ARYNews.tv | Urdu – Har Lamha Bakhabar

Tag: ARYNews

  • عیدالفطر پرقوم کو پیٹرول کی قیمتوں میں اضافےکی عیدی ملنے کا امکان ہے

    عیدالفطر پرقوم کو پیٹرول کی قیمتوں میں اضافےکی عیدی ملنے کا امکان ہے

    کراچی:عیدالفطر پر قوم کو پیٹرول کی قیمتوں میں اضافےکی عیدی ملنے کا امکان ہے۔۔ جس میں پیٹرول کی قیمت مزید ڈیڑھ روپے تک اضافہ متوقع ہے

    رمضان میں اشیائےضرورت کی قیمتوں کے حکومتی وعدے وعدے ہی رہے، پھر ماہ صیام میں لوڈ شیڈنگ کےعذاب میں کمی کا بیانات پر بھی کو عمل نہ ہوا۔

    اب عید الفطر پر پیٹرولیم کی مصنوعات میں اضافہ عوام کو عیدی کے طور پر دیئے جانے کی تیاری کرلی گئی ہے،جس کے مطابق پیٹرول کی قیمت میں ایک روپے پینتالیس پیسےفی لیٹراضافے کا امکان ہےاورہائی سپیڈ ڈیزل کی قیمت ایک روپے چھپن پیسےفی لیٹر بڑھنے کی توقع ہے، اسی طرح ہائی آکٹین کی قیمت میں چارروپےبیس پیسے فی لیٹراضافے کا امکان ہے

    لیکن مٹی کے تیل کی قیمت میں ایک روپے پینتیس پیسے فی لیٹر اورلائٹ ڈیزل کی قیمت میں ایک روپے اٹھائیس فی لیٹر کمی کاامکان ہے،ذرائع کا کہنا ہےکہ وزارت خزانہ پیٹرولیم لیوی کے ذریعے قیمتیں برقراررکھنے پرغورکررہی ہے۔

  • ایم کیو ایم نے رابطہ کمیٹی کے انیس ارکان معطل کردئے

    ایم کیو ایم نے رابطہ کمیٹی کے انیس ارکان معطل کردئے

    کراچی: متحدہ قومی موومنٹ نے رابطہ کمیٹی کے انیس ارکان کو معطل کردیا ، فیصلہ رابطہ کمیٹی لندن میں منعقد ہونے والے اجلاس می

    تفصیلات کے مطابق ایم کیوایم نے آج ایک پریس ریلیز جاری کی ہے جس کے مطابق ناقص کارکردگی اورنظم و ضبط کی خلاف ورزی کرنے پر ارکان کو معطل کیا گیا ہے۔

    معطل ہونے والے ارکان میں حیدر عباس رضوی ، رشید گوڈیل ، رؤف صدیقی ، ڈاکٹر صغیر احمد، کنور نوید جمیل ، نثار احمد پنہور، عادل صدیقی ،اشفاق منگی ، عادل خان، ممتاز انور، سیف یارخان ، اسلم آفریدی ، خالد سلطان ، شاکر علی ، توصیف خانزادہ اور نسرین جلیل شامل ہیں۔

    اعلامیے کے مطابق معطل اراکین تا حکم ِ ثانی کسی بھی پارٹی تقریب میں شرکت نہیں کرسکیں گے اور اگر یہ افراد کسی بھی قسم کی تنظیمی سرگرمی میں ملوث پائے گئے تو معطلی کا فیصلہ پارٹی رکنیت کی منسوخی میں تبدیل کیا جاسکتا ہے۔

  • بھارت :جنسی زیادتی کے واقعات پر خواتین سڑکوں نکل آئیں

    بھارت :جنسی زیادتی کے واقعات پر خواتین سڑکوں نکل آئیں

    لکھنؤ:بھارت میں عصمت دری کے بڑھتے ہوئےواقعات اورخواتین کےتحفظ میں ناکامی پر خواتین حکومت کے خلاف سراپا احتجاج ہیں۔

    لکھنو میں احتجاج کرتے ہوئے خواتین کا کہنا تھا کہ حکومت خواتین کو تحفظ فراہم کرنے میں ناکام ہوچکی ہے۔

