جنوبی کوریا : سترہویں ایشین گیمز رنگارنگ اختتامی تقریب کے بعد اختتام پذیر ہوگئے۔ زبردست آتش بازی اور موسیقی نے تقریب کو چار چاند لگا دئیے۔
تمغوں کی دوڑ میں چین سب سے بازی لے گیا۔رنگا رنگ اختتامی تقریب کے بعد سولہ روز تک جاری رہنے والے کھیلوں کےایشین میلے کا اختتام ہوگیا۔ زبردست آتش بازی اور موسیقی نے سماں باندھ دیا۔
گلوکاروں نے سریلی آواز کا جادو جگایا تو میوزیکل بینڈ نے بھی اپنی پرفارمنس کا مظاہرہ کیا۔ جنوبی کورین فنکاروں کی خوبصورت پرفارمنس محفل کو چار چاند لگا دئیے اور پھر رنگا رنگ آتش بازی سے فضا جگمگا گئی۔
سترہویں ایشین گیمز میں چین نے ایک سو اکیاون گولڈ ایک سو آٹھ سلور اور تراسی کانسی کے تمغوں کے ساتھ میدان مارلیا۔ میزبان جنوبی کوریا نے دوسری اور جاپان نے تیسری پوزیشن حاصل کی۔
پاکستان نے کرکٹ میں گولڈ اور ہاکی میں چاندی کے تمغے ساتھ تین کانسی کے تمغے اپنے نام کیے اور مجموعی طور پر تئیسویں نمبر پر رہا۔جنوبی کوریا نے ایشین گیمز کا جھنڈا انڈویشیا کے حوالے کیا۔
ایشین گیمز دو ہزار اٹھارہ کا ایونٹ انڈونیشیا کے شہر جکارتہ میں ہوگا۔
