اسلام آباد : وفاقی وزیر اسد عمر کا کہنا ہے پشاورمیں202مریضوں کی حالت تشویشناک ہے، جبکہ 18افرادوینٹی لیٹرزپرہیں، ہم اس وقت محفوظ ہوں گے جب لوگ احتیاط کریں گے۔
تفصیلات کے مطابق وفاقی وزیر اسد عمر نے سماجی رابطے کی ویب سائٹ ٹوئٹر پر اپنے بیان میں کہا کہ پشاورمیں گزشتہ روز کورونا کیسز کی مثبت شرح13.39 فیصدرہی، 202مریضوں کی حالت تشویشناک ہے۔
اسدعمر کا کہنا تھا کہ 50افراد کم آکسیجن پرجبکہ134 کوزیادہ آکسیجن دی جارہی ہے جبکہ 18افرادوینٹی لیٹرزپرہیں ، گزشتہ روز 14 مریض تشویشناک حالت میں آئے، ہم اس وقت محفوظ ہوں گے جب لوگ احتیاط کریں گے۔
Peshawar covid positivity ratio 13.39% yesterday. Patients in critical care: 202. Of these 50 on low flow oxygen, 134 on high flow and 18 on ventilators. 14 new critical patients just yesterday. PDM response : we will be safe on the stage so who cares what happens to citizens
— Asad Umar (@Asad_Umar) November 21, 2020
وفاقی وزیر نے اپوزیشن پر تنقید کرتے ہوئےکہا ن لیگ کی حکومت نے آزادکشمیرمیں2ہفتےمکمل لاک ڈاؤن کااعلان کردیا، پی پی کی سندھ حکومت نےکراچی کے4اضلاع میں اسمارٹ لاک ڈاؤن کردیا، دونوں جماعتوں کااصرارہےکہ پشاورجلسہ ضرورہو گا، دوغلےپن کی اس سے واضح مثال نہیں مل سکتی۔
مسلم لیگ نواز کی حکومت نے آزاد کشمیر میں 2 ہفتوں کے لئے، مکمل لوک ڈاؤن اعلان کر دیا. پیپلزپارٹی سندھ حکومت نے کراچی کے چار اضلاع میں سمارٹ لوک ڈاؤن کر دیا. لیکن دونوں جماعتوں کا اصرار کے پشاور جلسہ ضرور ہو گا. دوغلے پن کی اس سے واضح مثال نہیں مل سکتی
— Asad Umar (@Asad_Umar) November 21, 2020
ایک اور ٹوئٹ میں ان کا کہنا تھا کہ پی ٹی آئی نے2013میں پشاورکی4اور2018میں5سیٹ جیتی، انشااللہ اگلےالیکشن میں بھی یہی ہونا ہے، پشاورعمران خان کاشہرہے، اپوزیشن جلسہ کرکےعوام کی صحت،روزگارکوخطرےمیں ڈالناچاہتی ہے، اپوزیشن والے شاید پشاور کے عوام سے بدلہ لینا چاہتے ہیں۔
2013 میں تحریک انصاف نے پشاور کی 4 میں سے 4 اور 2018 میں 5 میں سے 5 سیٹ جیتی. انشاءاللہ اگلے الیکشن میں بھی یہی ہونا ہے. پشاور عمران خان کا شہر ہے. اپوزیشن جلسہ کر کے عوام کی صحت اور روزگار خطرے میں ڈالنے کے علاوہ کچھ حاصل نہیں کرے گی. شاید پشاور کے عوام سے بدلہ لینا چاہتے ہیں
— Asad Umar (@Asad_Umar) November 21, 2020