    مطاہرے میں شامل خواتین نےخواتین کی حفاظت یقینی بنانے کے لیے حکومت کی جانے والی کوششوں کو ناکافی قرار دیتے ہوئے حکومت سے اپیل کی ہے کہ وہ عصمت دری کے واقعات کو روکنے کے لیے قدم اٹھائے اور مجرموں کو سخت سے سخت سزا دے۔

  • اے آر وائی نیوز نے انٹر میڈیا کرکٹ ٹورنامنٹ جیت لیا

    اے آر وائی نیوز نے انٹر میڈیا کرکٹ ٹورنامنٹ جیت لیا

    کراچی:انڑمیڈیاکرکٹ ٹورنامنٹ کےفائنل میں اے آر وائی نیوزنےایکسپریس نیوز کو دس وکٹوں سےشکست دیکر ٹائٹل اپنے نام کرلیا۔

    کراچی کےحنیف محمداسٹیڈیم میں کھیلے گئےانڑمیڈیاکرکٹ ٹورنامنٹ میں اے آر وائی نیوزنےناقابل شکست رہتے ہوئےٹرافی اپنے نام کی۔

    پہلےمیچ میں اے آر وائی نیوزنےشوبزالیون اورپھرجیو نیوزکو روندتےہوئےایونٹ کے فائنل میں جگہ بنائی،ایکسپریس نیوزکیخلاف فائنل میں بھی اے آر وائی نیوزنے شاندار کھیل کا مظاہرہ کیا۔

    ایکسپریس نیوزنے مقررہ اوورزمیں پچاس رنز بنائے،مطلوبہ ہدف اے آر وائی نیوزنے بغیر کسی وکٹ کے تیسرے اووز میں حاصل کرتے ہوئےانٹرمیڈیا کرکٹ ٹورنامنٹ کا ٹائٹل اپنے نام کیا۔

  • الطاف حسین اپنے حصے کا انقلاب لاچکے ہی: ڈاکٹر خالد مقبول صدیقی

    الطاف حسین اپنے حصے کا انقلاب لاچکے ہی: ڈاکٹر خالد مقبول صدیقی

    کراچی:ایم کیوایم کے رہنما ڈاکٹر خالد مقبول صدیقی نےکہا ہےکہ الطاف حسین اپنے حصے کا انقلاب لاچکے ہیں۔

    حیدر آبادمیں افطار ڈنرکےشرکاسےخطاب کرتے ہوئےان کا کہنا تھا آج کل جس انقلاب کا ذکر کیا جارہا ہےاس انقلاب کے لیے کسی خون ریزی کی ضرورت نہیں،انقلاب میں شمولیت کیلئے ایم کیو ایم کو بھی دعوتیں دی جارہیں ہیں۔

    خالد مقبول صدیقی کا کہنا تھا کہ ریکارڈ کےلیے بتا دینا چاہتا ہوں کہ الطاف حسین اپنے حصہ کا انقلاب لا چکے ہیں،انکا کہنا تھا کہ پسماندہ علاقوں سےغریب اورمتوسط طبقے کےافراد کو اسمبلیوں میں بھیجنا شروع کردیں انقلاب آجائے گا، حکومت اور چہروں کی تبدیلی میں ہماری دلچسپی نہیں ہے،اگر کوئی نظام کی تبدیلی کیلئے آگے آیا تو ہم اس جدوجہد میں ہراول دستے کا کردار اداکریں گے۔

  • صدرممنون حسین کا اے آر وائی نیوزسندھ کے بیوروچیف کوفون

    صدرممنون حسین کا اے آر وائی نیوزسندھ کے بیوروچیف کوفون

    اسلام آباد:صدرمملکت ممنون حسین نےاےآروائی نیوز سندھ کےبیوروچیف کوفون کرکے فیض اللہ خان کی رہائی میں بھرپورتعاون کی یقین دہانی کرائی ہے۔

    صدرممنون حسین نے ایس ایم شکیل سےافغانستان میں اےآروائی کے اسیررپورٹر فیض اللہ خان کی رہائی کےمسئلہ پربات کی۔

    صدرممنون حسین نےکہا کہ حکومت فیض اللہ کےمعاملے پربھرپورمدد کرے گی، فیض اللہ کی رہائی کیلئےہرممکنہ اقدامات کیےجائیں گے،

