ARYNews.tv | Urdu – Har Lamha Bakhabar

Tag: ASF Action

  • اے ایس ایف کی کارروائی، منشیات اسمگلنگ کی کوشش ناکام، مسافر گرفتار

    اے ایس ایف کی کارروائی، منشیات اسمگلنگ کی کوشش ناکام، مسافر گرفتار

    اسلام آباد : ائیرپورٹ سیکورٹی فورس (اے ایس ایف) نے بڑی مقدار میں منشیات اسمگلنگ کی کوشش ناکام بناتے ہوئے ملزم کو رنگے ہاتھوں گرفتار کرلیا۔

    اسلام آباد انٹرنیشنل ایئرپورٹ پر ائیرپورٹ سیکورٹی فورس نے کامیاب کارروائی کرتے ہوئے منشیات اسمگلنگ کی کوشش ناکام بنادی۔

    اسملگلنگ کے الزام میں مسافر کو گرفتار کرکے مقدمہ درج کرلیا گیا ہے، اے ایس ایف کے عملے نے بحرین جانے والے مسافر سے 3.054 کلو گرام آئس ہیروئن برآمد کی۔

    مسافر محمد خالد نے ہیروئن بیگ کی تہہ میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنا دی۔

    ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کردیا گیا۔

    واقعے کے حوالے سے مزید تحقیقات کی جارہی ہیں، انتظامیہ نے دیگر مسافروں کے سامان کی بھی نگرانی مزید سخت کردی، ملزم سے مزید تفتیش کی جارہی ہے۔

  • کروڑوں روپے مالیت کی ہیروئن اسمگل کرنے کی کوشش ناکام

    کروڑوں روپے مالیت کی ہیروئن اسمگل کرنے کی کوشش ناکام

    پشاور : اے ایس ایف نے باچا خان انٹرنیشنل ایئرپورٹ پر کارروائی کرتے ہوئے کروڑوں روپے مالیت کی ہیروئن بیرون ملک اسمگلنگ کرنے کی کوشش ناکام بنادی ہے۔

    اس حوالے سے ترجمان اے ایس ایف نے بتایا ہے کہ مسافر محمد حامد خیرالبشر پشاور سے دبئی جارہا تھا شک گزرنے پر اے ایس ایف کے عملے نے مسافر کے سامان کی تلاشی لی۔

    دوران تلاشی مسافر محمد حامد خیرالبشر کے قبضے سے 13.075 کلو گرام ہیروئن برآمد کی گئی، ملزم نے ہیروئن دو بیگوں کے اندر بڑی مہارت سے چھپا رکھی تھی۔

    قبضے میں لی گئی ہیروئن کی مالیت عالمی منڈی میں کروڑوں روپے بتائی جاتی ہے۔ اے ایس ایف کے عملے نے منشیات برآمد کرکے اسمگلنگ کی کوششں کو ناکام بنا دیا۔

    ترجمان اے ایس ایف کا کہنا ہے کہ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کردیا گیا ہے۔

  • پونے تین ارب روپے سے زائد مالیت کا سونا اسمگل کرنے کی کوشش ناکام

    پونے تین ارب روپے سے زائد مالیت کا سونا اسمگل کرنے کی کوشش ناکام

    کراچی : اے ایس ایف کے عملے نے ایئر پورٹس پر کارروائیوں کے دوران پونے تین ارب روپے سے زائد مالیت کا سونا اسمگل کرنے کی کوشش کا ناکام بنایا، یہ کارروائیاں سال 2020 میں کی گئیں۔

    تفصیلات کے مطابق ایئرپورٹ سیکیورٹی فورس کی جرائم پیشہ افراد کے خلاف تابڑ توڑ کارروائیاں جاری ہیں، گزشتہ سال بھر میں منشیات، سونا اور کرنسی اسمگلنگ کی کوشش ناکام بنانے کی رپورٹ جاری کردی گئی۔

    اے ایس ایف عملے نے فرائض کی انجام دہی کے دوران گزشتہ سال پونے تین ارب روپے سے زائد مالیت کا سونا اسمگل کرنے کی کوشش ناکام بنائی، سو کلو سے زائد ہیروئن اور آئس قبضے میں لی گئی اور ڈیڑھ ارب روپے سے زائد مالیت کی کرنسی ضبط کی۔

    اے ایس ایف کی سالانہ رپورٹ کے مطابق سال2020میں لاہور، اسلام آباد اور کراچی سمیت ملک کے مختلف ایئرپورٹس پر 2ارب 87کروڑ روپے سے زائد مالیت کا 40 کلو سونا پکڑا گیا۔

