ARYNews.tv | Urdu – Har Lamha Bakhabar

Tag: asad umar

  • کورونا ویکسینیشن : پاکستان میں کل سے 19سال سے زائد عمر والوں کی رجسٹریشن شروع کرنے کااعلان

    کورونا ویکسینیشن : پاکستان میں کل سے 19سال سے زائد عمر والوں کی رجسٹریشن شروع کرنے کااعلان

    اسلام آباد : حکومتِ پاکستان نے کل سے 19سال سے زائد عمر کے افراد کیلئے کورونا ویکسینیشن کی رجسٹریشن شروع کرنے کا اعلان کردیا۔

    تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا ہے کہ این سی اوسی نے 19 سال سے زائدعمر کے افراد کیلئے رجسٹریشن کھولنےکافیصلہ کیا ہے ، رجسٹریشن کافیصلہ این سی اوسی اجلاس میں کیاگیا، 19سال سے زائد عمر کے افراد کیلئے رجسٹریشن کل سے شروع ہوگی ، اب رجسٹریشن پوری قوم کیلئےہوگی جنہیں ماہرین صحت نےویکسین کیلئے منظور کرلیا ہے۔

    گذشتہ روز اسد عمر نے بتایا تھا کہ پہلی دفعہ ایک دن میں ڈھائی لاکھ سےزائدافرادکی ویکسی نیشن کی گئی، اس دوران 2لاکھ 67 ہزار 953 لوگوں کو ویکسین لگائی گئی۔

    اسد عمر نے کہا تھا رجسٹرڈلوگوں سےدرخواست ہے جلدویکسی نیشن کیلئےسینٹرجائیں، جن کودوسری ویکسین لگنی ہے وہ ضرور بر وقت ویکسی نیشن کے لئے جائیں۔

  • سندھ پولیس مکمل طور پر ناکام ہے تو آئین میں گنجائش ہے، اسد عمر

    سندھ پولیس مکمل طور پر ناکام ہے تو آئین میں گنجائش ہے، اسد عمر

    خیرپور: وفاقی وزیر اسد عمر نے سندھ میں امن و امان کی صورت حال کو انتہائی مخدوش قرار دیتے ہوئے کہا کہ سندھ پولیس مکمل طور پر ناکام ہےتو آئین میں گنجائش موجود ہے۔

    تفصیلات کے مطابق این سی او سی کے سربراہ اسد عمر نے آج گھوٹکی کا دورہ کیا ، بعد ازاں وہ خیرپور پہنچے جہاں انہوں نے میڈیا سے گفتگو میں سندھ میں امن وامان کی صورت حال پر اپنی تشویش کا اظہار کیا۔

    اسد عمر نے میڈیا سے گفتگو میں کہا کہ سندھ میں امن وامان کی صورتحال انتہائی خراب ہے، قبائلی جھگڑوں کے باعث قتل عام ہو رہا ہے،سندھ پولیس مکمل طور پر ناکام ہےتو آئین میں گنجائش ہے اب وفاق کو سنجیدگی سے رینجرز آپریشن پر غور کرنا چاہیے۔

    یہ بھی پڑھیں: سندھ اورپیپلزپارٹی کی پالیسی ہےنہ کچھ کریں گےنہ کرنےدیں گے، اسد عمر

    وفاقی وزیر نے کہا کہ سندھ میں لا اینڈ آرڈر کا بریک ڈاؤن بہت ہوگیا ہے، کرپشن پر جو آواز اٹھاتا ہے انھیں ڈرایا دھمکایا جاتا ہے، یہ سندھ کے عوام کی خدمت نہیں کر رہے ہیں۔اسد عمر کا کہنا تھا کہ وزیراعظم نے سندھ کےلئے تاریخی پیکج کا اعلان کیا تھا، وزیراعظم نے وعدہ کیا تھا کہ ایک ماہ کےاندر کام ہوتا نظرآئیگا، پہلے مرحلے میں سندھ کےعوام کو گھروں کےقریب نادرا دفاتر کی سہولت دینگے اس کے علاوہ لوگوں کی آسانی کیلئے وراثت کےقانون میں تبدیلی کی گئی ہے کیونکہ وراثت کے مقدمات میں لوگوں کو سالوں دھکےکھانےپڑتے ہیں۔

