ایشین یوتھ گرکز نیٹ بال چیمپئن شپ کی پلیٹ ڈویژن کپ کا فائنل پاکستان نے جیت لیا۔
جنوبی کوریا میں جاری چیمپئن شپ میں ایشین یوتھ گرلز نیٹ بال چیمپئن شپ میں پاکستان نے فائنل میں مالدیپ کے خلاف 35 کے مقابلے میں 60 گولز سے کامیابی حاصل کی۔
فائنل مقابلے میں پاکستان نے مالدیپ کو کسی کوارٹر میں برتری نہیں لینے دی، پاکستان چیمپئن شپ کے پلیٹ ڈویژن کپ میں ناقابل شکست رہا، پاکستان نے فائنل سمیت مسلسل سات میچز میں کامیابی حاصل کی۔
پاکستان نے سیمی فائنل میچ میں جاپان کو شکست دے کر فائنل کے لیے کوالیفائی کیا تھا، پاکستان گرلز نیٹ بال ٹیم نے جاپان کو 39 کے مقابلے 64 گول سے شکست دے کر کامیابی حاصل کی تھی۔
ایشین یوتھ گرلز نیٹ بال چیمپئن شپ میں پاکستان ٹیم چھاگئی، چائنیز تائپے کو شکست
یاد رہے کہ پاکستان نے جمعہ کو سعودی عرب کے خلاف 71-15 سے فاتحانہ آغاز کیا تھا، جب کہ ہفتے کو چینی تائپے کو 56-32 سے شکست دی تھی, گزشتہ روز میزبان جنوبی کوریا کو 6-91 سے پچھاڑ کر تیسری کامیابی حاصل کی تھی۔
چیمپئن شپ میں پاکستان نے ایشین یوتھ نیٹ بال چیمپیئن شپ میں جاپان کو شکست دیکر مسلسل چوتھی کامیابی حاصل کی تھی۔