    ملزمان کی جانب سے منی لانڈرنگ کی لاتعداد کوششیں ناکام بناتے ہوئے ڈیڑھ ارب روپے سے زائد مالیت کی غیر ملکی کرنسی بھی ضبط کی گئی، رپورٹ میں بتایا گیا ہے کہ مذکورہ کارروائیوں کے دوران 70کلو سے زائد ہیروئن ،37کلو سے زائد آئس اور 3ہزار کلو سے زائد حشیش اسمگل کرنے کی کوشش ناکام بنائی گئی۔

    اے ایس ایف کے عملے نے ملک بھر کے ایئر پورٹس پر مسافروں کے قبضے سے مختلف بور کا اسلحہ اور کارتوس بھی برآمد کئے۔ جن کی تعداد 2ہزار420 ہے۔

  • باچا خان ایئرپورٹ سے منی لانڈرنگ کی کوشش ناکام، مسافر بھاری رقم سمیت گرفتار

    باچا خان ایئرپورٹ سے منی لانڈرنگ کی کوشش ناکام، مسافر بھاری رقم سمیت گرفتار

    پشاور : ایئرپورٹ سیکیورٹی فورس نے باچا خان انٹرنیشنل ایئرپورٹ پر مسافر کے قبضے سے بھاری رقم برآمد کرکے منی لانڈرنگ کی کوشش ناکام بنادی، ملزم کو گرفتار کرلیا گیا۔

    تفصیلات کے مطابق اے ایس ایف نے باچا خان انٹر نیشنل ایئرپورٹ پر بڑی کارروائی کرتے ہوئے منی لانڈرنگ کی کوشش ناکام بنا دی، مسافر کو حراست میں لے کر کسٹمز حکام کے حوالے کردیا۔

    مسافر کے قبضے سے 46ہزار درہم برآمد کرلئے گئے، حاکم اللہ خان نامی مسافر پی آئی اے کی پرواز پی کے217سے پشاور سے ابوظہبی جارہا تھا۔

    ایئرپورٹ سیکیورٹی فورس (اے ایس ایف) نے شک کی بنیاد پر مسافر کے سامان کی تلاشی لی تو ایک بیگ میں46ہزار درہم چھپا رکھے تھے ۔

    جس پر فوری ایکشن لیتے ہوئے اے ایس ایف نے مسافر کو حراست میں لے لیا، اے ایس ایف نے مزید کارروائی کیلئے مسافر کو کسٹم کے حوالے کردیا ہے۔

    مزید پڑھیں: باچا خان ایئرپورٹ ، چائے کے پیکٹ میں ہیروئن لے جانے کی کوشش ناکام، مسافر گرفتار

    واضح رہے کہ ا س سے قبل بھی اے ایس ایف نے پشاور ایئر پورٹ پر ہپیروئن اسمگلنگ کرنے کو شش ناکام بناتے ہوئے مسافر کے بیگ سے 1711گرام ہیروئن برآمد کی تھی جو ملزم نے چائے کے پیکٹ میں چھپا رکھی تھی۔

    نجی ایئرلائن ایئر بلو کے ڈرائیور سید عقیل شاہ کی شک کی بنیاد پر تلاشی لی گئی تو انکشاف ہوا کہ گاڑی میں رکھی چائے کی پتی کے پیکٹ میں ہیروئن چھپا کر رکھی گئی ہے۔

  • باچا خان ایئرپورٹ : چائے کے پیکٹ میں ہیروئن لے جانے کی کوشش ناکام، مسافر گرفتار

    باچا خان ایئرپورٹ : چائے کے پیکٹ میں ہیروئن لے جانے کی کوشش ناکام، مسافر گرفتار

    کراچی :  اے ایس ایف نے پشاور ایئر پورٹ پر ہپیروئن اسمگلنگ کرنے کو شش ناکام بناتے ہوئے مسافر کے بیگ سے ہیروئن برآمد کرلی، ملزم نے چائے کے پیکٹ میں چھپارکھی تھی۔

    تفصیلات کے مطابق باچا خان انٹر نیشنل ایئرپورٹ پر اے ایس ایف نے بڑی کارروائی کرتے ہوئے نجی ایئرلائن کے مسافر سے1711ہیروئن برآمد کرلی گئی۔

    نجی ایئرلائن ایئر بلو کے ڈرائیور سید عقیل شاہ کی شک کی بنیاد پر تلاشی لی گئی تو انکشاف ہوا کہ گاڑی میں رکھی چائے کی پتی کے پیکٹ میں ہیروئن چھپا کر رکھی گئی ہے۔

    اے ایس ایف نے ملزم کو تفتیش کیلئے حراست میں لے لیا، ہیروئن کروڑوں روپے مالیت کی بتائی جاتی ہے، اے ایس ایف ذرائع کے مطابق ڈرائیور ایپرن ایریا میں گاڑی پر جارہا تھا، اے ایس ایف نے نجی ایئرلائن کے ڈرائیور کو حراست میں لے کر تفتیش شروع کردی۔