  • سندھ اورپیپلزپارٹی کی پالیسی ہےنہ کچھ کریں گےنہ کرنےدیں گے، اسد عمر

    سندھ اورپیپلزپارٹی کی پالیسی ہےنہ کچھ کریں گےنہ کرنےدیں گے، اسد عمر

    سکھر : وفاقی وزیر اسد عمر کا کہنا ہے کہ وزیراعظم عمران خان سندھ کی ترقی چاہتے ہیں ،ہم سندھ میں جوکام کرنےجارہےتھے اورسندھ حکومت رکواناچاہتی تھی۔

    تفصیلات کے مطابق وفاقی وزیر اسد عمر نے سکھر میں پریس کانفرنس کرتے ہوئے کہا گھوٹکی کےوسائل پرسب سےزیادہ حق یہاں کےعوام کاہے، حکومت سندھ میں کوئی ہے ، جوحلیم عادل کوبڑالیڈربناناچاہتاہے۔

    اسد عمر کا کہنا تھا کہ سندھ اورپیپلزپارٹی کی پالیسی ہےنہ کچھ کریں گےنہ کرنےدیں گے، بلاول بھٹواب بھی کہتےہیں ہمیں کام کرنےکےلیےوقت چاہیے، جب پیپلزپارٹی کی حکومت آئی تھی توبلاول بھٹوپیدابھی نہیں ہوئےتھے۔

    انھوں نے کہا کہ سندھ میں کام کراناہےعمران خان کایہی وژن ہے، وزیراعظم نےسندھ آکر14ہزارارب کےترقیاتی پیکج کااعلان کیاتھا، ہم سندھ میں جوکام کرنے جارہے تھے اورسندھ حکومت رکواناچاہتی تھی۔

    وفاقی وزیر کا کہنا تھا کہ وزیراعظم کوانصاف کی جدوجہدکرتےہوئے25سال ہوگئے، وزیراعظم کوترین کیخلاف انتقامی کارروائی کرنےکی ضرورت نہیں، وزیراعظم عمران خان جہانگیرترین کوکوئی خاص رعایت نہیں دینگے۔

    گذشتہ روز  اسدعمر نے کہا تھا کہ عمران خان کی ساری سیاست ‏کی بنیاد ہی انصاف ہے سکھر یہ نہیں ہوسکتاعمران خان اپنی سیاسی بنیاد سے منحرف ہوں۔

    وفاقی وزیر کا کہنا تھا کہ   انصاف کےتقاضےپورےہونےچاہیں، جہانگیرترین نےاگرکوئی غیرقانونی کام نہیں کیا ‏تو سرخرو ہو جائیں گے قانون کےتقاضےضرور پورے ہوں گے،کوئی دہرا معیار نہیں ہو سکتا۔

    انھوں نے کہا تھا کہ نوازشریف کےساتھ لندن میں کیا ہوا ہمیں نہیں معلوم، اگر نوازشریف کولندن ‏میں خطرہ ہےتو فوراً وطن آئیں انہیں ہم محفوظ جگہ پررکھیں گے جوجیل سےگیاہےاسےجیل ہی ‏میں واپس رکھاجائےگا۔
  • کورونا کی تیسری لہر ، اسد عمر کا پابندیوں میں نرمی کا عندیہ

    کورونا کی تیسری لہر ، اسد عمر کا پابندیوں میں نرمی کا عندیہ

    اسلام آباد : نیشنل کمانڈ اینڈ آپریشن سینٹر کے سربراہ اسد عمر نے کورونا کے باعث پابندیوں میں نرمی کا عندیہ دیتے ہوئے کہا کوشش کررہے ہیں کہ کچھ بندوشوں میں نرمی کی جائے تاہم فوری طور پر زیادہ چیزیں کھولی تو ایسا نہ ہوکہ دوبارہ سب کچھ بندکرناپڑجائے۔

    تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے این سی او سی اجلاس کے بعد میڈیا سے گفتگو کرتے ہوئے کہا ہے کہ ابھی تک ویکسی نیشن کا تجربہ اچھا رہا ہے ، پاکستان میں ویکسین سے کسی قسم کے سائیڈ افکیٹس نہیں آئے، ابھی تک بالکل واضح ہے کہ ویکسی نیشن بالکل محفوظ ہے۔

    اسد عمر کا کہنا تھا کہ اسلام آبادایف نائن پارک میں ویکسی نیشن سینٹرکاانتظام کیاہے ، ایف نائن پارک میں 75کاؤنٹربنائےجارہےہیں، ایک دن میں 7ہزار سے  زائدویکسی نیشن کی جائےگی اور 60سال سےزائدعمرکےلوگوں کوانتظارنہیں کرناپڑےگا۔

    سربراہ این سی او سی نے کہا ساتھ ساتھ مہم کاآغازکرنےجارہےہیں،جس کے نام پر بات چیت چل رہی ہے، اسلام آبادکےشہری ویکسی نیشن مہم میں بھی دکھائیں کہ یہ ماڈل شہرہے، ہم اسلام آباد انتظامیہ کیساتھ ملکرکام کررہےہیں، ہمیں تاجرتنظیموں کے ساتھ بھی میٹنگز کرنی ہیں، انشااللہ اسلام آباد کو کورونا فری بنانا ہے۔

    ان کا کہنا تھا کہ اللہ کرے پاکستان معمول کےحالات کی طرف جائے، ہم سب نےیورپ اوراپنےخطے میں ہولناک مناظرخطےمیں دیکھے ہیں، ہم نے دیکھاکہ ہمارے اپنے خطے میں کیا ہورہا ہے۔

    اسد عمر نے کہا عیدکی چھٹیوں میں بھی ہمارےفورسزکےاہلکاروں نےکام کیا، وباکےپھیلاؤمیں اضافہ رکاہےلیکن وباختم نہیں ہوئی، اب بھی ساڑھے چار ہزار مریض اسپتالوں میں ہیں، تمام پاکستانیوں سے اپیل ہے جلد سے جلد ویکسین کرائیں۔

    ویکسی نیشن سینٹر کے حوالے سے وفاقی وزیر کا کہنا تھا کہ پاکستان میں ہرجگہ ویکسی نیشن سینٹرکھولےجارہےہیں، تمام ایم این اے،ایم پی ایزسے اپیل ہے اس مہم کو لیڈ کریں، یہ پورےپاکستان کی مہم ہےکسی ایک پارٹی کی نہیں۔

    لاک ڈاؤن سے متعلق ان کا کہنا تھا کہ کوشش کررہےہیں کہ کچھ بندوشوں میں نرمی کی جائے ، تمام فیصلے آج ریلیزکردیے جائیں گے، ان میں دو چیزیں نظر آئیں گی، فوری طور پر زیادہ چیزیں کھولی تو ایسا نہ ہوکہ دوبارہ سب کچھ بندکرناپڑجائے۔

    اسد عمر نے کہا کہ تحریک انصاف عمران خان کیساتھ کھڑی ہے ،کل شام سے چہ مگوئیاں ہورہی ہیں اس سےزیادہ پریشانی کی بات نہیں ہے، کل شام سے باتیں ہیں اس لئےآئی اسٹینڈ ود عمران خان کاٹوئٹ کیا۔

    ان کا کہنا تھا کہ کسی کوشک ہےپی ٹی آئی صرف عمران خان ہےتووہ سیاست کونہیں سمجھتا، کل بھی تحریک انصاف عمران خان تھی آج اورکل بھی عمران خان ہوگی، جہانگیرترین کااسکرین شارٹ دیکھاوہ کل بھی پی ٹی آئی کیساتھ تھےاورآج بھی، تحریک انصاف جہاں کھڑی ہےاس میں کسی کوئی شک نہیں ہوناچاہئے۔

