ARYNews.tv | Urdu – Har Lamha Bakhabar

Tag: ARYNews

  • کرکٹربابراعظم آج 23 ویں سالگرہ منارہے ہیں

    کرکٹربابراعظم آج 23 ویں سالگرہ منارہے ہیں

    ابو ظہبی : قومی کرکٹ ٹیم کے بلے باز بابر اعظم آج اپنی 23 ویں سالگرہ منارہے ہیں، بابر اعظم 15 اکتوبر 1994 کو لاہور میں پیدا ہوئے۔

    تفصیلات کے مطابق قومی کرکٹ ٹیم کے ابھرتے ہوئے مڈل آرڈر بلے باز بابر اعظم نے آج اپنی 23 ویں سالگرہ ابو ظہبی میں ساتھی کھلاڑیوں اور کوچ مکی آرتھر کے ساتھ منائی۔

    بابر اعظم نے ون ڈے کیریئر کا آغاز 31 مئی 2015 کو زمبابوے کے خلاف میچ سے کیا جبکہ انہیں ٹیسٹ کیپ 13 اکتوبر 2016 کو ویسٹ انڈیز کے خلاف میچ سے ملی۔

    مڈل آرڈر بلے باز بابر اعظم نے اپنا پہلا ٹی ٹوئنٹی میچ 7 ستمبر 2016ء کو انگلینڈ کے خلاف کھیلا۔

    بابر اعظم نے ون ڈے کیریئر میں 6 سنچریوں اور 6 نصف سنچریوں کی بدولت 1558 رنز 55.64 کی اوسط سے بنارکھے ہیں جبکہ سری لنکا کے خلاف جاری ون ڈے سیریز کے پہلے میچ میں بھی بابر اعظم نے شاندار سنچری اسکور کی تھی۔

    مڈل آرڈر بلے باز نے 11 ٹیسٹ میچز کی 22 اننگز میں 23.75 کی اوسط سے 475 رنز بنائے ہیں جس میں چار نصف سنچریاں شامل ہیں جبکہ سب سے زیادہ اسکور 90 رنز ہے۔

    گیارہ ٹی ٹوئنٹی میچز میں بابر اعظم 2 نصف سنچریوں کی بدولت 432 رنز بنارکھے ہیں، واضح رہے کہ بابر اعظم پاکستان سپر لیگ میں کراچی کنگز کی جانب سے کھیل رہے ہیں۔

    مزید پڑھیں: بابراعظم کی سنچری،ویسٹ انڈیز کو 283 رنز کا ہدف

    یاد رہے کہ قومی کرکٹ ٹیم ان دنوں ابوظہبی میں سری لنکا کے خلاف جاری سیریز کھیلنے کے لیے موجود ہے۔

    یہ پڑھیں: ویرات کوہلی اور میرا کوئی موازانہ نہیں، بابر اعظم

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • عمران خان اشتہاری ہیں اداروں کا احترام نہیں کرتے، عابد شیر علی

    عمران خان اشتہاری ہیں اداروں کا احترام نہیں کرتے، عابد شیر علی

    فیصل آباد: وفاقی وزیر مملکت پانی و بجلی عابد شیر علی نے کہا ہے کہ عمران خان اشتہاری ہیں اداروں کا احترام نہیں کرتے، نواز شریف نے اداروں کا احترام کیا عدالتوں میں پیش ہورہے ہیں۔

    فیصل آباد میں میڈیا سے گفتگو کرتے ہوئے عابد شیر علی نے کہا ہے کہ عمران خان نے تمام چیف جسٹس پر حملے کئے ہیں، نواز شریف کمر درد کا بہانہ بنا کر ملک سے بھاگ نہیں جاتے۔

    انہوں نے کہا کہ تحفظات کے باوجود نواز شریف عدالتوں میں پیش ہورہے ہیں، مارشل لاء نہیں عدالتوں میں داخلے پر پابندی نہیں لگائی جاسکتی، نواز شریف کے خلاف ایک روپے کی کرپشن ثابت نہیں ہوئی، نواز شریف کو ملکی خدمت کرنے کی سزا دی جارہی ہے۔

