ARYNews.tv | Urdu – Har Lamha Bakhabar

Tag: asad umar

  • کورونا کے پھیلاؤ کو روکنے کیلئے بڑے پیمانے پرعوامی شعور بیداری مہم کے آغاز کا فیصلہ

    کورونا کے پھیلاؤ کو روکنے کیلئے بڑے پیمانے پرعوامی شعور بیداری مہم کے آغاز کا فیصلہ

    اسلام آباد : وفاقی وزیراسد عمر کی زیرصدارت اجلاس میں کورونا کے پھیلاؤ کو روکنے کیلئے بڑے پیمانے پرعوامی شعور بیداری مہم کے آغاز کا فیصلہ کرتے ہوئے کہا گیا ہے کہ ایس اوپیز پر عملدرآمد کر کے کورونا سے بچا جاسکتا ہے۔

    تفصیلات کے مطابق وفاقی وزیراسد عمر کی زیرصدارت این سی او سی کا اجلاس ہوا ، وفاقی وزرافخرامام،اعجازشاہ اور معاون خصوصی صحت ڈاکٹر فیصل سلطان نے شرکت کی، اجلاس میں صوبوں کی این سی اوسی کو کورونا صورتحال اور حکومتی اقدامات پر بریفنگ دی ، جس میں بتایا گیا کہ ملک بھر میں کورونا کے پھیلاؤ میں واضح کمی آئی ہے، عوامی سطح پرایس اوپیزپر عملدرآمد میں کمی آئی ہے۔

    وفاقی وزیراسد عمر نے کہا کہ ملک سے کورونا وائرس کا مکمل طور پر خاتمہ نہیں ہوا، ایس اوپیز پر عملدرآمد کر کے کورونا سے بچا جاسکتا ہے، عوامی مقامات پر ماسک، سماجی فاصلے پر عملدرآمد کیلئے اقدامات کئے جائیں۔

    اسد عمر نے کہا کہ کوروناکیسزبڑھنے پر حکومت نے اسپتالوں کی استعداد کار بڑھانے کا فیصلہ کیا ہے، 31جون سے قبل اسپتالوں کو 2150 آکسیجن بیڈزفراہمی کا فیصلہ ہوا اور صوبوں سے مشاورت کے بعد 2850 آکسیجن بیڈز فراہمی کا آغاز کیا ہے۔

    انھوں نے بتایا کہ ملکی اسپتالوں کو تاحال 2608 آکسیجن بیڈز فراہم کئے جا چکے ہیں، آزاد کشمیر 80، بلوچستان کو264 آکسیجن بیڈز، گلگت بلتستان کو100، خیبرپختونخواکو 400 آکسیجن بیڈزفراہم کر دیےہیں۔

    اسد عمر کا کہنا تھا کہ پنجاب کو787، سندھ کو 351 ، اسلام آباد کے اسپتالوں کو 626 آکسیجن بیڈزفراہم کئے جا چکے ہیں جبکہ پنجاب، سندھ اور کے پی کو مزید 242 آکسیجن بیڈزفراہم کئے جائیں گے، سندھ215، پنجاب 17، کے پی کو 10 آکسیجن بیڈز فراہم کئے جائیں گے۔

    این سی او سی کا وبائی امراض میں اضافہ روکنے کیلئے عوامی بیداری مہم تیز کرنے اور کورونا پھیلاؤ روکنے کیلئے بڑے پیمانے پرعوامی شعور بیداری مہم کے آغاز کا فیصلہ کیا ہے۔

  • ‘ڈاکٹر ظفر مرزا کی خدمات کے شکر گزار ہیں’

    ‘ڈاکٹر ظفر مرزا کی خدمات کے شکر گزار ہیں’

    اسلام آباد :وفاقی وزیراسد عمر نے کہا ہے کہ ڈاکٹر ظفر مرزا کی خدمات کے شکر گزار ہیں اور ان کیلئے مستقبل میں نیک خواہشات کا اظہار کرتے ہیں۔

    تفصیلات کے مطابق وفاقی وزیراسدعمر نے سماجی رابطے کی ویب سائٹ ٹویٹر پر اپنے بیان میں کہا کہ ڈاکٹر ظفر مرزا کو این سی او سی میں دعوت دی گئی اور کوروناوائرس کیلئےقومی سطح پرکئے گئے اقدامات کوسراہا گیا، ڈاکٹر ظفر مرزا کی خدمات کے شکر گزار ہیں اور ان کیلئے مستقبل میں نیک خواہشات کا اظہار کرتے ہیں۔

