلئے حکومت اور تحریک انصاف لچک کامظاہرہ کریں اور ضد کسی کے مفاد میں نہیں ہوگی۔

    یونیورسٹی آف ویٹرینری اینڈ اینیمل سائنسز لاہور کے چھٹے کانووکیشن کے موقع پر میڈیا سے گفتگو کرتے ہوئے چوہدری محمد سرور نے کہا کہ سیاست میں مذاکرات کا راستہ ہی اختیار کیا جانا چاہیے۔

    انھوں نے کہا کہ امید ہے کہ تیس نومبر بھی پرامن طور پر گزرجائے گا۔ گورنر پنجاب کا کہنا تھا کہ جلسے کے لیے جگہ کا تعین ہوگیا ہے اور امید ہے تحریک انصاف کا احتجاج پر امن ہوگا۔

    چوہدری سرور کا کہنا تھا کہ تیس نومبر کے جلسے کے بعد فریقین کو سیاسی بحران کے حل کے لئے مذاکرات کرنا چاہیئے۔ انہوں نے تعلیمی میدان میں نمایاں کارکردگی کا مظاہرہ کرنے والوں میں میڈل اور امتیازی شیلڈ بھی تقسیم کیں۔

  • عالمی صحت نے بلوچستان میں سرگرمیاں فوری طور پر بند کردیں

    عالمی صحت نے بلوچستان میں سرگرمیاں فوری طور پر بند کردیں

    کوئٹہ: عالمی ادارہ صحت نے بلوچستان میں اپنی سرگرمیاں فوری طور پر روکنے کا فیصلہ کرتے ہوئے صوبے بھر میں قائم دفاتر تا حکم ثانی بند اور ورکرز کو کام کرنے سے روک دیا ہے۔ ادارے کے مطابق سرگرمیاں غیر معینہ مدت تک معطل رہیں گی۔

    عالمی ادارہ صحت نے یہ فیصلہ گذشتہ روز کوئٹہ میں انسداد پولیو ٹیموں پر ہونے والے حملے کے بعد کیا گیا ہے۔ عالمی ادارہ صحت کے زرائع کے مطابق ڈبلیو ایچ او پاکستان کے سربراہ ڈاکٹر مشعیل نے ہنگامی طور پر تمام سرگرمیاں تا حکم ثانی روکنے کا حکم جاری کرتے ہوئے صوبے بھر میں قائم تمام دفاتر فوری طور پر بند کرنے کی ہدایت جاری کر دیں ہے۔

    عالمی ادارہ صحت کی جانب سے اسٹاف کو خصوصی ہدایت کی گئی ہے کہ وہ کسی بھی انسداد پولیو مہم میں حصہ نہ لیں۔ ذرائع کے مطابق عالمی ادارہ صحت نے اپنے فیصلے سے متعلق وفاقی وزارت قومی صحت کو گذشتہ رات ہی آگاہ کر دیا تھا۔

    ذرائع کے مطابق عالمی ادارہ صحت نے وفاق اور صوبائی حکومت سے اپنے اسٹاف کو فول پروف سیکورٹی فراہم کرنے کی یقین دہانی طلب کی ہے۔ کوئٹہ میں گذشتہ روز انسداد پولیو ٹیم پر ہونے والے حملے میں تین خواتین ورکرز سمیت چار ورکرز جاں بحق ہو گئے تھے۔

  • تھرپارکر: غذائی قلت سے مرنے والے بچوں کی تعداد125 ہوگئی

    تھرپارکر: غذائی قلت سے مرنے والے بچوں کی تعداد125 ہوگئی

    تھر پارکر: مٹھی میں غذائی قلت کا شکار بچوں کی اموات کا سلسلہ جاری ہے۔ آج ایک اور بچی نے غذائی قلت کی وجہ سے دم توڑ دیا ہے اور سوا دو ماہ میں موت کا شکار ہونے والے بچوں کی تعداد ایک سو پچیس تک پہنچ گئی ہے۔