    یہ پڑھیں: سپریم کورٹ کے فیصلے کے بعد عمران خان پاگل ہوجائیں گے، عابد شیر علی

    وفاقی وزیر مملکت نے کہا کہ پاکستان کی خدمت کرنے پر نواز شریف کو نکالا جاتا ہے، جس ادارے کی جو ڈیوٹی ہے اسے وہ کرنی چاہئے۔

    سی پیک کے حوالے سے عابد شیر علی نے کہا کہ سی پیک کے مخالفوں نے پاکستان پر یلغار کی ہوئی ہے۔

    انہوں نے کہا کہ نواز شریف مسلم لیگ ن کے تاحیات صدر ہیں، نواز شریف حکومت نہیں خدمت کرنے آئے ہیں، تمام قومی اداروں اور حکومت نے مل کر ملک سے دہشت گردی کا خاتمہ کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ریسلنگ کا بڑا دنگل، رومن رینز، راک سے مقابلے کے لیے تیار؟

    ریسلنگ کا بڑا دنگل، رومن رینز، راک سے مقابلے کے لیے تیار؟

    لاس اینجلس: ڈبلیو ڈبلیو ای سپر اسٹار رومن رینز اور دی راک کے ٹاکرے کی تیاریاں جاری ہیں، دونوں ریسلرز کا "ریسل مینیا 34” میں آمنا سامنا متوقع ہے۔

    تفصیلات کے مطابق ڈبلیو ڈبلیو ای کے اسٹار ریسلر رومن رینز نے کہا ہے کہ اگر دی راک سے ان کا سامنا ہوا تو یہ ایک مہنگا ترین مقابلہ ثابت ہوسکتا ہے اور رنگ میں راک نہیں بلکہ میں ہی موجود ہوں گا کیونکہ مجھے اپنے اوپر بھروسہ ہے۔

    ریسل مینیا کے اگلے مقابلے میں دی راک اور رومن رینز کے آمنے سامنے آنے کی اطلاعات ہیں تاہم دی راک کی فلمی مصروفیات انہیں رنگ میں آنے کی اجازت نہیں دے رہیں۔

    ڈبلیو ڈبلیو ای انتظامیہ کا کہنا ہے کہ اگر رومن رینز کا مقابلہ راک سے منعقد نہ ہوسکا تو ان کی جگہ یہ لڑائی بروک لیسنر لڑیں گے۔

    رومن رینز اور دی راک کے مقابلے سے قبل "ریسل مینیا 34” میں دونوں ریسلرز کا پرومو تیار کیا گیا ہے جس میں راک اور رومن اپنے حریفوں پر حملہ آور ہوتے دکھائی دے رہے ہیں۔

    ویڈیو دیکھیں

    ریسلنگ کے مداح بھی دی راک اور رومن رینز کے مقابلے کا بے صبری سے انتظار کررہے ہیں، مداحوں کا کہنا ہے کہ یہ میچ ریسلنگ کی تاریخ کا ایک اہم ترین مقابلہ ثابت ہوسکتا ہے۔

    یاد رہے کہ رومن رینز نے ریسل مینیا کے اہم مقابلے میں انڈر ٹیکر کو شکست دی تھی جس کے بعد معروف ریسلر نے اپنی ریٹائرمنٹ کا اعلان کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خیبرپختونخوا حکومت ناکام ہوچکی، شہباز شریف

    خیبرپختونخوا حکومت ناکام ہوچکی، شہباز شریف

    لاہور: وزیر اعلیٰ پنجاب شہباز شریف نے کہا ہے کہ خیبر پختونخوا حکومت ناکام ہوچکی، عمران خان کس بنیاد پر 2018ء کا الیکشن لڑیں گے؟