    یاد رہے گذشتہ ہفتے وزیر اعظم عمران خان کے معاون خصوصی برائے صحت ڈاکٹر ظفر مرزا نے استعفیٰ دے دیا تھا ، ذرایع نے کہا تھا کہ وہ ادویات کی قیمتوں کے معاملے پر الزام کی زد پر تھے اور وزیر اعظم عمران خان نے ادویات کی قیمتیں بڑھنے پر انکوائری کی ہدایت کی تھی۔

    ڈاکٹر ظفر مرزا نے کہا تھا کہ میں عمران خان کے کہنے پر پاکستان آیا تھا، ایمان داری اور محنت سے کام کیا ہے، پاکستان کے لیے کام کرنا میرے لیے باعث اعزاز ہے، میں مطمئن ہوں کہ ایسے وقت میں عہدہ چھوڑا جب پاکستان میں کرونا کم ہو رہا ہے۔

    بعد ازاں ذرائع کا کہنا تھا کہ وزیراعظم کے معاون خصوصی برائے صحت ڈاکٹر ظفرمرزا نے خود استعفیٰ نہیں دیا بلکہ ان سے استعفیٰ لیا گیا ہے۔

  • نئی ایف بی آر ٹیم کی کارکردگی بہترین رہی: اسد عمر

    نئی ایف بی آر ٹیم کی کارکردگی بہترین رہی: اسد عمر

    اسلام آباد: وفاقی وزیر اسد عمر نے کہا ہے کہ فیڈرل بیورو آف ریونیو (ایف بی آر) کی نئی ٹیم کی کارکردگی بہترین رہی ہے۔

    تفصیلات کے مطابق اسد عمر نے آج ایک ٹویٹ میں کہا ہے کہ ایف بی آر نے جولائی میں ہدف سے 57 ارب روپے زائد ٹیکس جمع کیا، یہ نئی ایف بی آر ٹیم کی بہترین کارکردگی کی عکاس ہے۔

    وفاقی وزیر کا کہنا تھا کہ کامیابی سے کرونا وبا کے کنٹرول کے ساتھ ہماری معیشت تیزی سے بحالی کی طرف گامزن ہے، ملک میں معاشی سرگرمیاں بحال ہو رہی ہیں جب کہ دیگر ممالک جدوجہد کر رہے ہیں۔

    اسد عمر کا کہنا تھا کہ ملک میں کو وِڈ 19 کی وبا کو کنٹرول کرنے کی کوششوں میں زبردست کامیابی حاصل کی گئی، جس کی وجہ سے ملکی معیشت بحال ہونے لگی ہے۔

    ایف بی آر نے ہدف سے 57 ارب روپے زائد ریونیو حاصل کر لیا

    واضح رہے کہ گزشتہ روز ایف بی آر کی جانب سے ماہ جولائی کی حاصل کردہ ریونیو کی تفصیلات جاری کی گئی تھیں، جس کے مطابق نئے مالی سال کے پہلے ماہ میں مقرر کردہ ہدف کے مقابلے میں 57 ارب اضافے کے ساتھ 300 ارب اکٹھے کیے گئے۔

    ترجمان کا کہنا تھا یہ ٹیکس وصولی مقرر کردہ ریونیو ہدف کا 125 فی صد بنتے ہیں، ان لینڈ ریونیو سے 52 ارب اور کسٹمز سے 5 ارب کا زائد اضافہ حاصل ہوا، خیال رہے کہ ایف بی آر نے کسٹمز ڈیوٹی میں 25 ارب روپے کا ریلیف بھی دیا تھا۔

    ترجمان نے بتایا کہ کاروباری برادری کو جولائی میں ان لینڈ ریونیو کی مد میں 15 ارب کے ریفنڈز جاری کیے گئے جب کہ گزشتہ سال جولائی میں 7 ارب روپے جاری کیے گئے تھے۔