    مزید پڑھیں: پشاور ایئر پورٹ سے ہیروئن اسمگل کرنے کی کوشش ناکام ، مسافر گرفتار

     واضح رہے کہ اس سے قبل باچا خان انٹر نیشنل ایئرپورٹ پر گزشتہ ہفتے بھی اے ایس ایف نے مسافر سے نو کلو سے زائد ہیروئن برآمد کر کے ملزم کو گرفتار کیا تھا۔

  • کراچی ایئر پورٹ سے براؤن ہیروئن اسمگل کرنے کی کوشش ناکام ، مسافر گرفتار

    کراچی ایئر پورٹ سے براؤن ہیروئن اسمگل کرنے کی کوشش ناکام ، مسافر گرفتار

    کراچی : اے ایس ایف نے کراچی ایئر پورٹ پر اسمگلنگ کرنے کو شش ناکام بناتے ہوئے مسافر کے بیگ سے براؤن ہیروئن برآمد کرلی، ملزم کو اے این ایف کے حوالے کردیا گیا۔

    تفصیلات کے مطابق کراچی ایئرپورٹ پر اے ایس ایف کے عملے نے بڑی کارروائی کرتے ہوئے بیرو ن ملک ہیروئن کی اسمگلنگ کی کوشش کو ناکام بنادیا، مسافر کے بیگ سے ساڑھے اٹھارہ کلو گرام براؤن ہیروئن برآمد کرلی گئی۔


    محمد زروف نامی مسافر غیر ملکی ایئر لائن کی پرواز ای کے601کے ذریعے دبئی براستہ برمنگھم جارہا تھا۔ اے ایس ایف نے مسافر کے سامان کی تلاشی لی تو اس کے بیگ سے ساڑھے اٹھارہ کلو براؤن ہیروئن برآمد ہوئی۔

    مسافر نے بیگ کے خفیہ خانوں میں ہیروئن چھپا رکھی تھی۔ بیرون ملک اسمگل کی جانے والی ہیروئن کی مالیت کروڑوں روپے بتائی جاتی ہے، اے ایس ایف نے مزید تفتیش کیلئے مسافر کو اینٹی نارکوٹکس فورس کے حوالے کردیا۔

  • آئس ہیروئن اور سونا اسمگل کرنے کی کوشش ناکام، دو خواتین سمیت تین ملزمان گرفتار

    آئس ہیروئن اور سونا اسمگل کرنے کی کوشش ناکام، دو خواتین سمیت تین ملزمان گرفتار

    کراچی : اے ایس ایف نے آئس ہیروئن اور سونا اسمگل کرنے کی کوشش ناکام بناتے ہوئے دو خواتین سمیت تین ملزمان کو حراست میں لے لیا۔

    تفصیلات کے مطابق ایئر پورٹ سیکیورٹی فورس نے (اے ایس ایف) نے باچا خان انٹر نیشنل ایئرپورٹ پر کامیاب کارروائی کرتے ہوئے کروڑوں روپے مالیت کی آئس ہیروئن کی اسمگلنگ کی کوشش کو ناکام بنادیا۔

    دو مسافر یوسف علی اور اس کی والدہ رمضانہ نجی ایئرلائن کی پرواز پی اے 670کے ذریعے عمرے کی ادائیگی کیلئے جدہ جارہے تھے، مسافروں کے سامان کی چیکنگ کی گئی تو بیگ کے خفیہ خانوں سے دو کلو دو سوساٹھ گرام آئس ہیروئن برآمد کرلی گئی۔

    برآمد ہونے والی ہیروئن کی قیمت بین الاقوامی مارکیٹ میں کروڑوں روپے بتائی جاتی ہے، اے ایس ایف نے ملزمان ماں بیٹے کو ابتدائی سے تفتیش کے بعد اینٹی نارکوٹکس فورس کے حوالے کردیا۔

    علاوہ ازیں علامہ اقبال انٹرنیشنل ائیرپورٹ پر اے ایس ایف نے کارروائی کرتے ہوئے ٹورنٹو جانے والی خاتون مسافر کو سونا اسمگل کرتے ہوئے رنگے ہاتھوں پکڑ لیا۔

    مزید پڑھیں: فیصل آباد، انسانی اسمگلنگ کے خلاف ایف آئی اے کی کارروائی، 19 افراد گرفتار

    اس حوالے سے ترجمان اے ایس ایف کا کہنا ہے کہ صائمہ نامی اسمگلر خاتون پی آئی اے کی پرواز پی کے 789 سے ٹورنٹو جارہی تھی کہ سامان کی تلاشی کے دوران اس کے قبضے سے تیس تولہ سونے کے بسکٹ برآمد ہوئے، مذکورہ خاتون کو برآمد کیے جانے والے سامان سمیت کسٹم حکام کے حوالے کردیا گیا۔