ARYNews.tv | Urdu – Har Lamha Bakhabar

Tag: asif zardari

  • لاہور: پیپلزپارٹی ہی اصل اپوزیشن ہے، آصف علی زرداری

    لاہور: پیپلزپارٹی ہی اصل اپوزیشن ہے، آصف علی زرداری

    لاہور:سابق صدر آصف علی زرداری نے کہا ہے کہ پاکستان میں اصل اپوزیشن کا کردار پیپلز پارٹی ادا کر رہی ہے دوسری سیاسی جماعتوں کو بھی رواداری اور صبر کی سیاست سکھانا چاہتے ہیں۔

    بلاول ہاؤس لاہور میں اوکاڑہ ڈویژن کے نمائندوں سے ملاقات کے موقع پر سابق صدر کا کہنا تھا کہ شہید ذوالفقار علی بھٹو نے دنیا بھر میں مسئلہ کشمیر کو اجاگر کیا، پیپلز پارٹی کسان مزدور اور ٹیکسٹائل سیکٹر کی ترقی کے لیے تھنک ٹینک بنائے گی ۔

    ان کا کہنا تھا پہلی بار موقع مل رہا ہے کے پارٹی کی تنظیم سازی کی جائے۔ سابق صدر کا کہنا تھا پنجاب کے بعد بلوچستان اور کے پی کے میں بھی بلاول ہاؤس بنائے جائیں گے۔

  • سیاست میں بال ٹمپرنگ نہیں چلتی،آصف علی زرداری

    سیاست میں بال ٹمپرنگ نہیں چلتی،آصف علی زرداری

    سرگودھا: سابق صدر آصف علی زرداری پنجاب میں پیپلزپارٹی متحرک کرنے کیلئے سرگرم ہوگئے، آصف زرداری نے پیپلزپارٹی سرگودھاڈویژن کے رہنماؤں کا اجلاس طلب کرلیا۔

    کہتے ہیں کارکنوں کے ساتھ براہ راست رابطہ کرنا چاہتا ہوں، مڈل مین قبول نہیں، آصف علی زرداری کاکہناتھا کہ پیپلزپارٹی وسط مدتی انتخابات اور سسٹم کو عدم استحکام کا شکار نہیں دیکھنا چاہتی۔

    انتخابات کب ہوں گے اس کافیصلہ بطور اپوزیشن جماعت پیپلزپارٹی اورحکومت کریں گے۔سیاستدان کھلاڑی اور کھلاڑی کبھی سیاستدان نہیں بن سکتا اور سیاست میں بال ٹمپرنگ نہیں چلتی۔آصف زرداری کاکہناتھا۔جن لوگوں نے موجودہ پریشر بنایا، ان کا کام ہو گیا ہے،اب گھروں کو جائیں گے۔

  • آصف علی زرداری کی چوہدری برادران سے ملاقات

    آصف علی زرداری کی چوہدری برادران سے ملاقات

    لاہور: سابق صدر آصف علی زرداری کی چوہدری برادران سے ملاقات، موجودہ سیاسی صورتحال پر تبادلہ خیال، تفصیلات کے مطابق
    لاہور بلاول ہاؤس میں آصف زرداری اور چوہدری برادران کے درمیان ملاقات ہوئی۔

    ملاقات میں موجودہ ملکی سیاسی صورتحال پر تبادلہ خیال کیا گیا۔ اس موقع پر چودھری شجاعت، پرویز الہٰی، شیری رحمن، سینیٹر قیوم سومرو بھی شریک تھے۔

    ملاقات کے موقع پر سابق صدر زرداری کا کہنا تھا کہ مفاہمت کی سیاست پر یقین رکھتے ہیں۔ ہمارے مدنظر اقتدار نہیں جمہوریت کا استحکام ہے.