  • اسد عمر کا عید کے بعد شادی ہالزاور ریسٹورنٹس کھولنے کا عندیہ

    اسد عمر کا عید کے بعد شادی ہالزاور ریسٹورنٹس کھولنے کا عندیہ

    اسلام آباد: وفاقی وزیر اسد عمر نے عید کے بعد شادی ہالز اور ریسٹورنٹس کھولنے کا عندیہ دیتے ہوئے کہا عیدکےبعداین سی او سی کا اجلاس بلاکر فیصلہ کریں گے۔

    تفصیلات کے مطابق شادی بیاہ ودیگرتقریبات سےمنسلک انڈسٹری کیلئے خوشخبری آگئی، وفاقی وزیراسد عمر نے عید قربان کے بعد ہوٹل
    اور ویڈنگ انڈسٹری کیلئے نوید سنا دی۔

    وفاقی وزیراسدعمرسے آل پاکستان ویڈنگ وریسٹورنٹس کے وفد کی ملاقات ہوئی ،وفد کی نمائندگی خالد ایوب، حبیب اللہ سمیت دیگر نے کی۔

    ملاقات میں وفد نے ایس اوپیزکیساتھ شادی ہالزاورریسٹورنٹس کھولنے کی درخواست کی ، جس پر اسدعمر نے عید کے بعد شادی ہالزاور ریسٹورنٹس کھولنے کا عندیہ دے دیا۔

    اسد عمر کا کہنا تھا کہ عید کے بعد این سی اوسی کا اجلاس بلاکر فیصلہ کریں گے۔

    یاد رہے گذشتہ روز وزیراعظم عمران خان نے میڈیا سے گفتگو کرتے ہوئے کہا تھا کہ پاکستان میں کرونا کا دباؤ بہت کم ہوچکا ہے،3 دن میں پاکستان میں کرونا سے کم اموات ہوئیں،پاکستان ان چندممالک میں سے ہے جہاں وبا پر قابو پایا جا رہا ہے۔

    عمران خان نے ایران، میلبورن کی مثال دیتے ہوئے کہا کہ ان ممالک میں احتیاط نہ کرنے پر کیسز میں اضافہ ہوا، اگر ہم نے احتیاط نہ کی تو پھر کرونا کیسز اوپر جاسکتے ہیں۔انہوں نے خبردار کیا کہ عیدالاضحیٰ اور محرم الحرام میں احتیاط نہ کی گئی تو بڑا نقصان ہوگا۔

    انہوں نے میڈیا سے گفتگو کرتے ہوئے کہا کہ کامیابی سے عید اور محرم گزرگئے تو پھر ہم نے ریسٹورنٹس کھولنے ہیں،صورتحال بہتر رہی تو اسکول وکالجز بھی ایس او پیز کے تحت کھولیں گے۔

  • اسد عمر کی کورونا کیخلاف خیبر پختونخواہ حکومت کے اقدامات کی تعریف

    اسد عمر کی کورونا کیخلاف خیبر پختونخواہ حکومت کے اقدامات کی تعریف

    پشاور : وفاقی وزیر اسد عمر نے کورونا کیخلاف خیبر پختونخواہ حکومت کے اقدامات کی تعریف کرتے ہوئے کہا وبا موجود ہے، عوام کوعید پر ایس اوپیز پر عملدرآمد کرنا ہوگا۔

    تفصیلات کے مطابق وفاقی وزیر اسد عمر کی زیرصدارت پشاور میں این سی او سی کا اجلاس ہوا، وزیراعلی کے پی محمود خان بطور میزبان این سی او سی اجلاس میں شریک ہوئے جبکہ نیشنل کوآرڈینیٹر این سی او سی لیفٹیننٹ جنرل محمود الزمان ، کے پی حکومت کے وزرا، آئی جی پولیس ،فیصل سلطان،تانیہ ایدروس نے اجلاس میں شرکت کی جبکہ صوبائی چیف سیکرٹریز بذریعہ ویڈیو لنک اجلاس میں شریک ہوئے۔

    خیبر پختونخواہ حکومت کی جانب سے عیدالاضحیٰ، مویشی منڈیوں سے متعلقہ امور ،کورونا کا پھیلاؤ روکنے اورگائیڈ لائنز سے متعلق بریفنگ دی۔