    صدر مملکت نے کہا کہ حکومت افغان وزارت خارجہ سےرابطےمیں ہے اور ضرورت پڑی تو وہ فیض اللہ کی رہائی کیلئےافغان صدر سے بھی رابطہ کرینگے۔

  • حضرت علیؑ کی یوم شہادت کے موقع پر خصوصی سیکورٹی15ہزار اہلکارتعینات

    حضرت علیؑ کی یوم شہادت کے موقع پر خصوصی سیکورٹی15ہزار اہلکارتعینات

    لاہور:حضرت علیؑ کی یوم شہادت کے موقع پر لاہور میں جلسوسوں کے لیے خصوصی سیکورٹی پلان مرتب کر لیا گیا ہے، لاہور پولیس کے پندرہ سو سے زائد اہلکار مرکزی جلوس کی سیکورٹی پر تعینات ہوں گے۔

    حضرت علیؑ کے یوم شہادت کے موقع پر امام بارگاہ مبارک حویلی سے برآمد ہونے والے مرکزی جلوس کی نگرانی کے لیے سخت ترین سیکورٹی انتظامات کیے گئے ہیں۔

    مرکزی جلوس کے روایتی راستوں پر پولیس اہلکاروں کے تعیناتی کے ساتھ ساتھ سی سی ٹی وی کیمروں سے بھی جلوس کی نگرانی کی جائے گی، امام بارگاہ کربلا گامے شاہ پر بوقت افطار ختم ہونے والے مرکزی جلوس کی نگرانی پر پندرہ سو پولیس اہلکار تعینات رہیں گے۔

    کمشنر لاہور کی سربراہی میں ہونے والے اجلاس میں اکیس رمضان کو حضرت علیؑ کی شہادت کی مناسبت سے برآمد ہونے والے دیگر درجنوں جلوسوں کو بھی اے کٹیگری سیکورٹی فراہم کرنے کا فیصلہ کیا گیا ہے۔

    تاحال لاہور انتظامیہ نے اکیس رمضان کو موبائل فون سروس بند کرنے کا فیصلہ نہیں کیا۔

  • امت کے آنسو

    razi-tahir

  • ان چاہے سافٹ ویئر اور ٹول بارز سے نجات

    ان چاہے سافٹ ویئر اور ٹول بارز سے نجات

    اب آپ کو ڈاون لوڈنگ کے وقت ان چاہے سافٹ ویئر اور ٹول بارز سے نجات مل سکتی ہے۔

    انچیکنگ نامی ایک چھوٹا سا سافٹوئیر ڈاؤنلوڈ کرلیں، ڈاؤنلوڈ کرنے کے بعد کسی بھی عام پروگرام کی طرح اسے اپنے کمپیوٹر پرانسٹال کرلیں، یہ سافٹوئیر بیک گراؤنڈ میں چلتا رہے گا اور جب بھی آپ کوئی نیا پروگرام انسٹال کرنے لگیں گے تو یہ اس کے انسٹالر کا جائزہ لے گا ، اگر اس میں کوئی اضافی سافٹوئیر یا ٹول بار کی آپشن موجود ہوگی تو یہ خود ہی اسے ان چیک کر دے گا۔

  • کراچی:گذشتہ روزسہراب گوٹھ میں ہونیوالا پولیس مقابلہ جعلی نکلا

    کراچی:گذشتہ روزسہراب گوٹھ میں ہونیوالا پولیس مقابلہ جعلی نکلا

    کراچی:گذشتہ روزکراچی کےعلاقےسہراب گوٹھ میں ہونیوالا پولیس مقابلہ جعلی نکلا،واقعے کے خلاف مکینوں نے سہراب گوٹھ پل لاشیں رکھ کر دھرنا دیا۔

    علاقہ مکینوں کے مطابق گذشتہ روز سہراب گوٹھ میں پولیس نے برف کےتاجرسیدقربان اور محمد آصف کو فائرنگ کرکے قتل کیا،اور ان سے ساڑھے تین لاکھ روپے بھی چھین لیے۔

    مکینوں نے پولیس کے اعلیٰ حکام سے واقعے کا نوٹس لینے کامطالبہ علاقہ مکینوں کے مطابق آئے روز سہراب گوٹھ اور اطراف کے علاقوں میں پولیس جعلی مقابلوں میں لوگوں کو قتل کررہے ہیں۔