کراچی 🙁 ویب ڈیسک) بالی ووڈ راک اسٹار رنبیر کپور بھی دنیا بھر میں کھیلے جانے مشہور گیم کینڈی کرش کے دیوانے ہیں۔
بالی ووڈ کے معروف اداکار رنبیر کپور،جیکولین اور ارجن رام پال کی آنے والی ہے نئی فلم ’رائے‘ جس کی شوٹنگ میں آج کل بہت ہی مصروف ہیں۔
تاہم مصروفیت کے باوجود بھی لیجنڈ اداکار رشی کپور کے صحابزادے رنبیر کپور نے سماجی روابط کی ویب سائٹ پر کھیلے جانے والے مقبول گیم کینڈی کرش کھیلنا نہیں چھوڑاہے۔
شوٹنگ کے دوران سری لنکن بیوٹی جیکولین فرنینڈس نے اس بات کا انکشاف کیا ہے کہ رنبیر کپور شوٹنگ کے دوران ملنے والے بریک میں رنبیر موبائل فون پرکینڈی کرش کھیلتے رہتے ہیں۔ جس کے باعث کبھی کبھی وہ اپنے سین بھی بھول جاتے ہیں۔