    لاہور میں تقریب سے خطاب کرتے ہوئے شہباز شریف نے کہا کہ پشاور کے عوام کہہ کہہ کر تھک گئے ہیں میٹرو بس دی جائے، تحریک انصاف نے خیبر پختونخوا کے عوام کو کچھ نہیں دیا۔

    انہوں نے کہا کہ ہمارے پونے دو سال ضائع نہ کیے جاتے تو اورنج لائن ٹرین سروس شروع ہوجاتی، عمران خان نے ملک کو نقصان پہنچایا ہے، انہوں نے پشاور میں میٹرو بس منصوبے پر ایک اینٹ نہیں لگائی، عمران خان نے اپنی ناکامیوں کا غصہ اورنج لائن منصوبے پر نکالا۔

    یہ پڑھیں: ملک کوخونی انقلاب سے بچانا ہے تو اورنج انقلاب لانا پڑے گا، شہباز شریف

    وزیر اعلیٰ پنجاب شہباز شریف نے کہا کہ پورا پاکستان سی پیک کا حصہ ہے، ملک کو قومی یکجہتی کی ضرورت ہے۔

    انہوں نے کہا کہ موٹر بائیکس ایمبولینس ساؤتھ ایشیاء کا پہلا منصوبہ ہے، دیہی علاقوں میں صحت کی سہولتیں فراہم کرنا پنجاب حکومت کی ذمہ داری ہے۔

    شہباز شریف نے کہا کہ شیخوپورہ کے اسپتال میں زچہ بچہ کیئر سینٹر بنارہے ہیں، اسپتال میں جدید الٹرا ساؤنڈ مشینوں کی تنصیب یقینی بنائی جائے گی، پنجاب حکومت صحت کے شعبے کی ترقی کے لیے اقدامات کررہی ہے۔

    سابق صدر آصف زرداری پر تنقید کرتے ہوئے شہباز شریف نے کہا کہ آصف زرداری نے کل ایک بھاشن دیا، سر سے پاؤں تک کرپٹ لوگ بھاشن دے رہے ہیں، آصف زرداری سر سے پاؤں تک چور ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ڈبلیو ڈبلیو ای، تین دوست پھر اکٹھے ہوگئے

    ڈبلیو ڈبلیو ای، تین دوست پھر اکٹھے ہوگئے

    نیویارک: ڈبلیو ڈبلیو ای کے پرانے دوست سیتھ رولنز، رومن رینز اور ڈین ایمبروز پھر اکٹھے ہوگئے اور اب وہ رنگ میں ایک ساتھ نظر آئیں گے۔

    تفصیلات کے مطابق ڈبلیو ڈبلیو ای میں دی شیلڈ کے نام سے گروپ ایک بار پھر متحد ہوگیا ہے جس میں ڈین ایمبروز، سیتھ رولنز اور رومن رینز شامل ہیں۔

    ڈبلیو ڈبلیو ای را کے ایک میچ میں جب رومن رینز، دی مز سے مقابلہ کررہے تھے اور جیت کے انتہائی قریب تھے تب شیمس اور سیزارو نے مداخلت کی اور تینوں ریسلرز دی مز، شیمس اور سیزارو نے رومن رینز کی خوب دھلائی کی۔

    رومن رینز جب اپنے روم میں واپس گئے تو سیتھ رولنز اور ڈین ایمبروز بھی ان سے ملاقات کے لیے آئے جس کے بعد تینوں پرانے دوستوں نے ایک بار پھر متحد ہونے کا فیصلہ کیا۔

    گزشتہ روز منڈے نائٹ را کے ایونٹ میں رومن رینز، سیتھ رولنز اور ڈین ایمبروز نے دی میز، شیمس اور سیزارو پر حملہ کیا اور ان کی خوب دھلائی کی۔

