Tag: ARYNews

لاہور: وزیر قانون پنجاب رانا ثناء اللہ نے کہا ہے کہ پنڈی کا ایک شیطان ڈی جی آئی ایس پی آر کا ترجمان بنا ہوا ہے، اسے روکا جائے، بدکرداروں کا ایک ٹولہ ہے جو بنی گالہ میں بیٹھا ہے۔

لاہور میں میڈیا سے گفتگو کرتے ہوئے رانا ثناء اللہ نے کہا کہ مسلح افواج کے پیچھے قوم کھڑی ہے کسی ایک شخص کی ضرورت نہیں، پاک فوج کے جوان جانوں کا نذرانہ پیش کررہے ہیں، جوانوں کے کامیاب آُپریشنز سے دنیا میں پاکستان کی عزت بڑھی۔

انہوں نے کہا کہ پاک فوج کے کامیاب آپریشن پر ٹرمپ کو بھی تعریف کرنی پڑی، حقانی نیٹ ورک کا غلط الزام پاکستان پر لگایا جارہا ہے، شہداء نے اپنے خون سے اس الزام کو بھی دھو دیا۔

یہ پڑھیں: فوج میں قادیانیوں کی ملازمت کو رانا ثناء نے حقائق کے منافی قرار دے دیا

رانا ثناء اللہ نے کہا کہ عمران خان نے سیاست کو گالم گلوچ بنادیا، سپریم کورٹ کے باہر ایک سال بار بار خطاب کی پریکٹس چلی، یہ وہ لوگ ہیں جنہوں نے جمہوریت سے عزت کا جنازہ نکال دیا، 2018ء میں جمہوریت میں آنے والے گھس بیٹھے ان افراد کو نکال دیا جائے گا۔

بدکرداروں کا ٹولہ بنی گالہ میں موجود ہے، رانا ثنا

انہوں نے کہا کہ عائشہ گلالئی کہتی ہے عمران خان بدکردار انسان ہے، بدکرداروں کا ٹولہ بنی گالہ میں ہے، خواتین کی عزت محفوظ نہیں۔

صوبائی وزیر قانون نے کہا کہ پاکستان معاشی اور سیکیورٹی لحاظ سے آگے بڑھے گا، جمہوریت کے لیے سابق وزیر اعظم نواز شریف کا کردار پوری قوم کے سامنے ہے۔

انہوں نے کہا کہ ذوالفقار علی بھٹو، بے نظیر بھٹو کی پارٹی کا بیڑہ غرق کردیا گیا ہے، پورے پاکستان کی پارٹی کو رولر سندھ کی پارٹی بنادیا گیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