    وفاقی وزیر اسد عمر نے کہا کے پی حکومت نے صوبے میں بہت اچھا کام کیا ہے، کے پی میں کوروناپھیلاؤمیں واضح کمی نظر آرہی ہے، کے پی حکومت کو سراہنا بھی چاہتے تھے اور مبارکباد بھی دینا چاہتے تھے تاہم وباموجودہے،عوام کوعیدپرایس اوپیزپرعملدرآمد کرنا ہوگا۔

    اسد عمر کا کہنا تھا کہ مویشی منڈیوں میں سماجی فاصلے کا خیال رکھا جائے، ماسک پہنیں، پورے خطے کے پیش نظر پاکستان میں صورت حال بہتر نظرآتی ہے، گلگت بلتستان اور کے پی کے علاقے دنیا کے خوبصورت ترین علاقوں میں آتے ہیں۔

    وفاقی وزیر نے کہا عید پر تفریحی مقامات پر جانے سے گریز کیا جائے، حالات بہتر ہوتے ہی کے پی کے سیاحت کے مقامات کھولے جائیں گے۔

    عید کوروناکے باعث جاں بحق ہونیوالوں کی یاد کے طورپر منائی جائے، وزیراعلیٰ کے پی

    وزیراعلیٰ کے پی کا کہنا تھا کہ اسدعمرنے کے پی میں این سی اوسی کی میٹنگ کی، عوام ایس اوپیز پرعمل کریں،عید سادگی سے منائیں، کورونا وبا کے دوران بہت سےلوگوں کی جانیں جاچکی ہیں۔

    محمود خان نے کہا عید کوروناکے باعث جاں بحق ہونیوالوں کی یاد کے طورپر منائی جائے ، عید کے بعد سیاحت کے شعبے سے متعلق بات چیت کی جائے گی ، عید سادگی سے مناؤں گا اور وزراودیگرسے بھی کہا ہے عید سادگی سے منائیں۔

  • عید پر تفریحی مقامات کا رخ نہ کریں اور اجتماعات سے گریز کریں: اسد عمر

    عید پر تفریحی مقامات کا رخ نہ کریں اور اجتماعات سے گریز کریں: اسد عمر

    اسلام آباد: وفاقی وزیر اسد عمر کا کہنا ہے کہ وزیر اعظم کی ہدایت کے مطابق عید سادگی سے منانی چاہیئے، عید پر تفریحی مقامات کا رخ نہ کریں اور اجتماعات سے گریز کریں۔

    تفصیلات کے مطابق وفاقی وزیر برائے منصوبہ بندی اسد عمر کی زیر صدارت نیشنل کمانڈ اینڈ آپریشن سینٹر (این سی او سی) کا اجلاس ہوا، اجلاس میں مویشی منڈیوں میں حفاظتی تدابیر کے حوالے سے بریفنگ دی گئی۔

    بریفنگ میں بتایا گیا کہ مختلف صوبوں میں حفاظتی تدابیر کی خلاف ورزیاں دیکھنے میں آئی ہیں، ملک میں غیر قانونی مویشی منڈیوں کو بند اور جرمانے کیے گئے۔

    اجلاس میں ڈیجیٹل ٹیکنالوجی کے ذریعے مختلف خلاف ورزیوں کے مشاہدے پر بھی بریفنگ دی گئی۔

    وفاقی وزیر اسد عمر کا کہنا تھا کہ وزیر اعظم کی ہدایت کے مطابق عید سادگی سے منانی چاہیئے، عید پر تفریحی مقامات کا رخ نہ کریں، اجتماعات سے گریز کریں۔

    انہوں نے کہا کہ نماز میں سماجی فاصلوں اور دی گئی ہدایات پر عمل سے وبا کو پھیلنے سے روکا جا سکتا ہے، مویشی منڈیوں میں حفاظتی تدابیر کو ہر ممکن یقینی بنایا جائے گا۔

    خیال رہے کہ ملک بھر میں کرونا وائرس کیسز اور اس سے ہونے والی اموات میں بتدریج کمی واقع ہورہی ہے، گزشتہ 24 گھنٹوں کے دوران کرونا وائرس کے 24 مریض جاں بحق ہوئے جس کے بعد مجموعی اموات کی تعداد 5 ہزار 787 ہوگئی۔

    گزشتہ 24 گھنٹے کے دوران 14 سو 87 نئے کیسز سامنے آئے جس کے بعد مجموعی کیسز کی تعداد 2 لاکھ 71 ہزار 887 ہوگئی ہے۔