    دی شیلڈ گروپ نے براؤن اسٹرومین کو بھی نہ چھوڑا تاہم ریسلر نے مزاحمت کرنے کی کوشش کی جس میں وہ ناکام رہے جس کے بعد تینوں ریسلرز نے اُن کی خوب درگت بنائی، یہ گروپ اب ڈبلیو ڈبلیو ایونٹ ٹی ایل سی میں دی مز، سیزارو، شیمس اور براؤن اسٹرومین سے مقابلہ کرے گا۔

    واضح رہے کہ سیتھ رولنز، ڈین ایمبروز اور رومن رینز نے مل کر پانچ سال قبل دی شیلڈ کے نام سے گروپ بنایا تھا، جو جون 2014ء میں اس وقت ٹوٹ گیا تھا جب سیتھ رولنز نے اپنے ساتھیوں کو دھوکا دیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نواز شریف نہیں پوری ن لیگ نا اہل ہے، بلاول بھٹو

    نواز شریف نہیں پوری ن لیگ نا اہل ہے، بلاول بھٹو

    اسلام آباد: پاکستان پیپلزپارٹی کے چیئرمین بلاول بھٹو زرداری نے کہا ہے کہ پیٹرول قیمتوں میں اضافے کے خلاف پیپلزپارٹی ہر فورم پر احتجاج کرے گی، نواز شریف نہیں پوری ن لیگ نااہل ہے۔

    پیپلزپارٹی کی جانب سے جاری اعلامیہ میں بلاول نے کہا کہ پیٹرول کی قیمتیں بڑھا کر غریب عوام پر حملہ کیا گیا ہے، مسلم لیگ ن کی حکومت عوام سے انتقام پر اتر آئی ہے۔

    انہوں نے کہا کہ مہنگائی کا بم گرا کر افراتفری پیدا کرنے کی سازش کی جارہی ہے، جس کے ذریعے حکومت نواز شریف کی نااہلی کا انتقام عوام سے لے رہی ہے۔

    چیئرمین پیپلزپارٹی نے کہا کہ ن لیگ والے توبہ تائب کریں اور عوامی غضب سے بچیں، پیٹرول کی قیمتوں کے خلاف پیپلزپارٹی ہر فورم پر آواز بلند کرتے ہوئے  احتجاج کرے گی۔

    یہ پڑھیں: پٹرولیم نرخوں‌ میں‌ آج رات سے اضافے کا اعلان

    بلاول بھٹو نے مطالبہ کیا کہ پیٹرول کی قیمتیں فورا کم کی جائیں اور قوم پر مزید بوجھ نہ ڈالا جائے۔

    واضح رہے کہ گزشتہ روز حکومت کی جانب سے پیٹرول کی قیمت میں دو روپے جبکہ مٹی کے تیل کی قیمت میں چار روپے اضافہ کیا گیا تھا۔

    یاد رہے کہ گزشتہ ماہ بھی حکومت کی جانب سے پیٹرولیم مصنوعات کی قیمتوں میں اضافہ کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • انوکھی عدالتی سزا: ملزم کو باجماعت نمازوں اور مسجد کی صفائی کا حکم

    انوکھی عدالتی سزا: ملزم کو باجماعت نمازوں اور مسجد کی صفائی کا حکم

    دادو: عدالت نے منشیات رکھنے کا جرم ثابت ہونے پر ملزم کو انوکھی سنادی، عدالتی حکم پر ملزم پانچ وقت کی نماز باجماعت مسجد میں ادا کرے گا اور مسجد کی صفائی و ستھرائی بھی کرے گا۔

    تفصیلات کے مطابق دادو کی عدالت نے ملزم عامر پر تین کلو گرام منشیات رکھنے کا الزام ثابت ہونے کے بعد اسے سزا سناتے ہوئے محلے کی مسجد میں پانچ وقت نماز ادا کرنے کا حکم دے دیا۔

    عدالت نے فیصلے میں ملزم کو مسجد کی صفائی و ستھرائی اور نماز کے اوقات میں مسجد کو کھولنے اور بند کرنے کی ہدایت بھی کی، عدالت نے مسجد کے پیش امام کو نگراں مقرر کرتے ہوئے کہا ہے کہ ملزم کی کارکردگی رپورٹ عدالت میں جمع کرائی جائے۔