    ملک کو جن چینلجز کا سامنا ہے اس کے لئے سیاسی اتحاد کی اشد ضروری ہے۔ ہماری خواہش ہے کہ جتنا جلدی بحران حل ہوسکے اسے ہونا چاہیئے۔

  • نوازشریف عید قرباں رائے ونڈ میں منائیں گے

    نوازشریف عید قرباں رائے ونڈ میں منائیں گے

    اسلام آباد:عید قربان پر سیاست دانوں نے بھی بھرپورتیاری کی ہے، سیاسی رہنما عید قربان کہاں منائیں گے ،اس حوالے سے رپورٹ کے مطابق سیاست دانوں نے بھی عید کی تیاری کررکھی ہے ۔

    وزیراعظم نوازشریف عید قربان رائیونڈ میں منائیں گے جبکہ وزیراعلیٰ شہباز شریف کی عید  سیلاب زدگان کے ساتھ۔ ہوگی۔کپتان عمران خان نے تو پہلے ہی کہہ رکھا ہے کہ وہ عید دھرنےمیں یعنی اسلام آباد میں منائیں گے۔

    انقلابی رہنماعلامہ طاہر القادری کی عید بھی عوامی کارکنان کے ساتھ اسلام آباد میں ہی ہوگی۔سابق صدر آصف علی زرداری عید پرلاہور میں ہونگے، جبکہ ان کے صاحبزادہ چیئرمین پیپلز پارٹی بلاول بھٹو زرداری کراچی میں عید منائیں گے۔

    چودھری برادران عید اپنے آبائی شہر گجرات میں منائیں گے ،جبکہ چودھری پرویزالٰہی بھی عید پر متاثرین سیلاب کے ساتھ ہونگے.عوامی نیشنل پارٹی کے رہنمااسفند یارولی عید پراپنے آبائی علاقےولی باغ چار سدہ میں ہونگے۔

    جبکہ مولانا فضل الرحمان سعودی عرب میں فریضہ حج کی سعادت حاصل کر رہے ہیں اور جماعت اسلامی کے امیر مولانا سراج الحق عید قربان آبائی علاقے دیر میں منائیں گے۔

  • پاک چین دوستی لازوال مثال ہے، آصف علی زرادری

    پاک چین دوستی لازوال مثال ہے، آصف علی زرادری

    بیجنگ :سابق صدر آصف علی زرادری کا کہنا ہے کہ گوادرپورٹ چین کودینادونوں ممالک کےدرمیان دوستی کی لازوال مثال ہے,، بیجنگ میں ہونے والی سندھ سرمایہ کاری بورڈاورچائناپاک اکنامکس ٹریڈکانفرنس میں سابق صدر آصف زرداری ، بلاول بھٹوزرداری اور وزیراعلی قائم علی شاہ نے اجلاس میں شرکت کی۔

    اس موقع پر آصف علی زرداری کا کہنا تھا کہ سندھ قدرتی اورمعدنی وسائل سے مالا مال ہے ۔پاک چین دوستی پر انہوں نے کہا کہ چین اور پاکستان کی دوستی ساٹھ سال پر مشتمل ہے ،دونوں ممالک اچھےمستقبل کیلئےمل کر بہترکردارادا کرسکتے ہیں ۔

    سابق صدر آصف علی زرداری نے کہا کہ تعلقات کو مزید مضبوط کرنے کیلئے دو طرفہ تجارت اہم ہے۔ آصف علی زرداری نے کہا کہ چین کےتاجر برابری کی بنیاد پر حکومت سے مل کر تجارت کریں ۔

    چائنا اکنامکس کوآپریشن کے حکام نےسندھ میں سرمایہ کاری کی یقین دہانی کرائی ۔ کانفرنس میں ایڈوائزر فنانس مراد علی شاہ اوردیگرحکام بھی شریک ہوئے ۔