    صرف سوا دو ماہ میں تھر پارکر کے مختلف علا قوں میں زندگی کی بازی ہارنے والے بچوں کی تعداد ایک سو پچیس تک جا پہنچی ہے۔ اتنی بڑی تعداد میں اموات کی وجہ خوراک کی کمی ہے۔

    یہ کہانی صحرائے تھر کی ہے، جہاں ہر گزرتے دن کوئی کلی بن کھلے مرجھا جاتی ہے۔ خون کی کمی کاشکار لاغر مائیں جسمانی اور دماغی طور پر کمزور بچوں کو جنم دے رہی ہیں جس کے سدباب کیلئے صوبائی حکومت تو خاموش ہے ہی اس کے ساتھ ساتھ وقافی حکومت بھی زبانی جمع خرچ کر نے میں مصروف ہے۔

    تھر کے اسپتال بیمار اورلاچار بچوں سے بھرے پڑے ہیں، جو تکلیف سے کراہتے رہتے ہیں، بلکتے ہیں اور پھر روتے روتے زندگی ہارجاتے ہیں۔ اسپتال تو موجود ہے لیکن علاج کی بہتر سہولت دستیاب نہیں ہے۔

    ایک طرف خوراک کی کمی تو دوسری جانب ادویات نہ ملنے کی بھی شکایات مل رہی ہیں۔ بیماری اور بھوک بچوں کو نگل رہے ہیں۔

  • لاہور: گلو بٹ کی سزا کے خلاف اپیل سماعت کے لیے منظور

    لاہور: گلو بٹ کی سزا کے خلاف اپیل سماعت کے لیے منظور

    لاہور: لاہور ہائیکورٹ کی جانب سے  سانحہ ماڈل ٹاون کے اہم  کردار گلو بٹ کی سزا کے خلاف اپیل سماعت کے لیے منظور کرلی گئی ہے۔

    ہائیکورٹ کے دو رکنی بنچ نے گلو بٹ کی جانب سے سزا کے خلاف اور درخواست ضمانت کی سماعت کی گلوبٹ نے موقف اختیار کیا کہ سانحہ ماڈل ٹاؤن سے اس کا کوئی تعلق نہیں معمولی نوعیت کے مقدمے میں انسداد دہشت گردی عدالت نے گیارہ سال قید اور ایک لاکھ روپے جرمانے کی سزا سنائی جو انصاف کے تقاضوں کے خلاف ہے لہذا عدالت سزا کو کالعدم قرار دے جبکہ اپیل کے فیصلے تک ضمانت پر رہا کرنے کا حکم دیا جائے۔ عدالت نے اپیل سماعت کے لیے منظور کرتے ہوئے ہوئے پنجاب حکومت سمیت فریقین کو نوٹس جاری کرتے ہوئے جواب طلب کرلیا ہے۔

    گلو بٹ کی جانب سے درخواست ضمانت بھی دائر کی گئی تھی جسے عدالت نے قبل از وقت قرار دے دیا ہے بعد ازاں عدالت کے ریمارکس پر گلوبٹ کے وکلاء نے درخواست ضمانت واپس لے لی ہے۔ لاہور کی انسداد دہشت گردی عدالت نے ماڈل ٹاؤن میں گاڑیاں توڑنے کے مجرم گلو بٹ کو گیارہ سال قید اور جرمانے کی سزا سنائی تھی۔

  • کراچی: بازیاب 7بچیاں والدین اور دیگر سوشل ویلفئیر ڈیپارٹمنٹ کے حوالے

    کراچی: بازیاب 7بچیاں والدین اور دیگر سوشل ویلفئیر ڈیپارٹمنٹ کے حوالے

    کراچی: کراچی کے مختلف علاقوں سے پولیس تحویل میں لی گئی بچیوں کی تعداد چھتیس ہوگئی، سات بچیاں والدین کے حوالے کردیں گئی اور دیگر بچیاں کو سوشل ویلفئیرڈیپارٹمنٹ کے ادارے دارالبنات منتقل کردیا گیا ہے۔ مدرسہ کی معلمہ اورایوب نامی شخص پہلے ہی شامل تفتیش ہیں۔