    دیکھیں ویڈیو

    پیش امام کا کہنا ہے کہ ملزم عدالتی فیصلے کے بعد مسجد میں پانچ وقت کی نماز باجماعت ادا کرتا ہے اور صفائی ستھرائی کے امور بھی دیانت داری سے انجام دے رہا ہے۔

    ملزم عامر نے عدالتی فیصلے سے مطمئن ہوتے ہوئے کہا ہے کہ جج کا فیصلہ ایک اچھا اقدام ہے کیونکہ اب میں پانچ وقت کی نماز باجماعت ادا کرتا ہوں اور مسجد کی صفائی ستھرائی کا خیال بھی رکھتا ہوں۔

    واضح رہے کہ پولیس نے ملزم کو تین کلو گرام منشیات رکھنے کے جرم میں گرفتار کیا تھا جس کے بعد عدالت نے اسے ایک سال کی سزا سنائی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • قریشی عمران خان کی جگہ لینا چاہتے ہیں، خورشید شاہ

    قریشی عمران خان کی جگہ لینا چاہتے ہیں، خورشید شاہ

    لاہور: قومی اسمبلی میں اپوزیشن لیڈر اور پیپلز پارٹی کے رہنما خورشید شاہ نے کہا ہے کہ اپوزیشن لیڈر کی تبدیلی عمران خان کے خلاف سازش ہوگی، شاہ محمود قریشی کی نظر میری کرسی پر نہیں عمران خان پر ہے۔

    لاہور میں میڈیا سے گفتگو کرتے ہوئے انہوں نے کہا کہ شاہ محمود قریشی اپنے قائد کی جگہ لینا چاہتے ہیں، قریشی سمجھتے ہیں وہ اپوزیشن لیڈر بن جائیں تو وزیر اعظم کے امیدوار بھی بن سکتے ہیں، شاہ محمود قریشی قائد حزب اختلاف نہیں بن سکتے۔

    خورشید شاہ نے کہا کہ بہانہ کوئی اور ایجنڈا کوئی اور ہے پی ٹی آئی کھل کر بات کرے، عمران خان کسی اور کا کھیل کھیل رہے ہیں، ہم نے کبھی مک مکا نہیں کیا آئین کے مطابق مشاورت کی ہے۔

    یہ پڑھیں: ایم کیو ایم اورپی ٹی آئی شاہ محمود قریشی کواپوزیشن لیڈربنانے پرمتفق

    انہوں نے کہا کہ تحریک انصاف بتائے اپوزیشن لیڈر کو ہٹانے کی وجہ کیا ہے، جن سے ووٹ مانگنے جارہے ہیں وہ بھی پی ٹی آئی سے یہی سوال کررہے ہیں، پی ٹی آئی والے بات جمہوریت کی کرتے ہیں اور ہماری اکثریت ماننے کو تیار نہیں ہیں۔

    اپوزیشن لیڈر خورشید شاہ نے کہا کہ مجھے فکر نہیں جمہوری آدمی ہوں عمران خان اپنی فکر کریں، عمران خان کو ایم کیو ایم پاکستان ووٹ نہیں دے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • حکومت ایک ہانڈی میں دو مزے لے رہی ہے، شیری رحمان

    حکومت ایک ہانڈی میں دو مزے لے رہی ہے، شیری رحمان

    اسلام آباد: پیپلز پارٹی کی رہنما شیری رحمان نے کہا ہے کہ حکومت ایک ہانڈی میں دو مزے لے رہی ہے، نواز شریف جمہوریت نہیں اپنی ذات کو بچارہے ہیں۔

    اسلام آباد میں پریس کانفرنس کرتے ہوئے شیری رحمان نے کہا کہ حکمران خاندان پاکستان کے مستقبل سے کھیل رہا ہے، ترقیاتی منصوبوں کے لیے مختص رقم آخری قطرے تک استعمال کی جارہی ہے۔