    ملک میں کرونا وائرس کے فعال کیسز کی تعداد 29 ہزار 504 ہے جبکہ 1 لاکھ 36 ہزار 596 مریض صحتیاب ہوچکے ہیں۔

  • کرونا وائرس پر کنٹرول صوبوں کی مشترکہ کاوشوں سے ہوگا : اسد عمر

    کرونا وائرس پر کنٹرول صوبوں کی مشترکہ کاوشوں سے ہوگا : اسد عمر

    کراچی: نیشنل کمانڈ اینڈ آپریشن سینٹر کا اجلاس صوبائی دارالحکومت کراچی میں ہوا، وفاقی وزیر اسد عمر کا کہنا ہے کہ کرونا وائرس پر کنٹرول صوبوں کی مشترکہ کاوشوں سے ہوگا۔

    تفصیلات کے مطابق وزیر اعلیٰ ہاؤس میں نیشنل کمانڈ اینڈ آپریشن سینٹر کا اجلاس ہوا، اجلاس میں وفاقی وزیر اسد عمر اور این سی او سی کے چیئرمین محمود الزماں خان شریک ہوئے۔

    اجلاس کے میزبان وزیر اعلیٰ سندھ مراد علی شاہ تھے جنہوں نے این سی او سی کے شرکا کو خوش آمدید کیا۔

    اجلاس میں عید الاضحیٰ اور مویشی منڈی کی ایس او پیز پر بریفنگ دی گئی، ڈاکٹر عذرا پیچوہو نے سندھ میں ہاٹ اسپاٹ اور کرونا صورتحال پر بریفنگ دی۔

    اجلاس میں پنجاب، پختونخواہ، بلوچستان، گلگت اور آزاد کشمیر کے چیف سیکریٹریز بذریعہ وڈیو لنک شریک ہوئے۔

    وزیر اعلیٰ سندھ مراد علی شاہ کا کہنا تھا کہ صوبوں میں ایسے اجلاس سے کوآرڈینیشن مزید بہتر ہوگی، سندھ میں کرونا ٹیسٹ کا ریشو کچھ کم ہوگیا ہے۔

    انہوں نے کہا کہ ہاٹ اسپاٹ ایریاز میں سلیکٹو لاک ڈاؤن کر رہے ہیں، کرونا وائرس مریضوں کے لیے کراچی میں 2 اسپتال قائم کیے ہیں۔ گلیوں میں مویشیوں کی خرید و فروخت پر پابندی لگائی گئی ہے، قربانی کے جانور مقرر کردہ مقامات پر ہی فروخت ہو سکتے ہیں۔

    وفاقی وزیر برائے منصوبہ بندی اسد عمر کا کہنا تھا کہ این سی او سی کو صوبوں میں لانے کا مقصد مزید بہتر کام کرنا ہے، کرونا وائرس پر کنٹرول صوبوں کی مشترکہ کاوشوں سے ہوگا۔

    انہوں نے کہا کہ صوبائی حکومتوں نے وبا کو کنٹرول کرنے میں اہم کام کیا ہے، وفاقی حکومت صوبائی حکومتوں کی مشاورت سے گائیڈ لائنز بنا رہی ہے۔

  • عیدالاضحیٰ پرکسی قسم کی نرمی وبا کے پھیلاؤمیں اضافہ کرسکتی ہے، اسد عمر نے خبردار کردیا

    عیدالاضحیٰ پرکسی قسم کی نرمی وبا کے پھیلاؤمیں اضافہ کرسکتی ہے، اسد عمر نے خبردار کردیا

    اسلام آباد : وفاقی وزیر اسد عمر کا کہنا ہے کہ عیدالاضحیٰ پرکسی قسم کی نرمی وبا کے پھیلاؤمیں اضافہ کرسکتی ہے، حفاظتی تدابیرپرعملدرآمد ہی کورونا سے بچاؤ کا طریقہ ہے۔

    تفصیلات کے مطابق وفاقی وزیر اسد عمر کی زیرصدارت نیشنل کمانڈ اینڈ آپریشن سینٹر کا اجلاس ہوا، اجلاس میں حفاظتی تدابیرپرعملدرآمدسےمتعلق ڈیجیٹل ڈیٹا کے تجزیے پر غور کیا گیا۔