    کراچی میں لیاقت آباد کے علاقے سے چھبیس بچیوں کی بازیابی کے بعد رات گئے مزید سات بچیاں جمشید ٹائون کےفلیٹ سے بھی برآمد ہوئیں تھیں۔ فلیٹ حمیدہ نامی خاتون کا ہے جولیاقت آباد سے برآمد ہونے والے مدرسے کی بچیوں کی منتظمہ ہے۔ جس کے بعد پولیس نے مزید کارروائی کرتے ہوئے کورنگی کراسنگ بھٹائی کالونی کے مدرسے سے مزید تین بچیوں کو برآمد کرلیا ہے۔ اس طرح برآمد ہونے والی بچیوں کی کل تعداد چھتیس ہوگئی۔

    علاقہ مکینوں کے مطابق کورنگی کے علاقے میں قائم یہ مدرسہ مکینوں کے بچوں میں دینی تعلیم فراہم کرتاتھا،باجوڑ سے تعلق رکحنے والی ان تینوں بچیوں کو مقامی پولیس اسٹیشن منتقل کر دیا ہے۔

    کراچی کے مختلف علاقوں سے بازیاب ہونے والی بچیوں کو سوشل ویلفیئر ڈیپارٹمنٹ کے ادارے دارالبنات منتقل کردیا گیا ہے۔ صوبائی وزیر سماجی بہبود و حقوق نسواں روبینہ قائم خانی کا کہنا ہے کہ حقیقی والدین کے رجوع کرنے کے بعد شناخت اور ضابطے کی کاروائی کے بعد ہی بچیوں کو ورثا کے حوالے کیا جائے گا۔

    واضح رہے گذشتہ دنوں لیاقت آباد میں قرض وصولی کیلئے مقروض ایوب کے گھر منتقل کی جانے والی چھبیس بچیوں کو پولیس نے تحویل میں لے کر ایس ایس پی وسطی کے دفتر منتقل کر دیاتھا،اس موقع پرایس ایس پی وسطی نعمان صدیقی نے کہا ہے کہ ان بچیوں کو صرف انکے والدین یا بھائیوں کے سپرد کیا جائے گا کسی رشتہ دار کے حوالے نہیں کی جائیں گی، بچیاں محفوظ ہاتھوں میں ہیں، بچیوں کے رشتے داروں نے میڈیا کو بتایا کہ انہیں مدرسے پر بھروسہ تھا اس لئے بچیوں کو داخل کرایا تھا۔

  • کراچی: فائرنگ اور پر تشدد واقعات میں دو جاں بحق، درجنوں گرفتار

    کراچی: فائرنگ اور پر تشدد واقعات میں دو جاں بحق، درجنوں گرفتار

    کراچی: کراچی کے مختلف علاقوں میں فائرنگ اور پرتشدد واقعات کے دوران دو افراد جاں بحق ہوگئے ہے، پولیس اور رینجرز نے شہر کے مختلف علاقوں میں کاروائیاں کرتے ہوئے ایک درجن سے زائد افراد کو حراست میں لے لیا ہے۔

    پولیس حکام کے مطابق کورنگی بنگالی پاڑہ کے قریب فائرنگ سے شہاب نامی شخص جاں بحق ہوا جس کی لاش کو ضابطے کی کاروائی کیلئے جناح اسپتال منتقل کیا گیا ہے۔ سرجانی تیسر ٹاون میں ندی کے قریب سے ایک شخص کی لاش ملی جسے فائرنگ کرکے قتل کیا گیا تھا۔

    شہر کراچی میں پو لیس کی کار روائیاں جاری ہیں۔ درخشاں کے علاقے میں پولیس مقابلے میں تین زخمیوں سمیت چار ملزمان کو گرفتار کرلیا گیا ہے، پولیس کے مطابق ملزمان لوگوں سے لوٹ مار کر رہے تھے کہ پولیس مو قع پر پہنچ گئی اور مبینہ مقا بلے کے بعد ملزمان کو گرفتار کر لیا ہے۔ گرفتار ملزمان کے قبضے سے اسلحہ اور چھینی گئی کار برآمد کر لی گئی، پو لیس کے مطابق ملزمان ڈکیتی ، اسٹریٹ کرائم سمیت متعدد وارداتوں میں ملوث تھے۔

