لاہور : پی ایچ ایف کے سیکرٹری شہباز سینئر اپنے عہدے سے مستعفی ہوگئے، ان کی جگہ آصف باجوہ کو نئے سیکیرٹری کی حیثیت سے نامزد کیا گیا ہے۔
تفصیلات کے مطابق پاکستان ہاکی فیڈریشن کے سیکرٹری شہباز سینئر نے اپنے عہدے سے استعفیٰ دےدیا ہے۔ صدر پاکستان ہاکی فیڈریشن خالد سجاد کھوکھر نے شہباز سینئر کے استعفے کی تصدیق کردی۔
صدر پی ایچ ایف کا کہنا ہے کہ شہباز سینئر نے ساڑھے 3 سال اپنی بساط سے بڑھ کر ہاکی کے فروغ کیلئے کام کیا، خالد سجاد کھوکھر نے شہباز سینئر کی جگہ آصف باجوہ کو پی ایچ ایف کا سیکریٹری نامزد کرتے ہوئے بتایا کہ آصف باجوہ کل بروز پیر کو اپنے عہدے کا حلف اٹھائیں گے۔
انہوں نے کہا کہ میری شہباز سینئر اور آصف باجوہ دونوں کے لیے نیک خواہشات ہیں۔ خیال رہے کہ شہباز سینئر نے اس سے قبل دسمبر میں بھی اپنے عہدے سے استعفیٰ دیا تھا تاہم اس وقت صدر پی ایچ ایف خالد سجاد کھوکھر نے ان کا استعفیٰ قبول نہیں کیا تھا۔