  • موجودہ سیاسی صورتحال ملک کیلئےتباہ کن ہے،رحمان ملک

    موجودہ سیاسی صورتحال ملک کیلئےتباہ کن ہے،رحمان ملک

    کراچی: سابق وزیرداخلہ رحمان ملک کہتے ہیں کہ موجودہ سیاسی صورتحال تباہ کن ہے۔ معاملات کا حل نہ نکالا گیا تو ہم خانہ جنگی کی طرف چلے جائیں گے،ان خیالات کا اظہار انہوں نے کراچی ائیرپورٹ پر صحافیوں سے گفتگو کرتے ہوئے کیا۔

    سیاسی صورتحال سنگین  ہوتی جارہی ہے،جس کے باعث سیاسی قائدین کی تشویش میں اضافہ ہورہاہے۔پییلزپارٹی کے رہنما اور سابق وزیر داخلہ رحمان ملک نے مزید کہا کہ سیاسی جنگ چھڑچکی ہے۔ اور اگر اب بھی موجودہ معاملات پر قابونہ پایا گیا تو ملک  خانہ جنگی کی طرف چلاجائے گا۔

    سابق وزیر داخلہ نےکہا کہ سیاسی جماعتوں کومل کرمسائل کاحل نکالنا چاہیے۔سابق صدر آصف زرداری موجودہ مسائل کے حل کے لئے سر توڑکوششیں کررہے ہیں۔

    رحمان ملک نےکہا کہ سیاسی کشیدگی کے باعث ملک کو تباہی کے دہانے پر پہنچا دیا گیا ہے، لہٰذا ارباب اختیار صرتحال کی سنگینی کا احساس کرتے ہوئے معاملات کو جلد از جلد افہام و تفہیم سے نمٹائیں۔

  • آصف زرداری کا مولانا فضل الرحمٰن سے ٹیلیفونک رابطہ

    آصف زرداری کا مولانا فضل الرحمٰن سے ٹیلیفونک رابطہ

    کراچی: پیپلز پارٹی کے شریک چیئرمین آصف زرداری نے جے یو آئی کے سربراہ مولانا فضل الرحمان سے ٹیلیفون پر رابطہ کیا اور موجودہ سیاسی صورتحال پرمشاورت کی۔ سابق صدرنےجمعیت العلمائے اسلام کے سربراہ مولانا فضل الرحمان سے بات چیت کے دوران ملک میں جاری سیاسی محاذ آرائی اوراس کے حل کے بارے میں تبادلہ خیال کیا۔

    ذرائع کے مطابق دونوں رہنماؤں کا کہنا تھا کہ اسلام آبا دمیں جاری سیاسی بحران کے حل کے لئے آئین کے دائرے میں رہتے ہوئے بامقصد مذاکرات کئے جائیں تاکہ مسئلے کا حل نکل سکے،سابق صدر آصف علی زرداری نے کہا کہ ہماری جماعت موجودہ حکومت اورمارچ کے شرکاء کے درمیان سیاسی کشیدگی ختم کرنے کیلئے اپنا کردار ادا کر رہی ہے حکومت کو بھی سنجیدگی کا مظاہرہ کرنا چاہئے۔

  • نواز شریف سیاست آصف زرداری سے سیکھیں، لطیف کھوسہ

    نواز شریف سیاست آصف زرداری سے سیکھیں، لطیف کھوسہ

     لاہور: پیپلزپارٹی کے سیکرٹری جنرل لطیف کھوسہ نے کہا ہے کہ ہم آئینی طریقے سے وزیراعظم کے استعفے کی حمایت کرتے ہیں،انہوں نےنواز شریف کو آصف زرداری سے سیاست سیکھنے کا مشورہ دیا۔

    پیپلزپارٹی کے سیکرٹری جنرل سردار لطیف کھوسہ کہتے ہیں کہ ریاست اور ریاستی اداروں کو حکومت کے تابع نہیں ہونا چاہیئے۔ وزیرِاعظم نواز شریف ذوالفقار علی بھٹو سے بڑے لیڈر نہیں ہیں کہ اُن کے خلاف مقدمہ درج نہیں ہوسکتا۔