    ڈاکس کے علاقے میں پولیس نے مقابلے کے بعد ایک ملزم کو زخمی حالت میں گرفتار کرلیا ہے۔

    دوسری جانب لیاری اورنگی اور گلبرگ کے علاقوں میں چھاپہ مار کاروائیوں کے دوران متعدد افراد کو حراست میں لیکر تفتیش کیلئے نامعلوم مقام پر منتقل کردیا گیا ہے۔

    ادھر پولیس نے ماڈل کالونی میں دو ملزمان کو گرفتار کرکے ان سے اسلحہ برآمد کر لیا ہے، پولیس نے مقدمہ درج کر کے تفتیش کا آغاز کر دیا ہے۔

  • سیالکوٹ: بھارتی فوج کی بلا اشتعال فائرنگ، چناب رینجرز کی منہ توڑ جوابی کاروائی

    سیالکوٹ: بھارتی فوج کی بلا اشتعال فائرنگ، چناب رینجرز کی منہ توڑ جوابی کاروائی

    سیالکوٹ: سیالکوٹ کے چارواہ سیکٹر میں بھارتی فوج نے ایک بار پھر بلا اشتعال فائرنگ کردی ہے جس کا منہ توڑ جواب چناب رینجرز کی جانب سے دیا گیا اور بھارتی گنیں خاموش ہو گئیں۔

    بھارتی فوج نے سیالکوٹ ورکنگ باؤنڈری پر کچھ روز کے وقفے کے بعد آج ایک بار پھر جارحیت کا سلسلہ شروع کردیا ہے۔ سیالکوٹ کے چارواہ سیکٹر میں بھارتی فوج نے بلا اشتعال فائرنگ اور گولہ باری کرکے سرحدی دیہاتوں اور چناب رینجرز کی پوسٹوں کو نشانہ بنانے کی کوشش کی ہے۔

    چناب رینجرز کی بھرپور جوابی کارروائی کے نتیجے میں بھارتی فورسز کی گنیں خاموش ہو گئیں ہیں۔ بھارتی فورسز کی فائرنگ اور گولہ باری سے کوئی جانی نقصان نہیں ہواہے۔

    جن سرحدی دیہاتوں کو نشانہ بنایا گیا ان میں دھمال، جروال اور چار واہ سمیت دیگر سرحدی دیہات شامل ہیں۔

  • سردیوں میں پاکستان آنے والے پرندوں کے شکارکے29لائسنس معطل

    سردیوں میں پاکستان آنے والے پرندوں کے شکارکے29لائسنس معطل

    لاہور: سردیوں کی آمد کے ساتھ ہی پاکستان میں مہاجر پرندوں کی آمد اور ان کے شکار میں اضافہ ہوجاتا ہے اور لاہور ہائیکورٹ نے مہاجر پرندوں کے شکار کے لیے جاری انتیس لائسنس معطل کردیئے ہیں۔

    تفصیلات کے مطابق جسٹس شمس محمود مرزا کی عدالت میں درخواست گزار سردار کلیم ایڈووکیٹ نے موقف اختیار کیا کہ وزارت خارجہ نے موسم سرما میں سائبریا سے ہجرت کرکے آنے والے پرندوں کے شکار کےلیے عرب شہزادوں اور دیگر بااثر افراد کو انتیس لائسنس جاری کئے ہیں، جو بین الاقوامی قوانین کی خلاف ورزی ہے۔ درخواست گزار کا کہنا تھا کہ نایاب پرندوں کے شکار سے ان کی نسلیں ختم ہورہی ہیں۔

    عدالت نے وزارت خارجہ کی جانب سے جاری کئے گئے انتیس لائسنس معطل کرکے وزارت خارجہ سے ستائس نومبر کو جواب طلب کرلیا ہے۔

