Tag: Asian Development Bank

نیویارک :ایشیائی ترقیاتی بینک نےپاکستان کی معاشی ترقی کےحوالے سے اسٹیٹ بینک کے برعکس رپورٹ جاری کردی ہے، رپورٹ کے مطابق توانائی بحران اور سیکیورٹی اخراجات کے باعث پاکستانی معیشت دباؤ میں ہے۔

ایشیائی ترقیاتی بینک نے 2014کی پاکستان کی اقتصادی جائزہ رپورٹ جاری کی ہے، رپورٹ کے مطابق پاکستان کی ٹیکس آمدنی میں اضافہ نہیں ہوا، توانائی کے شعبے میں مطلوبہ اصلاحات نہیں ہوئیں، توانائی بحران بدستور موجود اور بڑا معاشی رسک ہے، پاکستانی معیشت بھاری سیکوریٹی اخراجات کے نیچے دبی ہوئی ہے۔

رپورٹ کے مطابق پاکستان میں سرکلر ڈیٹ 300 ارب روپےتک پہنچ گیا ہے، حکومت نے بینکوں سےایک ہزار ارب روپے کا نیا قرضہ لیا، پاکستان میں نجی شعبےکیلئےقرض کی فراہمی تاحال کم ہے، ضرورت کے مطابق قرض نہ ملنےسےبڑے پیداواری یونٹس کی ترقی کی شرح ہدف سےکم رہی۔

یاد رہےکہ کچھ روز قبل ہی اسٹیٹ بینک نے ایک رپورٹ میں بتایا تھا کہ پاکستانی معیشت ترقی کررہی ہے، مہنگائی کم ہورہی ہے، توانائی کے شعبےمیں اصلاحات جاری ہیں، ایشیائی ترقیاتی بینک نےبتایا ہےکہ جون تک پاکستان کو سترکروڑ ڈالر کےمزید فنڈز فراہم کریں گے۔

یہ رقم توانائی کےشعبےمیں اصلاحات اور سیلاب سے متاثرہ علاقوں کیلئےدی جائےگی۔

ایشیائی ترقیاتی بینک کےمطابق سرکاری بجلی گھر اگر منافع میں ہیں تو انہیں فروخت کرنے کی ضرورت نہیں تاہم جو سرکاری بجلی گھرخسارے میں ہیں ان کی نجکاری ہونی چاہیئے۔