    وفاقی وزیر نے مزید کہا کہ یہ سوال پوچھ رہےہیں اسکینڈلزتحریک انصاف حکومت میں کیوں آتےہیں، اگرکوئی ایسابندہےجوکہے70سالوں میں ملک لوٹا نہیں گیاتوملاقات کرادیں، عمران خان گزرےہوئےکل کی بات نہیں کرتا، اگرآج بھی کچھ غلط ہوتا ہے توعمران خان اس پربھی آوازاٹھاتاہے،اسدعمر

    اسد عمر نے سوال کیا کہ کیااس سےقبل کبھی چینی کی کمی نہیں ہوئی،سبسڈیاں نہیں دی گئیں، بڑے بڑے پراجیکٹ پرلوگوں نےاربوں ڈالر کمائے ، عمران  خان حکومت گزرنےکاانتظارنہیں کرتاوہ اسی دن فیصلہ کرتاہے۔

  • ملک بھر کے کورونا ویکسینیشن مراکز عید کے 2 دن بند ہوں گے، اسد عمر کا اعلان

    ملک بھر کے کورونا ویکسینیشن مراکز عید کے 2 دن بند ہوں گے، اسد عمر کا اعلان

    اسلام آباد : نیشنل کمانڈ اینڈ آپریشن سینٹر کے سربراہ اسد عمر کا کہنا ہے کہ ویکسی نیشن مراکز صرف عید کے 2 دن بند ہوں گے، کل سے 40 سال سے زائد کے رجسٹرڈ افراد کسی بھی مرکز سے ویکسی نیشن کراسکتے ہیں۔

    تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے بیان میں کہا ہے کہ کل 12 مئی سے 40 سال سے زائد کے رجسٹرڈ افراد کسی بھی مرکز سے ویکسی نیشن کراسکتے ہیں، ویکسی نیشن مراکز صرف عید کے2دن بند ہوں گے۔

    اسد عمر کا کہنا تھا کہ بزرگوں سے ویکسی نیشن شروع کرنےکی وجہ عالمی سطح پرمحدودفراہمی ہے، ایک اور وجہ ملک میں ویکسی نیشن کی گنجائش بھی ہے، مستقل کوشش سے ویکسین کی فراہمی ،گنجائش دونوں مسلسل بڑھ رہی ہے۔

    وفاقی وزہر نے کہا لہذاضروری ہے سب سے زیادہ کمزور افراد کو ویکسی نیشن لگائی جائے، کوروناوائرس سےاموات کاخطرہ عمرکےساتھ تیزی سےبڑھتا ہے۔

    ان سی او سی کے سربراہ کا کہنا تھا کہ 40سال سے کم عمر افراد میں اموات کی شرح ایک فیصد ، 41سے50سال کےافرادمیں اموات کی شرح 1.8فیصدہے، 51سے60سال کےافرادمیں اموات کی شرح3.8فیصد ، 61سے70سال کےافرادمیں اموات کی شرح 7.2 ، 71سے80سال کےافرادمیں اموات کی شرح 11.1 اور 80سال سےزائدعمرکےافرادمیں اموات کی شرح 15 فیصد ہے۔

    انھوں نے مزید کہا پاکستان کی 7فیصد آبادی 60سال سے زائد عمر افرادکی ہے، 60سال سےزائدعمر افراد میں کوروناسےاموات کی شرح 53فیصد اور 77فیصد جبکہ 40سال سےکم جن میں کورونا سے اموات کی شرح9 فیصد ہے۔

