کراچی : سابق صدر اور پیپلز پارٹی کے شریک چیئرمین آصف علی زرداری کا کہنا ہے کہ نوازحکومت کے ستائےعوام پر نگراں حکومت مزید ظلم نہ کرے۔

تفصیلات کے مطابق سابق صدر آصف علی زرداری نے کہا ہے کہ نگراں حکومت پٹرول کی قیمتوں میں اضافے سے گریز کرے۔

پیپلز پارٹی کے شریک چیئرمین نے کہا کہ نوازحکومت کے ستائےعوام پرنگراں حکومت مزید ظلم نہ کرے، پٹرول کی قیمتوں کے اضافے سےغریب زیادہ متاثرہوگا۔

آصف علی زرداری نے کہا کہ پٹرولیم کی قیمتوں میں اضافے سے مہنگائی بڑھے گی، نگراں حکومت عوام پرمزید مہنگائی کا بوجھ نہ ڈالے۔

نگراں حکومت کی دوسری بار عوام پر پیٹرول بم گرانے کی تیاری

خیال رہے کہ گزشتہ روز آئل اینڈ گیس ریگولیٹری اتھارٹی (اوگرا) کی جانب سے پٹرولیم مصنوعات کی قیمتوں میں اضافے کی سمری وزارت خزانہ کو ارسال کردی گئی۔

ذرائع کے مطابق سمری میں پٹرول کی قیمت میں 5 روپے 40 پیسے اضافے جبکہ ہائی اسپیڈ ڈیزل کی قیمت میں 6 روپے 20 پیسے اضافے کی تجویز دی گئی ہے۔

لائٹ ڈیزل کی قیمت میں 10 روپے 50 پیسے اضافے کی تجویز دی گئی ہے جبکہ مٹی کا تیل 12 روپے فی لیٹر مہنگا کرنے کی سفارش کی گئی ہے۔

واضح رہے کہ گزشتہ کئی ماہ سے پٹرولیم مصنوعات کی قیمتوں میں اضافہ کیا جارہا ہے، رواں ماہ بھی نگراں حکومت نے پٹرول کی قیمت میں 4 روپے 26 پیسے اضافہ کیا تھا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

کراچی: پاکستان پیپلز پارٹی کے شریک چیئرمین آصف علی زرداری نے کہا ہے کہ پرویز مشرف کا پاکستان آنے کا کوئی ارادہ نہیں ہے۔

ان خیالات کا اظہار انھوں نے میڈیا سے گفتگو کرتے ہوئے کیا، زرداری نے کہا کہ ہمیں سیکورٹی نہ دینے والے کمانڈو کو آج خطرہ محسوس ہو رہا ہے۔

آصف زرداری کا کہنا تھا کہ کمانڈو ملک نہیں آئے گا، پرویز مشرف کہتا ہے کہ سیاست کروں گا لیکن وہ ملک بھی نہیں آتا، ملک آئے بغیر سیاست کیسے ہوگی۔

پی پی کے رہنما آخر کار آمروں کے خلاف بھی بول پڑے ہیں، زرداری نے کہا کہ جب بھی ملک میں کوئی آمر آیا اس نے جمہوریت کو نقصان پہنچانے کی کوشش کی۔

آمر ضیاء الحق نے بھی سمجھا تھا کہ ذوالفقار علی بھٹو کو قتل کر کے ان کی آواز کو خاموش کر دے گا، خیال رہے کہ زیڈ اے بھٹو کے عدالتی قتل کے بعد بھٹو زندہ ہے کی سوچ نے جنم لے لیا تھا۔

سابق صدر آصف زرداری نے سابق وزیر اعظم نواز شریف کی جمہوری حکومت پر شب خون مارنے والے آمر جنرل (ر) پرویز مشرف کی اربوں روپے کی دولت پر بھی ایک ایسے وقت میں سوال اٹھایا جب انتخابات میں حصہ لینے کے لیے سیاست دانوں کو اپنے اثاثے ظاہر کرنے پڑ رہے ہیں جس کی وجہ سے انھیں تنقید کا سامنا ہے۔

پرویز مشرف وطن واپس نہیں آرہے، وکیل کا عدالت کے روبرو بیان

سابق صدر نے کہا پرویزمشرف مانتا ہے کہ وہ پیسوں سے لت پت ہے، ان کے پاس اربوں روپے کہاں سے آئے، اس کا کوئی جواب نہیں ہے۔

آصف علی زرداری نے کہا کہ پرویز مشرف نے اپنی دولت کے بارے میں کوئی ثبوت نہیں دیا، وہ کہتا ہے کہ اربوں روپے کنگ عبد اللہ نے دیے، لیکن اس کا ثبوت کہاں ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