اسلام آباد : وزیر اعظم عمران خان نے قومی کرکٹرآصف علی سے بیٹی کی موت پر اظہار تعزیت کیا اور کہا کہ اللہ آصف علی اورفیملی کومشکل کی گھڑی میں صبر اور ہمت دے۔
تفصیلات کے مطابق وزیر اعظم عمران خان نے سماجی رابطے کی ویب سائٹ ٹوئٹر پر قومی کرکٹرآصف علی سے بیٹی کی موت پرتعزیت کا اظہار کرتے ہوئے کہا اللہ آصف علی اورفیملی کومشکل کی گھڑی میں صبر اور ہمت دے
My condolences and prayers go to Asif Ali & his family on the passing of his daughter from cancer. May Allah give them strength to bear such a precious loss.
— Imran Khan (@ImranKhanPTI) May 20, 2019
یاد رہے قومی کرکٹر آصف علی کی بیٹی امریکا میں انتقال کرگئیں تھیں، ننھی فاطمہ امریکا میں زیر علاج تھی، آصف علی اپنی بیٹی سے دور انگلینڈ میں تھے، جہاں انہیں بچی کےانتقال کی خبرملی۔
مزید پڑھیں : قومی کرکٹرآصف علی کی کمسن بیٹی انتقال کرگئی
آصف علی انگلینڈ سے امریکہ گئے اورمیت کے ہمراہ کل پاکستان پہنچیں گے۔
نور فاطمہ کے انتقال پر وزیرخارجہ شاہ محمود قریشی اور اے آر وائی ڈیجیٹل نیٹ ورک کے صدر اور سی ای اوسلمان اقبال نے افسوس کا اظہار کیا اور کہا میری تمام تر ہمدردیاں آصف علی اور ان کے اہلخانہ کے ساتھ ہیں۔
قومی کرکٹ ٹیم کےکھلاڑیوں نے بھی آصف علی سے دکھ کی اس گھڑی میں اظہار یکجہتی کیا۔