  • خطرہ پہلے سے زیادہ دورازے پر دستک دے رہا ہے، اسد عمر نے خبردار کردیا

    خطرہ پہلے سے زیادہ دورازے پر دستک دے رہا ہے، اسد عمر نے خبردار کردیا

    اسلام آباد : نیشنل کمانڈ اینڈ آپریشن سینٹر کے سربراہ اسد عمر نے خبردار کرتے ہوئے کہا ہے کہ پورے خطے میں دوران وبا کیسز اور اموات میں تیزی آئی ہے ، خطرہ پہلے سے زیادہ دورازے پر دستک دے رہا ہے۔

    تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ‌ ٹوئٹر پر اپنے بیان میں کہا کہ آج سے16 تاریخ تک نقل و حرکت کی پابندیاں تکلیف کا باعث ہیں، اقدامات کی ضرورت انتہائی خطرناک صورتحال کی وجہ سےپیش آئی، وائرس کا خوفناک پھیلاؤ خطےمیں خطرناک صورتحال کاباعث بنا۔

    اسد عمر کا کہنا تھا کہ بھارت میں کورونا کی بدترین صورتحال دنیا بھرکی ہیڈلائنزمیں ہے ، بھارت میں گزشتہ روز 4 لاکھ سےزیادہ کیس رپورٹ ،4194 اموات ہوئیں ، بھارت کےمختلف شہروں میں اسپتال بھرے اورآکسیجن کی قلت ہے۔

    این سی او سی کے سربراہ نے کہا کہ چھوٹے سے ملک نیپال میں تیزی سے کوروناکیسز میں اضافہ ہوا ، نیپال میں روز7ہزار کیسز رپورٹ ہورہے ہیں ،اموات کی تعدادبڑھی ہے، پورے خطے میں دوران وبا کیسز اور اموات میں تیزی آئی ہے ، الحمد اللہ ہم بروقت اقدام سے بدترین صورتحال سے محفوظ رہے ہیں۔

    ان کا کہنا تھا کہ ایران جس کی آبادی پاکستان کےنصف سےبھی کم ہےوہاں بھی کیسز بڑھے، ایران میں روزکی بنیاد پر اموات 400 سے تجاوز کر چکی ہیں ، احتیاط کی ضرورت واضح ہے،خطرہ پہلے سے زیادہ دورازے پر دستک دے رہا ہے۔

    اسد عمر نے مزید کہا کہ کوروناکی پہلی لہرمیں کامیابی پرہمیں عالمی سطح پر پذیرائی ملی، ضروری ہےمتحد ہوکرکوروناکےخلاف پہلی لہرکی طرح کامیابی حاصل کریں، انشااللہ ہم مل کر دوبارہ کامیابی حاصل کریں گے۔

  • پاکستان میں تیارہ کردہ کورونا ویکسین کب تک دستیاب ہوگی؟ عوام کیلئے بڑی خبر آگئی

    پاکستان میں تیارہ کردہ کورونا ویکسین کب تک دستیاب ہوگی؟ عوام کیلئے بڑی خبر آگئی

    ب اسلام آباد : این سی اوسی کے سربراہ اسدعمر کا کہنا ہے کہ قومی ادارہ صحت میں کینسینوویکیسن کی بڑی کھیپ تیاری کے مراحل میں ہے ، مخصوص کوالٹی چیک کے بعد مئی کے آخر میں ویکسین دستیاب ہوگی۔

    تفصیلات کے مطابق سربراہ این سی اوسی اسدعمر نے سماجی رابطے کی ویب سائٹ ٹوئٹر پر اپنے پیغام میں کہا کہ قومی ادارہ صحت میں کینسینوویکیسن کی بڑی کھیپ تیاری کےمراحل میں ہے، قومی ادارہ صحت میں پچھلےماہ اس حوالے سے پلانٹ تیار کیا گیا تھا، کینسینو ویکیسن کی تیاری کیلئے ٹیم کوخصوصی تربیت دی گئی ہے، مخصوص کوالٹی چیک کے بعد مئی کے آخر میں ویکسین دستیاب ہوگی۔