    این سی او سی نے مویشی منڈیوں کے انتظام اور حفاظتی تدابیر یقینی بنانے پر زور دیا، اجلاس میں وفاقی وزیر اسد عمر نے کہا کہ حفاظتی تدابیرپرعملدرآمدہی کورونا سے بچاؤ کا طریقہ ہے اور عوام کی صحت اور حفاظت ہماری اولین ترجیح ہے۔

    اسدعمر کا کہنا تھا کہ عیدالاضحیٰ پرکسی قسم کی نرمی وبا کے پھیلاؤمیں اضافہ کرسکتی ہے، صوبےکوروناکے حفاظتی اقدامات پرسختی سےعمل یقینی بنائیں اور مویشی منڈیوں کےقیام میں حفاظتی اقدامات یقینی بنائیں۔

    وفاقی وزیر نے بتایا کہ یکم تا15جون اوسط ٹیسٹ 23403 تھے، یکم تا15جولائی اوسط ٹیسٹ 22969 تھے، یکم تا15 جون اوسط کوروناکیس 5056 رہے جبکہ یکم تا15جولائی اوسط کیس 3097 رہے۔

    ان کا کہنا تھا کہ کوروناکیسزمیں کمی کی وجہ ٹیسٹوں میں کمی نہیں ہے، حفاظتی تدابیر پرعوام کاب ہتررویہ، انتظامی اقدامات اور اسمارٹ لاک ڈاؤن ہے ، احتیاط میں کمی سے وبا کا پھیلاؤ بڑھ سکتا ہے۔

  • کرونا وائرس کیسز میں کمی کی وجہ ٹیسٹ میں کمی نہیں بلکہ عوام کا بہتر رویہ ہے: اسد عمر

    کرونا وائرس کیسز میں کمی کی وجہ ٹیسٹ میں کمی نہیں بلکہ عوام کا بہتر رویہ ہے: اسد عمر

    اسلام آباد: وفاقی وزیر برائے منصوبہ بندی اسد عمر نے جون اور جولائی میں کرونا وائرس کے ٹیسٹ اور کیسز کا تخمینہ بیان کرتے ہوئے کہا ہے کہ مریضوں میں کمی کی وجہ ٹیسٹ میں کمی نہیں بلکہ عوام کا بہتر رویہ ہے۔

    تفصیلات کے مطابق وفاقی وزیر برائے منصوبہ بندی اسد عمر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ کچھ لوگ کرونا کیسز میں کمی کو ٹیسٹنگ میں کمی قرار دے رہے ہیں۔

    اسد عمر کا کہنا تھا کہ مریضوں میں کمی کی وجہ ٹیسٹ میں کمی نہیں بلکہ عوام کا بہتر رویہ ہے، احتیاط میں کمی کرنے سے وبا کا پھیلاؤ بڑھ سکتا ہے۔

    انہوں نے کہا کہ یکم جون سے 15 جون تک اوسطاً 23 ہزار 403 ٹیسٹ ہوئے، جن میں سے 5 ہزار 56 ٹیسٹ مثبت آئے، جبکہ یکم جولائی سے 15 جولائی تک 22 ہزار 969 ٹیسٹ جن میں 3 ہزار 97 مصدقہ کیسز کی تصدیق ہوئی۔

    خیال رہے کہ نیشنل کمانڈ اینڈ کنٹرول سینٹر کے مطابق ملک میں گزشتہ 24 گھنٹوں کے دوران 2 ہزار 145 کیسز رپورٹ ہوئے ہیں۔ مجموعی کیسز کی تعداد 2 لاکھ 57 ہزار 914 ہوچکی ہے۔

    گزشتہ 24 گھنٹوں کے دوران کرونا وائرس سے 40 افراد جان کی بازی ہار گئے جس کے بعد ملک میں کرونا وائرس سے مجموعی ہلاکتوں کی تعداد 5 ہزار 426 ہوگئی ہے۔

  • ملک بھر میں مویشی منڈیوں کے اوقات کار کیا ہوں گے؟ اسد عمر نے بتا دیا

    ملک بھر میں مویشی منڈیوں کے اوقات کار کیا ہوں گے؟ اسد عمر نے بتا دیا

    لاہور : وفاقی وزیر اسدعمر کا کہنا ہے کہ ملک بھر میں مویشی منڈیوں کے اوقات صبح چھ سے شام سات تک ہوں گے، فیس ماسک کا استعمال اور سماجی فاصلہ یقینی بنایا جائے گا۔

