Tag: asif zardari

اسلام آباد : سابق صدر آصف زرداری نے اپنے ساتھیوں کو خبردارکرتے ہوئے کہا ہے کہ نومبر کا مہینہ انتہائی اہم ہے ، نومبراور آگے آنے والے مہینے سیاست میں اہم ہوں گے، سندھ حکومت کے سامنے رکاوٹ ڈالنے والے ناکام ہوں گے۔

تفصیلات کے مطابق سابق صدر آصف زرداری نے اپنے ساتھیوں کو ہدایت کرتے ہوئے کہا ہے کہ نومبر کا مہینہ انتہائی اہم ہے، دیکھو اور انتظار کرو، نومبر اور اس سے آگے آنے والے مہینے سیاست میں اہم ہوں گے۔

سابق صدر کا کہنا تھا کہ سندھ حکومت کے سامنے رکاوٹیں ڈالنے والے ناکام ہوں گے ۔

گذشتہ روز سابق صدر آصف زرداری نے احتساب عدالت میں پیشی پر آزادی مارچ پر بلاول بھٹو سے طویل مشاورت کے بعد کہا کہ ہم مولانا کے مارچ کو سپورٹ کر رہے ہیں، انشاءاللّٰہ، ہماری دعائیں مولانا فضل الرحمان کے ساتھ ہیں۔

آصف زرداری کا کہنا تھا کہ مولانا فضل الرحمان کا مقصد واضح ہے، حکومت کو مزید وقت دینا ملک کے مفاد میں نہیں ، عوامی مسائل پر اپوزیشن کے پاس احتجاج کے سوا کوئی آپشن نہیں۔

سابق صدر نے کہا کہ تمام جمہوری پارٹیوں کو اب ملکر عملی جدوجہد کرنا ہوگی، کور کمیٹی اجلاس میں ملک و قوم کے مفاد میں فیصلے کئے جائیں گے، کاروباری طبقہ آرمی چیف سے ملاقات میں رو رہا ہے۔

ان کا مزید کہنا تھا کہ مولانا میرے دوست ہیں لیکن سیاست بلاول نے کرنی ہے، مولانا کی اپنی جماعت اور سیاست ہے، ہماری دوستی رہے گی۔

اسلام آباد : سابق صدر آصف زرداری نے کہا آج کشمیر کا آدھاانگ ٹوٹ چکا ہے، ہم نےغلطی کی بھارت کاساتھ دیااوراس کی پالیسی کومانا، سلام پیش کرتا ہوں، کشمیریوں کوجنہوں نےاپنی تحریک کوتقویت دی۔

تفصیلات کے مطابق سابق صدر آصف علی زرداری نے قومی اسمبلی اجلاس میں اظہار خیال کرتے ہوئے کہا کشمیرکامسئلہ بڑاہےاگرہم اسےسمجھیں، آج کشمیرکاآدھاانگ ٹوٹ چکاہے، قائداعظم نےکہاتھا2قومی نظریہ ہی چلےگا۔

آصف زرداری کا کہنا تھا ہم نےغلطی کی بھارت کاساتھ دیااوراس کی پالیسی کومانا، بھارت کونہیں پتہ کہ ہماری معاشی صورتحال کیاہے، بھارت سب جانتاہے آج کل توہرکوئی جانتا ہے۔

آج کشمیرکاآدھاانگ ٹوٹ چکاہے

سابق صدر نے کہا ہمیں تاریخ پرایک نظراورسوچ رکھنی چاہیے، ہم نےتوبھارتی اداکاراؤں کونہیں بلایاآپ نےبلایا، ہم توروز بمبئی گھومنے نہیں جاتے تھے آپ جاتے تھے۔

ان کا کہنا تھا کہ سندھ اوربنگلادیش نےپاکستان بنایاہے، آپ نےتونہیں بنایاآپ توہجرت کرکےآئےہیں، ہم نے پاکستان اس لئے بنایا تاکہ سب مسلمان یہاں رہ سکیں۔

آصف زرداری نے کہا آپ کی پوزیشن پوری دنیا کو پتہ ہے، دنیاآپ کاچہرہ دیکھ کرکسی اورسےڈائیلاگ کررہی ہے، یہ کہناورلڈکپ لےلیا،میں زیادہ مخالفت نہیں کرناچاہتا۔

میرے دور میں یہ ہوتا تواس وقت عرب ممالک، چین، روس، ایران اوردوسرے ممالک کے فوری دورے کرتا

پی پی کے شریک چیئرمین کا کہنا تھا کہ میں نے کشمیریوں سےملاقاتیں کی ہیں، میرے دور میں یہ ہوتا تواس وقت عرب ممالک، چین، روس، ایران اوردوسرے ممالک کے فوری دورے کرتا،اور ممالک کو اپنے ساتھ کھڑا کرکے بھارت کوحالیہ اقدام پر جواب دیتا۔

انھوں نے کہا کہ میں مشرف کی طرح چین ڈانس کرنےنہیں گیا، میں سمجھتاہوں چین اورہمیں ساتھ رہنےکی ضرورت ہے، آپ جو دوسروں کیساتھ کررہےہیں اسی لئےکوئی ساتھ نہیں کھڑا ، عوام ہمارے ساتھ کھڑی ہے۔

آصف زرداری کا کہنا تھا کہ کشمیریوں کوخراج تحسین پیش کرتاہوں،برطانوی پارلیمنٹ میں قرارداد لائے، کشمیری شہداکی پاکستان کےجھنڈےمیں تدفین ہوتی ہے، سلام پیش کرتاہوں کشمیریوں کوجنہوں نےاپنی تحریک کوتقویت دی۔

فخر ہے پاکستانی جھنڈے میں کشمیری شہیدوں کودفن کیاجاتا ہے

سابق صدر نے کہا مقوضہ کشمیرمیں کوئی ایساکشمیری نہیں جس پر تشدد نہ ہوا ہو، کشمیری بھائیوں پر فخر ہے، برٹش اسمبلی میں قرارداد پیش کی ہے، فخر ہے پاکستانی جھنڈے میں کشمیری شہیدوں کودفن کیاجاتا ہے۔

ان کا کہنا تھا کہ دن دیہاڑے کشمیری پاکستان کاجھنڈہ باندھ کرنکلتےہیں، کشمیرمیں کوئی گھرایسا نہیں جہاں کوئی شہادت نہ ہوئی ہو۔