    یاد رہے ذرائع این آئی ایچ کا کہنا تھا کہ این آئی ایچ میں کورونا ویکسین تیاری کے انتظامات مکمل کرلئے گئے ہیں ، این آئی ایچ میں کین سائینوسنگل ڈوزکورونا ویکسین تیار کی جائےگی۔

    ذرائع کے مطابق پاکستان کورونا ویکسین چینی کمپنی کے تعاون سےتیارکرےگا اور ویکسین کی تیاری کےلیےخام مال چینی کمپنی فراہم کرےگی،اس سلسلے میں این آئی ایچ کے ماہرین کی کورونا ویکسین سازی کی تربیت جاری ہے، کین سائنوٹیم پاکستانی ماہرین کو ویکسین سازی کی تربیت دے رہی ہے، پہلاکورونا ویکسین بیچ چینی ماہرین کی موجودگی میں تیار کیا جائے گا۔

    این آئی ایچ کا کہنا تھا کہ کین سائنو ویکسین کی 2کروڑ خوراکیں پاکستان میں تیار کی جائیں گی، چینی کمپنی ویکسین کی 2کروڑ ڈوز کے لیے خام مال فراہم کرے گی تاہم آغاز میں کورونا ویکسین کی محدودخوراکیں تیارکی جائیں گی۔

  • اسد عمر کی عوام سے عید سادگی اور احتیاط سے منانے کی اپیل

    اسد عمر کی عوام سے عید سادگی اور احتیاط سے منانے کی اپیل

    اسلام آباد : نیشنل کمانڈ اینڈ آپریشن سینٹر کے سربراہ اسد عمر نے عوام سے رمضان المبارک کے آخری چند دن اور عید سادگی اور احتیاط سے منانے کی اپیل کرتے ہوئے کہا آئیں مل کر اس اہم ترین وقت کو احتیاط سے گزاریں۔

    تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر عوام کو جمعتہ الوداع کی مبارک باد دیتے ہوئے اپنے پیغام میں کہا کہ رمضان المبارک کے آخری چند دن اور عید سادگی اور احتیاط سے منائیے، اللہ کے کرم سے اور بروقت فیصلوں سے ہمارے ملک میں وہ حالات نہیں ہوئے جو پڑوس میں ہیں. آئیں مل کر اس اہم ترین وقت کو احتیاط سے گزاریں۔

    یاد اسد عمر کا کہنا تھا کہ یک سال ہو گیا عالمی سطح پر کورونا کی تباہ کاریاں جاری ہیں، دنیا بھرمیں کورونا کیسز کی یومیہ تعداد 9لاکھ سے تجاوز کر گئی ہے ، 2021 میں کورونا سے یومیہ اموات 15 ہزار سے زیادہ ہیں، پاکستان کیلئے آئندہ چند ہفتے نازک ہیں، احتیاط لازمی ہے۔

    خیال رہے پاکستان میں کرونا وائرس کی وبا کی تیسری لہر زوروں پر ہے، گزشتہ چوبیس گھنٹوں کے دوران مزید 140 افراد انتقال کر گئے، جس کے بعد اموات کی مجموعی تعداد بڑھ کر 18 ہزار 677 ہوگئی۔

    این سی او سی کے مطابق گزشتہ 24 گھنٹوں کے دوران کرونا کے 44 ہزار 846 ٹیسٹ کیے گئے، جن میں سے مثبت آنے والے کیسز کی تعداد 4 ہزار 298 رہی، جب کہ 24 گھنٹوں میں کرونا کے ٹیسٹ مثبت آنے کی شرح 9.58 فی صد رہی۔

  • ملک میں فوج تعیناتی کے بعد ایس او پیز پر عمل درآمد میں نمایاں بہتری

    ملک میں فوج تعیناتی کے بعد ایس او پیز پر عمل درآمد میں نمایاں بہتری

    اسلام آباد : نیشنل کمانڈ اینڈ آپریشن سینٹر کے سربراہ اسد عمر کا کہنا ہے کہ فوج تعیناتی کے بعد قومی سطح پرایس او پیز کی اوسط تعمیل دگنی ہوگئی ، عید تک ایس او پیزکی تعمیل کی سطح کوبرقراررکھنے کی ضرورت ہے۔

    تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا کہ فوج تعیناتی کےبعدایس اوپی پرعمل درآمد میں نمایاں بہتری آئی ہے ، قومی سطح پرایس او پیزکی اوسط تعمیل دگنی ہوئی ہے، قومی سطح پرایس او پیز کی تعمیل 25اپریل کو 34 فیصد تھی اور 3مئی کو قومی سطح پر ایس او پیز کی تعمیل 68 فیصد ہوگئی۔

    اسدعمر کا کہنا تھا کہ عید تک ایس او پیزکی تعمیل کی سطح کوبرقراررکھنے کی ضرورت ہے، فوج کی تعیناتی اور مضبوط نفاذکےاقدامات سےایس او پیزمیں بہتری آئی۔

    خیال رہے ملک کے مختلف شہروں میں کورونا ایس او پیز پر عملدرآمد یقینی بنانے کیلئے پاک فوج ،رینجرز ،اور دیگر قانون نافذ کرنیوالے اداروں کا فلیگ مارچ جاری ہے اور شہریوں میں ماسک بھی تقسیم کیے جارہے ہیں۔

    یاد رہے وزیر اعظم عمران خان نے پاک فوج تعینات کرنے کا حکم دیا تھا تاکہ فوج انتظامیہ سے مل کر کورونا ایس او پیز پر عمل درآمد کروائے گی۔

  • پاکستان میں کورونا کی سنگین صورتحال ، ‘ اگلے چند ہفتے بہت اہم ہیں’

    پاکستان میں کورونا کی سنگین صورتحال ، ‘ اگلے چند ہفتے بہت اہم ہیں’

    اسلام آباد : نیشنل کمانڈ اینڈ آپریشن سینٹر کے سربراہ اسد عمر نے کہا کہ اگلے چند ہفتے بہت اہم ہیں ، اگرہم بیماری کوتیزی سےپھیلنے دیں گے تو کوئی سسٹم مقابلہ نہیں کرسکتا، اللہ ہماری حفاظت فرمائے۔

    تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہ گذشتہ سال ملک میں 2811 آکسیجن بیڈز موجودتھے اور صوبوں نے بھی اس میں اضافہ کیا تاہم گزشتہ روزکوروناکےتشویشناک مریضوں کی تعداد5360تک پہنچ گئی، یہ گزشتہ جون سے 57فیصدزیادہ ہے، آکسیجن کی پیداوارسےبستروں تک چیلنج کامقابلہ کرنے میں کامیاب رہے۔


    اسد عمر کا کہنا تھا کہ چیلنج ابھی ختم نہیں ہوابلکہ بڑھ رہا ہے، اس وقت احتیاطی تدابیراورایس اوپیزپرعمل کرنےکی ضرورت ہے، اگلےچندہفتےبہت اہم ہیں ، اگرہم بیماری کوتیزی سےپھیلنےدینگےتوکوئی سسٹم مقابلہ نہیں کرسکتا، اللہ ہماری حفاظت فرمائے۔


    وفاقی وزیر نے مزید کہا کہ آکسیجن کی کمی کو پورا کرنے کیلیے این او سی نے 6،000 ٹن آکسیجن ، 5،000 سلنڈر اور 20 کریوجنک ٹینک درآمد کرنے کا فیصلہ کیا گیا۔

    یاد رہے پاکستان میں کورونا کی تیسری لہر خطرناک صورتحال اختیار کرتی جارہی ہے ، گزشتہ 24 گھنٹوں میں ایک سو اکتیس مریض جاں بحق ہوئے جبکہ مثبت آنے والے کیسز کی تعداد 5 ہزار 112 رہی، جس کے بعد آج ٹیسٹ مثبت آنے کی شرح 10.41 فی صد رہی۔