    انہوں نے کہا کہ پیپلزپارٹی اور آصف زرداری نے جیل کی صعوبتیں برداشت کیں، زرداری نے بغیر کسی جرم کے 11 سال جیل کاٹی، محترمہ کی شہادت کے وقت انتشار کے بجائے پاکستان کھپے کا نعرہ لگایا۔

    شیری رحمان نے کہا کہ حکمراں خاندان عدالتوں کو نہیں مانتا تو عام آدمی کیا کہے، مستقل بیانات آئے کہ ہم عدالتوں میں پیش نہیں ہوں گے، اندرون پارٹی معاملات طے کیے گئے کہ بچوں کو نہیں پیش کیا جائے گا۔

    یہ پڑھیں: پاکستان بحران کی جانب بڑھ رہا ہے، ذمہ دارخوشامدی ٹولہ ہے، شیری رحمان

    پیپلزپارٹی رہنما نے کہا کہ ترقیاتی منصوبوں کے لیے مختص رقم آخری قطرے تک استعمال کی جارہی ہے، ترقیاتی فنڈز ختم ہوئے تو ن لیگی سیاست دان الگ الگ راستے پر چلیں گے۔

    انہوں نے کہا کہ حکمران خاندان اپنی ذات کے لیے ملک کو انتشار میں لے جارہا ہے، حکمران خاندان نے پارلیمان کو بے توقیر کردیا ہے۔ پاکستان کے مستقبل سے کھیلا جارہا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بات پاناما کی تھی سزا اقامہ پر کیوں ہوئی؟ نواز شریف

    بات پاناما کی تھی سزا اقامہ پر کیوں ہوئی؟ نواز شریف

    لندن: سابق وزیر اعظم نواز شریف نے کہا ہے کہ بات پاناما کی تھی تو سزا اقامہ پر کیوں ہوئی، نیب میں کس قسم کا ریفرنس دائر کیا گیا ہے۔ ہمارے 1972 کے معاملات پر کس قسم کا احتساب ہورہا ہے۔

    ہیتھرو ایئرپورٹ روانگی سے قبل میڈیا سے گفتگو کرتے ہوئے نواز شریف نے کہا کہ ہم نے کوئی کرپشن نہیں کی، سرکاری پیسہ نہیں کھایا، یہ کیسا احتساب ہورہا ہے۔

    سابق وزیر اعظم نے کہا کہ عوام کے پیسے میں بدعنوانی یا خیانت نہیں کی، بار بار کہا کرپشن کک بیک یا کمیشن کا کیس نہیں، بات پاناما کی ہوئی تھی تو سزا اقامہ پر کیوں ہوئی، سوچنے کی بات ہے۔

    نواز شریف نے کہا کہ اپنی اہلیہ کے علاج کے لیے لندن آیا ہوں، ایسا ارادہ نہیں تھا کہ لندن بیٹھا رہوں گا اور واپس نہیں جاؤں گا۔

    یہ پڑھیں: نوازشریف کل وطن واپس پہنچیں گے، ن لیگ کا صدربنانے کا فیصلہ

    سابق وزیر اعظم نواز شریف نے کہا کہ فیصلہ بھی انہوں نے دیا، اپیل بھی انہوں نے سنی، نگراں جج بھی وہی بن گئے ہیں، جب یہ معاملہ اپیل میں جائے گا تو آگے بھی خود ہی موجو ہوں گے۔

    واضح رہے کہ نواز شریف کل صبح پی آئی اے کی پرواز پی کے 786 سے اسلام آباد پہنچیں گے، نواز شریف کے احتساب عدالت میں بھی پیش ہونے کا امکان ہے، نواز شریف کو دوبارہ مسلم لیگ کا صدر بنانے کا بھی فیصلہ کیا گیا ہے۔

    یہ بھی پڑھیں: مسلم لیگ ن کے قائد میاں نوازشریف ہی ہیں، مشاہد اللہ خان

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