    تفصیلات کے مطابق وزیراسدعمرکی زیرصدارت نیشنل کمانڈاینڈآپریشن سینٹرکا اجلاس ہوا، وزیراعلیٰ پنجاب عثمان بزداراین سی او سی کے خصوصی اجلاس میں شریک ہوئے اور وفاقی وزیرداخلہ اعجاز شاہ اور وزیر صحت ، صوبائی حکام کے ہمراہ اجلاس میں شرکت کی جبکہ صوبائی چیف سیکریٹریزکی بذریعہ ویڈیو لنک این سی او سی اجلاس میں شریک ہوئے۔

    این سی او سی اجلاس میں عید الاضحیٰ سے متعلقہ امور سمیت نماز عید، مویشی منڈی کے انتظامات پر غور کیا گیااور کہا گیا کہ عید قربان سے قبل ملک بھر میں 700مویشی منڈیاں لگائی جائیں گی، متعلقہ حکام کوعید الاضحیٰ کی ہیلتھ گائیڈ لائنز کا اجراکر دیا گیا ہے۔

    وفاقی وزیر اسد عمر نے این سی او سی اجلاس سے خطاب کرتے ہوئے کہا کورونا کا پھیلاؤ روکنے کیلئے مویشی منڈیوں کا درست انتظام ضروری ہے، ملک بھرمیں مویشی منڈیاں شہروں سے باہر قائم کی جائیں گی، شہروں کے اندر کسی کو مویشی منڈی قائم کرنے کی اجازت نہیں۔

    اسد عمر کا کہنا تھا کہ انتظامیہ مویشی منڈیوں سےمتعلق گائیڈ لائنز پرعملدرآمد یقینی بنائے، ملک بھر میں منڈیوں کے اوقات صبح 6 سےشام 7 تک ہوں گے اور منڈیوں میں داخلے سےقبل ماسک پہننالازم ہو گا۔

    وفاقی وزیر نے کہا کہ مویشی منڈیوں کا ایس اوپیزکے تحت اہتمام بہت ضروری ہے، دیہی ایریا سے شہر میں جانور فروخت کرنے کے لئے لوگ آتے ہیں، مویشی منڈیو ں سے متعلق ہیلتھ پروٹوکول، گائیڈلائنز سب سے شیئر ہوں گی۔

    اسد عمر کا کہنا تھا کہ مقامی انتظامی کوعیدالاضحیٰ کےحوالے سے ٹاسک سونپ دیئے گئے ہیں ، مویشی منڈیوں میں خریداروں کی سختی سےاسکریننگ ہوگی اور فیس ماسک کااستعمال اورسماجی فاصلہ یقینی بنایا جائے گا۔

    انھوں نے مزید کہا کہ مقرر حد سے زیادہ سے لوگوں کو منڈی آنےکی اجازت نہیں ہوگی ، عیدالاضحیٰ کی نمازوں کے حوالے سے عیدالفظر کے پلان کو فالو کیا جائے گا۔

    اجلاس کو اسمارٹ لاک ڈاؤن کے حوالے سے بھی بریفنگ دی گئی، جس میں بتایا گیا 23شہروں میں کوروناکےمتاثرہ مریضوں کی تعدادزیادہ دیکھی گئی جبکہ ملک بھر میں321 مقامات اسمارٹ لاک ڈاون کے تحت بند ہیں۔

    این سی اوسی نے انسداد کورونااقدامات پر پنجاب حکومت پر اظہاراطمینان کیا،اسد عمر نے کہا وزیراعلیٰ پنجاب عثمان بزدار کے اقدامات کوسراہا ہے، کورونا روک تھام اور صحت سہولتوں پرپنجاب کےاقدامات قابل تعریف ہیں۔

    اجلاس میں کورونا ایس اوپیز پرعملدرآمد کے لئے سخت مانیٹرنگ پر بھی اتفاق کیا گیا اور کہا گیا کہ ا سمارٹ لاک ڈاؤن کےایس او پیز پرسختی سےنظررکھی جائےگی اور عیدالاضحیٰ کے حوالے سے بھی ایس اوپیز پر سختی عمل کرایا جائے گا۔