  • پی ٹی آئی جلسہ: سیکیورٹی اہلکار اسلام آباد پہنچنا شروع، بڑی تعداد میں کنٹینرز لگ گئے

    پی ٹی آئی جلسہ: سیکیورٹی اہلکار اسلام آباد پہنچنا شروع، بڑی تعداد میں کنٹینرز لگ گئے

    اسلام آباد: تحریک انصاف کے تیس نومبر کے جلسے اور متوقع احتجاج پر اسلام آباد کی چون سالہ تاریخ میں پہلی مرتبہ اتنی بڑی تعداد میں کنٹینرلگادیے گئے ہے اوردوسرے شہروں سے سیکیورٹی اہلکاربڑی تعداد میں اسلام آباد پہنچنا شروع ہو گئے ہیں۔

    جو ں جو ں تیس نو مبر کی تاریخ قریب آتی جا رہی ہے ملک کے سیا سی درجہ حرارت میں اضا فہ ہو تا جا رہا ہے، اسلا م آباد ایک مرتبہ پھر سیاسی پنجہ آزما ئی کی زد میں ہے۔ حکومت ملکی دارالخلا فہ کو کنٹینرز کے حصار میں لینے پر کمر بستہ نظر آتی ہے اور مختلف شاہراہوں کی بندش بھی حکومتی حکمت عملی کا حصہ ہے۔

    ایک جا نب ایوان اقتدار کی غلا م گردشو ں میں بیٹھکیں جا ری ہیں کہ کس طرح کپتان کے جلسے اور احتجا ج کو روکا جائے، حکومتی تیاریوں میں پی ٹی آئی کارکنا ن کی پکڑدھکڑ شہر میں دفعہ ایک سو چوالیس نافذ اور پو لیس کی مزید نفری طلبی بھی شامل ہے۔

    حکومتی ذرائع کے مطابق ہنگا مہ آرائی کی صورت میں واٹر کینن، شیلنگ، ربر کی گو لیوں اور لا ٹھی چارج کے استعما ل پر بھی غور و خو ص جا ری ہے لیکن حقیقت یہ ہے کہ احتجا جی عوام اپنارویہ، راستہ اور حکمت عملی خود طے کرتے ہیں اور کنٹینر، گرفتاریاں اور تشدد سے احتجا ج رک نہیں پا تا یہ عمل تحریک کو جلا بخشتا ہے۔

    دوسری جانب پنجاب پولیس اور ایف سی کے دوہزار اہلکار اسلام آباد پہنچ گئے ہیں۔ پولیس کے مزید اہلکار آج رات اور کل رات تک اسلام آباد پہنچ جائیں گے۔ اسلام آباد پولیس نے پنجاب پولیس سے تین ہزار اہلکار، آزاد کشمیر پولیس سے ایک ہزار اہلکار اور ایف سی سے تین ہزار ایف اہلکار وں کی درخواست کی تھی۔

  • اسلام آباد: دہشتگردوں کی فائرنگ سے مجلس وحدت المسلمین کے رہنما جاں بحق

    اسلام آباد: دہشتگردوں کی فائرنگ سے مجلس وحدت المسلمین کے رہنما جاں بحق

    اسلام آٓباد: اسلام آباد میں دہشتگردوں کی فائرنگ سے مجلس وحدت المسلمین کے رہنما علامہ نواز عرفانی جاں بحق ہوگئے۔

    پولیس کے مطابق علامہ نوازعرفانی پارہ چنار سے اسلام آباد آرہے تھے کہ تھانہ گولڑہ کی حدود میں نامعلوم افراد نے فائرنگ کردی۔

    فائرنگ کے نتیجے میں ایم ڈبلیو ایم کے سیکریٹری جنرل راجہ ناصر عباس نے واقعے کی شدید مذمت کرتے ہوئے ملزمان کی گرفتار ی کیلئے بارہ گھنٹے کا الٹی میٹم دیا ہے۔ عدم گرفتاری پرآئندہ کا لائحہ عمل طے کیا جائے گا۔