    انہوں نےسانحہ ماڈل ٹاؤن کےاکیس نامزد ملزمان کے خلاف مقدمہ درج کرنے کی حمایت کرتے ہوئے کہا کہ پیپلز پارٹی دھرنوں کی سیاست کا حصہ نہیں بنے گی لیکن آئینی طریقے سے وزیراعظم کے استعفے کی حمایت کرتے ہیں۔ لطیف کھوسہ کا کہنا تھا کہ نوازشریف کو سیاست آصف زرداری سے سیکھنی چاہیئے۔

  • سیاسی نظام بچانے کے لئے پیپلز پارٹی، ن لیگ سرگرداں

    سیاسی نظام بچانے کے لئے پیپلز پارٹی، ن لیگ سرگرداں

    واشنگٹن : پاکستان کے حوالے سے اہم پیش رفت سامنے آئی، ایک طرف وزیر اعظم کے معاون خصوصی طارق فاطمی کی اہم امریکی عہدیداروں سے ملاقات جاری ہے تو دوسری جانب سابق صدر آصف علی زرداری امریکہ کے نائب صدر جوبائیڈن سے امریکی ریاست ورجینیا میں افطار ڈنر میں ملاقات کریں گے۔

    سابق صدر آصف علی زرداری نے موجودہ جمہوری نظام کو ہر صورت میں سہارا دینے کا عندیہ دیا ہے، طارق فاطمی آج ڈپٹی سیکرٹری خارجہ ہل برن سے ملاقات کریں گے۔

    اسی طرح وزیر اعظم نواز شریف رمضان المبارک کا آخری عشرہ سعودی عرب میں گذار کر سعودی حکام کی حمایت حاصل کرنے کی کوشش کریں گے۔

  • عمران خان کے مطالبے کی حمایت کرتے ہیں، آصف زرداری

    عمران خان کے مطالبے کی حمایت کرتے ہیں، آصف زرداری

    دوستانہ اپوزیشن کی دیوارمیں رنجش کی دراڑ پڑ گئی۔ سابق صدر آصف زرداری نے بھی عمران خان کے چار حلقوں میں دوبارہ گنتی کے مطالبے کی حمایت کردی، دوستانہ اپوزیشن کی کشتی ہچکولےکھانے لگی۔نوازشریف کی سندھ میں مداخلت پیپلزپارٹی کی آنکھ کا کانٹا بن گئی۔ سابق صدر اور پیپلز پارٹی کے شریک چیئرمین آصف علی زرداری نےکہا ہے کہ عوام نےنوازشریف کو وزیراعظم منتخب کیا تھا۔ بادشاہ نہیں بنایا۔

    نوازشریف کو دوسرے صوبوں میں مداخلت کا حق نہیں۔دوہزار چھ میں میثاق جمہوریت سے شروع ہونےوالے پی پی ن لیگ دوستی کے سفرمیں کئی رکاوٹیں آئیں لیکن کبھی دونوں جانب سے تیسری سیاسی قوت کی کھل کر حمایت نہیں کی گئی۔سابق صدر کو وزیراعظم کی مداخلت اتنی ناپسند آئی کے تحریک انصاف کے چار حلقوں پر ووٹنگ کے مطالبے پر بھی چپ کا روزہ توڑ ڈالا آصف زرداری نے عمران خان کے مطالبے کی حمایت کرتےہوئے کہا دوبارہ گنتی کرانے میں کوئی حرج نہیں چار حلقے ہوں یا چالیس گنتی ضرورہونی چاہئے۔سابق صدر زرداری نے کہاجمہوریت کی بقا کی خاطر انتخابی نتائج تسلیم کئےنوازشریف دوبارہ گنتی کے مطالبے پر خوفزدہ ہیں